قصيده لولادة السيده زينب ع
المستهل شبكها
المقاصير موشح
النص هجري
ياألله افرح يل موالي
النجم بسـمانه يلالي
انشـر الزينه وطشــها بالسلف
اشرقت خير النسه طـه هتــف
من صلب حيدر الغالي
النجم بسـمانه يــلالي
❥❍❥❃
💕꧁꧂
💕❃❥❍❥
نفرح بجيت العقيلة الكــل عمرها
مجــاهده
اسردت أعظم مسيرة والمواقف
شـاهـده
زاء ياء ونون اسمها المعنى يعني
الـزاهـده
كل سنه نحيي الولاده والحسين
انعـاهـده
انـتي ياتاج النسه واعظم مره
بعد امچ باالعفاف الطــاهــره
غير ستــرج ماحلالي
النجم بسمـانه يـلالي
ام احمد العبوديه زبير
❥❍❥❃
💕꧁꧂
💕❃❥❍❥
اشما نكول ابحقها زينب كلش اشويه و قليل
لونخلص اقلام نكتب مانوصف اخت الكفيل
عفه كلها وشرف هيه بنته حماي الدخيل
كل صفات الحلوه زارع بيهه ياربنه الجليل
وبعد فاطم انتي خيرةهاالنسه
شرد اووصف وانتي اكبر مدرسه
الغاليه بت الغوالي
والنجم بسمانه عالي
ام مرتضى الخزرجي
❥❍❥❃
💕꧁꧂
💕❃❥❍❥
مولدج اعظم هديه وشرف كل الطالبي
ختارج الباري بحكمته يل تشبهين النبي
جفج الخالد يصور يرسم احرار السبي
انتي كملتي المسيره وموقفج كلش ابي
هله ياقدوه ومناره بكل عصر
بالصبر مضرب مثلها وبالخدر
يالمكانج حيل عالي
النجم بسمانه يلالي
خادمة الموعود الغزي
❥❍❥❃
💕꧁꧂
💕❃❥❍❥
انتي ياشمعه وتضوي كل دهاليز الظلام
انتي ارجوزة محبه تهتف ابحب السلام
انتي كائن ليس عادي اتحير ابوصفه الكلام
نبحر احنه بشوك حبچ والعدو ايغوص بملام
سائده بعرش المهابه بت علي
والبغضها بقهر حقده مبتلي
باله دوامة سؤالي
النجم بسمانه يلالي
ام
✍🏻حسين المحمداويه
❥❍❥❃
💕꧁꧂
💕❃❥❍❥
ابكل وكت اسمج نذكره يا مناره وياعلم
زينب اهيه شما نوصف هيبه تشهدها الأمم
امصوره من اية الله بسم گوثر والقلم
المشه وتابع طريقج هو بالدنيه سلم
انولدت وبيها بخت من حيدره
دره ومن بطن دره امصوره
انتي اسمج بالعلالي
ونجم بسمانه يلالي
ام
✍🏻 زين العابدين لمحمداويه
❥❍❥❃
💕꧁꧂
💕❃❥❍❥
نحيي مولدها العقيله وبالوفه ننطي العهد
على درب ام عون احنه وصحنه يا زينب مدد
نحفظ العفه وسترنه زايد بواحد احد
وتبقه زينب قدوه لينه وحبها احلى من الشهد
بهالولاده گل گلب ليها هتف
والنجم منثور چن در النجف
واليحبها ما يبالي
النجم بسمانه يلالي
نبضي حسين
________
تمت بعون الله بقلام شاعرات رابطة الچفوف السخيه غير مبري الذمه الي يحذف الاسماء او تلاعب بيهه
https://t.center/alkfoofalskea
