View in Telegram
رابطة الطفوف
منتدى القلم الفاطمي
وكاني بمعصومه وهي تنعى ابيها
وين اليصل للسجن ياناس
فراك البو شيبلي الرأس
باب السجن مرصوص حراس
اعليه الگلب طگ وحگ عباس
احوي بويه ياعيوني
✍️ الشاعرة ام روكان الشمري
/////////////////////////
طالت غيبتك ودروبك بعاد
لاخبر جاني ولا انته الراد
بويه الابو بكل وكت ينراد
وفراكه كلف ويعور الفاد
دولاب دولبني زماني
✍️العلويه الاء
//////////////////////
ملجوم حيل الكلب ملجوم
راح الولي والحيل مهدوم
ميت عدل والخبر مظموم
بين الكفر با السجن مظلوم
ماچلچلت للنوم عيني
✍️طالبه الزهراء القريشيه
//////////////////
يهل الرحم جيبولي اخبار
بلسجن شنهو الصار ماصار
الليل اليمر والدمع مدرار
جن الفلك ياعالم انذار
وين اليجب الخبر منهم
✍️ الشاعرة ام روكان الشمري
/////////////
مدرى ببويه شلون بيه
ابعازة الينشد عليه
غبره يبويه هالدنيه
ويه الزين شو كلش رديه
عميه يعيوني الاثنين
✍️ ام محمد اليامعيه
/////////////////////
دلالى يوجعنى امن الجروح
جتنى الاخبار وراحت الروح
ياوالدى من بالى متروح
ابجيك انه وما يخلص النوح
زينب يعمه دلحكيلى
✍️ ام محمد الكعبى
////////////////////
تمت باقلام شاعرات رابطة الطفوف
https://t.center/maisyaltfoof
Telegram
قناه رابطة شاعرات" الطفوف" منتدى القلم الفاطمي
رابطة الطفوف
خاصة بخادمات اهل البيت "ع" اللاتي يكتبن الشعر الحسيني لنشر مظلوميتهم والتابعة لمنتدى القلم الفاطمي
خاصة بخادمات اهل البيت "ع" اللاتي يكتبن الشعر الحسيني لنشر مظلوميتهم والتابعة لمنتدى القلم الفاطمي
Love Center - Dating, Friends & Matches, NY, LA, Dubai, Global
Find friends or serious relationships easily