🌀#شعر🌀✅#نوروز_۱۳۹۹ مارک
خدا ها و دس تو زمین و زمو
صحاو کل ولاتی د هفت آسمو
و دسیا تو گَردیه ای چرخ فلک
دو عالم د مشتت د مُلک و مَلک
تو دینی و بخشی گُنا مردمن
تو اِشنویی داد و هنا مردمن
خدایا ئِی بَنهِ زوینت منم
وجودت د هر نعمتی حس کِنم
عه دینم گُلی سر دراره د خاک
اگر مینِ بردیِ درا آوعه پاک
وِ کندو عسل وختی که سیل کنم
تو ایفتی و هیرم ئو لو خن زنم
عه دینم مریژی و سر خرمجا
اگر پِرپریکی دینم د هوا
تو ایفتی و هیرم ، خدا مه تونی
جهانن تو ساختی منظم چنی
د ئی سال نو ای خدایا هنا
و درگاهِ تو کُل گدایم گدا
خدایا تو درمو کو دردِ وطن
کسی مبتلا نوعه وِ دردِ گن
خدایا و حقِ ای عید و بهار
کرونان د جون ِ ای مردم درار
✍شاعر:
#آرش_آقایی. کشکان
👁🗨اخبار فوری|معتبر|جذاب
👇📡@vaghayepoldokhtar1