مشتاكه العيون::: الكم يبويه هوايه
مشتاكه العيون
وكطعت الضنون:: ماتجي وادري بهايه
وكطعت الضنون
عزمتو يابويه السفر مااخذتوني وياكم
الدار تنعي ياهلي وانه ابجي الفركاكم
يحبابي رحتو الكربله وين القدر وداكم
ماضن بعد رجعتكم
بالدار ظلت بتكم
وعنهه تمشون
مشتاكه العيون
صحرى ومطر مابيهه بنتك بعدكم ظلت
حملتو وشال الضعن وروحي الحزن بس حملت
يحسين مر اعليهه بالشوق هيه احتركت
بالعجل سافرت ورحت
عليله يالوالي عفت
اظل تبجي شلون
مشتاكه العيون
مشتاكه بويه الشوفتك مرني وحن اعليه
حيل الشمس حركتني وبالباب اتاني الجيه
طال الهجر ياوالدي وماكلت عفت بنيه
ايست متعودون الي
ودمعي عالوجنه يهلي
والقلب محزون
مشتاكه العيون
الدار موحش بالحزن بويه البعد
كاتلني
وحدي بقيت بهل النزل وغيابكم عذيني
مرسال منك ماوصل ولا جيت وتفرحني
جا وين رحتو ياهلي
لاعمي اجه اولاعلي
وخابت الضنون
مشتاكه العيون
عمج يجيلج كلتلي لوخيج ادزه عليج
انتي عليله وهالسفر هوايه تراهو ياذيج
بالبيت اخذي راحتج وان شاء نرجع ليج
رجعت مكاتيبك حزن
وماغمض العيني جفن
وتغير اللون
مشتاكه العيون
قاروره بالدم انملت وانه عرفتك بيهه
طيور الحزن يمي نعت ماجاوبتني
اشبيهه
كربله اسوت بيك وجثتك رمل غاطيهه
مصابك عمالي عيوني
وياكم يبويه اخذوني
ماضن تردون
مشتاكه العيون
✍::لخادمة اهل البيت عليهم السلام
ام مصطفى الاسدي
غير مبري الذمه من ياخذ الكلمات
اسالكم الدعاء
https://t.center/jgapun
