Хикоялар Хадислар Ривоятлар Хикматлар

#Долзарб
Психолог ким?
Психолог замонавий овчи.
Йўлини йўқотган, аламзада, эридан куйган, хаёт йўлларида йиқилиб, қайта оёққа тура олмаётган, бўшашиб исломни аслини топа олмаётганларга, бўш қармоқ ташлаб, эътиқоди заифларни ўлжа қилаётган ОВЧИ!

Ҳа, ҳа ишонаверинг сиз уларнинг
лаққа балиғи ёки ёғли эшигисиз.
Сизга атаб ҳатто қармоққа чувалчанг ҳам илгани йўқ.
Бўш, қуриқ қармоққа илиниб, алданиб юрибсиз.

Муслимага алдовлар керак эмас, токи унинг ислом деган ҳақиқати бор экан.
Муслимага психолог умуман керак эмас, токи унинг бош қўйганда далда оладиган саждаси, зикр қилганда ором топадиган Роббиси, ўқиганида қалбини эритиб, дардларини унуттирадиган қуръони, ҳар эслаганида ибратланадиган, таъсирланадиган ислом тарихи, доим очиқ турадиган тавба эшиги, қачон сўрайман деса дуоси бор экан.

Қуръон ўқишни билмасангиз саҳиҳ қиссалар ўқинг. Сийратни ўқинг. Абул Қосим Жунайд айтганларидек
“Қиссалар Аллоҳнинг қўшинларидандир, у қиссалар билан Аллоҳ Ўз дўстларининг қалбини мустаҳкамлайди.”

Аллоҳнинг Ўз, ҳос дўстларидан бўлишни хоҳласангиз бўшашманг, синов келганда қанақадир психологга эмас, Роббингизга сиғининг, чиқиш йўлларини фақат исломдан қидиринг!
Шунда Аллоҳ қалбингизни арзимаган синовда ҳам тўкилиб қолмайдиган қилиб мустаҳкамлайди.
Имтихонларда собит туриб бериш илми билан ризқлантиради.

Муслималар психологга пул сарфлаб, семинарма семинар кезиш ўрнига Аллоҳдан қўрқадиган дўстлар орттиринг. Ўзингиз ҳам шундайлардан бўлишга интилинг.
Ахир исломда мўминнинг мўминга тасалли, далда бермоғи, яхши маслаҳатлар бериб унга тўғри йўлни кўрсатмоғи ҳам катта ажр, пул эмас.
(Пулни садақа ёки эҳсон қилиб руҳи, қалби таскин топсин.)

Энг асосийси уларнинг фани ислом устига қурилмаган.
Албатта эътиқодингизга катта зарар беради.
Чунки эътиқод қалбни йўналтирадиган навигатор ёки иймонни ўз ичида яшатадиган уйдир.
Агар унинг биргина ғишти жойидан силжиб қолса, Аллоҳ кўрсатмасин иймон парчаланиб кетади…

Улар сизга психология фани қуръон билан ҳамоханг десалар ишонманг!
Чунки қуръон яхшиликни фақат ҳолис Аллоҳ учун қилишга буюради, пул эвазига эмас.

Далда, юпанч қидириб, аравани қуриқ олиб қочадиган олиб қочарларга, қармоғи бўш пул овчиларига иймонингизни топшириб қўйманг!

Далда, юпанч фақат исломдадир. Бошқаси чўпчак, бошқаси ғафлат..!

Зеро Қуръони каримда марҳамат қилинганидек: “Улар иймон келтирган ва қалблари Аллоҳнинг зикри билан ором оладиган зотлардир. Огоҳ бўлингизки, Аллоҳни зикр этиш билан қалблар ором олур .” (Раъд сураси 28-ояти).

Эй, Аллоҳнинг синовидан фожиа ясаб оладиган, эй, ҳаммага хаётидан шикоят қилиб, зорланадиган, эй, мусибат вақтида тўғри келганга эргашиб, нафсига ёқса авестодан ҳам юпанч излаб кетаверадиган банда, яраларинга малҳам ўлароқ Аллоҳ етмайдими, сенга вакийл ўлароқ Аллоҳнинг Ўзигина кифоя эмасми?
Оятда айтилганидек огоҳ бўлмайсанми?

Психология фани катта бир тузоқ.
Исломдан бехабарлар, эътиқодда ортта қолганлар, эътиқоди заифлар тушадиган миссионерларнинг тузоғига ўхшаш чуқур тузоқ!

Осиё Абдулазим қизи

@HIKOYANEW

#Ҳадис

«Исломнинг нимаси яхши?»

Абдуллоҳ ибн Амр розияллоҳу анҳудан ривоят қилинади: «Бир киши Набий соллаллоҳу алайҳи васалламдан: «Исломнинг нимаси яхши?» деб сўради. «Таом бермоғинг ҳамда таниган ва танимагангга салом бермоғинг», - дедилар».
Бешовларидан фақат Термизий ривоят қилмаган.

Ушбу ҳадиси шарифдан олинадиган фойдалар:

1. Муҳтож кишиларни таом билан таъминлаш энг фазилатли иш экани ва бунга тарғиб.
2. Танигану танимаган мусулмонларга салом беришни йўлга қўйиш зарурлиги.
3. Энг яхши нарсаларни билганлардан сўраб ўрганиш кераклиги.
4. Исломдаги амаллар бир-биридан афзал бўлиши.

@HIKOYANEW

Боши 👈🏻

Шунинг учун, мен қишни ёмон
кўраман!
Мана, менинг ҳаётим!.. Мен бундан ҳеч қачон уялмайман! Ўзимда йўқ нарсани бор қилиб ҳам кўрсатмайман. Майли устимдан кулишсин, лекин бирор кишига бўлса ҳам нафим тегса, мени изтиробли ҳаётимдан бир киши бўлса ҳам хулоса чиқариб, нимагадир эришса, мингларни устимдан кулганлари, масхара бўлганим мен учун умуман аҳамиятсиз!

Ҳар байрамда оналар ҳақида гапириб, тўлқинланар эканман, Бўзнинг Маъруфобод қишлоғини, одми, содда аёлларини, аям раҳматликнинг этагига яшириниб катта бўлган кунларимни эслайман.
Мунис хола, Раҳима хола, Зайнаб хола, Тўхтахон эна...
Қишлоқнинг содда аёллари, бўйи ўсмай қолмасин деб оғир юкларни болаларини елкасига қўймаган, ипак қурти боқиб бир қулоч қилиб боғланган тутнинг новдаларини ўзларининг нозик елкасида ташиган оналарга таъзим.

Мирзоҳид БОТИРОВ

@HIKOYANEW

#Ҳаётий ҳикоя
Менинг аям ҳаммадан яхши!

Аям раҳматлик билан бўлган қуйидаги воқеани минг азоб билан эслайман! Ёшлигимда, 5 ёшимда тақдирнинг тақозоси билан онам ортидан ўзга хонадонга эргашиб бордим....
Кунларнинг бирида янги отамнинг барча қариндошлари болалари билан Ўш шаҳрига, Сулаймон тоғига зиёратга бордик. Кунимиз завқли ўтди, болалар билан роса қувлашиб, тоғларга чиқиб мириқиб ўйнадик. Ҳамма болаларига ширинликлар, овунчоқлар, музқаймоқлар олиб бериб сийлар эди. Мен эса, қимтинибгина ўтирган, хали тўлиқ янги қариндошларига кўникиб улгурмаган, қамсуқум аяжонимнинг пинжига кириб, катталар учун ёзилган дастурхондаги нон ва чой билан сийландим холос, чунки уйда аямнинг чўнтагида умуман пули йўқлиги ҳақида огоҳлантирилгандим, буни устига ўгайлигимни жудаям яхши ҳис қилардим, янги отамнинг эса ҳали меҳрини қозонолмадим ёки хаёлидан кўтарилдим чоғи, лекин барибир хурсанд эдим...

Уйга қайтдик, яратганнинг қудратиданми ярим кечаси уйғониб кетсам, аямнинг яратганга нолиб, Роббим боламни мартабасини улуғ, ризқини баланд қил, сабрли-садоқатли қил деб, йиғлаётганини гувоҳи бўлдим...
Ўрнимдан шошиб туриб, вазиятга тушунар-тушинмас, Аяжоним, меҳрибоним, нега йиғлаяпсиз? - деб, юз-кўзидан ўпиб, аяжонимга суйкаландим, раҳматлигим, аяжоним мени бағрига маҳкам босар экан, болам сен хафа бўлмагин хўп, мен тақдиримдан, қисматимдан йиғлаяпман, Сулаймон тоғида мўлтираб турган кўзларингни кўриб сенга атиги бир донагина ширинлик ёки ўйинчоқ олиб беролмаганим учун йиғлаяпман болам, дедилар!
Хўрлигим келиб, аламларим ёдимга тушиб, тўлиб-тўлиб йиғладим. Шу туни она-бола ухламадик, осмон бизга қўшилиб йиғлагандек шу кеча, эрталабгача бир биримизни бағримизга босиб, биримиз биримизни юпатиб чиқдик...
Бир-биримизни суйгувчи ҳам, эркалагувчи ҳам фақат иккимиз эдик! Койисак ҳам, фақатгина бир биримизники ўтмас эди, холос! Меҳримиз фақат меҳримиздан сув ичарди! Ҳуркак кийикдек ўтган бўлса ҳам, аям билан биргаликда ўтган ўша кунларимни жуда соғинаман!
Шу куни ўзимга ўзим, келажакда ўқиб олим бўламан, қўлимдан келган эзгуликни инсонларга улашаман, зийрак ва андишали бўламан, ҳар бир мўминни кўнглини олиш бахти ва қудратига сазовор бўламан, фарзандларимга ҳар қандай шароитда ўзим оталик қиламан, курашаман ва мақсадларимга албатта эришаман, онажонимни бахтли қиламан деб ваъда бердим! Ўша тун болалигимни, эркалигимни раҳматлигимни пойига кўмганман... Бу кунни раҳматли аям, Очилдин ҳожи қизи Ҳимоятхон ўтган кундан кейинги, энг мудҳиш кун сифатида, шунингдек, ҳаётда эришган барча муваффақиятларимга пойдевор қўйилган кун сифатида хотирлайман, қадрлайман!

Ўша пайтларда колхоз идораларини олдида кечки маҳал қишлоқ меҳнаткашлари учун маданий дам олиш концертлари бўларди. 7 ёшли боламан. Мен кўпроқ раққоса қизларга ҳавас билан қарардим. Чунки хаёлан раҳматлик аям билан ўша назокатли ва гўзал раққоса аёлларни солиштирардим.
Ҳар қанча уринмай Аямнинг қадоқ қўллари, юзларидаги ажинлари, оҳори тўкилган чит кўйлаги, қатиқ ёки зардоб ҳиди анқиб турадиган силлиқ сочлари, айвондаги катта ва кичик кетмонлари ва ранги билинар-билинмас йиртилиб кетай деб турган этиги кўз олдимдан кетмас эди.
Биласизми, ўша ёшда,ўша кун туни билан нималарни орзу хаёли билан ётардим? Катта бўлсам, албатта, аямга раққосаники каби ялтироқ кўйлак, ироқи дўппи, узун тошли исирға, ковушдеккина оёқ кийим олиб бераман, дея ўзимга ўзим ваъда берардим. Аямни хаёлларимда ўша раққосалардек ясанган ҳолатда тасаввур қилиб, жудаям бахтиёр, ўзимдан мамнун бўлиб,ширин хўрсиниб қўярдим.
Вақти келиб болалик хаёлларим рўёбга ҳам чиқди, лекин у кўриниш мени мазлум аямга асло ярашмади ва бахтиёр кунларим узоққа чўзилмай, раҳматлигим,онкологик касаллик билан бу дунёни тарк этди...

У пайтларда декабрда ҳам пахта териларди. Раҳматлик аямни қишли қировли кунларда қўли ёрилиб, қор остида қолган ғўзапояларни ўроқда ўриб келиб, тандирда пиширган нонларини емасдан йиғлаганман. 6-синф боласиман, ёрдам берай мен ҳам деб далага орқасидан борганимда, уришиб ҳайдаганлари, касал бўлиб қолсанг, нима қиламан деб йиғлаганлари ҳали-ҳали эсимдан чиқмайди. Мени деб, ўзини қурбон қилган онам!

Давоми 👈🏻

@HIKOYANEW

Ассалому алайкум ва роҳматуллоҳи ва барокатуҳ.

Якшанба тонги барчамизга 
        муборак бўлсин!
Кимдир бу тонгни оиласи бағрида, кимдир хизмат сафарида, кимдир касалхона тўшагида, кимдир касалхона эшигида кутиб олмокда...
Хар не бўлганда хам Аллоҳга беҳисоб шукроналар бўлсин...
Дам олиш кунини оила бағрида, яқинлар даврасида, Ота оналар ризолигини олган холда кутиб олишга  не  етсин... Яқинларимизни  борида ва улар билан ўтган хар бир онимизни қадрлайлик... Улар ҳам омонат...
Йўқотганимиздан сўнг уларни изларини ҳам тополмаймиз...

Ота-онамиз,  фарзандларимиз,  оиламиз ва яқинларимизни Аллоҳ ўз паноҳида асрасин!

@HIKOYANEW

#Меъёр
Ҳар бир инсоннинг қалбида ҳар нарсанинг маълум бир чегараси бўлади. Ҳис-туйғуларининг чегараси, оғриқларининг чегараси, кўз ёшлари, узрлари ва ҳатто нафратининг ҳам чегараси бўлади. Шунинг учун инсонлар баъзида узоқ сабр қиладилар, узоқ вақт жимлик қаърига чўкадилар, узоқ муддат  қийинчиликлар билан ёлғиз курашадилар. Кутилмаганда шундай кун келадики, тоқат чегараси бузилиб, на бир сўз, на бир оғиз тушунтиришларсиз қайтмас бўлиб кетадилар.

Муттасил тортишувлар муносабатлар тугаётганини эмас, давом эттиришга эҳтиёж борлигини билдиради. Умид узилиб, охирига етган муносабатларда келишмовчиликларга ўрин қолмайди.

Яқинларингизнинг хотиржамлиги Сизни алдаб қўймасин.

©️Muzdalifa

@HIKOYANEW

#Ajrim

Собиқ эр-хотинларнинг ажрашганларидан кейин қариндош-уруғлар, ёру биродарлар, таниш-нотанишлар, ҳамкасблари олдида бир-бирларини шармандасини чиқариб, сирларини фош қилиб, керак бўлса туҳматлар ҳам ёғдириб, обрўсизлантиришга уринишларидан қанақа лаззат тотишларини тушунолмасдан ўтиб кетсам керак бу дунёдан.

Эр ёки хотин қачондир ажрашди, деган гап бир умрлик душманларга айланди дегани эмас. Ажримлар шунчаки муносабатлар тўхтаганини билдиради холос. Ўзаро ёмон гаплар тугул, яхши гапларга ҳам ўрин қолмаганлигини англатади. Тамом.

Эр ёки хотиннинг обрўсини тўкишдан бирортасига бир тийинлик фойда бўлса кошки...

Хоп, бугун бегона, ёхуд душманга айланган инсоннинг ҳурмати қолмаган бўлса, ўртадаги фарзандларнинг ҳурмати бордир. Ёки узоқ йиллик турмушнинг ҳурмати бордир. Жилла қурса озгина яшаб ажрашган бўлса ҳам, шу озгина биргаликдаги яшаган ҳаётининг ҳурмати бордир...

Шу ҳурмат етмайдими ёмонликдан тийилишга?! Ахир ризқ, қадар Аллоҳданку.
Ажрашган бўлса кетар чоғи албатта душманлик қилиб кетиш шартмикин?! Ёки бошқача кетишнинг имкони йўқмикин?!

Бир пайтлар ёниб - куйиб севганишларнинг бир кунда ашаддий душманларга айланиб, қўлидан келганича ёмонлик қилишга уринишлари қизиқ...

Ажралиш фожеа эмас. Сабаблар кўп. Ҳар ким ўзича ҳақ. Лекин оддийгина ҳақиқатни ҳеч биримиз тан олишни истамаймиз, ёки тан олишга қийналамиз. Эр-хотиннинг биргаликдаги ҳаётидаги ризқи тугаган. Вассалом.

Қадарга иймон келтирганлар бундай вазиятларда душманлик қилиб ўтирмайди. Аллоҳдан кўради ва Роббиси учун тақдирига рози бўлади.

Қалбларни Аллоҳ билгувчи. Кимдир кимгадир ёмонлик ёки яхшилик қилдими бу фақатгина ҳар инсоннинг Ўзи учун. Вақти билан қилмишига ярашасини олаверади. Ҳеч бир ҳисоб бошқа бировда қолиб кетмайди.

Яхшилик қил, сувга сол, балиқ билар. Билмаса Холиқ...

©️Muzdalifa

@HIKOYANEW

#Буни_билиш_керак

РИЗҚДАГИ БАРАКАНИНГ ОМИЛЛАРИ

1. Таомни биргаликда ейишда барака бор (Ибн Можа).

2. Бисмиллоҳ билан ейилган таомда барака бўлади (Ибн Можа).

3. Барака овқатнинг ўртасига тушади. Шунинг учун ҳам четидан енг, ўртасидан еманг (Термизий).

4. Саҳарда ва саҳарлик таомида барака бор (Табароний).

5. Таомдан олдин ва кейин қўлларни ювиш уйдаги баракани орттиради (Шуйба).

6. Қайноқ овқатда барака бўлмайди (Дайламий).

7. Асалда барака ва шифо бор (Ғофилин).

8. Сиркада, сутда, хурмода барака бор (Ибн Можа).

9. Ризқига рози бўлганнинг баракаси ортади, рози бўлмаганнинг баракаси камаяди (Аҳмад).

10. Олди-сотдида кўп қасам ичиш молнинг баракасини кеткизади (Муслим).

11. Тижоратда барака бордир, унга ёлғон, хиёнат аралашса, барака кетади (Бухорий).

12. Барака буюкларингизда (Рафиий).

13. Биринчи боласининг қиз бўлишлиги хотиннинг баракотидандир (Ибни Асокир).

14. Қиз бола баракотлидир (Дайламий).

15. Боласиз уй баракасиздир (Абушайх).

16. Уйнинг яхшилиги ва баракоти кўпайиши учун уйга кирганингда уй одамларига салом бергин (Ҳаротий).

17. Дуо умрнинг баракасини кўпайтиради (Термизий).

18. Қуръон ўқиладиган уйнинг баракаси ортади, Қуръон ўқилмайдиган уй бебарака бўлади (Доримий).

19. Мусофир мингта барака ва мингта раҳмат билан келади (Нисобул ахбор).

20. Уйидан вақтли чиққаннинг ишида барака бўлади (Баззор).

21. Йўлчиликка чиқиб, биродари билан видолашгач, уларнинг дуоси билан баракага эришади (Дайламий).

22. Ота-онасига хизмат қилганларнинг умри баракали, уларга қарши борганларники баракасиз бўлади (Ислом ахлоқи).

23. Муҳаммад исмли уй ва жойда барака бўлади (Дайламий).

24. Бомдод намозининг суннатини уйда ўқиш, ризқнинг баракотига сабаб бўлади (Имоду ислом).

25. Намоз ўқийдиган кишининг ризқи баракали бўлади (Кутуби Ситта).

26. Ваъдали олди-сотдида, қарзни беришда ва арпа аралаштирилган нонда барака бор (Ибн Можа).

27. Уйда чиқиндиларнинг бўлишлиги баракасизликка сабаб бўлади (Дайламий).

28. Фосиқ ва судхўрларнинг даромадида барака бўлмайди (Дайламий).

29. Бир жамоада бири гапириб турганда қолганлари тинч турмаса, у жой баракасиз бўлади (Байҳақий).

@HIKOYANEW

Ассаламу алейкум ва рохматуллоҳи ва баракатуҳ. Кунингиз хайр ва барокатларга тўла бўлсин!

Аллоҳим хонадонингизга барокатларини, раҳматларини, мағфиратларини, икромларини, тугамайдиган, ўзгармайдиган неъматларини сочиб қўйсин!
  
Фарзандларимиз умрилари  ризқлари, касбу-корларига Аллоҳ барокатлар берсин!

Орқамизда қолиб, хайрлари ила, эҳсонлари ва тиловатлари ила бизни эслагувчи, жаннатда нурдан тож кийдиргувчи зурриёдлар бўлишсин!
 
Роббим, ота- оналаримиз, биродар ва яқинларимиз, жамиики мусулмонларни Ўз паноҳингда асра!
Ўтганларимизни мағфират айла!

Роббим, ҳар ишда бизлар орзу қилганимиздан-да яхшироғини, кутганимиздан-да афзалроғини, сўраганларимиздан-да хайрлироғини насиб айла!

@HIKOYANEW

Ҳикоя қилишларича, бир алломадан заҳарга таъриф беришларини сўрашган. Шунда у зот: бизнинг эҳтиёжимиздан ортиқча ҳамма нарса заҳардир, деганлар.
У ҳамма нарса бўлиши мумкин: куч-қувват, мол-давлат, очлик, тўқлик, таъма, муҳаббат, ғурур, нафрат, орзу-ҳавас, ялқовлик ва ҳоказо...

@HIKOYANEW

Умар розияллоҳу анҳу айтадилар:

“Аллоҳнинг зикридан ажрама, чунки бу ШИФОдир. Одамларни зикр қилма, чунки бу ДАРДдир“.

@HIKOYANEW

#Ақл_Руҳият

#Tafakkur_qilishingiz_va_insonlarni__oson_ajrata_olishingiz_uchun_tenglama

Ақлли бўлишни ҳамма ҳам эплаши мумкин, бироқ, инсон руҳияти унинг табиатини шакллантиради. Яъни ақл онгни бошқаради, руҳият феъл - атворни. Шу сабабдан кўпгина ақлли кишиларнинг ахмоқона қилиқларига ҳаётда исботлар кўп.

Ақлнинг баъзи хислатлар билан йиғиндиси инсон характерини маълум бир томонга йўналтиради.

Ақл + Кибр = Калтафаҳмлик
Ақл + Очкўзлик = Таъмагирлик
Ақл + Ҳасад = Адоват
Ақл + Таваккал = Журъатлилик
Ақл + Ҳирс = Ҳаромхўрлик
Ақл + Зиқналик = Пасткашлик
Ақл + Мақтанчоқлик = Бетайинлик
Ақл + Манманлик = Журъатсизлик
Ақл + Худбинлик = Маккорлик
Ақл + Ҳис-туйғу = Нодонлик
Ақл + Қўрқоқлик = Масъулиятсизлик
Ақл + Аллоҳдан қўрқув = Одиллик
Ақл + Холислик = Олижаноблик
Ақл + Эътиқод = Қатъийлик
Ақл + Мулоҳаза = Сабрлилик
Ақл + Ғурур = Ориятлилик
Ақл + Самимият = Закийлик
Ақл + Фаросат = Донолик.

Ўз фойдаси учун ақл ҳаммада бор. Яъни шахсий манфаат турганда ҳамманинг ақли ўзи учун яхши ишлайди. Айнан шу нарса унинг нечоғли тафаккур соҳиби эканлиги ва қандай инсонлигини кўрсатади.

Ақл ҳеч қачон ҳаракатсиз турмайди. Унинг доим қанақадир иллат ёки фазилатга мойиллиги бўлади. Шу боис Руҳият яъни феъл - атворимизни мунтазам тарбиялаб боришимиз жоиз-ки, ақлимиз зараримизга ишламасин.

Руҳият фақатгина Яратувчисини таниб, уни ҳис этиб, Унинг розилигини мақсад қилиб ҳаракатланганидагина юксалади.

Барчамизга руҳият камолоти насиб этсин.
©️Muzdalifa

@HIKOYANEW

Билармидингиз?

Ейилган жуфт сонли хурмо инсон организмида шакарга айланади. Шунинг учун Пайғамбаримиз соллаллоҳу алайҳи васаллам бизга хурмони тоқ сонда ейишни тавсия қилганлар. Тоқ сонда ейилган хурмо организмда углеводга айланади.
Субҳаналлоҳ!

Канал: @HIKOYANEW

Пайғамбаримиз алайҳиссалом  замонларида Саълаба исмли ниҳоятда ибодатли,  тақводор саҳоба бўлиб,  кўп сажда қилганидан пешонаси туянинг тиззасидек қабариб кетган экан.  Кеча-ю кундуз Набий алайҳиссаломнинг масжидларида ибодат ва зикр билан машғул бўлиб ўтирар экан.  Одатий кечаларнинг бирида Росуллуллох  салоллоху алайхи васаллам  масжидга кириб,  у ерда яланғоч ўтирган Саьлабага кўзлари тушди.  Ундан ҳудди жоҳилятдаги каби бундай ўтиришининг сабабини сўрадилар.  У эса,  камбағаллигини,  ҳатто бир кийимни аёли билан алмашиб кийишини:  бири уни кийиб намоз ўқиганда иккинчиси кутиб туришини айтди.  Аллоҳ ўзига ҳам давлат беришини истади.  Шунда Набийимиз:  "Эй Саълаба!  Молинг кўп бўлиб унинг ҳаққини бера олмаганингдан,  йўқ бўлиб шукр қилиб яшаганинг яхши.  Давлат сўрамагин", дедилар.  У хўп деди-ю рози бўлди.  Орадан кунлар ўтиб,  яна Росуллуллохга йиғлади:  " Эй Аллоҳнинг Расули, камбағаллик жонимдан ўтди.  Ҳаққимга дуо қилинг,  Аллоҳ менга ҳам давлат берсин".  Росуллуллох аввалги гапларини такрорладилар.  У кўнди.  Бу ҳол учинчи бор такрорланди.  Саълаба: "Аллоҳга қасам,  ё Набияллоҳ,  Аллоҳ  менга давлат берса,  унинг ҳаққини адо қиламан", деди.  Расулуллоҳ дуо қилдилар:  " Аллоҳим,  Саълабага мол бергин! " Шу дуонинг баракасидан иккита қўйли бўлди.  Ва қурт-қумурсқа қандай кўпайса,  қўйлари ҳам шундай кўпайдики,  Мадина яйловларига сиғмай қолди.  Эрталабдан кечгача масжидда ўтирадиган Саълаба энди фақат намоз вақтларида масжидга келадиган бўлди.  Вақт ўтиб бомдод ва ҳуфтонга келишни одат қилди.  Бора-бора фақат жумага келар,  чорваси янада кўпайгач,  уни ҳам тарк этди.  Закот ояти нозил бўлди.  Расулуллоҳ  Саълабани эсладилар ва ундан закот олишни айтдилар.  Закот олиш учун борган саҳобаларга:  "Мен зиммий эмас,  аксинча,  мусулмонман", деди.  Закот беришдан бўйин товлади.  Ўтмишини унутди.  Қасамини бузди.  Саҳобалар  Набий алайҳиссаломга бу ҳабарни етказдилар.  Оят нозил бўлди:
".... Олтин ва кумушни ҳазинага босадиган,  Аллохнинг йўлида сарфламайдиганларга аламли азоб башоратини беравер.  Бир куни ўша (олтин ва кумушлар)  жаҳаннам ўтида қизитилур ва пешоналари,  ёнбошлари ҳамда орқаларига босиб:  "Мана бу ўзингиз учун тўплаган нарсангиз,  бас,  энди ўзингиз учун тўплаб юрган нарсангизни татиб кўринг!"  дейилур". 
Биродарлари бунинг ҳабарини Саълабага етказдилар.  У дод-вой солиб молидан закот  олиб келди.  Расулуллоҳ: "Сенинг молингдан закот олишни Аллох менга ҳаром қилди", дедилар.  Саълаба пушаймон бўлди.  Пайғамбаримиздан давр ўтиб,  Абу Бакр розияллоҳу анҳунинг ҳалифалигида у яна молини хайдаб келди ва закот олишларини айтди.  Абу Бакр:  " Расулуллоҳ закот олмаган молдан мен ҳам олмайман",  дедилар.  Умидсизликка тушган Саълаба ортига қайтиб кетди.  Абу Бакрдан сўнг халифа  бўлган Умар розияллоҳу анҳунинг ёнларига яна  подасини ҳайдаб келди.  Умар ибн Хаттоб:  "Расулуллоҳ ва Абу Бакр  закот олмаган молдан мен ҳам закот олмайман",  дедилар.  Саълаба пушаймонлик ичида яшади ва поласи орасида хор бўлиб ўлди. 

📚"Ё насиб" китобидан.

Канал: @HIKOYANEW

#ДУО

УЙГА КИРИШДА АЙТИЛАДИГАН ДУО
(дуонинг ўқилиши)

✅ Албатта яқинларингизга ҳам юборинг