قناة رابطة شاعرات" الطفوف"

قصیده للشهید سيد حسن نصرالله رحمه ٱلله

🏴🏴🏴🏴🏴

کسر ظهر ابوصالح موتت الساده

نصرالله الشجاع وقائد
القاده

🏴🏴🏴🏴🏴🏴

ابوصالح یون اليوم وبحسره

النصرالله الشجاع وضنوةالزهره

واعلام السوادالیوم منتشره

انعازی المنتظر ويه جملة اجداده
كسر ظهر ابو صالح موتت الساده

✍🏻المیرزه ام ليلي الخاقانی

🏴🏴🏴🏴🏴🏴

نعازي المنتظر ويلي على مصابه
حسن نصر الله شال ويكتل صوابه
نصبت تعزيه هل الليله احبابه

الف ياحيف واعليه العده تماده
كسر ظهر ابو صالح موتت الساده

✍️ام نور الزهراء الزينبيه

🏴🏴🏴🏴🏴🏴
انكسر ظهر الحبيب بطيحه الجاهد
من اجل العقيده بروحه متعاهد
راح بوجهه الابيض عالشرف لاهد

گال الموت من حسين الي عاده
كسر ظهر ابو صالح موتت الساده

✍طالبةالزهراء

🏴🏴🏴🏴🏴🏴

ثارك يبو هادي والله منعوفه
الشیعه اعلیک تبجي بدمعه مذروفه

عسانه بالعمه ولايومك نشوفه

امصابک سیدی گلب المحب چاده

ام مسلم العلياوي

🏴🏴🏴🏴🏴🏴🏴
اخذ نهج الحسين وطبقه كله
عاش ومات بالعز ما رضه
بذله
هز جيش اليهود وزلزله وشله
لبس ثوب الشهاده فصله وراده

✍️العلويه الاء

🏴🏴🏴🏴🏴🏴
نعازي المنتظر مایبطل ابچانه
وفراگ ابو هاي حيل اذانه
هظیمه عليه بلمجلس خله امچانه

الشيعه اعليه تنحب حالها تراده
✍🏻 بنت العباس ع ام منتظر الجابري

🏴🏴🏴🏴🏴🏴
حگه المنتضر لو دم بچت عينه
على المات بغدر وعداء مفجرينه

نلطم والعزه الليله لمهدينه

الله يعين كلبه الفاگد حياده

✍️العلويه الاء

🏴🏴🏴🏴🏴🏴
ينوح على الشهيد وتنزف جروحه
مثل جده الحسين دماهه مسفوحه
نصر الله يعيش بفكره وبروحه
شهيد وملتحق بحسين واولاده
✍️العلويه الاء
🏴🏴🏴🏴🏴🏴
تمت القصيده باقلام شاعرات رابطه
#الطفوف #منتدى القلم الفاطمي

فزاعيه بشجاعة سيد الماء
ابو فاضل عليه السلام


عباس من طب النهر ...
روجه تطك بروجه....
***
عباس تكتل خزرته
والسيف لاك بيمنته
زلزال صارت صيحته
عالماي كالو صوجه
روجه تطك ابروجه
✍طالبةالزهراء
***
للشط ابو فاضل وصل
طر ذيج الجموع ونزل
من صاح وعليهم حمل
بالجيش صارت لوجه
روجه تطك بروجه
✍️العلويه الاء
*****
طب ليه گطاع النفس
ضل يترس بجوده ترس
وعليهم الجوا انحبس
غيره وسرت بعروجه
روجه تطك بروجه
✍️العلويه الاء
***
السيف حار وما برد
خل الرگاب بلا عدد
چن منجل وبيهم حصد
يعدل بسيفه العوجه
روجه تطك بروجه
✍️العلويه الاء
**
تعناها شيال العلم
يطشرها بالحومه ويلم
لا خيل ضلت لا زلم
والماي اخذه بموجه
روجه تطك بروجه
✍️العلويه الاء
***
هد ليه سبع الگنطره
حير يزيد وعسكره
عباس لو جف حيدره
لن الدمه ممزوجه
روجه تطك بروجه
✍️العلويه الاء
**
صولاته ترعد لو غضب
اعيونه تجدح بالحرب
جن للنهر موت وجهب
زلزال حط بعروجه
روجه تطك بروجه
بنت العباس ع
✍ام منتظر الجابري
***
تمت القصيده باقلام شاعرات رابطه
#الطفوف
#منتدى القلم الفاطمي
https://t.center/maisyaltfoof

قصيدة لمولاتنا الزهراء 💔

تون الزاجيه والضلع ماذيها
︵‿︵‿︵︵‿︵‿︵
تولوها الكفر بالباب معصوره
نبت بسمارها يا حيف مغدوره
ثله من السقيفه الكافر وجوره
بعدهي من الحزن توجر نواعيها
✍🏻طالبةالزهراء
︵‿︵‿︵︵‿︵‿︵
بعدهي تون لبوها الدمعه سجابه
هدها بروحته وهداها بمصابه
كلبها اعليه ونه ونار لهابه
عكب عينه الوديعه العده مصوبيها
✍🏻ام نور الزهراء الزينبيه
︵‿︵‿︵︵‿︵‿︵

بعد ماكف دمعها وعالأبو تنعه
تولاهه اللعين وسگط البضعه
تخفي ونينها خافن علي يسمعه
تضم كسر الضلع والعين تخفيها
✍🏻العلويه الاء
︵‿︵‿︵︵‿︵‿︵

تون الزاجيه ومصوبيها اصواب
ضلعها منكسر من فعلة الاصحاب
مهمومه الوديعه تنادي اه ياياب
لحد الموت ماسكتت بواجيها
✍🏻سلمى أم جعفر
︵‿︵‿︵︵‿︵‿︵

غسلها علي والمدمع يسيله
مكسور الكلب حيل أنهدم حيله
على أم الحسن والفركه الثجيله
بجت حتى الأرض والسمه الترثيها
✍🏻 آلــــّعــلّويِـــه آلّمٌوسويِــــۿ
︵‿︵‿︵
غسلها الولي وشاف الضلع مكسور

وكلبه من الألم عليه ضل مجمور

عله الصار وجرى وي فاطمه مجبور

حيدر قيدتها اوصية البيها
✍️خادمة اهل البيت ام اسعد
︵‿︵‿︵

تمت القصيده باقلام شاعرات رابطه
#الطفوف #منتدى القلم الفاطمي
https://t.center/maisyaltfoof

فزاعية جنوبية للاربعينية
،،،،،،،،،،،،،،،،،،،،،،،،،،،،،،،،،،،،،،

ردتلك غريبة حال گوم اگعد تلگاها

محنية ظهر يحسين هذا الدهرخلاها
،،،،،،،،،،،،،،،،،،،،،،،،،،،،،،،،،،،،
اجت ودموعها تجري وتشكيلك يواليها

شيبها الدهر يحسين شوف الصاير اعليها
هاي ام الخدر يمك تبچي لا تخليها
اذاها اليسر والشام تدري حيل اذاها

✍🏻ام سيد حسن الموسوي

،،،،،،،،،،،،،،،،،،،،،،،،،،،،،،،،

وصلت والدمع يجري الکربله المظلومه
زينب شافت التربان وكل وليانها نومه
تصيح حسين ياعباس جيت وحيل مهضومه
نشدو عن اختكم وين يالخوان ملفاها

بقلم✍🏻العلويه ام شهد البعاج

،،،،،،،،،،،،،،،،،،،،،،،،،،،،،،،،،،،،،،،

اجت من اليسر زينب دموع العين سچابه
گلب ام الخدر محزون مايتجبر اصوابه
جزت شهر وعشر تيام گلبها مفارگ احبابه

مهدوم العزم والحيل ودرب اليسر سلاها

✍️ام نور الزهراء الزينبيه

،،،،،،،،،،،،،،،،،،،،،،،،،،،،،،،،،،،،،،،

عمت عينچ يدنيا اشلون انتی الما رحمتي وياي

خذیتی مني اعزازی ورخصتی دمع عيناي

رجعت اليوم ازور اهلي حدرالترب کل ولياي
بعيده اگبورهم صارت وبكربله عفناها

بقلم✍🏻الادبيه العلويه ام شهد البعاج

"""""""""'"""'""""""""""""
رابطه الطفوف
#منتدى القلم الفاطمي

https://t.center/maisyaltfoof

قصيدة فزاعيه
العوده ان شاله يحسين
مو فلت وداعيه
&&&&____&&&&
العودة ان شاله مولاي
سجلني لعام الجاي
الك هم خادم ومشاي
بجاهه المشت مسبيه
&&&____&&&&
المواكب عزليناهه
ومن الله طلبناهه
العوده وياك ردناهه
ما گلنا الختاميه
&&&_&&&&
ختامن ما نسميه
يبو السجاد خليه
مصابك ينذكر بيه
كل عام اليمر بيه
&&&_&&&&
ونعيش على هل فطره
عزاءك كل سنه نحضره
ونرضي فاطمه الزهره
وتحضر بالعزه هي
&&&____&&&&
نريد ازغارنه وكبار
كله تعزب الزوار
مضيفك ما يرد خطار
يا راعي العزوبيه
&&&_&&&&
عند امك يبو الاكبر
سجل اسمي بالدفتر
بعزاءك كل سنه احضر
وعيني عليك معميه
&&&____&&&&
تمت بقلم الشاعره العلويه آلاء
رابطه #الطفوف
#منتدى القلم الفاطمي
https://t.center/maisyaltfoof

قصيدة بحق المرأة الشجاعة عمرة زوجة المختار الشهيدة "رضوان الله تعالى عليها" وموقفها الثابت وهي اسيرةفي مجلس الطغاة الزبيرين..

**عمرة تلوگ للمختار*
*ماهابت ظلم الاشرار*

نطقت بالصدگ حره
الزبير أكباله متيسره

شجاعة.. شجاعة..
----•----•-----•
عمرة مگيده بمجلس أسيره والعدو شامت
نشدهه  يريدهه  تشهد  زور  بهاي مالانت
شجاعه وأرخت موقف وفخر هم للنسا صارت
العشرة ماتهون شلون ظلمهم واضح وبانت

قصيدة للفخر تذكار
ماهابت ظلم لاشرار

شجاعة..
شجاعة..
✍️ وعد الڪفيل
----•-----•----•
خطت عالمواقف زود اصيله وبت اصل تنگال
وما ذلت ابد للگوم بشهادتها فخر تنشال
لبو اسحاق وثورته امجاد اترجم بالفراسه افعال
شخصه يذكره ابو الحسنين يصير اوي الحقيقه اهلال

شهيدة ابمنجز الابرار
ما هابت ظلم الاشرار

شجاعة... شجاعة
✍طالبةالزهراء
----•-----•------•
تحدّت مصعب السفاح لسان السيف ڪلمتها
زلزال بعرشهم صار سهام تگول صولتها
حبل موصول للمختار رسالة بمعنى وصلتها
للثارات چانت عون الحد مانطت رگبتها

ماچن موت والگصاب
هيبه وذالة الطلاب

شجاعة.. شجاعة..

✍️ام حسين المحمداويه
----•------•-----•
عمرة فاهمة وصلبه وكفت موقف الاشراف
ماغرتها هالدنيا وكل ماكالو الاجلاف
جبل راسخ مثل زينب وفيه امعدله الأواصاف
صمدت وبعقيدتها لحد ما صابها السياف

قاست فعل هالكفار
ماهابت ظلم الاشرار

شجاعة..
شجاعة..

✍🏻سلمى أم جعفر
----•----•-----•
مصعب حاول يغرها بدنيا زايلة وأحلام
عجز ماگدر يثنيها وهددها بحكم الاعدام
قوية وخلدت موقف شهيدة بصفحة الاسلام
خل كل النسا تنهج نهج عمره وتشيله وسام

هويه اعله الصدر وشعار
ماهابت ظلم الاشرار

شجاعة
شجاعة
✍️ وعد الڪفيل
----•-----•------•
تمت القصيده باقلام شاعرات رابطه
#الطفوف
#منتدى القلم الفاطمي

https://t.center/maisyaltfoof

لطميه رجاليه
"""""""""""""""""""
رجع ضعن السبايه
عليل بلايه رايه
وثورت بت محمد قادته
العبايه
""""""""""""""""""""""
لاهل البيت عنوان وتلوگ السياده
من الله الكرامات كاتبها الشهاده
يقينا رددوهه القتل صار النه عاده
رفع راسك يا مظلوم
فضح نيات هالگوم
قرا بكل خطوة ايه
رجع ضعن السبايه
""""""""""""""""""""""
يقرا الكهف راسك يردد بيه ايات
عجب يا كوم وسفه زينب بالفله تبات
على بوابه الشام وگفت بيها ساعات
يزيد ودگ الطبول
خوارج عنهم يگول
يا عظم البلايه
رجع ضعن السبايه
""""""""""""""""“"""""""
يزيد بهالمواقف كل ظنه يذلها
حره ورفعت الراس زينب من مثلها
تصد للفوگ الارماح وتزامط باهلها
هذوله اهل الفضيله
وانتوا اهل الرذيله
متهمنا المنايه
رجع ضعن السبايا
"""""""""""""""""""'""""""
رغم موته رقيه وزينب بين الاجناب
وگعدتها بخرايب لا مسگوفه لا باب
بس المهم عده ثابت يبقه الحجاب
لا ظالم لمحهن
ولا طاغي سمعهن
رغم كل الرزايه
رجع بعد السبايه
"""""""""'""""""""""""
انقلاب بمجلس يزيد سوه زين العباد
وضح كل جرمهم وبين كل الاحقاد
طلب من المؤذن يسكت علي سجاد
يزيد بموقفه احتار
ما متوقع الصار
اللعين انشده رايه
رجع ضعن السبايه
"""""""""'"""'""""""""""""
بقلم العلويه الاء
صدقه جاريه الى روح
وجميع امواتي#رابطه الطفوف
#منتدى القلم الفاطمي

https://t.center/maisyaltfoof

لطمية ملاكاه للسيدة زينب بنت أمير المؤمنين



**عدلي لطمتج*.. يامن تلاكيها
واسيها العقيله بحركه واسيها

︵‿︵‿︵‿‿︵‿
للهيبه الاميره تعبي الجدام
تعنيها المجالس لطمي الهام
اجت لبوه علي المخورسه الشام

اتحدت من خطبت بيها
✍طالبة الزهراء
︵‿︵‿︵‿‿︵‿

تلكيها الوديعه ولطمي عالراس
على خال الولد بالخيل منداس
واسيها اعله بو فاضل لعباس

للداست خيل اعل اضلوعه
✍سلمى ان جعفر ︵‿︵‿︵‿‿︵‿

فوك العين لطمي ولاتبردين
كون بلطمتج تعمينها العين
عيني بت علي بمصاب الحسين
((بمصاب الشالو عينيهة))

ضحى البلوشي ✍🏻
︵‿︵‿︵‿‿︵‿

عينيهه بونينج وأعمي العيون
واسيها بدمعتج لطمي المتون
ردت للطفوف أمحزمة أم عون

((تون وتريد الوفاية))

✍🏻آلــــّعــلّويِـــه آلّمٌوسويِــــۿ
︵‿︵‿

هنيال التكابلها بلطم حار
تبجي الحاضرين اعل الجرى والصار
ما تتعب ابد لا ليل لا نهار

تواسيها بدموع العين

✍ام سيد حسن الموسوي
︵‿‿︵‿


تمت القصيده باقلام شاعرات رابطه
#الطفوف #منتدى القلم الفاطمي

https://t.center/maisyaltfoof

قصيدة لرجوع السبايا على لحن قصيدة سيد فاقد الموسوي
(هنيالة الينام الليل)
_&_&___
زينب رادة من الشام يحسين
كوم تلكى زينب ياضوة العين
_&_&___
اجيتك وردة ذبلانة
بصحاري حسين مشوني
اكعد شوفني شبيه
هجركم ودر عيوني
اكعد خل اسولفلك
خوية شلون هظموني
من بعد الذبح يحسين
بنار اعداك حركوني
طفيت الخيام بدمعة العين
زينب رادة من الشام يحسين
_&_&___
طفيت الخيم يحسين
بس روحي شيطفيها
الم أيتام الم جسمك
وحكك روحي مابيها
اعاين كل شبر بالطف
وادور جثتك بيها
كثر مابيها داست خيل
تيهت العرف بيها
فزعو للسحك يحسين صوبين
زينب رادة من الشام يحسين
_&_&___
اجينة الكربلة كلنا
لجن مو كلنا ردينة
اطفالك بالسحك والنار
ماتو ااه يوالينة
حشمت شكثر يحسين
بس محد فزع لينة
وللشام احنا يسرونة وضيم الشام ماذينة
مسبيه رحت مجتوفه الايدين
زينب رادة من الشام يحسين
_&_&___
عنك من مشينة حسين بخرايب خوية كعدونة
وساعات اعلى باب الشام
يالمذبوح وكفونة
وراسك بالطشت جابو
وبي يبن امي فجعونة
وراسك شايلة الجلاد وعلينة يدور بعيونة
ماتدرون طبينة دواوين
زينب رادة من الشام يحسين
_&_&___
عفتوني وأنة جبيرة
ومورمه ترا اجدامي
عفتوني بسواد الليل وادورك وين يالضامي
ليل بلا ضوة عباس وانت اعلة الترب دامي
حتى كماط عبداللة هم حركوه جدامي
عفتونا بغرب واحنا نساوين
زينب رادة من الشام يحسين
_&_&___
غَير لون عبدالله حر الهيمة من جاسة
كبالي مسلهم عيونة وخمدت يالولي انفاسة
بكد ماعالرمح شالوه طلع من الرمح راسة
جنة انخاف اذا بسناه تاليها السهم باسة
كلبي من المصايب صار نصين
زينب رادة من الشام يحسين
تمت القصيده بقلم شاعره رابطه #الطفوف
#منتدى القلم الفاطمي
✍ضحى البلوشي
https://t.center/maisyaltfoof

نعي لاربعين الامام الحسين (عليه السلام)
"""""""""""""""""""""""""""""
نعي
""""""""""""
وينك يا گبر يالدافن ابن امي
وبترابك عزيز الروح ضميته
يخي عونك حسين بحضنك ينام
ويا هنيال التراب البيه غطيته
اشم عطرك يفوح بين الگبور
يعطر ام الزچيه البيك شميته
چنت لحسين مثل الريه والروح
ويالماخذ الروح وياك خذ ريته
....................................
اخذت حسين من بساع يا موت
وغطاه التراب اليصعب فراگه
يگبر حسين عفت حسين عالگاع
وجيت اليوم اشوفه بوكت الملاگه
شكثر عندي عتب وهموم وحزان
بكثر همي البگلبي الروحي مشتاگه
دفك بابك وخله يشوف المتون
وگله شچم هضم گلب اختك الضاگه
.....................................
يگبر حسين حلوه الگعده وياهه
ومشتاگه واحن الگعده اخواني
عاشور وصفر فارگت الاحنان
وما تگدر الروح تعوف ولياني
جسد خليته نايم فوگ التراب
ما شلته الشمر عالشيله وازاني
لا ثالث نصبت ولابچي عليه
ولا غمضت عين حسين خلاني
.................................
اخاف ابدي العتب ويخلص الليل
وبعد عندي عتب يم صاحب الغيره
بكل نگلت جدم اصرخ يعباس
وضلن التفت من ادخل لديره

بكل طگت متن انظر على الراس
چنك ماديرة بزينب ايسيره
اذا چفنك غمض ماطبگة العين
واذا روحك ارتاحت روحي بحيره
.....................................
مدري صار يقظه لو بالاحلام
يفارگنه الوكت ماحاسبه حساب
سماي ودنيتي ظلمه يعباس
بعد يادنيا ظلت والگمر غاب
مامتعوده اصيح وماتگومون
ولابيكم حنين الفگلي الباب
ياگبر اليظمك عني عباس
وعن زينب يحجبك صار الاتراب
....................................
بقلم العلويه.الاء
نسالكم الدعاء لي ولوالدي

رابطه
#الطفوف
#منتدى القلم الفاطمي

قصيده للاربعين
.....................
(لطميه مربعه)
...................

ليش بمشيتج يم عون نحلانه
من كثر الهظم لو جيتي تعبانه
،،،،،،،،،،،،،،،،،،،،،،،،،،،،،،،،،،،،،،،،،،،،،،
تخطين الجدم وتميل العبايه
ومن كثر الهظم متغيره اهوايه
منهو الغاثج ومسمعج حچايه
يزيد شگالج وشحجه بديوانه
،،،،،،،،،،،،،،،،،،.......،،،،،،،،،،،،،،،،،،،،
شبي وچهچ يزينب ذابله رسومه
من ضيم الدرب لو جيتي مهظومه
لو شفتي بنات تموت مالومه
وبديار الغرب ظليتي حيرانه
،،،،،،،،،،،،،،،،،...........،،،،،،،،،،،،،،،
شلونج عالمصايب زينب شلونج
وصلتي المگبره ويصبن عيونج
صحتي ياابن امي ولازمه متونج
لاتنشدني خويه شلون ممشانه
،،،،،،،،،،،،،،،،،،...........،،،،،،،،،،،،،،
ياذيك الحجي ولاتنشد علينه
عدوك صار ياخذنه ويرد بينه
وچم سوط گول البي نطگينه
يحسين الشمر بالسوط اذانه
،،،،،،،،،،،،،،،،..........،،،،،،،،،،،،،،،،،،
عفاه شلون روحي وياك ماطلعت
وعدله وضاله واليوم الك رجعت
أيالشام بيه شافت شيمعت
وحتى النوگ هم تبچي عالمبچانه
،،،،،،،،،،،،،،،.........،،،،،،،،،،،،،،،،
زينبكم بعد كل حيل مابيه
وصلاة اليل گعده گمت اصليه
وتنطر موته بيا ساعه يلفيه
وشسوه الزمن وشعمل ويانه
،،،،،،،،،،،،،،،،........،،،،،،،،،،،،،،،،،،،
بقلم العلويه.الاء
رحم الله من قره الفاتحه الى خادم الحسين (عليه السلام) والدي والى اموات شيعة امير المومنين(عليه السلام)جميعا

شاعره
#رابطه الطفوف
#منتدى القلم الفاطمي

https://t.center/maisyaltfoof

(قصيدة رجاليه للاربعين)
:::::::::::؛؛؛؛؛؛؛؛؛؛؛؛؛؛؛::::::::::::::
من وحي الخيال ما بين ابا الفضل العباس والسيده زينب( عليهم السلام )
::::::::::::::؛؛؛؛؛؛؛؛؛؛؛؛؛؛؛::::::::::::::
هايزينب جايه ولي رجعتي
صدك زينب هاي لو مو زينب أنتي
صدك زينب كالها
هچي صاير حالها
شوف يحسين الدهر شمسوي بختي
::::::::::::؛؛؛؛؛؛؛؛؛؛؛؛؛؛:::::::::::::
هچي خلاج الزمان وماعرفتج
گلبي فز اعل العتب لمن سمعتچ
لاتگليلي يخويه شلون عفتچ

ما صحت من عيني
وهامتي وچفيني
اه يازينب صيحت لمن طلعتي
صدك زينب هاي لو موزينب انتي
::::::::::::؛؛؛؛؛؛؛؛؛؛؛؛؛؛؛؛:::::::::::::
اه ياخويه عالحالج يالغريبه
شفتي عگبي شچم جرح وشچم مصيبه
ليش مهظومه رجعتي يالحبيبه

بطلي ياخويه البچي
گعدي يمي وشتگي
صار خويه اهواي يمي ماكعدتي
صدك زينب هاي لو مو زينب أنتي
:::::::::::::::؛؛؛؛؛؛؛؛؛؛؛؛؛؛:::::::::::::::
هاي موزينب انه الچانت يعباس
گبل جنت مخدره وتبرالي حراس
وهسه سابني الشمر وتنظرلي الناس

تدري بيه ام الخدر
وهسه سابيني الشمر
شلون اوصفلك ياابوفاضل محنتي
صدك زينب هاي لو مو زينب أنتي
::::::::::::::؛؛؛؛؛؛؛؛؛؛؛؛؛؛؛:::::::::::::::
هاي بس رسوم من زينب بقتلي
متت ساعة مابقة كلها تصدلي
ترد زينب ذيچ اذا انته تردلي

بالطف سنيني انگظت
وراحت ايام المظت
گول عدله شلون ضليتي وصبرتي
صدك زينب هاي لو موزينب انتي
::::::::::::::؛؛؛؛؛؛؛؛؛؛؛؛؛:::::::::::::::
لاتناشد عالجره وعاين اللوني
ضهري يا خويه انحنه من يسروني
شكثر اذوني العده وشسمعوني

خويه رحنه اعل الهزل
وذكرت ذيج النزل
شلون رحله ويالعده چانت رحلتي
صدك زينب هاي لو موزينب انتي
:::::::::::::::؛؛؛؛؛؛؛؛؛؛؛؛:::::::::::::
حيلي ياخويه انهدم من يوم عاشر
من شفت راسك تصد ليه النواظر
وانه اطلع اطفالي من تحت الحوافر

ولو صحت وين خوتي
يهز بيده شامتي
گول چم لوعة هظم عگبي حملتي
صدك زينب هاي لو مو زينب أنتي
::::::::::::::::؛؛؛؛؛؛؛؛؛؛؛؛؛؛؛؛::::::::::::
بقلم العلويه.الاء
نسالكم الدعاء
#رابطه الطفوف
#منتدى القلم الفاطمي

https://t.center/maisyaltfoof

قصيدة لوفاة السيدة فاطمة الزهراء عليها السلام لسان حال السيدة زينب عليها السلام
_&_&___
ماتت امنة. ويتمتنة
الغيبة طالت مااجتنة
_&_&___
ردي يحبيبة وتعالي
وخل ترد تزهي اليالي
من غيابج دمعي هالي
ارد اشمج ارد اضمج
الدنيا من بعدج ولتنة
_&_&___
لو حلم سيري علية
يمة بعدج ياهو الية
وحشة يادارج خلية
يا غيابج يا عذابج
فركة امي مرمرتنة
_&_&___
خيمة جنتي لينة يمنة
يم كلب ينضح محنة
رحتي واطشر شملنة
يالحنينة ماتجينة
غيبتج يمة عمتنة
_&_&___
لجيتج يومية اتاني
بلكت يعودج زماني
سهم فكدج صوباني
ردي لية يالزجية
روحة الشفجة اهضمتنة
_&_&___
راحت الشفجة الحنينة
واليتم بين علينة
الفركة طالت وايسينة
روحي ناحت ردي صاحت
ماتت الزهرة ونستنة

ضحى البلوشي ✍🏻

#رابطه الطفوف
#منتدى القلم الفاطمي