@Zehnizadeh#زبانحال_حر_به_امام_حسین_عشاها بغشله حری معاف ایت گناهیدن
تقصیر بنده دندی عطا پادشاهیدن
اوز ایتدیقیم خطالریمه نادم اولموشام
چوخ یوز ویروب گناه من رو سیاهیدن
اول سنی بو چولده بلایه سالان منم
یوخسا جسارت اولمازیدی بو سپاهیدن
چکدیم قلج یوزیوه جهالت یولیله من
کسدیم یولون که چیخموشیدیم شاهراهیدن
قورخوتموشام پیمبرین عزتلی قیز لارین
چوخ قورخورام معادیده قهر الهیدن
دوتموشدی خواب غفلت اویاندیم هزار شکرگلدیم که استفاده ایدم انتباهیدن
یوخ طاقتیم جهنم اودوندا یانام شها
ال چکمرم سنون کیمی پشت و پناهیدن
نومید ایلمه منی ای معدن کرم
ایلر کریم عذری قبول غذر خواهیدن
ایله قبول توبه می ویر رخصت جهاد
مایوس ایلمه منی درگاه شاهیدن
اولده محضرینده گرک قانه من باتام
جانیم چیخاندا منده چیخام اشتباهیدن
خنجر یاراسی نیزه قلج اوخ جراحتی
خوشدور منه یزید ویرن عز و جاهیدن
لطفیله ایله گوشه چشمیله بیر نظر
کیچسون مقام و مرتبتیم مهر و ماهیدن
((ذهنیده))بیله بیر نظره احتیاجی وار
مین دردینه دوا اولا تا بیر نگاهیدن
#مرحوم_ذهنی