Santuagara (20+)

#suhbat_kd #xabar

          Bugun "Bookbloger jamiyati" va "Kitob doira" kanali birgalikda Nobel mukofoti laureati Abdurazzoq Gurnaning "Jannat" asarini muhokamasini tashkil etishdi. Muhokama Toshkent vaqti bilan 21:00 da bo‘lib o‘tadi. Barcha kitobsevarlarni kutib qolamiz.

☕️Oldin Vulfning "Shaxsiy xona"si muhokama qilgan edik, tinglash uchun bosing.

Hurmat ila S.N.K

#xabar

💌"BAXTINISO" nomidagi ayol-qizlar adabiy tanlovi Mustaqil ijodkor yoshlar tashabbusi bilan o'tkazilmoqda. Tashabbuskorlar ijodkor ayol-qizlarning asarlarini ommaga yetkazish, ularni ma'naviy va moddiy qo‘llab-quvvatlash, ijodiy va intellektual sohalarda kuchli ekanligini namoyon etishni o‘z oldiga maqsad qilgan.

📚Adabiyot bog‘idagi eng mohir gulbonlar ayollar ekanligiga qaramay, ularning soni hali hamon barmoq bilan sanarli. Shuning uchun ham kichik she'r, hikoya yoki tarjima asaringiz bormi, ikkilanmasdan tanlovda ishtirok eting, bu sizning barkamol bo‘lishingizda, adabiy davralarga qo‘shilishingizga, hamda ustoz yozuvchilar bilan tanishishingizga imkoni bo‘lishi mumkin.

Tanlov nizomi bilan tanishish uchun bosing!

#tavsiya

Tamkinli tiyramoh o‘z poyoniga yetib, zaminni zalvorli zimiston qamragan on, yaldo tunlaringizni yorituvchi mayoqlarga ergashing🕯

🦗Bookblogerlar jamiyati a'zolarining kanallari

​​#maqola #tahlil #luğat

🕯"Izlam" izlamli?!

Bu savolga javob ko‘p kitobxonlarni qiziqtirgani tabiiy, shuning uchun ham tahliliy maqola yozishga qaror qildim. Yozgan revyularimda kitobxonlarga asarlarni subyektiv fikrlarga asoslanib tavsiya etgan yoki etmagan bo‘lishim mumkin. Lekin tahlil to‘laqonli obyektiv asoslarga tayangan holda "Izlam"ning izlam ekan yoki yo‘qligi, uning ustun va kamchiliklari haqida mufassal bayon etilgan. O‘tgan yil "Uliss"ni shunday tahlil qilgan edik. Endi esa "Izlam"ning ikkinchi faslini. Kelasi yilda esa Yangi asr avlodida chiqajak "Aks" to‘plami, Zabarjad Mediada nashr etilgan o‘n besh tomlik folklor asarlari va Ibn Haldunning "Muqadima" asarining tahlilini rejalashtirayapman. Bugungi tahlilini o‘qib bo‘lgach, kelgusi tahlillarning qaysi birini oldinroq o‘qishni istashingiz haqida fikr yozishni unutmang. Hurmat va ehtirom ila S.N.K

👉Maqolani o‘qish uchun bosing
👉Maqolaning davomi

​​#review #izlam

🌊"Daryo"
🌞Suhrob Ziyo

Bir jom u - azob ham, baxt ham quyilar,
Har kimmas-u, hech kim bo‘lib tuyular.
Shoir - bir kishilik millat, doimo
Millat shoiridan boshlab so‘yilar.

Suhrab Ziyo qalamiga mansub "Daryo" qamrovidagi she'rlar daryodek jo‘shqin, epkinlari nafis, to‘lqinlari kuchga to‘la. Kitobda shoirning ilk bor yozgan she'rlaridan tortib, o‘z ijodining cho‘qqisiga chiqqan she'rlarni ham uchratish mumkin.

Shoirning Shoir, Bilmayman, Qanoting yo‘q deya rad etdi osmon, Ko‘z yummadim, Yo‘l sotaman olinglar, Birliklar, Ishq, Falastin, Uzv, 2022.Ukraina, 18 go‘dak boshqa she'rlarga ko‘ra qofiyalarning to‘qligi, falsafiy ma'no yetakchi va qamrab olgan mavzusi kengligi bilan ajralib turadi.

Xususan, Falastin she'rida shoir mifologik-diniy unsurlar orqali urush qabohatlarini ochib bersa, 2022.Ukraina she'rida absurtik-ekzisrensial asoslarga tayanib savashning dahshatli oqibatlari bilan o‘qirmanni yuzlashtiradi. 18 go‘dak she'ri esa ijtimoiy-maishiy mavzu bo‘lishiga qaramay, umumbashar muamolari yoritib berilgani bilan ajralib turadi.

Suhrob Ziyo shunday ajib shoir, daryodek, ko‘hna azim daryodek, uning she‘rlari qadrli kuzatuvchilarga ham manzur bo‘lishi shubhasiz. Barchaga yoqimli mutolaa tilab, hurmat va ehtirom ila S.N.K

P.s: 2024-yil o‘qilgan 51-kitob
#photo_by Santuagara