RETRO HIKOYALAR

#Ramazon муборак бўлсин бегим 4-қисм

#MUALLIF_NAFISA_MALIKOVA

Ойдин хола қизи Назокат билан келинини намоз ўқиётганини зимдан ҳавас билан кузатиб туришарди.
-Ойи нима дейсиз мен ҳам ўқий олармикинмина???-келинга меҳр билан қараб қўяркан Назокат.
-албатта қизим астойдил ҳоҳласанг ўрганасан онаси йўқ бўлса ҳам отаси аъло тарбия берибди қўшниларидан ҳам умуман ёмон гап эшитмадим..ҳам сендан 2ёш кичик қара..отасига раҳмат-деганча ўғли билан келинини узоқ дуо қилди Ойдин хола.Шу пайт Тоҳир уйидан чиқиб келди.
-ҳа ўғлим қаёққа дарров-ажабланди Ойдин хола уни башанг кийиниб олганини кўриб.
-ака бунча атирга чўмилдингиз-бурнини беркитди Назокат.
-ойи мендан хавотир олманг ўртоқларим чақиришди бир бориб келай тез келаман-деб Тоҳир тез тез юрганча чиқиб кетаркан.
-ҳай болам чиллалисана..тез қайтгин..-деганча жавраб қолиб кетди Ойдин хола.
-ойи ишқилиб акам ўша қиз билан яна учрашмасмикина?
-жимм ахмоқ қиз кеннойинг эшитмасин..мени ўғлим бўлса ундай қилмас агар қилса қайтиб ўғлим демайман уни-жахли чиқди Ойдин холани.Настарин намозини ўқиб бўлиб секин ховлига чиқди.Уерда қайнонаси ва қайнсинглисини кўриб бироз шошиб қолди.
-ҳалиги мен шунчаки..намоз ўқиб олдим-деди кўзи ер чизиб.
-болам бу уй энди сеники..ҳечам тортинмагин..
-кеннойи мен ҳам намоз ўқисам майлими очиғи ҳавасим келди сизга-деди илтижоли тикилиб.
-бажонидил ўргатаман бундан буён опа сингилмиз ўзи роса опам бўлишини ҳоҳлардим мана Оллоҳга шукур эришдим-чин дилдан қувонди Настарин.Ойдин хола уларни кўриб меҳри жўш урди."Пешонам беш қарич экан шундай келин йўлиқди"деб ўйлади уларни мамнун кузатаркан.
-Тоҳир жўраларини олдига кетди..кунбўйи ёлғиз ўзинг зерикасан шунчун бемалол Назокат билан ҳангома қилиб ўтиравер қизим мен бўлсам бироз дам олай қарибман шекилли чарчаб қолдим-деб уйларига кириб кетди.
Тоҳир шу куни алламахалда кириб келди.Настарин қайнсингилисини ёнида ухлаб қолувди.Шовқин сурондан уйғониб кетди.Афтидан қайнотаси ва қайнонаси уни обдон уршишаётганди.

#Ramazon муборак бўлсин бегим 3-қисм

#MUALLIF_NAFISA_MALIKOVA


Маросим ҳам тугаб ҳамма келин томонидан келган қовурдоқ билан меҳмон қилинди.Настариннинг амма-ю холалари унинг онасини ўрнини билдирмаслик учун айланиб ўргилишарди.Настариннинг кўнгли ўксиди балким онаси ҳаёт бўлганида унинг кўнглига қараган бўлармиди...Ҳамма меҳмонлар кетгач у ҳам йиғиштиришга ёрдамлашмоқчиди қайнонаси енгилгина уршиб берди:
-қўй болам ўзи салом қилиб чарчадинг кириб дамингни ол мана Назокат иккимиз йиғволамиз деди Настариннинг қайнсинглисига ишора қилиб.Настарин секин хонасига кириб ўтирди.Хонани томоша қиларкан уйдагиларнинг дидига тан берди.Чиройли услубда нақш солинган..дадасининг топгани рўзғордан ортмасди.Шунинг учун ҳам Настарин бошқа қизларга ўхшаб эркалик қилмасди.Доим рўзгорни кам кўстига қараб харажат қиларди.Шу сабабли ҳалигача телефон ишлата олмади.Тўғри оддийи бор эди аммо уни тўйдан олдин укасига берди.Шу пайт хонага Тоҳир кириб келди.Настаринга эътибор ҳам бермади.Қўл телефонини олиб кимгадир телефон қилди:
-ало жониммм яхшимисан-қандайдир қизни эркаларди-сени соғиндимку..аразлама нега ҳафасан ахир тушунтирдимку унга қўлимни учини ҳам теккизмадим-Тоҳир Настарин тарафга жиркангандек қараб қўяркан.Яна алланималар ҳақида уялмай бемалол гаплашишди.Настаринни ғурури ҳеч қачон бунчалик топталмаганди.
-бас қила оласизми-Тоҳирга жахл билан секин овозда гапирди.Уйдагилар атрофда бўлса эшитиб қолмасин деб.
-тўхта Асалим-деганча телефонни қўйиб Настаринга қаради-ҳозир нима дединг???
-бас қилинг дедиммм-асабийлашди Настарин.
-оҳоо ҳали тилим чиқиб қолди де-Тоҳир куч билан уни сочини чангаллади-индамаганимга ўзингдан кетябсанми? Сендек бечора камбағал қизни мендек бой йигит нега олди сенингча..-қизнинг қулоғига алам ва нафрат билан шивирлади.Настарин оғриқдан бақириб юборди.Шу пайт эшикни қайнонаси таққилатди:
-тинчликми Тоҳир?-афтидан у Настаринни овозини эшитганди.
-тинчлик ойи..келинингиз эркалик қиляпти-деб кулганча Настаринни итариб юборди ўзидан.
-ҳа болам ҳали ёшда қўй ухлаб олсин-деганча кетди қайнонаси.Настарин оғриқ ва аламдан лабини тишлади.Бундай азобу уқубатлар отасининг бошини ҳам қилишдан кўра минг марта яхшироқ..майли ҳоҳлаганича қийнасин мен таслим бўлмайман..шундай деб ўйлаб ўрнидан туриб намоз ўқигани чиқиб кетди.

#Ramazon муборак бегим 2-қисм

#MUALLIF_NAFISA_MALIKOVA

-сизнинг ҳам исмингиз нима эди яхши йигит..-секин алам билан шивирлади қиз.Куёв ундан кутмагани учун ҳайрон бўлди:
-нима исмимни билмайсанми?-жахл билан сўради Настариндан.
-йўқ..мен ҳам отам шу йигитга тегасан дегани учун тегдим..шундай экан сиз онангиз учун мен эса отам учун ўзимизни чиройли оиладек кўрсатишимиз зарур..Унинг фикрлари куёвга маъқул бўлди шекилли бошини силкиди.Иккаласи алоҳида алоҳида ухлаб тонг оттиришди.Куёвни режаси бўйича янгалар алданди.Ҳамма ҳурсанд икки ёшга бахт тиларди.
-Ували жували бўлинглар илоҳим-дуо қилди янгаси кечадан кўнгли тўлиб.Настарин ўйлаб қолди"бола кўриш мен учун армон бўлиб қолмаса бўлди".Унинг ҳали ҳам бокира қиз эканлигини ким ҳам биларди.Юзочар маросими ҳам бўлиб ўтди.
-бунча ойдек келин экане Ойдинхонни келини-ҳавас билан қарашди қўшнилар.Атлас кўйлакларда ял ял ёниб турган Настарин ҳеч кимни эътиборидан четда қолмади.Куёвдан бошқа ҳамма ҳурсанд фақат угина худди бировни маросимида қатнашаётгандек қовоғи солиқ ўтирарди.
-ҳай Тоҳир тур бу нима ўтириш-деб уршиб берди қайнонаси уни аъзада қатнашаётгандек ўтиришига."Шунчалик афсусланадиган даражада хунук эканманми"ўйлади Настарин.Ҳамма рақсга туша бошлади.Ўйин кулгу авжида ёлғиз келин ва куёвдан бошқа ҳамма бахтли.Настарин тезроқ бу маросимни тугашини кутарди.

"Рамазон муборак бегим" 1-қисм

#MUALLIF_NAFISA_MALIKOVA

Настариннинг бугун тўйи.Дадаси жуда қаттиққўл инсон бўлгани учун шу йигитга тегасан деб туриб олди.Эндигина 18га қадам қўйган қиз ўзи мустақил қарор қилишга ожиз эди.Йигит билан борйўғи 2марта кўришди.Бир келинкўйлак танлашда яна бир заксга боришганда.Негадир йигит унга совуқ муомила қиларди.Бу ёқмасада қиз уйдагиларга индай олмади.Нима ҳам дерди унинг кўнгли билан кимнинг иши бор...Тўй ҳам бўлиб ўтди.Настарин куёв келишини ҳаяжон билан кутарди.Турмуш қурган янгалари унга ажиб ҳангамалар айтиб бериб қизни анча ҳуркитиб қўйишганди.Мана Рамазондан олдин тушириб оламиз деб қўярда қўймай қуда тараф келин қилиб олди.Настарин ҳар йили қолдирмай рўза тутади.Ҳар намозида онасининг ҳаққига дуо қилади.Онасидан эрта етим қолгани учун дадаси кўнгли ўксимасин деб бошқа турмуш қурмади.Ўзини шу қизи ва ўғлига багишлади.Шунинг учун ҳам Настарин дадасининг ҳеч бир қарорига қарши чиқмайди.Хона эшиги очилиб секин куёв боланинг қадам товуши эшитилди...Настаринни юраги қинидан чиққудек урарди.Ётоқнинг чети ғичирлаб куёвнинг ўтиргани эшитилди.Настарин ортига қарашга қўрқди.
-Исминг Настаринмиди..-куёвнинг овози дағалроқ чиқди.
-Ха..Ассалому алейкум-ваниҳоят ортига ўгирилди қиз.
-хуллас мени эшит нега тез рози бўлдинг билмадиму аммо мени сенда кўнглим йўқ..ўзимни севганим бор аммо онам сенга ёпишиб туриб олдилар келин қиламан деб..сен ҳам эрга тегиш орзуйинг ушалди..онамни келин қилиш орзуси..-йигитнинг кўзларида совуқ ифодадан Настаринни юраги музлади.Гўё бутун орзулари ер билан яксон бўлгандек.

Oxirgi qismni kopiya qilolmadim pdfdan🙈

#Криминал_муҳаббат 67-қисм

-сиз..бу узукни қаердан олгансиз-зўрға гапира бошлади Шохруҳ.
-менга буни битта бевафо йигит берган..-деганча Маъмура ниқобини секин кўтарди.
-Маъмура..-ўзини овозини узоқдан эшита бошлади Шохруҳ.
-қалай мусаллас ёқдими-кулди қиз-бу менга индамай кетиб қолганингиз учун деганча ёнидан уйқу доричани чиқариб кўрсатди.
-сен ҳали...-кўзлари юмила бошлади Шохруҳни.
-нима қилай минг қилсам ҳам жосуснинг севгилисиманда-кулди Маъмура.Шохруҳ ҳушини йўқотди.Тимуха ёрдамида Маъмура уни меҳмонҳонадан билдирмай чиқариб кетди.Чегарадан олиб ўтишга Туркиялик ҳарбий дўстлари ёрдам берди Тимухани.Шохруҳ секин кўзларини очди..Таниш шифт..«қаердаман ўзи»бўлиб ўтган воқеаларни эслашга уринаркан..
-болам уйғондингми-иссиқ тафт уни бошини силай бошлади.Шохруҳ ҳайрат билан тепага қаради,қарадию қувончдан йиғлаб юборди:
-онажон..-онасини маҳкам қучиб йиғлай бошлади-сизни росаям соғиндим..
-мен ҳам ўғлим..дўстинг билан келинимга рахмат улар сени олиб келишмаганда онам бор деб келмасдинг ҳам..-онасининг ҳам кўзларидан ёш оқарди.
-келиним..-ҳайрон бўлди Шохруҳу шу ердами?
-ҳа ўғлим шу ерда..ошхонада овқат қиляпти..онасига раҳмат жуда тарбияли қиз экан-Маъмурани мақтай бошлади онаси.Шохруҳ Маъмурани тезроқ кўргиси келарди..
Секин ўрнидан туриб онаси билан ошхонага ўтишди..У ерда Тимуха бамайлихотир чой ичиб ўтирарди.
-сен нималар қилиб юрибсана-ёлғондакам жахл билан сўради Шохруҳ.
-катта савоб ишга қўл урдим оғайни-деб ўрнидан турганча уни маҳкам қучоқлади-яхшимисан дўст?
-рахмат дўстим ҳаммаси учун-Шохруҳ ҳам уни меҳр билан қучоқлаб қўйди.Секин атрофдан уни қидирди..Тимуха буни сезиб кулди:
-қидираётганинг ҳовлингдаги атиргулларни кўриб кўзи қувнаб кетди..бормасанг ҳозир бутун гулларни узиб чиқади-кулди Тимуха.
-қўе болам ундай дема ҳоҳлаганича олсин-деди Шохруҳнинг онаси хурсанд бўлиб-бориб чақириб кел бирга овқатланамиз-деб Шохруҳни чиқариб юборди.

#Криминал_муҳаббат 66-қисм

Зокир ўғлига ўзларининг шахсий шифокорини чақиртирди.Шифокор болакайни обдон текширгач:
-болага кўпроқ эътибор беринг илтимос томоғи қизариб кетган бир икки кун укол олади ҳамширам келиб қилиб кетади-деди ва керакли дориларни ёзиб берди.Доктор кетгач Зокир Нарминга жахл билан:
-болага муздек нарса берма дегандимку..нега қарамадинг-дея уриша бошлади.Нармин ҳам бўш келмай узоқ тортишишди.
-биласизми ҳозир ҳудди эр хотинлардек уришаяпмиз-деганча кулиб юборди Нармин.
-ростдан-кулиб юборди Зокир ҳам.
-илтимос бу кеча ёнимда қолинг ваъда бераман бу кечани умуман бўлмагандек унутиб юбораман-деганча Зокирга соғинч билан термулди ва Зокирни қўлидан ушлаганча ўз хонасига етаклади.Зокир бу сафар унга қаршилик қилолмади.
Маъмура бор йиққан пулларини олиб йўлга чиқди.Уни юраги тезроқ дийдор кўришмоқ учун умид билан урарди.Тимуха билан тузган режаси бўйича ҳаракатлана бошлади.Айтилган меҳмонҳонага келиб оқсочлар кийимини кийиб олди.Тимуха бор ишда уни қўллаб қувватлаб турди.У тезроқ Алини ўзига келишини бир зум бўлса ҳам дўстини бахтиёр кўриш учун келганини ҳам айтмади дўстига.Маъмура юраги ҳапқириб айтилган хонани тақиллатди.Тимуха берган юз ниқобида уни таниб бўлмасди.Эшикни кўзлари анча нурсиз бўлиб қолган ўша уни ёлғиз қолдириб кетган бевафо севгилиси Шохруҳ турарди.
-келинг-деди хайрон бўлиб.
-хона хизмати меҳмонхонамиз 15йиллигини нишонлаётгани туфайли ҳамма мижозларимизга мусаллас тарқатаётгандик -деди Маъмура овозини бироз ўзгартириб гапираркан.Шохруҳ уни ичкарига киритиб диванга ўтирди.
-унда айни пайтида келибсиз-деди Маъмурага қараб-севги дардида куяётган қалбларга малҳам бўлар бу мусаллас-деганча қадаҳни бир кўтаришда ичиб юборди.
-раҳмат-деганча қадаҳни узатаётиб қизнинг бўйнидаги тақинчоққа ҳайрон қараб қолди.Ахир бу Маъмурага берган узугику..бу қизни бўйнида нима қиляпти..қайта қайта қизга қаради аммо ўхшашлик тополмади..секин боши айланаётганини сезди Шохруҳ...

#Криминал_муҳаббат 65-қисм

Идрис узоқ ўйланиб тургач:
-Шохруҳни топ..
-Шохруҳ бу ўша йигитми?
-ҳа ҳозир касалхонада бўлиши керак..
-ундан шубхангиз борми..?
-балки уни ҳам алоқаси бордир Сулейманга..-Идриснинг кўзларидан умид учқуни йўқолди.
-хавотир олманг дада буткул озод қилиш йўлини тополмасам ҳам ҳеч бўлмаса қўлимиздаги пуллар билан касалхонага жойлаштиришга ҳаракат қиламан..Қамоқхона зобити учрашув вақти тугаганини айтгач мажбур отаси билан хайрлашди.Қамоқхонадан тўғри касалхонага ўтди.Маъмура ишлайдиган жойку ўйлади Зокир отаси айтган манзилга келгач.Ичкарига кириб бош шифокорга учрашди.Шохруҳнинг чиқиб кетганини қамоқхонага жойлашганини айтишди.Аммо қамоқдан у маҳбус ҳақида ҳеч нима аниқлолмади.Зокирнинг боши қотди.Идрисни қутқаришни ҳеч қандай чораси йўқ..Наҳотки никоҳ тўйида отаси қатнашмаса..Шу пайт қўл телефони жиринглади.
-Ало Нармин эшитаман?
-Зокир ака тез келинг негадир Закирни мазаси бўлмаяпти..докторга обориш керак шекилли..-Нарминниг овози хавотирли эди.
-ҳозир етиб бораман-Зокир шошганча машинасига ўтирди.Малика ва Сурейя ҳам Идрисни кўриб келишди.Сулейман эса Зокир билан учрашиш учун пайт пойлай бошлади.Маъмура уйга етиб келиб ичкарига кираркан онасини қидирди.
-ойи қаердасиз?
-ҳа қизим-ошхонадан онасининг овози эшитилди.
-ойи сиздан бир нарса сўрайман фақат ростини айтинг...
-ҳа сўра қизим-онаси Маъмурага жиддий тикилди.
-бойлик одамни бахтли қиладими ё муҳаббат..-Маъмура бир нуқтага тикилганча онасидан жавоб кутарди.Саодат опа қизи нега бундай савол берганини қалбан англаб турарди.Ўғли онаси бошқа йигитга розилик билдирганини билгач ҳаммасини Саодат опага айтиб берганди.Шундагина она тушунди нега қизи бу қадар дард чекиб юрганини.
-қизим сенга оналик маслаҳатим бойлик ҳеч қачон бахт келтирмайди ўртада муҳаббат бўлмаса..муҳаббат дунёдаги энг олий неъмат-деб қизининг бошини силаб қўйди.
Маъмуранинг юзларига қон югурди.Бу расман айтилмасада онаси томонидан билдирилган розилик эди.
-ойи менга 5кунга рухсат бероласизми???
-ҳа бераман фақат ортиқ йиғламайман десанг-кўзлари ёшланди Саодат опани.Унинг учун қизининг кўзлари бахтдан порлаб турса бўлгани.
-раҳмат меҳрибон онажоним ўзимни-дея Маъмура онасини маҳкам қучди.

#Криминал_муҳаббат 64-қисм

Маъмура Тимуха билан шинамгина кафега кириб ўтирди.Йигит иккисига ҳам кофе айтди.
-биласизми Маъмура сизни ёнингизга келганимдан Шохруҳ бехабар.Аслида уни исми Шохруҳ эмас Али.У сизни ташлаб кетгани йўқ..яна ундай деб ўйламанг..шунчаки мен унга яқин дўсти сифатида ўзини тамом қилаётганини жим кузатиб тура олмайман.Ўша куни Шохруҳни шошилинч чақиртиришди...
-Али келдингми? Ҳозироқ Туркияга жўнаб кетишинг зарур сен учун ҳужжат ҳамма нарса тайёрланган..
-аммо мудирим Идрис иши ҳали ниҳоясига етмади..
-буни ўзимиз ҳал қиламиз сен туфайли асосий маълумотларни қўлга киритдик Идрис деярли қўлимизда битта хато қилса бўлгани..
-унда касалхонага қайтиб нарсаларимни йиғсам бўладими?-илтижо билан тикилди Шохруҳ.
-йўқ асло уердагиларга сени бошқа қамоққа ўтқизганимизни айтдик қайтиб борсанг шубхаланишади ҳозироқ йўл тадоригини кўр-гап тамом дегандек ҳужжатларни Шохруҳга берди.Тимуха бу пайтда уларни ёнида эди.Шохруҳнинг ўшандаги ахволини таърифлай олмайди..Бурч ва муҳаббат тўқнаш келганда қайси бирини танлашга қийналётган ошиқ йигит..жонини фидо қилар даражада севган касби ва ундан кам бўлмаган муҳаббати..
у ҳозир Туркиядами-кўзларини чексиз соғинч қамраб олди Маъмурани.
-ҳа мана бу у жойлашган меҳмонҳона..мана бу эса онасининг манзили..мана бу Туркияга билет сен учун..танловни сенда қолдирдим..Али бу йўлдан қайтмайди юраги парча парча бўлиб кетса ҳам давом этаверади..дунёда Идрисга ўхшаган каламушлар сон мингта уларни қириб тугатишга Алини вақти етмайди..у озроқ бўлса ҳам бахтли бўлишини ҳоҳлайман..-деди йигит ҳорғин-сиз яхшилаб ўйлаб кўринг хайр мен кетдим..деганча ўрнидан туриб тўловни қилиб чиқиб кетди.Маъмура чуқур ўйга толиб вақт ўтаётганини ҳам сезмасди..демак Шохруҳ бурчи туфайли кетган Маъмурани жонидан ҳам ортиқ кўраркан..хатто дўсти ҳам буни
унинг нигоҳидан сезган бўлса..эх Шохруҳ ака сизсиз мени яшай олади деб ўйладингизми???-Маъмурани кўзидан томчи ёш сизиб чиқди.

#Криминал_муҳаббат 63-қисм

Маъмурани ҳаёли эса фақат Шохруҳда эди.Зокир айтаётган гаплар қулоғига кирмасди.
-майли розиман..фақат мени тинч қўйинг...Тез тез юрганча Зокирдан узоқлашиб кетди.Зокир уни бироз ўз ҳолига қўйишни ҳоҳлаб тинч қўйди.
-Сизни мумкинми?-деди кимдир орқадан.Маъмура ялт этиб ортга қаради.Оддий одамлардек кийинган кўркам йигит унга кулимсираб қараб турарди.
-кечирасиз биз танишмизми?-ҳайрон бўлди Маъмура.
-мен сиз билган Шохруҳнинг яқин дўсти Тимухаман сиз билан алоҳида бирон жойда ўтириб гаплашиб олсак боладими?-деди атрофга қараб қўяркан.
-ҳўп..-деди Маъмура Шохруҳнинг исмини эшитиб кўнгли ёришиб кетди.
Зокир ишхонасига бориб дадасини қандай оқлаш ҳақида ўйлай бошлади.Афсуски ҳамма далиллар унга қарши.Кимдир атайлаб унга қарши йиққандек дадасининг ҳамма ишлари кўриб чиқилаётганди.Зокирнинг боши қотди.Одамларини ичида аниқ биттаси сотқин бўлган.У бориб дадаси билан учрашди.Анча озиб қийналиб қолибди отаси.
-Ўғлим умид борми?-Зокирга умидвор тикилди.
-Дада одамларингиз ичида кимдир сотқин бўлган..далиллар сизга қарши анча олдин йиғила бошлаган..рости иш жуда чигал..Идрис ўйланиб қолди.Ким унга қарши бу ишга журъат қилди.Акташ ҳам унга шерикликда айбланиб ҳибсга олинган бўлса.Ўғли ҳақ орасида сотқин бўлган.