*بمناسبة مولد الزهراء ع ويوم الأم*
✿ *أمــــــــــــــــ
♥️ـــــــــــــــــي* ✿
*أمي* شنــــــــهو احچيلها ومنين اگول ...؟
*أمي* يتعَب منـــــها كل حچي الثگال
*أمي* خجلان القلم يوگـــــف ويطيح
*أمي* دنيــــــــه وكيف يرسمها محال
*أمي* مو سالوفـه تگضي اويه الظلام
*أمي* مشدودة حِرز وســــــط الكمال
*أمي* عيـــــني والّضوه المنها أشوف
*أمي* والـروح التحس ربّـــــت عِيال
*أمي* رَحمه انخلقَت ابوسط الضمير
*أمي* نبـــــــراس الوفه ابعالم حلال
*أمي* فوگ امتونهـــــــا شالت ِبيوت
*أمي* الماشالها ابحضنـــــــــه الدلال
*أمي* مانـــــــــــامت ولا مَرالها طيف
*أمي* لَولَت حتی ترتـــــــــاح الجهال
*أمي* تچايــــــــه وسنـد لحزام ابوي
*أمي* دورت راسهـــــــا شالت جِبال
*أمي* حتـــــــی الضيم رضعَته حنان
*أمي* ابوجه الدَهر سيـــــف الرجال
*أمي* معجونه ابمحنّــه وشي لطيف
*امي* الها الدنيـــــــــه كوّنها الجلال
*أمي* الگضَت عُمرها ابيــــــت طين
*أمي* الماشــــــــاف شيلتها الضَلال
*أمي* ابوكت البــــــــرِد جَمرّه تصير
*أمي* ابحَــــر الشمس صارت خَيال
*أمي* التمطر محنـــــّـــــــــه بالدليل
*أمي* كيف اوفيـــها حگها ابيا فعال
*أمي* كيف اوفـــيها حگها ابيا فعال
✿ *أم حيدر مكي النصاري* ✿
*الخميس - ١٧ جمادي الثانيه ١٤٤٣*
*۱۴۰۰/۱۰/۳۰ ت*
___________
تمت القصيده في رابطه
#الطفوف#منتدى القلم الفاطمي
اللهم عجل لوليك الفرج
https://t.center/maisyaltfoof
