🌺 تایپ کننده و ویرایش کننده از : جناب آقای کربلایی مجتبی نقوی
🌺#مرحوم_استاد_خوندلاحوالات و شهادت جناب
#وهب و گریز به شهادت
#عبدالله_ابن_الحسن_ع و
#حضرت_ابوالفضل_ع@ganjine5بخش ۲
آناسی تا وهبون گوردی شاهِ عطشانی
او حالتیله ایدوب لعن او قومِ اشراری
دئدی اوغول بو همان شهریاریدور، ایمدی
قالوب کمکسیز اولوب دشمنون گرفتاری
بو اهلِ عشق که بو دشتی ایلیوبله منا
گوزل طریقیله اجرا ایدوبله پیکاری
او وقت اوز سودومی من سنه حلال ایلرم
شهید ایده سنی بو قوم ننگیدن عاری
بو امر تک نه منیم خواهشیمدی اولما ملول
عروسونده شهید اولماقا وار اِصراری
اوغول نه من و نه بو همسرون اولور مانع
وظیفه دور هامی اولسون بونون فداکاری
کومکلری توکلوب تپراقا قالوب یالقوز
وروبدی قلبینه دشمن جراحتِ کاری
تعجّبم هامی حیراندی استقامتینه
بو قدر درد و بلا یوخدی بیر هواداری
شکست و عجز جمالیندن اولموری مشهود
اولور بلا یتیشنده جمالی گلناری
ئولوب کومکلری قارداشلاری، جوان اوغلی
فقط اوزی تک و تنها قالوب بو مقداری
محالدور ایده ترسیم هیبتین او شهین
قلم اگر هامی دنیانین اولسا اشجاری
دوروبدی مرکزِ میداندا چوخ وقاریله
دوتوب صلابتی یکسر قلوبِ کفّاری
الینده قائمه ی ذوالفقارِ آتشبار
اولوبدی حامل اونا مرکبِ سبکباری
سنوبدی لشکری یوخ بیر نفر حمایت ایدن
عَلم یاتوبدی باتوب قانینه علمداری
وهب او لحظه سنه حقّیمی حلال ایلرم
گیدوب شهید اولاسان درک ایله بو هشداری
گرکدی باشیله جانیله خدمت ایلیه سن
سودوم حلال اولا ای نخلِ عمرومون باری
@ganjine5باخاندا قلبیمه قلبونده وار نه هنگامه
گوزوم گورور اونا یوخدور نیاز اظهاری
او دم حضورِ امامه مشرّف اولدی وهب
قبولِ دین و شهادتدن اولدی تذکاری
زهی سعادت او آز وقته شرکی ترک ایلدی
ایدوبدی عطف وجودین هدایته ساری
آناسی امر ایلمشدی گیدوب شهید اولسون
که جلب ایدر او شهادت رضای داداری
اجازه ایستدی گتسون نثارِ ثار ایلسون
که آبرنگ اولا دین نقشینه اونون ثاری
محبّتیله بویوردی امام اولماز بو
قوناق سوز بیزه سیز، ترک ایله بو گفتاری
آنان چادردا سنه منتظردی یول گوزلور
علاوه همسرون اولماز بو امر واداری
شهادتیمدی منیم تک بو لشکره منظور
بیر آیری شخصیله یوخ دشمنون سر و کاری
خلاصه ایلدی اصرار آلدی رخصتِ جنگ
ایدوبدی شیر صفت قصد او قومِ خونخواری
کمالِ قدرتیله جنگ ایدوب اولوب مجروح
کسیلدی اللری، قانه بویاندی رخساری
آناسی باخدی دئدی ای اوغول ایوین آباد
اولوب شهادتینه بو رضایت اقراری
یازار بو مطلبِ جانسوزی مُنتهی الآمال
نثارِ نُقل ایلیوب خامه ی گهرباری
عروس گلدی گوروب قان دولوب ایکی گوزینه
قویوب جمالینی قانلی جمالینه آری
او دمده شمر ایدوب اوز غلامینی مأمور
شهید ایده وهبیله او باوفا یاری
غلام شمر اونا بیر دمیر عمود ویروب
همان عمودیله ختم اولدی عمر طوماری
آقا خانم ایکیسی گیتدی جنّته باهم
یول آچدی روضه ی رضوانه عشق سرشاری
نچه نفر که امامین کمکلرینندن او گون
ویروبدی اللرینی اولدی دین نگهداری
بیری امام حسن(
ع) یادگاری عبدالله
سولوبدی آرتیروب امّا صفای گلزاری
الین کسوبله، لطیف آنّینا دگوب بیر اوخ
آخوبدی قرمزی قان دولدی چشمِ خونباری
بیریسیده وهبون اللریدی کسدیله تا
جهانی ترک ایدوب اولدی بهشته احضاری
بیریسیده اولارین شیرزادِ مرتضوی
او شهریارِ غریبون رشید سرداری
سوسوزلارا سو گتورسون بو اولمادی ممکن
ولی سو اوسته او شیرین کسیلدی قولّاری
سلام اولا کسیلن اللره دییر هر گون
امام عصر حسینون اولاندا زوّاری
امام تاپدی علمدارینی او حالیله
ایدردی گوز یاشی شرمنده ابرِ آزاری
شکسته حالیله فرمایش ایتدی سیندی بلیم
توکر عذاره گوزوم یاشی دُرّ شهواری
من ایمدی بو قلجی باغلیوم کیمون بلینه
بو شاهِ کم سپهون تا اولا سپهداری
ویروم بو قانه باتان پرچمی کیمون الینه
که اهتزازی سالا وحشته بو اشراری
منیمده یوخدی علاقم بو عمره سنسیز، کاش
اجل گَله آلا بو روزگار غَدّاری
ایله مقامه یتیشدی حسینون اصحابی
که عمرِ عاریتین اولدی جمله بیزاری
نه روزگار نه عمرین وفاسی وار
#خوندلامان ویرور نه نفس چکماقا بو بیماری
امیدوار که سلیمان کربلاسندن
هدیه فرض ائده رانِ ملخ بو اشعاری.
@ganjine5التماس دعای فرج