#محرم_القاسم⬛️◾️▪️⚫️﷽
⚫️▪️◾️⬛️كأني بالامام الحسن ع حضر عند شهادة
القاسم ع
طور(شبيها أمي و ليش متغير وضعها- ملا باسم)
https://youtu.be/CDthZOqFkxkيبني و إشلونك يمن عالغبره نايم
بالشهاده وجهي بيضته يجاسم
🏴🏴جيتك آنه امن المدينه ، والِدك آنه الحسن
نفَذِت يبني الوصيه ، ابكربلا ابيوم المحن
جاي اسقيك ابإديني ، ياللي جسمك انطحن
لابس اثياب الشهاده ، و اشحلاتك بالچفن
روحك استقبلها ابهاي المسيه
وأشكرك ما قصرت بالغاضريه
و ارفعت راسي ابنصرتك للهواشم
🏴🏴يبني يالخلصوا سنينك ، احرموك امن الهوى
افجعتني و ابمصابك ، گلبي اعليك انچوى
كثره اجروحك يويلي ، و للذبح ماكو دوى
دمك الطاهر عطوره ، فاحت ابكل نينوى
طشِروا أعضائك ابهل بر يويلي
من شفتهم يا حبيبي طاح حيلي
طاح راسك يا وسف ويه العمايم
🏴🏴ونِــتك هزت كياني ، ياللي ابعمر الورد
شهگتك وسط المنيه ، يبني اتفت الچبد
من اجه خويه اعله جسمك ، حار يا جرح اليشد
صاح صحيه باحتضارك ، بچه اعيون الحشد
الله ايصبر دليله عالمصابك
ما يهون اعليه قتلوك ابشبابك
محنتك تصعب عليه ، الله عالم
🏴🏴گوم أوگف اعله حيلك ، حاضريلك كل هلي
النبي اويه خديجه ، وفاطمه وحيدر علي
جينه للجنه نِزِفك ، و انطش اعليك الحُلي
گوم و إمشي اعله رجلك ، خلي همي ينجلي
أدري راسك منگطع لتظن ألومك
شنهو ذنبك والعدو امخضب رسومك
راسك اعله رمحه و اتشوف الجرائم
🏴🏴و اللي شاغل باللي يبني ، بعدك أمك تنسبي
ويه عماتك أويلي ، و الهدف حرگ العبي
ريت باقي آ ، يجاسم ، تگطع ايد الناصبي
ما تخلي اي منافق ، يغدر اببيت النبي
ريت اتشوف العقيله سلبوها
ما يهون اعليك تسمع اضربوها
و بالحبل لمن يقيدون الفواطم
=
📝 #الشاعرة_الملاية_زينب_المؤيد 📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء
تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب
👇https://www.youtube.com/user/ze14mo#انشروا_وشاركونا_في_الثواب .