🌀#شعر🌀✅#سیل_پلدختر_به روایت کوه مَله
✍:
#آرش_آقایی_بازگیر منم مَله کوه مُلک ِ کلمو کره
که دل خینم ئو زیر ِ چشیام تره
سقه لورسو خاک ِ پلدخترش
مه چی دالکش هام و بالاسرش
عه گوش بیه کسی و دردِ دلم
د دونه چه تشی مه ها د کلم
به سیتو بوعم آو ِ کشکو چطور
هِلا تنی و اوما ئو ایفتا وِ دور
و دنگ تش بریق آسمو هم کنس
گوئاد در گده ِ اورِ تیمو زنس
چنو شم شِمه شارِ شهرن شیوَن
که کشکو د راو رت دی شوگار گن
و شورّ اصر اوما د چشِ دراو
زمین و زمو ، زار و زَر زیرِ آو
شنفتم د کلهر هنا کرد و گت
د دس کشکو وخته بوعم و سه کت
د ممولو مالنی چه مال چه منال
رسس تا و پاپیل ، وا قیر و قال
لفِ تیخ ِ کشکو چنو گاله زه
که طعنه و پیل ِ هزار ساله زه
و هر جا که پا نیا تِلیش_نیش و رت
اگر حونه هم بی گِلپنیش و رت
چنو پرت گرت تاف ِ آو د هوا
که مالس و اوریا ، خدایا هنــا
چنو بُرد و یرّنی همهِ ملک ِ مه
که سیخ بی و جونم همه کُلک ِمه
اومامی و سیل، سیل ِویرونه گر
هناهوی کشکو گوشم کرده کر
همه مردمو د غمش پیتسن
هه چی گونجلونیه د یَک تیچسن
همه پل آوردن و دامون ِ مه
د تور تم و توس، تاف ِ کشکون ِ مه
منم مَله کوه دالکه ِ غم د بار
که ها باو زنم سر لش بی برار
بیه !! مردم ِ پاک ِ پاپیل ِ پاک
هی قسمت خدا بی وریسی د خاک
چنو شهر پاپیل دورس بوعه که
دواره بوعه و ِ پاپیل خوعه که
کومالاو ِ کشکو خراو کرد و برد
خدا نیر د مینت که هیچکس نمرد
➖➖➖➖➖➖➖➖➖➖➖➖💥امانت داری و اخلاق مداری
استفاده از اخبار با ذکر منبع وقایع پلدختر مجاز است
💥🔻🔻🔻🔻🔻🔻🔻🔻🔻🔻👁🗨اخبار فوری|معتبر|جذاب
👇📡@vaghayepoldokhtar1🔴وقایع پلدختر در پیام رسان سروش
👇📡sapp.ir/vaghayeh9