Dilshod Rajab

***

Жавоҳирларнинг қадрини фақатгина заргарлар англайдилар, бошқалар билмайди. Кўр инсон учун олмос ҳам, оддий шиша ҳам бир.
Сенга боқаётган киши кўр бўлса, асло ўзингни оддий шиша деб ўйлама!

Шамс ТАБРИЗИЙ




@Marvaridfikrlar

Агар одамлар билан ақли етмайдиган мавзулар ҳақида гаплашсангиз улар сизни ақлдан озган деб ўйлашади.

©️Элвис Пресли

P.S: Одамларга ўхшашга ҳаракат қилманг. Ўз шахсиятингиз билан яшанг ва ажралиб туринг.

https://t.center/habibabdunazaar

ҚИШКИ ЮРИШ
Нима бизга қиш—чилла,
Чиниққанмиз пўлатдай.
Изғирин қиличига
Қалқон бизнинг кўкраклар.

Йўл оламиз мактабга
Аёздан қўрқмай, олға!
Ғижирлайди ғазабдан
Қишнинг тиши — оқ қорлар.

@dilshod_rajab_ijodi

ИЛОҲИЙ ТАНБЕҲ

Кўчада уст-боши кир, вужуди ниҳоятда озғин қизалоқ ўтган-кетганга тиланиб, садақа сўраётган эди. Қизалоқнинг увада кийимлари, иркит юз-қўллари кўзи тушган инсонни паришон қиларди. Тиланчи қизалоқ ёлвораётган кўчадан кўркам йигит ўтди. Бир қарашда қизча диққатини тортди, аммо орқасига ўгирилиб қарамади. Катта, ҳашамдор ҳовлисида уни бахтиёр ва ҳаловат ичида яшаётган оиласи, чиройли тузалган дастурхон кутарди. Лекин дастурхон бошида ўйлари бояги кўчада тиланчилик қилаётган қизалоққа тақалаверди. Ҳиссиётлари уни таъқиб этар, шу қизчага уч-тўрт сўм садақа бермагани учун ўзига ўзи эътирозлар қиларди. Сўнг эса айбдорликдан қочишнинг энг осон йўлини топди: Аллоҳга эътироз билдирди. Аллоҳим, Ўзинг ҳар нарсага қодирсан-ку, шугина қизалоққа раҳм қилсанг, уни муҳтожликдан халос қилсанг бўлмайдими?! Қалбининг туб-тубидан шундай илоҳий садо таралди:

-- Сени нега яратганим ва бунча мол-дунёни нега берганимни тафаккур қилмайсанми?!

"Иймон ва ҳузун" китобидан




@Marvaridfikrlar

***

Шундай илм олгинки, ибодат қилишингга зарар бeрмасин. Шундай ибодат қилгинки, илм олишингга зарар қилмасин. Ким илмсиз амал қилса, ислоҳ қилган нарсасидан кўра, барбод қилган нарсаси кўпроқ бўлади.

Жалолиддин Румий




@Marvaridfikrlar

***

Кўнгил кўзи билан кўрган ҳеч бир инсонни алдай олмайсиз. Чунки у сизни очиқ бир китоб каби ўқийди.

Жалолиддин Румий



@Marvaridfikrlar

ҚОРБОБОГА САВОЛ

Ҳар янги йил келасиз,
Совға-саломлар билан.
Байрамнинг ойбекаси –
Қорқиз опамлар билан.
Саволларим бор сизга,
Оилангиз ҳақда бу.
Биргинами қизингиз,
Ўғлингиз-чи, қайда у.
Қорболами, қорйигит,
Хўп улғайиб қолгандир?
(Мўйлови сабза уриб
Соқолларин олгандир...)
Ҳа, тушундим сирини,
Ўрмондан ҳеч жилмас у.
Ойиси – Қорбувини
Ёлғиз ташлаб келмас у.

Dilshod Rajab
@dilshod_rajab_ijodi

ҚОРҚИЗГА ОЛҚИШ

Ким айтар: у паримас?!
Ундан чирой аримас!
Ҳар йил бир ёш ўсса ҳам,
Қорқиз сира қаримас!

Чунки дили пок унинг,
Орзулари оқ унинг.
Номи қордан бўлса ҳам,
Меҳри кўп қайноқ унинг.

Худди гўзал оқ қайин.
Боқишлари бир майин.
Яшариб, очилгандай
Қорқизимиз йил сайин!

Шундай, қишда ҳам яшнаб,
Сарғаймасин, сўлмасин.
Ёшлик кетмасин ташлаб,
Сира кампир бўлмасин!

Дилшод Ражаб

@dilshod_rajab_ijodi

АРЧАГА ҲАЗИЛ

Эркалатиб уйимиз
Энг тўрига ўтқаздик.
Қўлларингга турфа хил
Ўйинчоқлар тутқаздик.

Янги йилда яшариб
Ял-ял яшнаб турибсан.
Биз-чи, олтин ёшликнинг
Бир йилини «ютқаздик».

    Dilshod Rajab

@zahro_rajabova

ЯНГИ ЙИЛ КАРНАВАЛИ

Ҳамма ҳар хил ниқобда,
Таниш бирам қийинки...
Ким бўри, ким қуён ва
Ким айиқни “кийибди”.
Ана, борар қирол Шер,
Атрофида тулкилар.
Масхара қилиб Шерни
Ҳар ёнидан турткилар.
Диконглаб ўйин тушар,
Айиқвой тинч туролмай.
Қоплон эса кийибди
Мини юбка... уялмай.
Маймyн юрар лапанглаб,
Қуён ўтар кеккайиб.
Таъзим қилиб сичқонга,
Мушук қолар энкайиб.
...Ҳайвонларнинг феъл-хўйи,
Тамом телба-тескари.
(Номига мос иш қилмас,
Ўзидами эслари?)
Устозимнинг ўгити
Ёдга тушар шу тобда.
Асл қиёфани ҳеч
Билиб бўлмас ниқобда.

Dilshod Rajab

@dilshod_rajab_ijodi

***

"Муваффақият формуласини билмасам-да, аммо муваффақиятсизлик формуласини яхши биламан — бу барчани рози қилишга уринишдир".
 
Эрнест ХЕМИНГУЭЙ



@Marvaridfikrlar

***

Инсонлар сизга нисбатан салбий муносабат билдирса, дилингизни оғритса, хафа бўлманг.
Ҳар ким ўзида борини беради.


@Marvaridfikrlar

ХУЛОСА

Ойим айтди совуқда
Турмай уйга кир-кир,
Гапга кўнмай ҳовлидан
Чиқдим босиб бир-бир.
Тани муздай бир шамол
Эсар эди ҳур-ҳур,
Юрдим бекордан-бекор
Совуқ қотиб дир-дир.
Мана энди ётибман
Таним оғрир зир-зир.
Йўталаман қур-қур,
Бош айланар гир-гир.
Дўстим, сенга маслаҳат,
Қулоқ бериб тур-тур.
Катталарнинг гапига
Йўқ демасдан кир-кир.
Шунда яқин йўламас
Дарду бало қурғур.

     Дилшод Ражаб

@dilshod_rajab_ijodi

***

“Одам меҳнатига яраша маош олмаса, маошига яраша меҳнат қила бошлайди”...

Озод Шарафиддинов

@dilshod_rajab_ijodi

ҚИШ МАНЗАРАЛАРИ

Симёғочнинг симлари
Кўринади тор бўлиб.
Қишнинг совуқ кунлари
Лайлак келар қор бўлиб.

Қийқим-қийқим оқ мато –
Тўкилар қор парчалар.
Минглаб нинаси билан
Қалпоқ тикар арчалар.

Турнамас, турнақатор
Сумалаклар тизилган
Ойналарда музгулзор –
Аёзгуллар чизилган.

Дилшод Ражаб

@dilshod_rajab_ijodi

ҚИШ ТАШБЕҲЛАРИ

Қор кийинган арчалар,
Оқ қалпоққа ўхшайди.
Ялтироқ шох-шаббалар,
Жез тароққа ўхшайди.

Муз қотган ариқчалар,
Зар белбоққа ўхшайди.
Сумалаклар – қандиллар,
Муз чироққа ўхшайди.

Қор устида қарғалар,
Қора доғга ўхшайди.
Ё оқ қоғозга томган
Ранг-сиёҳга ўхшайди.

Феъли совуқ изғирин,
Кўп чатоққа ўхшайди.
Қувиб солар ҳаммани,
Уртўқмоққа ўхшайди.

Дилшод Ражаб

@dilshod_rajab_ijodi

***

"Аллоҳ қайси бандадан нафратланса, ундан илмга бўлган иштиёқни олиб қўяди".

Ҳасан БАСРИЙ


@Marvaridfikrlar