#إستشهاد_الإمام_السجاد #شهادة_السجاد حوار بين الإمام الحسين و الإمام زين العابدين عليهم السلام
جيتك يا ناعي غربتي و امصابي
جيتك يا ساچب دمعتك لغيابي
من كربلا تعنيت إلك و أحبابي
روحي يَمّك
❃❃❃❃❃❃❃❃❃❃❃❃
يامن اتنوح بألم و الگلب يطفح ندم جيت أعتنيلك
بكربلا طير الكِدَر رَف جناحين القهر إدرك عَليلك
مني كل باچي عَهد لو نِزَل تالي اللَحَد شخصي يجيلك
و إنته يَلْ عمرك حزن لمصرعي حسره تِحِن و يسعر دليلك
...............
شلون بعزاءَك ما أجي يَوحيدي
لازم أوفيك العهد يَوليدي
و إسمَك يردد مَنحري و وريدي
روحي يَمّك
❃❃❃❃❃❃❃❃❃❃❃❃
دمعه من جفن الولي تنادي بويه وكل هَلَي اشحالك تجيني
شلون إلي تعاين وسف امجَدّل بحِجر الحَتف و أجذب أنيني
بكل دمع صوره إلَك ترتسِم و اتخَيَّلَك و ألطم جبيني
امهَشَّم اضلوع الصَدر و راسَك ابسيف إنبتر اموَذَّر يَعيني
...............
لَمَّن دفنتك صِرت ألِم بجراحي
و اجمَع يَبويه كل عضو بصياحي
ليته إلگطع راسك گبل ذبّاحي
روحي يَمّك
❃❃❃❃❃❃❃❃❃❃❃❃
نادىٰ لحسين بدمع يبني جيت ابهالوضع غَصبن عَلَيَّه
أُمّي صاحت بالفزع و إلطمَت كسر الضلع تنحب شجيَّه
أُمنا من تبچي و تضج الكون بالحيره يِرج تموج العَليَّه
و لَسّا ما طاب الكسر لا ولا جرحه فتر و صفع الدَعيَّه
...............
خوفي عليها من صُغر أدريها
عصرتها ويّا هاللطم ماذيها
و لَسّاها نار الموزمه تچويها
روحي يَمّك
❃❃❃❃❃❃❃❃❃❃❃❃
يبني چبدك مهتضم من أثر سم الظلم و آهاته يبعث
چبدي تذكر يا علي شگد بألمها تصطلي بسهم المثلث
گلبي يسعر چالحِمَم أثره مسموم السهم و همومه تنبث
ما مهلني اموادعَك يا عليل ابمضجعك لا ما ترَيَّث
...............
گلبي إعله گلبك يالولد و آلامه
ادري شتعاني من وجع و اسقامه
و بروحي لك وَنَّة أسىٰ منضامه
روحي يَمّك
❃❃❃❃❃❃❃❃❃❃❃❃
صوت ابو الباقر هتف بويه ماردني الوسف صبح و مسيَّه
كربلا بروحي تِركَت جمره تسعر كل وَكِت بنار الرزيَّه
و باليِسر ليت الأجل لو أخذ عمري گبل حاله العَصِيَّه
بت علي اگبالي أصد و الحبل چفها يشِد و تدخل سبيَّه
...............
و انظر دمعها بالجفن ينخاني
إتگلّي الدهر شوف اشبَعَد خَلاّني
ادخل مجالس ويّا روس إخواني
روحي يَمّك
❃❃❃❃❃❃❃❃❃❃❃❃
يامن لدفني احضرت بويه احلفَك لو صِرت جسمي تغَسلَه
لا تشيلون الرِدا اعليك اخافن لو بِدا حالي و تِجَلاّ
بكل عضو سوط إرتسم لا تشوفن هالجسم و اردايه خَلَّه
ولا تصدها رگبتي لَسّا تنزف لوعتي ضيمي ما مِثله
...............
وسم العذاب إمن اليسر بمتوني
و فوگ المطيَّه بجامعه شَدوني
يا بويه من بعد الذبح آذوني
روحي يَمّك
❃❃❃❃❃❃❃❃❃❃❃❃
صاح إله حسين بكِدَر يَبني آه إمن الدهر لا حالي غاثه
هان يعوفن هالجسد وما إجىٰ لدفنه أحد مرمي ثلاثه
و گبرك إنته منهدم و زايرك مِنَّه انحرم ياوسفه عاثه
آه من ساس الظلم من بدا بنار الألم و هذا تراثه
...............
أوّل ظلم بعد النبي ما طاعو
و هجمو على دار البتوله و راعو
و بين الخلايگ هالمبادئ شاعو
روحي يَمّك
❃❃❃❃❃❃❃❃❃❃❃❃
الشاعر : أبو شهيد الأحسائي
الأربعاء ١٤٣٧/١/٢٢هـ
════════════