View in Telegram
قصيدة بحق الامام الكاظم "ع"
ها يالرضا .....گوم وتنعه للجسر
ها يالرضا .....عندك جنازه تنتضر
ميت ابوك بگيده
مشدوده رجله وايده
ها يالرضا
ها يالرضا
««««««««««««««««««««
لا تنتضر طر الفجر واتعنه بالليل
مطروح للكاضم نعش يرادله شيل
شالو امام الرافضه اربع حماميل
مرضوض ساگه وبي اثر من الزناجيل
شيل الحديد بهيده
مشدوده رجله وايده
ها يالرضا
ها يالرضا
✍️ بقلم العلويه الاء
«««««««««««««««««««
مسرع تعنه لوالدك يالساكن بطوس
والكد المهرة ياضمد والحگ المحبوس
انگاب شد يابن الفحل وبخشومها دوس
درعك وسيفك شد عليهم واگطع الروس
ماله اهل وبعيده
مشدوده رجله وايده
ها يالرضا
ها يالرضا
✍️ وعد الڪفيل
«««««««««««««««««««
اهله تسد عين الشمس وابن اليثنون
گالوا غريب اعله الجسر ترضاها وشلون
صوت المنادي الشيعته كلهم يحضرون
ضنوا عدل باب العدل لعتابه يلفون
لوتدري جسمه ونيده
مشدوده رجله وايده
ها يلرضا /٢
ام حسين المحمداويه
«««««««««««««««««««
طالاب دم وحگ عليك ابنه وتطالب
ماله اهل نادو غريب ابلا گرايب
چاوين أهله الطبيب اوچب يعاتب
بالسجن صاح وهل الچبد ممرود ذايب
فزاع يلفي وليده
مشدوده رجله وايده
ها يالرضا
ها يالرضا
✍️ وعد الڪفيل
«««««««««««««««««««
يبن اليكظم الغيض غيضك لاتگظمه
اسمع الدكتور، شحجه غص وسط چلمه
معلوم هاذه ابن النبي ياناس زحمه
شلون وتجرو ياخلگ موتو بسمه
كلمن معيد عيده
مشدوده رجله وايده
هايلرضا /٢
ام حسين المحمداويه
«««««««««««««««««««
https://t.center/maisyaltfoof
Telegram
قناه رابطة شاعرات" الطفوف" منتدى القلم الفاطمي
رابطة الطفوف
خاصة بخادمات اهل البيت "ع" اللاتي يكتبن الشعر الحسيني لنشر مظلوميتهم والتابعة لمنتدى القلم الفاطمي
خاصة بخادمات اهل البيت "ع" اللاتي يكتبن الشعر الحسيني لنشر مظلوميتهم والتابعة لمنتدى القلم الفاطمي
Love Center - Dating, Friends & Matches, NY, LA, Dubai, Global
Find friends or serious relationships easily