Elizabet's library

Biz oʻzimizda mavjud boʻlmagan har bir narsada baxtni koʻramiz..

@elizabets_library

Tunda sogʻlar boʻlmaydi...

@elizabets_library

#kitobdan

"Dunyoda eng koʻp tarqalgan fikr : har bir kishining oʻziga xos maʼlum bir xususiyati boʻladi, xushfeʼl, aqlli, ahmoq, gʻayratli, yalqov odam boʻladi va hokazo degan fikrdir. Lekin odamlar bunaqa boʻlmaydi. Biz odam haqida u koʻpincha badjahl emas, xushfeʼl boʻladi, koʻpincha ahmoq emas, aqlli, yalqov emas, gʻayratli yoki aksincha boʻladi, deyishimiz mumkin; lekin bir odamni agarda, u xushfeʼl yoinki aqlli, desang-u, boshqa birini jahldor yoki ahmoq desak, notoʻgʻri gapirgan boʻlamiz. Biz boʻlsak, doimo odamlarni shunday ajratamiz. Bu notoʻgʻri. Odamlar daryodek gap : hammasining suvi bir xil, hamma joyda oʻsha suv, lekin daryo goh keng boʻladi, goh tor, goh tez oqadi, goh sekin, suvi goh tiniq boʻladi, goh loyqa, goh sovuq, goh iliq. Odamlar ham shunday. Har bir odamda hamma insoniy xususiyatlarning kurtagi boʻladi. Odam shu xususiyatlarning goh birini, goh boshqasini namoyon qiladi, baʼzan oʻsha odamning oʻzi butunlay oʻzgarib ketadi"

- Tirilish, L. Tolstoy.

@elizabets_library

#planning

Men yil uchun "Reja qilingan kitoblar" dan koʻra "Yashab koʻrmoqchi boʻlgan yozuvchilarim" ni tuzib chiqdim. Boshida aynan bir yozuvchini kitoblarini yigʻib, faqat oʻsha odamni oʻqish zerikarli boʻlsa kerak deb oʻylagandim, lekin buni Remarkda sinab koʻrdim, yoʻq, menga yoqdi. Qandaydir oʻsha yozuvchi bilan xuddi birga yashaydigandek kayfiyat berarkan.

Bu yil quyidagi yozuvchilar bilan yashab koʻrmoqchiman:

• Lev Tolstoy
• Fyodor Dostoyevskiy
• Frans Kafka
• Den Braun
• Stefan Sveyg
• Haruki Murakami
• Jek London
• Shekspir
• Gyote


Albatta, faqat shu yozuvchilarning asarlari bilan cheklanib qolmayman, yoʻl-yoʻlakay boshqa asarlardan ham oʻqib boraman...


@elizabets_library

#kitobdan

"Ehtimol, hech kim birovning azob-uqubatlarini oxirigacha his etmagani uchun ham noming oʻchgur urush takror-takror qaytalanaverar"

- Ortga yoʻl, E. M. Remark

@elizabets_library

#gaplasheyk

Yangi yilni qaysi asar bilan boshladingiz?

Iltimos, hozir 10 daqiqadan soʻng, bitta uzun xabarni yozib, hammaga birdan tashlamang, menimcha bunday tabriklashni umuman keragi yoʻq. Hech yoʻq shu yilni bunday boshlamang❤️

​​#sarhisob_2024_yil_mutolaasi📚


Yanvar
1. Jorj Oruell - Molxona
2. Svetlana Aleksieyevich - Chernobil tavallosi

Fevral
3. Albert Kamyu - Vabo
4. Albert Kamyu - Begona
5.Yosh Verterning iztiroblari
6.Londondan muhabbat ila
7. Jek London - Martin Iden

Mart
8. Teodor Drayzer - Jenni Gerxardt
9. Erix Mariya Remark- Qarzga olingan umr
10. Erix Mariya Remark - Gʻarbiy frontda oʻzgarish yoʻq
11. Erix Mariya Remark - Lissabondagi tun

Aprel
12. Erix Mariya Remark - Uch ogʻayni
13. Tillaniso- Sunbula

May
14. Ernest Xeminguey - Alvido, qurol.
15. Haruki Murakami- Shamol qoʻshigʻini tingla

Iyun
16. Gabriel Garsia Markes- Yolgʻizlikning yuz yili
17. Fyodor Dostoevskiy Jinoyat va jazo
18. Balzak - Dahriyning ibodati

Iyul
19. Ernest Xeminguey - Quyosh baribir chiqaveradi (Fiyesta)

Avgust
20. Fyodor Dostoevskiy - Kambagʻallar
21. Fyodor Dostoevskiy - Iblislar (1-qism)
22. Frans Kafka - Evrilish

Sentyabr
23. Anna Dostoyevskaya- Xotiralar
24. Oskar Uayld - Dorian Grey portreti

Oktyabr
25. Erix Mariya Remark - Jannatdagi soyalar
26. Daniel Glattauer - Shimol shamoli shashti

Noyabr
27. Alberto Moravia - Rimlik ayol
28. Tara Vestover - Talaba
29. Harper Li - Mazaxchini oʻldirish
30. Fyodor Dostoevskiy - Xoʻrlanganlar va haqoratlanganlar

Dekabr
31. Fyodor Dostoevskiy - Oydin tunlar ( Maʼsuma, Kulgili odamning tushi)
32. Frans Kafka - Jazo kaloniyasi
33. Erix Mariya Remark - Qora haykal



P.s: Bu yil oʻzim uchun Erix Mariya Remarkni kashf qildim🙂‍↔️Yil yozuvchisi boʻldi men uchun. Sizning yil yozuvchingiz kim boʻldi?


@elizabets_library

​​#nazm

To‘rtburchak dunyoni devorga osdim.
(Deraza... Tashqari... —suratdan kammi?)
Va seni sog‘indim... Nimadir yozdim...
Evoh, Dilga yaqin keltirdim g‘amni.

Chirmashdi qorlarning ipi chinorga
(Deraza... Tashqari... —bu surat — tirik),
To‘rt burchak dunyoni osdim devorga —
Nahot, sen o‘tmaysan suratdan yurib?

Pardani bir siltab (yurak umidvor),
To‘rt burchak dunyoni devorga osdim...
Sen ketgan yo‘llarni bosdi oppoq qor,
Sen qaytmas yo‘llarni oppoq qor bosdi.

Usmon Azim

@elizabets_library

​​#bookreview

Erix Mariya Remark - Qora haykal

Asarda ikki urushning oraligʻi tasvirlangan : bir urushni koʻrgan va ikkinchi urushning ostonasida turgan qahramonlar hayoti yoritilgan.
Asar qabrtosh yodgorliklari tayyorlash bilan shugʻullanuvchi Lyudvig Bodmer tilidan hikoya qilinadi. 

Asarda Birinchi jahon urushidan keyingi nemislarning ogʻir hayoti haqida soʻz boradi. Ishsizlik, inflyatsiyaning shiddat bilan oʻsishi ularning hayotini naqadar qiyinlashtirib yuborgan. Kundan kunga  ruhiy nosogʻlomlarning sonini keskin ortishi, oʻz joniga qasd qilishning avj olishi, ocharchilik - bularning bari  kelajakka nisbatan umidi yoʻq millatni tashkil etadi.  Lekin baribir shunday vaziyatda ham odamlar hayot uchun kurashadilar.

Asarning bosh qahramoni Lyudvig  tez-tez oʻz-oʻziga va boshqalarga " Nega bu hayotga keldik? Nega Xudo bizni yaratdi? Nima uchun yashashimiz kerak?" kabi savollarni berib, inson mavjudligining mohiyati nimada, degan savolga javob izlaydi.  Bunday savollarning javobi qiyin. Ayniqsa, urush sababli yoʻqotilgan avlod vakili boʻlgan bu qahramon uchun javobni topish ikki karra qiyinroq.

Asar faqatgina urushni  emas, turli mavzular qamrab oladi, ular shunday mavzularki ayni oʻsha davr emas, bilaks, butunlay barcha davrga aloqador : kecha, bugun, erta. Shu sababli ham asarni yakunlab boʻlganimizdan soʻng, xuddi bir hayotni yashab qoʻygandek his qilamiz.

"..Hozir ellik olti yoshdaman, – davom etdi Rizenfeld. – Shunga qaramay, yigirma yoshli davrimni judayam yaxshi eslayman. Xuddi oradan atigi bir necha yil oʻtgandek. Shuncha muddat qayerga ketdi? Nimalar roʻy beryapti? Tonglarning birida uyqudan koʻz ochasan-u, qariyaga aylanib qolganingni koʻrasan. Siz buni qanday his qilasiz, janob Krol?
– Taxminan, siz aytganingizdek, – doʻstona javob qildi Georg. – Hozir qirq yoshimda oʻzimni oltmish yoshli qariyadek his qilaman. Bunga esa urush aybdor "

Kitob shunday mahorat bilan yozilganki, siz oʻsha davrga tushib, oʻsha insonlar orasida yashab, ular kabi qiyinchiliklarni boshingizdan oʻtkazasiz, oʻzingizni xuddi urush qatnashchisidek his qilasiz va undagi hissiyotlar ham sizni qamrab oladi. Hayotga qandaydir boshqacha orziqish bilan qaraysiz, lekin hech qanday gʻalayon sizni qiynamaydi.  Chuqur sokinlik sizni qamrab oladi.

Asar soʻngida urush hamma narsani bardob etganini guvohi boʻlasiz va tushunasizki,  hayot qay tarzda boʻlmasin, baribir davom etadi : hayot qiyinchiliklari odamni ezib yuborsa-da, odamlar tugʻilaveradi, yashaydi, hayotni sevaveradi..

"...Hamma narsa barbod boʻlgan va qayta qurilgan. Avvalgi holatdan asar ham yoʻq. Xotirang puchmoqlarida, loaqal, birgina nishon saqlab qolish uchun qutlovxat sotib olishdan boshqa chorang qolmaydi.
Atigi ikkita bino hech bir ziyonsiz saqlanib qoldi — ruhiy kasallar shifoxonasi va tugʻuruqxona. Chunki ular shahar chetida joylashgandi. Urushdan keyin ular birdagina toʻlib ketdi, hozir ham toʻla. Hatto joylar sonini koʻpaytirishga toʻgʻri keldi..."

@elizabets_library

Aslida ayollarsiz hayot yanada qorongʻuroq koʻringan boʻlardi..

#kitobdan

"Muhabbat qaygʻuli emas. Shunchaki qaygʻu keltiradi, xolos"

- Qora haykal, E. M. Remark

@elizabets_library

#kitobdan

"Qoʻlga kiritolmaydiganing har doim qoʻlingda boridan koʻra aʼloroq koʻrinadi. Inson hayotining sururbaxshligi va beʼmaniligiyam aynan shunda..."

- Qora haykal, E. M. Remark

@elizabets_library

#kitobdan

"Afsuski, inson tabiati shunaqa: u yoʻqotgan narsasinigina chindan qadrlaydi"

- Qora haykal, E. M. Remark

@elizabets_library

#nazm

***

Bu odamlar yolgʻonchi dedim,
Bilmas edim kelmasligingni…
Moychechakning soʻnggi yaprogʻi,
Aytgan edi sevmasligingni…

Ishonmadim, barglarin yuldim,
U ishqimni ayamagandi…
Ming afsuski soʻnggida bildim,
Moychechaklar aldamagandi…

Qoʻllarimda soʻnggi yaprogʻi,
Uzurimni olmaydi ular…
Mening kabi bir uzr bilan,
Tirik boʻlib qolmaydi ular…

@elizabets_library

#nazm

Angladim –
bahorga atalmaganmiz,
Kuzda tug'ilganman, demakki – kuzman.
Eng soʻnggi yaprog'im toʻkilgungacha,
Sen ketgan yoʻllardan koʻzimni uzmam!

Sen ham bahorlarni axtarib yurma
Behishtdan quvilgan nochor, azizim,
Boshqa fasllarning borligi roʻyo
Bu dunyoda faqat kuz' bor, azizim.
💔

@elizabets_library

#nazm

Mening sayyoramni tark etgan kuning,
Bulutga aylandim yogʻib bermoqqa!
Sevmading deyishga haqqing yoʻq sening,
Haqqim boʻlmagandek seni sevmoqqa!

Vijdoning gapirsa xoziroq aytsin,
Qadrim huzuringda kulmi, kukunmi...
Ichimga har kuni oʻt ketsa ketsin,
Ammo qoʻllaringdan tutmoq mumkinmi?

Qalbing qaroriga shoshilmay tursin,
Bir kuni anglaysan barin nihoyat.
Seni baxtim deyish bir yoqda tursin,
Hatto sogʻinmoq ham ogʻir jinoyat!

Sogʻinchlar bir kuni haddidan oshib,
Meni ajdarhodek yutmaydilarmi...
Tilimga ololmas ismingni qoʻshib,
Sheʼr bitsam malomat etmaydilarmi?

Ishqing yuragimni yubordi yorib,
Oshiq boʻlganlarning hammasi xormi?
Bir bor nigohingdan poʻlatdek erib,
Soʻng muzlab qolmoqqa ijozat bormi?!

Ketib, ne koʻylarga qoʻyding...
Kelib koʻr,
Meni qay kunlarda qoldirganingni.
Qaraya, tuproqni kuydirmasin deb,
Yer ham olmayapdi oʻldirganingni!

Malika Tavfiq

@elizabets_library