#احوالات_حضرت_ابوالفضل_ع بخش_6
فکری مشغولیدی یکسر مشکینه
خون دل قاتمشدی گوزده اشکینه
بیر شقی قورموشدی یول اوسته کمین
ناگهان ظاهر اولوبدور اول لعین
کسدی سقای لب عطشانین یولون
سالدی شمشیریله تندن صاق قولون
حضرت عباس اول کان کرم
گوردی ناگه صاق قولی اولدی قلم
ایلدی بیر لحظه ده تدبیر ینی
صول اَله فوراً آلوب شمشیرینی
پور حیدر بیر هنر ویردی نشان
مثلی حاشا حشره تک اولسون عیان
حمله ور اولدی دوباره لشگره
یاقدروب شمشیری اود بحر و بره
مشکینه خاطر رشید بو تراب
جنگیدن ایلوردی اول دم اجتناب
جنگه لشگر لیک مجبور ایلدی
دلده سقا جنگی منظور ایلدی
فکری مشغولیدی چون که خیمه ده
تاپدی فرصت بیرده لشکر عرصه ده
اوز کمینیندن حکیم ابن طُفیل
ظاهر اولدی تاپدی دلده ظلمه مِیل
صول قولون ائتدی جفائیله قلم
گوردی سقا لنگره دوشدی علم
دوردی آلسون بیرقین تا لنگرین
حسرتین چکدی کسیلمیش اللرین
چون بولوردی لنگره دوشسه علم
اوزگه بیر حاله قالار اهل حرم
وئردی استعدادینی سقا نشان
قویمادی یئل بیرقه وئرسین تکان
صولتی سعداوغلونی ائتدی ملول
اولدی تصمیمینده اول جانی عجول
یوز دوتوب فرمان ویروبدور لشگره
اوینادی لشگر یریندن یکسره
قویدی یوز روباهلر شیر اوستونه
یاغدیروبلار ظلمیله تیر اوستونه
مشکی تهدید ایلدی بیر آن خطر
اولمادی قول مشکینه ائتسون سپر
دگدی بیر اوخ ناگهان سو مشکینه
خون دل قاتدی دوباره اشکینه
مشکه باخدوقجا اولوب افسرده حال
عارضه جاری ایدوردی اشک آل
منصرف اولدی خیامه گِتماقا
محضر شاهِ اَنامه گِتماقا
شیری السیز گوردی لشکر عرصه ده
کوفیان یکسر چَکوردی عربده
باخمادی نوفل آخان گوز یاشینه
تولادی ویردی عمودی باشینه
گوزلرینده پرده لندی لخته قان
گوردی زهرانی غرض با چشم جان
سسلیوردی گل اوغول آغوشیمه
باخما سن بو زَجه خاموشیمه
بولمورم دوشدی گوزی پهلوسینه
یا ددی اول گیدوم پابوسینه
تایوزی اوسته یخلدی توپراقا
فاطمه سَسلندی که ای وای بالا
دوشدی مرکبدن یره، اما رکاب
بوشلاموردی ایلمیشدی دلکباب
سَسلیوردی سیدی گل دادیمه
هارداسان قارداش یتیش فریادیمه
اولموشیدی بس که بی تاب وصال
گورسنوب سقایه مرآت جمال
مصرعی نور اولدی نور اللهیدن
قورتاروب سقانی دود آهیدن
حس اولوندی باشی اوسته آشنا
سسلنوب آچ گوزلرین ای با وفا
تا گوروب فریاده وار، فریاد رس
بیر نفسلندی اولوبدور ذینفس
غرقیدی هر چند قان دریاسینه
چشم بینانی آچوب بیناسینه
گوردی نالاندور امام اوغلی امام
عرض اِیدوب حال ولحده السلام
السلام ای فاطمه دردانه سی
حضرت حق الحقین جانانه سی
عارضه چوخ توکمه گوزدن اشک آل
سون نفسده اِیله سقانی حلال
عهدیوه اِیله
#عتیقا سن وفا
تا شفاعت اِیلیم روز جزا
پایان
التماس دعا
🙏