وقایع پلدختر

🎥 ترانه #دالکه

🎤با صدای #حسن_رشیدی

➖➖➖➖➖➖➖➖➖➖➖➖
 🏠 #در_خانه_بمانیم

👁‍🗨اخبار فوری|معتبر|جذاب👇

📡@vaghayepoldokhtar1

🎥 ترانه زیبای « #دالکه» با صدای #حشمت_فتحی...

🏠 #در_خانه_بمانیم

👁‍🗨اخبار فوری|معتبر|جذاب👇

📡@vaghayepoldokhtar1

#دالکه

شعر و دکلمه :
#آرش_آقایی_بازگیر
کشکان

👁‍🗨اخبار فوری|معتبر|جذاب👇

📡@vaghayepoldokhtar1

‍ ✅این شعر رو با زبون #مادری ( #دالکه ) نوشتم هرکس مادرشو دوست داره واسش بفرسته یا براش بخونه

✍: #آرش_آقایی_بازگیر



حونم و سقت دا زحمتکَش
او روزن بی تو نییینم و چَش

دا نازارم ، آزِ دس و پام
عزیزی سی مه بیشتر د تیام

روزیا بچه ای ایفتن وا هیرم
بغض کنم دلمه الان بمیرم

سقه او روزیا د مین گاوِره
نیایی د مشتم دوتا زرّ زرّه

زَمشو د مین یَک ، و بازی کردم
هم خومن سرگرم هم راضی کردم

اگر مریض بیم دلت رَت د هُول
تا گریوسم ، گرتیم و کول

لُقمه ور دمت ، نیایی د دمم
طاقت ناشتی ، بئینی غمم

دا نازارم ، وا همه مشکل
تو گپم کردی د جون و دِ دل

سقه سرت بام ، دل پاک و نازار
وختی که بردیم ، د مین ِ بازار

هر چی که هاسم سی مه خریدی
سی خوت یه تیکه چی نخریدی

همیشه هاسی ، لباسم نو وا
تلاش سیم کردی که درسم خو وا

خوت لباس کهنه کردی د ورت
مینسری کهنه ، ونی مین سرت

اما نیشتی لباس مه گن وا
هاسی زندگی سی مه چی قَن وا

شوصویا د خاو من نَورداشتی
اگر مریض بیم ، شو خاو ناشتی

هینون هیچ وختی د یاد نِوِرم
تو بیار مَنی وا بالا سرم

نَرَتی اولا مَنی و جُفتم
نازم کشیدی تا زیتر بُفتم

همه سختیان و کول کشیدی
او دنیا خوتن و چَش خوت دیدی

بوعستیم وِ کول ئُو گَلِه ن دوختی
رتی لو تژگاه ، غذا سیم پختی

مه د کولت بیم تو جارو کردی
خمیر مین تاسن زیر و رو کردی

هیمه جَم کردی ئُو تش ورکردی
مه د کولت بیم ئُو تو نو کردی

تا دُورّ بام د قور، روزی بمیرم
بو نون ،تش تاوعه نرو د هیرم

وا تَش و تژگاه آویهِ کردی داغ
حَمومم کردی پا گرما چراغ

زحمت زیادی کشیدی دِ بام
دا عزیزم ، سقه سرت وام

تا وختی که مه نفسیِ کَشم
تا وختی که مه دینن دو چَشم

ئو زحمتیا تو، نرون د هیرم
مگر او روزی که مه بمیرم

قلم عاجزه د وصف خوییات
دالکه جونم و سقه تیات

سایه ات د سرم هرگز کم نوعه
دالکم روزت ، مبارک بوعه



✍شاعر:#آرش_آقایی
98/11/26


🔸 روز زنن و همه دالکیا تبریک گوم انشالله سالیان سال وا آبرو و آرامش د کنار خانوادشو زندگی بکنن و سایه شو بالا سر بچونشو وا


➖➖➖➖➖➖➖➖➖➖➖➖

💥امانت داری و اخلاق مداری
استفاده از اخبار با ذکر منبع وقایع پلدختر مجاز است💥
🔻🔻🔻🔻🔻🔻🔻🔻🔻🔻

👁‍🗨اخبار فوری|معتبر|جذاب👇

📡@vaghayepoldokhtar1

🔴وقایع پلدختر در پیام رسان سروش👇
📡sapp.ir/vaghayeh95