#قصائد_لستشهد_السدة_رقية_ع_١٤٤٤_هـ#مـۄسسـﮫ_مــﻥــبـريۄن_للالـﺢــان#الناشر_احمد_الـــزوار_cطفله رقية شكد عذبوها
😭 سكتوها بطشت من رادت الابوها
💔 ـــــــــــــــــــــــــــــــــــــــــــــ
وكأني بمولاتي رقيه ع تقص على مولاي الحسين ع مارأت في منامها وتقول
روحي من دون الليالي امرمره
شمااغمض اعيوني اشوفن مكبره
هل حلم اذاني حيل // زغيره بس شيبني جيل
بويه يحسين // بويه يحسين
--------------------------------------------
هل حلم يابويه ابد مافاركاني
شمااغمض اعيوني توجعني اذاني
نذل بيده حبال خشنه اوجتفاني
سحل جاباني ابهزيله اورچباني
فسره يابويه الحلم خليني اهيد
حتى اسولفلك بعد حلمي الجديد
حلم بي دمك يسيل // زغيره بس شيبني جيل
------------------------------------------
بويه هاي الرؤيه كلش عذبتني
زغيره والظالم طبع صوطه على متني
نار بذيال العبايه اشكد جوتني
حرت اطفي النار لو اشبكك شفتني
بلايه راس وحرت اشمك يا كتر
سهام ورماح اعله جسمك يالذخر
بويه لتشوف العليل // زغيره بس شيبني جيل
--------------------------------------------
هالحلم قالقني بي ريحة منيه
بويه موش خيول عدهم اعوجيه
الورد داسنه او تطشر كلشي بيه
فطر كلبي وحزنت السبعه عليه
احجي يابويه الحلم خل استراح
شنهي عود اجبال شالتهم الرماح
والحلم كلش طويل // زغيره بس شيبني جيل
-------------------------------------------
بويه الا من ناصر هواي اسمعتهه
بويه من اركض عليك اشكد صحتهه
ركضت فوك الشوك باجدامي دستهه
ردت اكظ اذيال عمتي ومالحتهه
لا تكلي انه المشت فوكه الخيول
بويه عمري خلاف عمرك لايطول
بالله شي برد الغليل //زغيره بس شيبني جيل
------------------------------------------،
كلشي بيد الله الحلم يصبح حقيقه
رقيه ماتحمل الم كلش رقيقه
وانه ذيج الساعه ردتك بس دقيقه
بس لگيتك جثه وجروحك عميقه
شنهي عود الكمر طاح امن السمه
وذبلت اغصان اشكثر من الضمه
وينه جا عمي الكفيل // زغيره بس شيبني جيل
--------------------------------------
حسين الزيدي
ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1▪️مؤسسة منبريون لنشر القصائد 2
@ahmed_alziwar2▪️مؤسسة منبريون للمقامات3
@ahmed_alziwar3▪️مؤسسة منبريون للنعي4
@ahmed_alziwar55(كروب مؤسسة منبريون)
الكروب الاول
👇https://t.me/+tVfRCNCfpmJlMGRiالكروب الثاني
👇https://t.me/+tVGiZHdfNq81ZGYy▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg▪️قناة الحان الرادود
احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA