قناة رابطة شاعرات" الطفوف"

*انزاحت الأشرار*
☆✦☆✦☆

بصوت ملا محمد رضا الكربلائي
كلمات أم حيــــدر مكي النصاري

قصيدة لمولاتي زينب (ع)


زينب غمضت لحگو يولياها
مايمهه حبايب بس علي وياها


لحگوهه يهلها وديرو الوساده
ماتت بالغرب ياعمت الساده
خل يحضر اخوهه هوه واولاده
يشيلون التون للموت عيناها

ام محمود الصليحاوي
~«»«»» ~~
ماتت بت علی والگلب بی حسره
علی الخوان ظلت عینها تجره
ماهودت تسعربلگلب جمره
وین خوانها خل تگعداحذاها
✍🏻المیرزه ام ليلي الخاقانی
~««»«~~
تمنت لو يجي الكفال وأخوانه
يشيعون الحنينه بروح خلصانة
ويا نعش الجلالة أيريد عوانه
وسفة أم الخدر بالغربه مبناها
✍🏻آلــــّعــلّويِـــه آلّمٌوسويِــــۿ
~«»«» ~~
وسفه اعله الكفلها موسد التربان
ذاك البالحرايب چن سبع ريسان
امصيبتـها چبيــره ورايده عوان
عباس الصميده ام عــون خلاها

*ام حيدر النصاري*
«» ~~
خلاها الحنينه بدار كلها اجناب
لايمها من اهلها ولااجتها احباب
صعبه موتتج كل الاهل غياب
ولايمها حبايب تكعد. وياها

ام روكان الشمري
~«»«» ~
تعبانه وغریبه والگلب ملچــوم
ما یمها حبایب و المنایه اتحـوم
ابعبره اتگول وینچ خیه یاچلثوم
شوفی البین اخَیتچ وین وداها
ام محمدالکعبی
~«»«» ~

تمت باقلام شاعرات رابطة الطفوف

https://t.center/maisyaltfoof

قصيدة لاستشهاد الامام الكاظم "ع"


معصومه ماتدرين
خويه يماي العين

جثة ابونه عالجسر ممدوده
والچبده بسموم العده ممروده

وا ويلاه ~~واويلاه
~«~««»»»» ««
جنازه ظلت عل الجسر ومات مسموم
مثل الغريب بكربلاء من الماي محروم
معصومه خويه امشينه ويةاليشيعون

عطشان ابونه مكيدات زنوده
والچبد بسموم العده ممروده

ياگرةالعينـــــــــين
ياخويه ماتدرين
واويلاه~~~واويلاه


خادمه ام البنين ام رضا
┄┅═✧❁★-❁✧═┅┄
امشينه نتعنه بعجل ونحله گيده
ونگلب جروحه بعد او حزت ايده
ياخويه گالولي امس موته يريده
من ظلم هارون الرجس غصته شديده
صابك علي صفره غدت يخدوده
والجبده بسموم العده ممروده
واويلااه،،، واويلاه

ام حسين المحمداويه

┄┅═✧❁★-❁✧═┅┄
مطروح كالو بالحبس شالو حماميل

ياريت كون نودعه ظل دمعه يسيل
اي خويه بلكي نلحگه لجنازته انشيل
ياقصته قصه وابد ماموجوده
والچبده بسموم العده ممروده

واويلاه واويلا ه

الشاعره ام روكان الشمري
┄┅═✧❁★-❁✧═┅┄
ياخويه هد حيلي ابونه الـ ماحويناه
ويلاه يفراگ الابو شعظم فرگاه
مشلوع گلبه بالحبس تالي خسرناه
مات ودمه منه يصب وگيوده
والچبده بسموم العده ممروده
واويلاه... واويلاه

✍️ وعد الڪفيل
┄┅═✧❁★-❁✧═┅┄

ادريه يختي الابو شيعوضه النه
خيمة وعمود العيلته كله محنه
العايش بدونه صفه حسرته بونه

المااله ابو بالدنيه شنهي وجوده
والچبده بسموم العده ممروده

واويلاه... واويلاه
ام حسين المحمداويه

تمت
باقلام شاعرات رابطة الطفوف

https://t.center/maisyaltfoof

يا زهراء مدد

هوسات ميدان
*للعباس* عليه السلام


عفیه گالت زینب اخته یوم شد اعله القتال

وسیفه یـرهب بالمعاره و گامت اتفر الرجال

گــلها اراویــهم مـراجل مـااراویـهم مـجـال

*والساحه امن الدم ارویـها*

✍ام محمد الكعبي
----------
شايل الصارم ابجفه وشد عليهم من بعيد

اختار وين الجنه فارس وعاد حملات العجيد

وصارت اتلول الطفوف وصاح بيهم هل مزيد

ضل واحد يختل بالثاني

✍طالبةالزهراء القريشي
____
ادولب الي راد يشرد تيه ادروب الطفوف
منين ما يندار وجه اگباله ابو فاضل يشوف
باليمين وباليسار وطبگ سطرات الچفوف
ويمينه يذب عل يسارها
✍️العلويه الاء
__
شكثر ما حز روس قاده عند ابو فاضل قليل
وشافته جيوش الاعادي الگاع من ثگله تميل
كالوا الي شطر مرحب راد لو هذا الكفيل
وبضهره وما خذ شمراته
✍️العلويه الاء
__
من سمع گالتله زینب یبس دلال الــرضیع

گلها ابشری ،ها يخيتيانتي امري وآنه اطیع

الیوم اسویها جحیم وراح اوَکــّلّهم ضریع

*اتــمـَهلی و شوفیها افعالي*
✍ام محمدالکعبی
__
تمت برابطه
الطفوف
منتدى الفلم الفاطمي

https://t.center/maisyaltfoof

هوسات ميدان
للامام *العباس* عليه السلام


من تچّنه اچفيل زينـب شايـل اعلام الفخر
تنومست زينــب ابزوده اودگت ابظهره الظهر
گلها امنــي ابزود عَزمــي مايمُر بيچ الخطر
بس رايد زلمه ايلاگيني
✍ام حيدر مكي النصارى

__🏴__
نهض عباس اعله حیله و کربله هزاهه ه‍ـز

طَشَّر ابروس الأعادی اتگول طشرهه الخرز

صلت اعله النبی زینب یوم شافــتـَّه برز
عباس اخته مكيفه بزوده
✍ام محمد الكعبي

__🏴__
بيوم صال على المعاره كل گلب منهم رجف
ويا شجاع گبال سيفه اليثبت بگاعه ويگف
والنهر بالروس ماج بكثر ما شال وگطف

ويصيح الشط مهله اطيني
✍️العلويه الاء

__🏴__
بيرغ وشايله بيرغ برز شيال اللوه
سدد عليها الدروب وضيگ انفاس الهوه
طويت الخيط عل مغزل الطف عليها انطوه
ويا زلمه اليندل مشراده
✍️العلويه الاء
_🏴__
غدت عثرة من الجماجم گاعها طف نينوى
وجاشها ويرعد ابو چف البعيده وماحوى
مات بيده ازماطهم وتبريد وضاگ الهوى
وليشرد حط بيه الخوفه

✍️ وعد الڪفيل
____
تمت باقلام رابطه
#الطفوف
#منتدى القلم الفاطمي


https://t.center/maisyaltfoof

#رابطه الطفوف
منتدى القلم الفاطمي

زينب جبل الصبر
وهي في طريقها نحو الجسد الشريف لاخيها ابا عبد الله سلام الله عليهما



جيتك يخوية اعثر بالذيال
شفتك يخوية عالترب ضال

حر الشمس خرب معانيك
جبت العباية وجيت اغطيك
ياعزوه الدين
*ياخويه يحسين*
-----------------
من الشمس سويت الك في بعباتي
عكبك يبو سكينة بعد شلي بحياتي
هجمو علينا هالكفر ضربو بناتي

خوية بناتي وكلشي افديك
بس هالعباية وبيش اغطيك
واجب علي دين
*ياخويه يحسبن*

#ضحى البلوشي
------------------
الخيم محترك وانه بنص الفجيعه
ياخويه انشدك علكفل راعي الشريعه
مابيه وسهام الكفر سد ومنيعه

جرحك غميج شلون اداويك
بس العبايه وبيش اغطيك
بالكلب جرحين
ياخويه يحسين
#طالبةالزهراء
__
نتگابل آنه وعیلتک و اتــصـب العیون
مطروح شخصک عالرمل وبگلبي
چانون
یاخویه من جورالزمن توجعني الـمتون

مبحوح صوتي وگمت انادیک
بس العبايه وبيش اغطيك
مدری اَنوي لاوین
یاخویه یه حسین

#ام محمد الکعبي
_
الگلبه نابت بي رمح اشلون اداويه
لابيه اشيله من الترب لا بيه اخليه
والبالحوافر منسحگ اضلوعه تأذيه

وسحگ الضلع
يحسين ياذيك
بس العبايه وبيش اغطيك
وميتات اليدين
ياخويه يحسين

#العلويه الاء
_
جیتک یخویه والگلب مشتعله بي نار
یومک يبو الاكبر كلف يلمثله ما صار
مرمي بگیت ابلایه راس ابین الاشرار

ما بيه خويه امشي واخلیک
بس العبایه وبيش اغطيك
یا گرت العین
یا خویه یحسین

#ام کیان اماره
----------
تمت القصيده باقلام شاعرات رابطه الطفوف
منتدى القلم الفاطمي



https://t.center/maisyaltfoof

يا صاحب الزمان

رابطه الطفوف
منتدى القلم الفاطمي

*يابس الريج وماضگت ماي*
*بحر الشمس وجروحك هواي*

ياضيها العيون
•-----🔸️------•
تعنيت الك بآه وألم والحسره والخوف
جسمك لكيته علثره موزعته السيوف
ضليت اخطن بالجدم واتنخه بالشوف

بالكلب جم صواب الك
ولراسك يدور الفلك
والراسك يدور الفلك
مجروحه المتون
يا ضيها العيون

#العلويه آلاء
•-----🔸️------•
خليني اضل يمك ونوحن والطم الراس
چا هيچ خويه ابلاذنب بالخيل تنداس
كلك موذر مالگيتك عَملة ياناس

هل حاله ياهو الوصلك
ولراسك اندار الفلك

چم طعنه مطعون
ياضيها العيون

#وعد الڪفيل
•---‐-🔸️------•
سویتلک یحسین خویه بردنی افیای
یلمنذبح من القفا وموشارب المای
من شفتک اموذر وصل تیهت انه الراي

دمك على الگاع انسفك
ولراسك اندار الفلك
راسك يشيلون
ياضيها العيون

#المیرزه ام ليلي الخاقانى
•------🔸️-----•
چفني ذبل من فرگتك بالترب مطروح
سهم البكلبك من نبت هيجلي الجروح
ماترهم العيشه ابغرب اگضيها بالنوح

يالبلغرب راحو هلك
ولراسك اندار الفلك
يالبيه يهوسون
يا ضيها العيون

#هدى المطر ام محمد
•-----🔸️-----•
بالفجر ویسیل الـدمع ویلاگي الــغــروب
مـکسور خاطر یـبَن ابوی وروحی اتلوب
شمعة حیاتي اخلاف عینک راحت اذوب

وابنومة الغبره شـلک
والراسک اندار الفلک
والعيله يبجون
یاضيها العیون
#ام محمد الكعبي
•-------🔸️-------•

اطفالك بنص الغرب وانه اسيره
وياكسرت التفگد اخوه كسره جبيره
مجتوفه عالناگه رحت وانه الاميره
من حكي اختك واسئلك
والراسك اندار الفلك
بس گلي اشلون
ياضي العيون

#ام روكان الشمري

•-------🔸️---------•
تمت القصيده برابطه الطفوف
منتدى القلم الفاطمي

https://t.center/maisyaltfoof

جبل الصبر والأباء زينب الكبرى عليها السلام
لحضه الموت وامنيتها.


زينب ساعه التوديع
رادت فاطمه الزهره

**
رادت فاطمه تحضر
تشوف الصادي وتنظر
تفيي من الشمس والظر

تهون طلعه  العبره
رادت فاطمه الزهره
***

من كرب عليها الموت
ونت وبرجيج الصوت
يايمه الكلب مفتوت

من الطف ومن شمره
رادت فاطمه الزهره

****
هاي الحره منبع طيب
كبر بيهاالهظم وشيب
بديار النفي والريب

شلون اندفنت الحره
رادت فاطمه الزهره

****
بت الزهره يا هلناس
مثلها ماكو بلمقياس
خدر بيها فلا ينجاس

عاشت طفها الف حسره
رادت فاطمه الزهره

****
حواري الجنه والأنوار
الج يابت علي تندار
يدرونج كهف اسرار

زينة حيدر وسره
رادت فاطمه الزهره
***
((انتي البشده المندوبه))

✍طالبةالزهراء القريشي
🍂🍂🍂🍃
..

https://t.center/maisyaltfoof

فزاعيه للساده


**راح الجان يكرم نشهد بصيته*

**سيد بيه بخت والينجهب بيته*

<<<<~○~>>>>
السيد من غمض الجواد تبجيله
عليه امنكبه الاحباب هليله
شال اليسوه بالكلفات تحجيله

مودعينه يا جف الكلفه
<<<<~○~>>>>
رايح وين كلها تلوع محتاره
غرب للنجف ونكطعت اخباره
صيته يدلي للعايز يجي لداره

امغرب بس حاضر صيته
✍طالبةالزهراء القريشي
<<<<~○~>>>>
من جده علی ماخذهه الهیابه
یستاهل عراضه و بیرغ ابـابه
ملجومه العمام و کلهم احبابه

امغرب الیوم البیه هیبه
✍ام محمد الکعبی
<<<<~○~>>>>
یاراعي البخت والشاره محچیه
یالطیب الذات وصافیه النیه
رایح للنـجف ماتـحـصل الجیه

حچـّاي الحگ اشهل غیبه
✍ام محمد الكعبي
َ<<<<~○~>>>>
یستاهل عراضه و بیرغ وهوسه
من عمه ابوفاضل ماخذ ادروسه
حاویها الشهامهه وحفظ ناموسه

من حیدر حاویها الغیره
✍ام محمد الكعبي
<<<~○~>>
السيد اله الوكفات مرجيه
مثل جده نندبه الحاجه
مكضيه
يا بحر الغميج المانشف ميه

ليردونه كضاي العتبه
✍ام حسين الساعدي
<<<~○~>>>
تمت القصيده باقلام شاعرات الطفوف
منتدى القلم الفاطمي
اللهم عجل لوليك الفرج.


https://t.center/maisyaltfoof