یزید فکری امامه یقین اهانتیدی
بو نکته گون کیمی روشندی چشم بینایه
آپاردی مسجده حتی امام سجادی
یزیددن نه تعجب بیله مدارایه
دئدی خطیبینه اول پیشوای اهل نفاق
اوخی خطابه یتور حقی پیر و برنایه
بولنمورم نجه
خطبه خطیب ایدوب ایراد
که قادر اولمادی زین العبا شکیبایه
خطیبی ایتدی مخاطب امام گوز یاشلی
بویوردی دونسون آنان ماتمونده ثکلایه
رضای خلقه خدا قهرین اشترا ایتدون
هامی ملائکه نین لعنتی بو سودایه
دونوب یزیده بویوردی اجازه وار آیا
چخوم بو مصعدی حاوی ایدوم مزایایه؟
دیوم او سوزلری حق گوندورب ، اوزی بویوروب
اولور یته ایشیدنلرده فیض عظمایه
جهانه سیر ایله کیم رخصت ایستوری کیمدن؟
نیازمند ایدوب اعلانی صرف ادنایه
بولوردی کیمدی ، کیمین اوغلیدور نلر دیه جاخ
اودور سوال امامت مجاب اولوب لایه
ز بس چوخ ایتدیله اصرار دوره دن اشراف
ویردی او فاسق اجازه او کان تقوایه
اوتوردی عرشه منبرده صاحب منبر
یتشدی حقیله حق صاحبی منایایه
لباسی گر چه دگلدی امامه زینبده
باخان گورردی وجودین ولی گرانمایه
اگر چه گل یوزی گل تک سولوب سارالمشدی
جمال زردی چوخ اوخشاردی مهر صفرایه
اولیدی موسی عمران ، ایدیدی سیر جمال
نه لازم ارنی دیماق ، نه نیاز سینایه
لسان حق ایله بیر
خطبه ایلدی ایراد
هامی تعجب ایدوب ایله نطق گویایه
خدایه حمد دیوب ، مصطفایه نعت و درود
گتورسون ایستدی راز نهانی افشایه
دئدی منی تانیانلار تانوللا تکمیلا
او کیمسه که تانیمور سوق ایدوم شناسایه
بیز اهلبیته ویروب آلتی خصلتی معبود
که یوخدی کیمسه یتن کونده بو اعطایه
فصاحتیله سخاوت فتوت و صبری
علوم اول و آخردی بیزه سرمایه
بیزه محبتی وار هر کسین وار ایمانی
ویروب بو زینتی هر بیر دل مصفایه
علاوه یتدی فضیلتله ایدوب افضل
سپاس بی حد و پایان خدای یکتایه
ایدوب پیمبری ، طیاری حمزه نی بیزدن
یتر منیم حسبیم هل اتایه معنایه
بو خانواده دی منسوب سبطی الرحمه
بو اهلبیتدی مصداق ، وحی یوحایه
دیوب آچوخ سوزیله اوز اوزین تانتدیردی
بویوردی مجمع باطلده صم و اعمایه
منم او کیمسه نون اوغلی که قاب قوسینه
یتیشدی لیله معراج قرب ادنایه
منم او کیمسه نون اوغلی که نازل قرآن
کتاب حقده مسما ایدوبدی طاهایه
منم او کیمسه نون اوغلی که زاده مریم
نوید وصلینی ویردی هامی نصارایه
آدی محمد و محمود ، کون دن مقصود
حبیب حضرت معبود مظهر اسرایه
منم او کیمسه نون اوغلی کتاب موساده
مبارک اسمی مسما اولوبدی ایلیایه
منم او کیمسه نین اوغلی زبور و توراتی
تماماً ایتدی قرائت گلنده دنیایه
منم او کیمسه نین اوغلی که طرفه العینی
قرار ویرمیوب اصلا شریک یکتایه
منم او کیمسه نین اوغلی عباده حمل ایتدی
زکات ویردی هامی مستحق بطحایه
منم او کیمسه نون اوغلی که ضرب شمشیری
اولوب جماعت دعوایه باعث اعطایه
آدی علی ، بیری القابینین ابالحسنین
او شه ، که کفو سالوب کفو سزلیق عذرایه
منم او کیمسه نون اوغلی که طور سیناده
ایدوب ظهور جمال اللهیله موسایه
منم او کیمسه نون اوغلی که اسم محترمین
ایدوب اوز عرشنه خلاق عرش پیرایه
منم او کیمسه نین اوغلی که ایلدوز مظلوم
کسیلدی باشی سوسوز ، آخدی قانی صحرایه
منم او کیمسه نین اوغلی که تشنه جان ویردی
ئولونجه العطش اولدی کلامی اعدایه
منم او کیمسه نین اوغلی که یاندی خیمه لری
اثاث سلطنتی جاهی گیتدی یغمایه
منم او کیمسه نین اوغلی که دین اسلامی
سر مطهری تبلیغ ایدوبدی ترسایه
منم او کیمسه نین اوغلی که نیزده باشی
دولاندی کوفه نی گه ، گیتدی گه کلیسایه
آدی حسین ، آناسی فاطمه آتاسی علی
کلیم حقه ویرن نطق ، دم مسیحایه
او قدر انا انا سایدی که ایلدی تاثیر
همان جماعت بی حس و بی تولایه
کفایت ایتمزیدی تک سوزه ، سوزی حجت
ثبوت حجته حجت سایاردی چوخ آیه
یزید گوردی که رسوای خاص و عام اولدی
محل قالمادی ابرایه جای حاشایه
دئدی موذنه وقت اولدی ویر اذان نماز
قویولدی امر خطاکار محض اجرایه
دیین زمان موذن اذانه تکبیری
دل آچدی حجت حق ، اکبر و کبیرایه
دئنده اشهد ان لا اله الا الله
ایدوب امامده اقرار لا و الایه
ایدن زماندا رسالت شهادتین تذکار
امامین آخدی سرشگی عذار مه سیمایه
دئدی موذنه صبر ایت ، یزیده ایتدی خطاب
سنی قسم ویرورم کردگار دانایه
کیمین باباسیدی بو پیک حضرت سبحان؟
بو گونده کیمدی یتن فیض عز قربایه
دئسن بابامدی منیم ، عین کذب فاحشدور
خدای عالمیان لعنی کذبه دارایایه
منیم بابامدی ندن ایتموسن اسیر بیزی؟
مگر یوخوندی سنون اعتقاد ، عقبایه
بولار که ایلموسن شامده خرابه نشین
دونوب گونوزلری شام ایچره شام یلدایه
پیمبر عترتی دور ، فاطمه بالاریدور
خانمدیلار هاموسی مریمیله سارایه
هامی بولوب که یزید حقه آد قویوب باطل
تعجب ایلدیلر اسمیله مسمایه
ایدوب تمامیسی لعنت یزیده سرگوشی
سبب او کافر مطلق دلینده پروایه
تمامه شرح غم شام (ذهنیا) یتمز
گر انس و جان ایده لر اهتمام املایه
#ذهنی_زاده #خطبه_امام_سجاد