قناة خطباء المنبر الحسيني للقصائد

#شهادة_الامام_زين_العابدين ع
#أطوار_مختلفة
#وكأني بالإمام زين العابدين تمنى حضور أبائه واجداده ، تمنى حضور الزهراء ع ليبث لها همومه واحزانه:



انا السّجاد يا يُمّه .. تعالي الساعه حُضْريني
انا من عاشِر محرّم  .. انازِعْ خِلْصَتْ اسنيني


عليل وزادت العلّة  ..  من شِفْتِ الشهيد حسين
ظامي ما شِرَب مايه .. ومنّه منقِطِع الوتين
صدره مرضرض .وقلبه .. طالع بالسهم ثِلثين
شَروِيلِك بعد يُماه  .. يريت اهناك إنعمت عيني


شلون أنسى الجرى والصار  .. وانا بالمرض حاير
لهيب النّار حْرَق الخيام .. وباذيال العِبي صاير
وشِفت الخيل تِجي وتروح .. وبصدر الولي حافر
وبسوطه الشِّمر طَقها .. لعمِّتي بس يأذيني


ومَرار الما نِسِيته بيوم .. سَبوني وعَمِّتي للشام
وعلى بوّابِة الساعات .. نظرات الشّماته اسهام
والجارِحني في روحي .. حريم حسين وسط ظُلاّم
وعلى زينب تصد العيون .. ويزيد يصيح تحاكيني


🖊️خادمة أبي الفضل

#أطوار_مختلفة
#ليلة_الدفن
#تصوير شاعري لسان حال الإمام السجاد ع عند دفن العباس ع



يعمي ادري انا بحالَك .. رايد تعلم الأخبار
بعد ما طاحت الكفين  .. على زينب شنو اللي صار


الكِنت كافلها يا عمي .. وكنت إلها العمد
والسور
طلعت والزّلم تنظر .. وشافوها تنوح اتدور
وحيدة وفاقدة الخوان .. ونار الشّبت ابلخدور
بَكّاها الشّمر وتصيح .. سوطه اعالمتن شو حار

#بعد ما الذي جرى !!!!

صوب العلقمِ إتعنت .. بليل الحادي يا عباس
تِقبّل اكفوفك اتنادي .. مو عاده يبو الإحساس
تِخليها وسط عدوان .. وعليها تأشر الأرجاس
مشوها بيسر واِحبال .. ودمِعها عالوجن مدرار


🖊️خادمة أبي الفضل

#محرم_١٤٤٥
#أطوار_مختلفة
#ليلة_العاشر



يا عِين التِنام ابليل  ..  وهاذي أخر الساعات
أبو السجاد وي زينب  ..  وسوا داروا على الخيمات
بأرض الطف فلا نسمع  ..  غير اموَادع و ونّات
بس هالليله يَمّها حسين .. وأمان العايلة العباس

يخبرها عصر عاشور .. تشوفي امضرجه الشبان
أضاحي عالثرى كلهم  .. ونجوم موذرة ورضعان
وعريس الطّف بِ نّزفه  .. ما بين النبل واِسنان
وعلى شاطي الطفوف يطيح  .. عضيدي منهشم بالراس

#وانت ابو علي ، أوتنعي إلي نفسك !!!

بصبر أمي انا أوصيك  .. لو جِيتي الى المصرع
وسِمعتي ونّه الزهره  ..  يعني منحري اتقطع
الذّبح موعود من صغري  .. وتشوفي الذّابح اتربع
وليّه ما عظم سالم  ..  تِحضنيني بهدا واحساس


ويهجم عالخيم ظالم  .. وتِحيري بجملة الأطفال
وراهم يركض الملعون  ..  بسياط الكفر واحبال
يضرب عالمتن طفلة  ..  ويدفع واحدة ابلرمال
ويشتم والدي وامي .. وتنظري لجثّتي تنداس


🖊خادمة أبي الفضل

#أطوار_مختلفة
#السيدة حميدة بنت مسلم



▪︎...وكأني بحوار دار بين رقية وحميدة تسلّيها ، تصبّرها ، بعدما قال الحسين ع لحميدة إبنة مسلم : إن مات أبوك فانا أبوك وبناتي أخواتك :



يتيمه إنتي يبت مسلم .. بس عندك أبو ثاني
لكن عاشر محرم .. لا عم لا أبو آني


حميدة نَشّفي دمعك .. ترى علينا اليتم مكتوب
اذا مسلم برض كوفه .. سِمعتي وبالحبل مسحوب
انا قبالي الأبو ابعاشر .. بدمومه النّحر مخضوب
ولا واحد يواسيني .. ولا يمسح لي أجفاني


ابونه حسين من شالك .. ضماكِ إلى صدره
وشفت بعيونه الرّحمه .. حنون ادري ابو العتره
وانه بخَربه يخلّوني .. على تُرب الارض حَره
ويفجوني بطشت راسه .. خضيب واحمر وقاني

#بعد رقية تسولف المنظر لحميدة :


أحِضنه ومدمعي يِغسله .. وشوف الشّيب يظل أحمر
واسولفله عن احوالي .. ومتوني ترتل المنظر
منو الخلّاني من صغري .. أوقع مِن افِر واعثر
تعالي انوح يبت مسلم .. اليتم مِن هِسه سلاني


🖊️خادمة أبي الفضل
🖊️ ام جواد

#محرم_١٤٤٥
#أطوار_مختلفة
#خروج_الإمام_الحسين_من_مكة المكرمه



مكّه بالحجيج تصيح  ..  لا تخلّو السّبط يرحل
ابو السجاد قَطَع حجّه  ..  ولبَّى لكربله المقتل


سار حسين باهِل بِيته  ..  وظلّت بالطواف النّاس
ما واحد إله حامىَ  ..  سَعِيهم لا وفه لَ احساس
حَلّ احرامه وي زينب  ..  واخُوُتَه والبطل عباس
يتمّ حجه برِضْ الِطْفُوف  ..  وثُوبه بالدِّمه يِبتّل


يلبّي بكربله يضحّي  ..  باولاده ونزيف اِدْماه   
يلبّي بذبحِته عطشان  ..  ولا واحد إِلَه رَوّاه
بصَدره يصعَدِ المَلعون  ..  يحزّ نحرَه ولا خلاه
ونِسوانه تروح اشواط  ..  ما بين الخيم والتّل


يِبات اعلى الثّرى جِسمه ..  وراسه عالرّمح بِ يدور
وثوب إحرامَه امسلّب  ..  وصدره من السَّحِق مكسور
ومبيت الحج فرض واجب  ..  وزينب باتت ابلبرور
حجهم ما مثيله حجْ .. ذبح وتلبيه وهِزّل



🖊خادمة أبي الفضل

#محرم_١٤٤٥
#أطوار_مختلفة
#خروج_الإمام_الحسين_من_مكة المكرمه



مكّه بالحجيج تصيح  ..  لا تخلّو السّبط يرحل
ابو السجاد قَطَع حجّه  ..  ولبَّى لكربله المقتل


سار حسين باهِل بِيته  ..  وظلّت بالطواف النّاس
ما واحد إله حامىَ  ..  سَعِيهم لا وفه لَ احساس
حَلّ احرامه وي زينب  ..  واخُوُتَه والبطل عباس
يتمّ حجه برِضْ الِطْفُوف  ..  وثُوبه بالدِّمه يِبتّل


يلبّي بكربله يضحّي  ..  باولاده ونزيف اِدْماه   
يلبّي بذبحِته عطشان  ..  ولا واحد إِلَه رَوّاه
بصَدره يصعَدِ المَلعون  ..  يحزّ نحرَه ولا خلاه
ونِسوانه تروح اشواط  ..  ما بين الخيم والتّل


يِبات اعلى الثّرى جِسمه ..  وراسه عالرّمح بِ يدور
وثوب إحرامَه امسلّب  ..  وصدره من السَّحِق مكسور
ومبيت الحج فرض واجب  ..  وزينب باتت ابلبرور
حجهم ما مثيله حجْ .. ذبح وتلبيه وهِزّل



🖊خادمة أبي الفضل

#الهلال
#الليلة_الأولى
#أطوار_مختلفه
# مناشدة لل  الإمام المهدي عج


محرم جانه والدّمعات  ..  مرسومه على هلاله
وين انتَ يبوصالح  ..  تعين أُمّك في هالحاله


عِد باب الحسينيّة ..  تِسمع ناعية تنعى
انا امّ الحسن يا ناس  ..  ذبيح إبني انكسر ضلعه
وقميصه شايله اتشمّه  ..  تريد اتغسله بدمعه
چاوين اليواسيها  ..  بمصاب اللي مَحد شاله


تِنعي اتفصّل الموقف  ..  تقره والقلب لهفان
إبنها عالثّرى مرمى  ..  بِلا تغسيل ولا اكفان
ينزف كل كِتر منّه  ..  وصدره منكسر نحلان
يمهدي وجفنك المقروح  ..  بالله يا دمع ساله؟!


قاعد وين بالمجلس  ..  تلطم يا مصاب تنوح؟!
لقلب حسين من صابه  ..  سهم خلَّ الجرح مفتوح
لو للغافي عالشاطي  ..  طوله من العَمد مطروح
للكافل ونينك قول  ..  لو للقطّعوا  اوصاله


# واذا بالجواب من الإمام  روحي فداه :
#طور الجفيري

وَنّي على بنت النبي
المشوها عمتي للسبي
وخيّمها حرقوا والعبي
وسوط بمتِنها  يلتهب

نُوُحي على زينب علي
الظلّت غريبه ابلا ولي
وين اليقِلها اتدلّلي !!
راحت وحدها للغرب

ويلي على ظهر الهَزِل
ومشدودة دِيها بالحَبِل
وياها يحكي كم نَذِل
ويشتم اهلها وتنتحب

واويلااااه💔

علامه  علامه !!!
علامه هالنّذل بويه يصد لينه
وبنات الهادي والزهره درىَ بينه
خذونا والحبل ملفوف على اِيِدينه
وارذال الخلق تتمرجل علينه
يا طارش يروح الساع لَوالينه؟ ( يا علي )
يفزّ يحضر واهل هاشم يخلصونه

#أبو ذيه

مشينا ادروب ما ماشين   بيداي
واسياط وحبل ملفوف  بيداي
انا قلبي على الخوّان  بيه داي
امشي و جثث ظلّو عالوطية


🖊خادمة أبي الفضل

#العاشر
#أطوار_مختلفة
#طور_تمنيته_الليل
#وصول_السيدة_زينب_الى_ مصرع الحسين ع



▪︎...وصلت زينب الى مصرع الحسين .. وهو يقبض يمينا ويبسط شمالا .. وطرفه نحو الخيام..
السهام والنبال على جسده .. والجراحات غطت ملامحه الشريفه .. ولكن عطر الحسين كعطر الزهراء وكأني بهذا إستدلت على الحسين💔
نادته أأنت الحسين حمانا...!!!
أأنت رجانا...!!!
(مشتاقة بعد مرة) نور عيني يا حسين ...



مشتاقه بعد مره         
            حتى وانا حاضِنْتَك
عطر امي أشمْ منك   
             اعلى هاذا وآنه عارِفْتَك

ساكت ليش جاوبني  ..  حق العِشره و الخوه
بزمان المَر فقدنه احباب .. وانته الباقي لي سلوه
واذا بيدي اموت وياك  .. حق أيامنه الحلوه
ابوداعك كل جرح بيّه  ..  لِجمّني لمّا وادَعْتَك      


اظنّك لو تموت الساع  ..  أموت وياك يروح الروح
واتنفس تقلي شلون؟؟  .. وانته مرضرض ومذبوح
خيال أمشي أظل بعدك  ..  وتراتيلي البكى والنوح
أقوم واعثر من الهم  .. صدق ياخويه فاقِدْتَك ؟؟


ساعة وتنذبح يحسين .. وأصير مكفله بأيتام
اتلفت يسار يمين .. وعلينه تِنحرق لخيام
واذا جِيتك إلَك أفزع .. كعبه وانرمي بسهام
وبعد يومك يسيروني  .. يروحي وآنه عاذِرْتَك


🖊خادمة أبي الفضل

#محرم_١٤٤٦
#أطوار_مختلفه
#يوم_الحادي_عشر
#وكأني بحوار بين السهم المثلث وخيول الاعداء




#طور انه اللي شفت نارين

ما بين السهم والخيل كل واحد يسولف حال
يروى الصار على الحسين طايح نايم ابلرمال

#يسولف السهم المثلث...

انا اللي صِبت قلبه وطلع ثلثين من ظهره
شفت حسين تلقى الدم قبل يوصل على الغبره

💔ليش ؟؟؟

خضب بالدمه الشيبه ونادي للنبي العدنان
بهذا الحال تشوفوني يجدي والقلب قربان

#أخذ يلطخ شيبته بدمه وهو يقول :
هكذا القى جدي رسول الله وانا مخضوب بدمي

سمعت بسالف الإيام  حديدة لانت لداود
حسين اعظم صدق وازكى عساني ما كنت موجود

#إشجاوبه الخيل 💔

#طور تمنيته يدوم الليل

قلبه واحد اتصوب ما مثل الحوافر حيل
لفت تطحن ضلوع حسين  وامه تصيح يُمه بويل

يتقلب على الرمال جسمه مبضع ومرمي
عشر خيول فلا رحموه وقميصه اتمزق ومدمي

آيمولاي     آيمولاي    آيمولاي


#طور الجفيري

لِيت الخيول اتعقرت
ولا حرمه ويلي اتعثرت
من شافت حسين الولي
وزينب تنادي اتحسرت

طايح اخويه ولاطمه
حضريني يمه فاطمه
ضلوعه اخيّه مكسره
ومدمعها سايل كن دمه

هاذا قميصه بيه خبر
سهم وحوافر .دم نَحر
وجسمه طريح ابلا كفن
وبعده خذونا للإسر


🖊️خادمة أبي الفضل

#شهادة_الإمام_الصادق ع
#أطوار _مختلفه
#تصوير حضور السيدة الزهراء ع عند شهادة الإمام الصادق ع



ام الحسين محزونه  وكل ساعة الدّمع صوبين
تنصب ماتم المسموم   وبعد تلطم لِبنها حسين

يُمَه تصيح يالصادق لِفيتك والضلع محني
أدري بالكبد مسموم وإجيت اتعثر ابحزني
مصايبكم تهد الحيل بس مصاب شكثُر هدني
شفت الصادق اتكفن وابو اليمّه بِلا تكفين



امصاب إبني ابو السجاد  دليلي ذَوّب وروحي
حِضرته بساعة المذبح وضلعه هَيّج جروحي
شِفت خسفة بوسط صدره وتِعالا بشوفته نوحي
ليوم الثار لظل أنعي وجمر دمعي على الخدّين


حريم الصادق بموته  قامت  تنصب المأتم
وعلى قبره تِهل عبرات ما ظلت تدّور إيتام
مو مثل الغريبه اهناك بالطف شافت الآلام
شافت خيمة تلهب نار وشمر يضرب على المتنين


🖊خادمة ابي الفضل

#شهادة_الإمام_الصادق ع
#أطوار _مختلفه
#تصوير حضور السيدة الزهراء ع عند شهادة الإمام الصادق ع



ام الحسين محزونه  وكل ساعة الدّمع صوبين
تنصب ماتم المسموم   وبعد تلطم لِبنها حسين

يُمَه تصيح يالصادق لِفيتك والضلع محني
أدري بالكبد مسموم وإجيت اتعثر ابحزني
مصايبكم تهد الحيل بس مصاب شكثُر هدني
شفت الصادق اتكفن وابو اليمّه بِلا تكفين



امصاب إبني ابو السجاد  دليلي ذَوّب وروحي
حِضرته بساعة المذبح وضلعه هَيّج جروحي
شِفت خسفة بوسط صدره وتِعالا بشوفته نوحي
ليوم الثار لظل أنعي وجمر دمعي على الخدّين


حريم الصادق بموته  قامت  تنصب المأتم
وعلى قبره تِهل عبرات ما ظلت تدّور إيتام
مو مثل الغريبه اهناك بالطف شافت الآلام
شافت خيمة تلهب نار وشمر يضرب على المتنين


🖊خادمة ابي الفضل

#أطوار_مختلفة
#لسان حال الموالي ونعمة الإمام المهدي عج



خيرك دايم علينه ..  يمهدينه شُكر مولاي
امغرّقني بألطافك  ..  وأحسّك هم تسير اوياي


اضيع بلا حنانك ويل  ..  اذا عني تغض عيناك
أًحنّ من والدي وأمي  ..  واحبك سيدي واهواك
على الفطرة وِمِن صغري  ..  أناشد هم اكون اوياك
وبعيوني إلك زمزم   ..  وذكرك بالقلب سلواي


شعنده العاشق الغيرك  ..   ربيع أيامه لا مَيدوم
اليحبّك عايش وموجود  ..  بذكرك تنجلي الهموم
عِشِقتك من قبل أكبر  .. كبير احساسك ومعلوم
وحق اعيونك التبكي  ..  على المحروم لذيذ الماي


🖊خادمة أبي الفضل

#الامام المهدي عج وقبور البقيع
#أطوار_ مختلفة


بعون الله مهدينا يطلب للبقيع الثار
يجينا رافع الراية بيمينه يشهر البتّار
على راسه عصابة الزهراء ويرفع للضريح حجار
يبني قبة الغرقد ومناراته يعليها
آيمهدي آيمهدي آيمهدي آه²


ترفرف راية البيعة وبقيعه نزوره ونطوفه
ومواكب كلها مشّاي تحيّي المهدي وتشوفه
ويستقبلها زوّاره ويفتح دربه للكوفه
ويوصل كربله والطف ومدينة جده يبنيها


يبني للحسن شباك وقبة من ذهب تلمع
وللسجاد والباقر منارة بنور من تسطع
وصحن للصادق المظلوم ومنابر للعلن يرفع
وبالآذان اسم حيدر
وقباب اربع يضوّيها

الشاعرة خادمة آل محمد

#أطوار_مختلفة
#لسان _حال_السيدة_زينب ع بعد شهادة أبيها أمير المؤمنين ع



الأبو خيمه على ابنيّته  ..  يروح الحيل اذا بيروح
بكلبي تسكن الأحزان  ..  ويظل جرح اليتم مفتوح
أقضّي بالحزن يومي  ..  ودمعي عالوجن مسفوح
يالمأخذ مهجتي اوياك  ..  سهرانه بعد ما هيد


#صارت زينب تتذكر ايام طفولتها وصباها في دار أمها وأبيها :

اشحلاته من كنت يِمنه  ..  واُمنه تناظر بعينك
بسوالفها تِدفّينه  ..  وبعدها نسمع اونينك
راحت امنه بس انتَ ..  إلنه واهب اسنينك
لن سيف الأجل صابك .. وجرحك بالنزف بيزيد


إجاني العيد وإشتاقيت .. بين احضانك تضمّني
شلونِك يبويه تِنْشِدني .. وراسي اتقبّله اتشمني
رِحت مني رِحت عني .. بعد يا حضن اللي يلمني
بشهر الصوم تودّعنا  ..  وتِيتّمنا قبل هالعيد


🖊خادمة أبي الفضل _ ام جواد

#شهادة_أمير_المؤمنين ع
#أطوار_مختلفه
#تصوير_وصية_أمير_المؤمنين  والسيدة الزهراء إلى العباس عليهم السلام




يدير العين على اولاده ..  وانفاسه غصب تِطلع
نادى يا فخر هاشم  ..  وصيتي زينب ابمدمع
يوم ال أُمك إختارِيت  ..  عِرفتك للحرم تِفزع
إنطيني بعجل كفيك ..  ودْمِعته بخدّه سكابه


أمانه زينب ب يَدّك  ..  شهم أدري يبوفاضل
وحق امها وكسر الأضلاع  ..  غيرك ما لها كافل
اذكر ساعة التوديع   ..  قبل مُوتتها وتسايل
عن عيونك ، عن كفوفك  ..  الف لا شر على اصوابه

#هناك الشاعر يصور بعد شقالت عن العباس:

إبني الما شِفت وجهه  .. بس أفعاله أدريها
سور لزينب ابلطفوف .. وما ينظر أحد لِيها
ما بين الرمش والعين ..يبو فاضل تِخليها
ذِخرتك يبني للشدات .. لحِملها اْنتَ طلابه


🖊خادمة أبي الفضل

#شهادة_الإمام_موسى_الكاظم ع
#أطوار_مختلفة
#مقارنه بين المعصومة والسيدة رقية ع
وكأني بالإمام الكاظم ع وقد بعث برسالة إلى إبنته فاطمة المعصومه مع الريح



صاح الكاظم بهمه سلامي لبنتي وعيالي
مسجون وحبل واقيود وصورهم دايمه ابالي
عليّه ضاقت الأنفاس وحرموني الهوه تالي
اعلقد ما ليّه مُشتاقه أشتاقيت أنا ليها

وصّيها الصبر يا ريح حنينة بنيتي معصومه
عليّه تنشد اليمتى ابويه تِخلص اهمومه
ما تدري أبوها يروح ومنه هم قُرّب يومه
تجي الوادم تِعزيها ولا شامت يعت بيها

طور الجفيري

بموتي يبويه بس قَهْر
ولجلي دموعِك كالمطر
لكنّي سالم امن النّحر
ولا واحد اعلِيك جِسَر ( تجرأ)

#بنيّة انت تفقدينني وتبكين عليّ وتنحبين ،لكن اسفي على مدلالات الحسين اسفي على رقية :

جدي الغريب ابكربله
عنده بنات امدلله
هامت تصيح ومعوله
ضربوها شتموا العايله

فقدي اعلى قلبك آه صعب
وبعدي تظلي بالندب
ذكري رقيه التنضرب
بساعة دمعها هم تصب

#بعد مولانا الكاظم عنده وصية لبنته المعصومه :

آيبويه     ذِكري بِمصابِك رقيه
آيبويه    شكثر صاحت خطيه
آيبويه    بنتك الليله سبيّه

بالخرابه    الله بس يدري بيها
بالخرابه    تنطر الوالد يجيها
بالخرابه    زينب اتصبر عليها


🖊خادمة أبي الفضل

#أطوار_مختلفة
#طور_تمنيته_الليل
#وصول السيدة زينب الى مصرع الحسين ع



▪︎...وصلت زينب الى مصرع الحسين .. وهو يقبض يمينا ويبسط شمالا .. وطرفه نحو الخيام..
السهام والنبال على جسده .. والجراحات غطت ملامحه الشريفه .. ولكن عطر الحسين كعطر الزهراء وكأني بهذا إستدلت على الحسين💔
نادته أأنت الحسين حمانا...!!!
أأنت رجانا...!!!
(مشتاقة بعد مرة) نور عيني يا حسين ...



مشتاقه بعد مره
حتى وانا حاضِنْتَك
عطر امي أشمْ منك
اعلى هاذا وآنه عارِفْتَك

ساكت ليش جاوبني .. حق العشره و الخوه
بزمان المَر فقدنه احباب .. وانته الباقي لي سلوه
واذا بيدي اموت وياك .. حق أيامنه الحلوه
ابوداعك كل جرح بيّه .. لِجمّني لمّا وادَعْتَك


اظنّك لو تموت الساع .. أموت وياك يروح الروح
واتنفس تقلي شلون؟؟ .. وانته مرضرض ومذبوح
خيال أمشي أظل بعدك .. وتراتيلي البكى والنوح
أقوم واعثر من الهم .. صدق ياخويه فاقِدْتَك ؟؟


ساعة وتنذبح يحسين .. وأصير مكفله بأيتام
اتلفت يسار يمين .. وعلينه تِنحرق لخيام
واذا جِيتك إلَك أفزع .. كعبه وانرمي بسهام
وبعد يومك يسيروني .. يروحي وآنه عاذِرْتَك


🖊خادمة أبي الفضل

#وفاة_السيدة_أم_البنين ع
#أطوار_مختلفة
# تصوير حضور الإمام الحسين ع والسيدة الزهراء عند إحتضار أم البنين ع



مَرّ طيفه على عيوني .. قبل موتي " حبيبي حسين"
وإجَت وياه "حزينه" تنوح  .. تنادي يا فْقِد البنين

#منو هاي الحزينه ...؟

شِفتها وإحترت بأمري  ..  منهي اتكوني يالحره !!!
ابونّتها تِفت الروح  .. وبديّها شايله الصّره
فَتْحَتها وشِفت كفين  ..  دِريت الطّاهره الزهره
كفوف إبني جابتها ..  يغمض لي جفون العين


تصيح بصوت يم عباس .. تِعوضلي فقد الاولاد
تِجازي قطّعة إزنوده  ..  وما تدري بحزن الفأد
لوّن من الوِلد عشره  .. ويرد سالم أبو السجاد
بس جاني الخبر مذبوح .. ع الرمضه وبلا تكفين


#واذا بأم البنين خجلت من الزهراء ع  ومواساتها لها ، نظرت للحسين تسأله تستعلم الحال عن وفاء العباس ، يجاوبها الحسين :


شِفت موتي ييُمّه هناك ..  من راح القمر عنّاي
صاح بصوت يهز القاع  ..  انا العباس انا الوفاي
لهذا اليوم رادتني  ..  أمي التِعبت اعلى رباي
اريد اوفي سهرها بليل  .. وافديلَك كفوفي اثنين


🖊خادمة أبي الفضل

#الليالي_الفاطمية
#أطوار_مختلفة
#لسان حال السيدة زينب ع عند وداع أمها الزهراء ع ليلة الشهادة



خليكِ بعد ليله يا يُمّه لا تِودعِيني
مِتعودة على حضنِك ولاحضانِك تضميني
ودمعي تِمسحي بيدِك وبهيده الضلع مهشوم
أسكت روحي ما أقدر  ووداعِك حيل يأذيني


بحسن وحسين توصيني ودمعي يحفر بخدي
واعيش بغربه لو رِحتي وانا وحزني أظل وحدي
ويوم العاشر الموعود منو يساعدني في همي
منْ اركض الى الحسين وقِله بعدك إشعندي!!!


*#تجاوبها الزهراء بكل حنان وحزن على حالها :*

تونّ الزّهره وتقِلها            زودتي عليّ حِزني
وعد مَعوفِك بالطفوف     أجيكِ والضلع محني
وعاين قاعد المعلون        يذبح منحره ويفري
وحوافر طابعه بصدره     وما يِسلم عظم إبني



واشوف اخيامِك موجره    ومَصَابِك يشبه امصابي
ويتامى حسين تتراجف     مثل حالِك عند بابي
ومسمار الضّلع بيصير سوط على المتن يلوي
وتطيحي من الألم مثلي     واصوابك اهو اصوابي


🖊️خادمة أبي الفضل

#وفاة_السيدة_أم_البنين ع
#أطوار_مختلفة
# تصوير حضور الإمام الحسين ع والسيدة الزهراء عند إحتضار أم البنين ع



مَرّ طيفه على عيوني .. قبل موتي " حبيبي حسين"
وإجَت وياه "حزينه" تنوح  .. تنادي يا فْقِد البنين

#منو هاي الحزينه ...؟

شِفتها وإحترت بأمري  ..  منهي اتكوني يالحره !!!
ابونّتها تِفت الروح  .. وبديّها شايله الصّره
فَتْحَتها وشِفت كفين  ..  دِريت الطّاهره الزهره
كفوف إبني جابتها ..  يغمض لي جفون العين


تصيح بصوت يم عباس .. تِعوضلي فقد الاولاد
تِجازي قطّعة إزنوده  ..  وما تدري بحزن الفأد
لوّن من الوِلد عشره  .. ويرد سالم أبو السجاد
بس جاني الخبر مذبوح .. ع الرمضه وبلا تكفين


#واذا بأم البنين خجلت من الزهراء ع  ومواساتها لها ، نظرت للحسين تسأله تستعلم الحال عن وفاء العباس ، يجاوبها الحسين :


شِفت موتي ييُمّه هناك ..  من راح القمر عنّاي
صاح بصوت يهز القاع  ..  انا العباس انا الوفاي
لهذا اليوم رادتني  ..  أمي التِعبت اعلى رباي
اريد اوفي سهرها بليل  .. وافديلَك كفوفي اثنين


🖊خادمة أبي الفضل