لفور سرزمین زیبایی

#شعر_تبری
#ته_که_دنی

چش خو نشونه شو ته بلاره ته که دنی
گم کمه چاشت موقع شه راره ته که دنی

دس بیته آرزو مره بورده مه دس جا
شو ، نیشته خنه زنه اماره ته که دنی

اون هشتی ی قدیمی و لمپای مشت سو
دلخش ندارنه این خنه خواره ته که دنی

کورمه تلارو گالشی و ملک و گو ره
یا آسمون ما و روجاره ته که دنی

کارمسرا بئیه امه هشدری سره
کورمه ته جان دور لکه لاره ته که دنی

عین کتاب قصوئه مه خار خاطرات
زمه ورق شه خاطره هاره ته که دنی

وختی مره دیار انه فردای سخت روز
غم گرنه لس لسک همه جاره ته که دنی

تر خواسمه همیشه ته خواهونمه مدام
شاهد شه وسه دارمه خداره ته که دنی

ای ته خنابدون که ته خاطر دره مه نوم
کی دانه پشت سر مه هواره ته که دنی

حجت که مشت کاره ِغریبسه این دیار
بادرد و رنج و غرسه براره  ته که دنی

✍ #حجت_الله_حیدری_نفتچالی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

#شعر_تبری

مِه شو تِه بی قِراره تِه ره نارمِه
مِه خو شوره ویشاره تِه ره نارمِه

سَریننه اِشمه، سَرین گِمون که
سِیو مَر مِه کِناره تِه ره نارمه

گِمون که جانه کَندون دَوِه آدم
شوره مه دل نِخواره تِه ره نارمه

تِه نوممه وَنگا وا، کِممه تِلاونگ
مِه وَنگ بی اِختیاره تِه ره نارمه

هزارون دوس اَگر مِه وَر دَواشِن
مِه شو بی تِه تَناره، تِه ره نارمه

مِه شو آ مِه دلا مِه بی قراری
گِمون طِفلا بی ماره تِه ره نارمه

وِنه دِریو دونه کِلاکا مِه دل
چِتی تِه بی قِراره تِه ره نارمه

✍ #محمودی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

#شعر_تبری

برو دنیا ره پرنور هاکن امروز
اشونِ غرصه ره یور هاکن امروز

مِه دَیّن بی نمک بهییه بی ته
لبِ شیرین بیار، شور هاکن امروز

تاریکی دَکِتمه روشنه روز
سیو زلفه بیار بور هاکن امروز.

دیاری چِه مجیک قلاب هاکردی؟
برو توری دامن، تور هاکن امروز

برو شیره انار بزن مِه دلّه
اته خواهشِ ناجور هاکن امروز

مِه ذوق شاعری باخِته بی ته
برو قافیه ره جور هاکن امروز

اینجه هیچکس مره حساب نیاینه
مِه دلّه مُشتِ غرور هاکن امروز

✍ #فرج_پور


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

#شعر_تبری

قشنگه روزه سوی سایه بون بوش
خدای واری عشقِ باغبون بوش

اگه دنیا ره تلی مشت هاکرده
گلِ واری لطیف و مهروُون بوش

قشنگی ره خله دوس داینه خدا
همیشه خش پچار و خش زبون بوش

چِه اندِه غیظِ اِندونی همه عمر
زلاله چشمه ی واری روُون بوش

#برگردان

روزی زیباست سایه بانِ نور باش
همانند خداوند باغبانِ عشق باش

اگر که خار دنیا را پر کرده است
تو مثل گل لطیف و مهربان باش

خداوند زیبایی را خیلی دوست دارد
همیشه خوش رفتار و خوش زبان باش

چرا اینقدر برکه کینه ای همه ی عمر؟
به مثل چشمه ای زلال جاری باش

✍ #امیرعلی_فرج_پور


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

🌺🌼🌸🌺🌼🌸🌺🌼🌸🌺
@lafoormycountry

#شعر_تبری
#عشق

برو بَوین چی دنیا داینه این عشق
چشِ بی خو، گوشِ وا داینه این عشق

گب و گو اینجه کاره نییه که صد
لَله جار و لَلِه وا داینه این عشق

تِه دامن نوِنه شیر بو بَوینی
که هفت تا گَهته دریا داینه این عشق

تنِ قفس ره بشکن تا بَوینّی
"هزار پر آسمون" جا داینه این عشق

قوا ناترینگ نزن بی پا و سر بوش
هزار دل، بی سرو پا داینه این عشق

تموم کائنات ره خار بگردی
شه چش وینّی چی خدا داینه این عشق

✍ #امیرعلی_فرج_پور


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

#شعر_تبری

چه فرقی کنّه بعدِ ته که وارش
کجه بواره، ناودون یا خیابون

اسا سرپیشِ ازدار تا نماشون
کلاج بخونه یا بلبلِ خش خون

بوین مِه دفتر راه کِلّه، رَج رَج
تِه نومِ بک و بو دَپیته یکسر

شِه دسّه پل، دعا قطار هاکِینه
کدیم ایسگاه هرسم بِئی سفر

مِه دسِّ دسّه گل خشک هایته اینجه
ته دسِّ چمدون پیاده نَییه

ته عاشق بیَن هرچی ساده بِئه
ته عاشق بمونسّن ساده نَییه

شِه عمرِ اندا تِه امیدوارمه
خدا هرچی امِه جا لج هاکِنه

آخد مجبوره تره پس بیاره
یا مِه قبله ره وِنه کج هاکنه

#برگردان

چه فرقی می کند که باران پس از تو
کجا ببارد بر ناودان یا خیابان

حالا بر درخت آزاد حیاط تا غروب
کاغ بخو اند یه بلبلی خوشخوان

ببین بر جاده ی دفترم ردیف به ردیف
عطرِ نام تو پیچیده یکسر

دستانم را پل و دعا را قطار کردم
کدام ایستگاه بایستم تا از سفر بیایی

اینجا دسته گلِ دستانم خشک شده است
چمدان دستانت پیاده نشده است

هر چه عاشق شدنت ساده بود
عاشق ماندن ساده نبوده است

به اندازه ی عمرم به تو امید دارم
خدا هرچه که با ما لج کند

آخر مجبور است ترا پس بیاورد
یا باید قبله ام را کج کند (به سمت تو)

بیت اول اقباس

✍ #فرج_پور


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

#شعر_تبری

تِه دَس گِل هِدامه پَرپَر هاکردی
مِره گِس بزوهی یک وَر هاکردی

بتونسس مِه دَیِن شِرین بمونده
مِه دَین رِ مه وسسِ زَر هاکردی

بمومه ته خِنه آشتی هاکِنم
شِه خِنه پیش جا مِره دَر هاکردی

شه مله سر جا مِره در به در رِ
همند آ کوه آ شَر به شَر هاکردی

#برگردان

گلی به دست تو دادم و پرپرش کردی
گردن زدی و با من قهر شدی

زندگی میتوانست شیرین هم باشد
اما تو با رفتارت مثل زهر تلخ کردی

آمدم به خانه ات تا با آشتی کنم
اما مرا از خانه ات بیرون کردی

از آبادی خودت مرا با دلی شکسته
آواره بیابان و کوه و شهرها کردی

✍ #حسین_پنبه_کار جویباری


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

#شعر_تبری

نِماشونِ هِوا بَیمِه نِموئِی
دَوِسّه چِلچِلا بَیمِه نِموئِی

مِنا کــوتِر مِیا رِه بو کَشِمبِی
دَپیتِــه سَــردِ وا بَیمِه نِموئِی

دَنِی آ دَشتِ وارِشّه نِخوامبِه
کَـــویرِ بــوسّه را بَیمِه نِموئِی

مِه دِل تَنگِ هــلالِ ماهِ دِیمِه
بِهـــــارِ بِی نِشــا بَیمِه نِموئِی

بِرو مِه چِش دَرِ کِندا رِه پِئنِه
پَئِیـــــزِ وَلــگا وا بَیمِه نِموئِی

#برگردان

هوای دم غروب شدم نیامدی
پرنده دست و پا بسته (چلچلا) شدم نیامدی

بو میکشیم من و کبوتر ابرها را
باد سرد به هم پیچیده شدم نیامدی

تو که نیستی دشت و باران را نمی خواهم
راه رانش گرفته کویر شدم نیامدی

دل تنگ صورت هلال قرصی ماه هستم
به مانند بهار بی نشا شدم نیامدی

بیا که چشمم پاشنه در را میپاید
برگ و باد پائیز شدم نیامدی

✍ #علیمراد_محمدی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

#شعر_تبری

بیخد گتی که تِه همرازِمه بُور
بی ته دَیّن دلِ سِه لازِمه بُور

سوار وُومه بی رحمیِ قزل ره
شِه سیو طالِعِ سر تازِمه بُور

اسا که اتٌه لحظه تره نارمه
شِه عشقِ ناقصِ سر نازِمه بُور

اِسا که بِموئَنِ سِه نمویی
هزارون کوچه تِه پیش سازِمه بور

خیال کِینه مِه عمر و زندگی بِی
شِه دِشتِ عمر ره تِسه بازِمه بُور

#برگردان

بیخود می گفتی که همراز توام، برو
بی تو بودن برای دل لازم است، برو

بر اسب سفید بی رحمی سوار می شوم
بر اقبال سیاه خود می تازم، برو

حالا که یک لحظه ترا ندارم
به عشقِ ناقصِ خود می نازم، برو

حالا که برای آمدن نیامدی
هزاران کوچه پیش رویت می سازم، برو

خیال می کردم عمر و زندگیم بودی
تمام عمر خودم را برایت می بازم، برو

✍ #فرج_پور

@LafoorMyCountry

🇯‌🇴‌🇮‌🇳
برای حمایت از ما، لینک بالا را👆👆به گروه ها و دوستانتان فوروارد کنید.

#شعر_تبری

نِماشونِ هِوا بَیمِه نِموئِی
دَوِسّه چِلچِلا بَیمِه نِموئِی

مِنا کــوتِر مِیا رِه بو کَشِمبِی
دَپیتِــه سَــردِ وا بَیمِه نِموئِی

دَنِی آ دَشتِ وارِشّه نِخوامبِه
کَـــویرِ بــوسّه را بَیمِه نِموئِی

مِه دِل تَنگِ هــلالِ ماهِ دِیمِه
بِهـــــارِ بِی نِشــا بَیمِه نِموئِی

بِرو مِه چِش دَرِ کِندا رِه پِئنِه
پَئِیـــــزِ وَلــگا وا بَیمِه نِموئِی

#برگردان

هوای دم غروب شدم نیامدی
پرنده دست و پا بسته (چلچلا) شدم نیامدی

بو میکشیم من و کبوتر ابرها را
باد سرد به هم پیچیده شدم نیامدی

تو که نیستی دشت و باران را نمی خواهم
راه رانش گرفته کویر شدم نیامدی

دل تنگ صورت هلال قرصی ماه هستم
به مانند بهار بی نشا شدم نیامدی

بیا که چشمم پاشنه در را میپاید
برگ و باد پائیز شدم نیامدی

✍ #علیمراد_محمدی


@lafoormycountry
🌺🌸🌺🌸🌺🌸🌺🌸🌺

🌷🌷🌷🌷🌷🌷🌷🌷🌷🌷🌷🌷🌷🌷
برگزیدگان چهارمین جشنواره
#شعر_تبری_نوج
ــــــــــــــــــــــــــــــــــــــــــــــــــــــــــــــ
با توجه به وضعیت کرونایی امسال،
متاسفانه تأخیر فراوانی در بررسی
آثار و اعلام برگزیدگان پیش آمده
که پیشاپیش پوزش می‌طلبیم.
نکته‌ی قابل توجه، داوری منطقی و منصفانه
داوران این جشنواره بوده که الحمدالله از
نقاط مختلف استان و حتی از استان گلستان برگزیده داشتیم.
ـــــــــــــــــــــــــــــــــــــــــــــــــــــــــــــــ
برگزیدگان مقطع بزرگسال در بخش آزاد🌱
۱- نرگس زارع ــ گرگان
۲- علی امین زاده ــ آمل
۳-روح اله نظرنژاد ـ ساری
۴- داریوش مقصودی ـ نوشهر
۵- سمیرا رمضانی ـ محمودآباد
۶- قاسمعلی یعقوبی ـ ساری
ـــــــــــــــــــــــــــــــــــــــــــــــــــــــــــــــ
#تقدیری‌های بزرگسال🌱
۱- قاسمعلی علیزاده افروزی ـ بابلکنار
۲- علیمراد محمدی ـ سوادکوه
۳- #سارا_اصغری_شیرگاه
ــــــــــــــــــــــــــــــــــــــــــــــــــــــــــــــ
بخش دفاع مقدس🌱
۱- #کاظم_صداقتی_شیرگاه
۲- سمانه ناسوتی ـ محمودآباد
۳- رزیتا یعقوبی ـ هادیشهر

دبیرخانه دائمی جشنواره شعر تبری نوج
🌷🌷🌷🌷🌷🌷🌷🌷🌷🌷🌷🌷🌷🌷؛

@lafoormycountry
❄️🌨❄️🌨❄️🌨❄️🌨❄️

#شعر_تبری

مِنا مِه تَنگِ دِل اَمشو پَئیزِ مَرگِ خو رِه تَل تَلِی کِِمبِی
نِماشونِ هِوا رِه سِینِه سو کِمبِی مِیائِی رِه قَلِی کِمبِی

نِلِمبِی آسِمون اِسّارِه سو رِه یَخ دَوِندِه وَرفِ سو دارِه
مِیا رِه سازِه زَمبِی وَرفا سِرمایِ زِمِسّونّه پَلی کِمبِی

هِرازِ اوپِنو رِه دَرزِمونِ تا کَشِمبِی چِک چِکو بَوّه
وِنِه او خارِه یِ سَر بَندِ دِیما رِه پِتی دِمبِی گَلِی کِمبِی

دِرازِ شویِ سَردِ پِیلِه رِه اِسّارِه سو هوتِ نِشا کِمبِی
وِنِه سَر خَرمِنِی رِه شِه دِلِ جا ماهِ وِسّه پَل پَلِی کِمبِی

بئی ته آسمونه جر یارمبی ماه دیم لکه اندومبی شومبی
ونه دنباله دار اساره ی روجا ره مشت پاپلی کمبی

#برگردان

من و دل تنگم خواب مرگ پائیزی را می چشیم و پس میزنیم
هوای غروب را با سینه می سابیم و ابر را سیقل می دهیم

نمی گذاریم آسمان روشنائی ستاره را یخ ببندد برف روشنائی داشته باشد
ابر را جارو می زنیم پ برف و سرمای زمستان را معلق می دهیم

سیلاب رود هراز را با نخ تا می کشیم تا آب قطره قطره بشود
سر منشا جاهایی که آب نشت می کند را پارچه می بندیم و نای آنرا می بندیم

پهلوهای شبهای بلند و سرد را دوباره روشنی ستاره ی نشا می کنیم
سر گل خرمنش را با دلمون برای ماه پهلو به پهلو می کنیم

تو بیای؟ آسمون را پائین می آوریم و لکه ماه را می مالیم سیقل می دهیم
دنباله دار ماه ستاره روجا را پر از پروانه می کنیم

#کوکی


@lafoormycountry
❄️🌨❄️🌨❄️🌨❄️🌨❄️

#شعر_تبری

کوهِ وَرف اوبونه کیله روش اِنِه
بهار رِسسنِه بلِبِل سِروش اِنِه

زمستونِ زمین ِ خِشک آ خالی
دِواره سوز بونه سبزِ پوش اِنه

صوایی تِرِه ویمبِه شونی صَرا
اَی مِ دل سِموار واری جوش انه

بَخون بخون کِندی گَلی بِ گَلی
دِرِ شَر جا تِ خونش مِ گوش انه

نماشون کِ بونه افتاب شونه مار
غَما غِرصه یِه عالِم مِ دوش اِنِه

خِدا خِدا زَمبه شُو بَکِشِشه پَر
شِ یارِ هارِشِم دَیم بِِ لوش اِنِه

✍ #حسین_پنبه_کار جویباری


@lafoormycountry
❄️🌨❄️🌨❄️🌨❄️🌨❄️

#شعر_تبری

غزل ِ بیتّــه سـواره، مه خیـال را دکِته
گِمــه اَی گِـــج برِسی‌یه کِنه همرا دکته

خله تومه که قرار نایْنه ننیشته منه ور
خلِــه دلتنگه، یقــن یاد شِــه دلخا دکِته

کِنه در ره بَــزِنه، غـرصه وِنه په نکِفـه؟
ناگـمون پَـر بَــزوئه، اون ورِدیما دکته

ته هوا معجـزه کنّه شه بَوین دفترِ کش
قلـم خسّــه تن اَمشـو، دلِ ور، کا دکته

اره امشـو پَــرِدامه شه دل ِدردِ ته پیش
شه دَنیبی ،ته خیـالِ جا مه دل نا دکِته

ته بهـــارِ بـکِا بویی، تره نارمـه شِه پَلـی
بَکلِسّــه چش ِ هَســـری جمــه‌ی لا دکِته

#برگردان

خیالم سوار بر بیت غزل شد و راه افتاد
می‌گویم: "باز به هواییِ چه کسی به راه افتاد؟"

خیالم مدتی‌ست در کنارم آرام و قرار ندارد
دلتنگ است وحتماً یاد دلخواهش افتاده‌ است

درِ چه کسی را بکوبد تا غصه پاپیچش نگردد
ناگهان به یاد دیار تو افتــاد و پـــرواز کرد

خیالت معجزه می‌کند خودت به دفترم نگاه کن
امشب، قلم خسته‌ام، کنار دل، به شادی مشغول شد

آره امشب درد دلم را به سوی تو به پرواز درآوردم
خودت نبودی ولی با شوق تو دلم پرتوان شد

تو عطر و بوی بهاری تو را در کنارم ندارم
از دوری‌ات اشکم، پیراهنم را خیس کرده‌است

✍ #حوا_واحدی_‌گشنیانی


@lafoormycountry
❄️🌨❄️🌨❄️🌨❄️🌨❄️

#شعر_تبری

اِموئِی دَندون نِداشتِی بوتِه دَندون وِنِه بورِی
وِشنا اِشکِم بِموئِی بوسِندِی رِیمون وِنِه بورِی

دَستِ خالِی تِیساپِه بِرمِه بِه چِش داشتِی اِموئِی
تِیسا دَستا تِیسا لِینگ تَش بَزِه اَرمون وِنِه بورِی

روزا ما شونِه هِوا تارِیکِ زِندون ونِه تِسّه
تِه کِلا او کَفِنِه ورنِه تِه سامون وِنِه بورِی

خَلِه شَق شَق مِجِنی گِس نَدِنِی حَرفِ حِسابّه
اَگِه پَهلِون بوئِی وَسِطِ مِیدون وِنِه بورِی

نادِرا اِسکِندِرا هژَبِر سِلطون چِتِی بَینِه؟
لِینگِ رَج دَرِه وِشونِه وایِ پَندون وِنِه بورِی

سِئِر مونِی رِه نَدوندِی وِشنا چِش دارنِی کِنسّه؟
پِیلِه رِه مَئر دَکِنِی با تِج دَندون وِنِه بورِی

#برگردان

میآمدی دندان نداشتی با دندان کنده شده باید بروی
با شکم گرسنه آمدی ناتوان و درمانده باید بروی

با دست خالی پای برهنه چشم گریان آمدی
با دست خالی و پا برهنه و آرزوی آتش زده باید بروی

روز و ماه میرود و هوا تاریک مثل زندان میشود برای تو
کلاهت به آب میافتد سامانت را میبرد باید بروی

خیلی راست راست راه میروی و به حرف حساب تن نمیدهی
اگه پهلوان باشی وسط میدون ونه بوری

نادر و اسکندرا هژبر سلطان چی شدن؟
رد پای آنها هست توی شکم باد باید بروی

سیر شدن را نمیدانی چشم گرسنه داری برای کی؟
بغلت را مار بگذاری با دندان تیز باید بروی

✍ #علیمراد_محمدی_کوکی


@lafoormycountry
❄️🌨❄️🌨❄️🌨❄️🌨❄️

#شعر_تبری

خِــدادارمــی مِـنـــاتِـــه اَتّـــاجـــوره
مِــه دَس سِپـلِــه تِــه دَس آجِ بِلــوره

مِــه سَـرآفتاب نَعیرنه وارِش هَم نـا
مِــه اِقبــال هَـسِّـه مـادرزادی کـــور

تَجِـمـبِـه روزِ شــو مِـن ســـونِ آهــو
تـِـه کیسـه مَشـتِ طـارم هَسِّـه پــور

خِــدایِ وَرخِــدایــی نــالـِـه دارمِـــه
گِـنـِــه حــوری دِمِــه فِــردا چِـطــور

اگـر اَد جـور مِـه چَمِّ بَیرِه شِـیطـون
مِـه مِـز بـونِـه جِهَنِّم حوری هَم مـور

هَمِـش تَـرسِــم بِـه لَـرزِم دَرمِه دِنیـا
مِــه وِه اینـتــا خِــدِ زنـــده بِـگـــور

عـجـب تَـقـسیـم هاکِردِه سَرنِوشـتِ
مِـــه وِه اینـهــارِه گِـنّــه خَــلـِــــه زور

✍ #تقی_صداقتی_بورخانی


@lafoormycountry
❄️🌨❄️🌨❄️🌨❄️🌨❄️

#شعر_تبری

دِنیا رِه لَرزا تو دَرِه مِه سَر سِیو بَیّه بِرو
اِفتابِ تِ رِه خو دَرِه هِوا سِقو بَیّه بِرو

وَرفِ سِما کِندِه مِیا یَخ بِموئِه مِه چاجِ لو
وا رِه تِه وِسّه زو دَرِه دِرازِ شو بَیّه بِرو

وَندِکِلِی کوفا بَزو هَف دَری یِ کِریکِه رِه
غَم بِمو بومِ لو دَرِه مِه دِل کَهو بَیّه بِرو

وا نَونِه مِه دِلِ گِر اوراز هاکِردِه دِلخِشِی
خِشِی رِه مَرگِ خو دَرِه مِه پَر پَتو بَیّه بِرو

هِوا رِه وا کِمبِه بِرو سِینِه رِه سا کِمبِه بِرو
مِه آسِمونّه شو دَرِه تِه وِسّه سو بَیّه بِرو

#برگردان

دنیا تب دارد و می لرزد سرم سیاهی میرود بیا
تیغ آفتاب خواب دارد هوا منجمد شد بیا

ابر رقص برف میکند یخ آمد تا نوک سقف خانه ام
باد برای تو زوزه میکشد شب دراز شد بیا

تار عنکبوت چیده شد روی بندک درب خانه هفت دری
غم آمد تا نوک پشت بام دلم کبود شد بیا

گره دلم باز نمی شود دلخوشی بیمار و ورم کرد
خوشی به خواب مرگ رفت پرهایم با آب داغ نابود شد بیا

هوا را صاف میکنم بیا سینه را باز میکنم بیا
آسمان من شب دارد برای تو روشن شد بیا

✍ #علیمراد_محمدی
#کوکی

@lafoormycountry
❄️🌨❄️🌨❄️🌨❄️🌨❄️

#شعر_تبری

"به یاد جان مار"

زندگی چه خار بیه اون گل دارِ سفره یِ گوش پر و مار با شه وَچون نیشتبینه با هم دوش به دوش
نا غمِ ناشتی بیه نا غِرّه به داشتی بیمی اَمه گِل اَمه خِنه چوچِل بیه کلِک و لوش
کِرسی چِک فِل بَزِّه بخاری سوزِ هیمه پشت ته خار بِنه گیته تا صواحی بیمی بی هوش
اَمه شلوار جِر بَهی پینه ونه تَن پِر بَهی دِوندی کِجه دَیه کالچم بیا بوسِّ کلوش
لَوه نون آرد وخمیر اَمه غِذا نون و پندیر سِماوار سفره یِ ور قوری وِنه سر خِرده جوش
فِنِر پِک پِکِ سو اَمه لَمه خِش نقش و رو اِندونِ گاله بیه اَمه اون بومِ سَرِ پوش
اَمه دل بی کلک کینه اَمه کم و چِلِک اَمه عشق اَتا دَعیل مجنون رِ وه کرده خاموش
اَمه گَد گَدِ دَوا لاقلی بَسوسِ پِلا وِنه راغون بیه که اما ره ایارده هَجوش
بِبا وینِسِّه اِما بی چِمر نَمبی سفره سَر کم حوصله که بَهیبو اماره کرده اَتّا توش
مار بیه میم بَزِّه تِک دل سوته خِردمی کِتِک خا چِتی هاکردبو وه حرفِ بِبا ره داهه گوش
وِنه اون گِد گَدِ حرف نَخرین لاقلی پِلا شمه عروسی شوره هوا کنده دَروش بَروش
لاقلی بَسوس پِلا مارِ حرف و پِرِ کِتِک خاطره بیه اِسا اما مه پشت اَی کنده کوش

✍ #حسن_احمدنژاد_چهره


@lafoormycountry
🍁🍂🍁🍂🍁🍂🍁🍂🍁

#شعر_تبری

پییزِ ما بیه مه دل سروشته
صحرای ولگ و خالِ وا بروشته

شِکلم جم بینه دارِ سر سیوهه
شه پر ره اِچکلنه هیاهوئه

تیکا کَمِک کَمِک پرچینِ کنار
شه خِد ره جا دنه میونه ی خال

گِلام دارِ جا دس کشنه دلّه
لَت و لتکا نوینه رویِ گِلّه

وارش بروشته دشت او بهیته
بلبل و پاپلی ره خو بهیته

پییزِ زردِ دیم دییار بهییه
ونوشه معطلِ بهار بهییه

تیرِ ما چارقده گِر بزو گَلی
شَروینه ما دراِنه وِنه پَلی

پییز بوردا مه دل غم سرهایته
سرما لسِک لسِک مِره ورهایته

✍ #ویشار


@lafoormycountry
🍁🍂🍁🍂🍁🍂🍁🍂🍁

#شعر_تبری

هوا هِی برمه واره کنّه برو
تِه غم دلّه بیجاره کنّه برو

کوچه دامنه تِسه بنه بزو
دروازه یَخه پاره کنّه برو

شو لوشِ پَلی نیشته خسّه مونّه
شیره چشّه ستاره کنّه برو

وا ره بَوین چی تن تن شونه اِنه
سرپیش ره سازه پاره کنّه برو

کهنه ازدارِ دس دس رو به بالا
آسمونّه اشاره کنّه برو

#برگردان

هوا هی گره و زاری می کند، بیا
غمت دل را بیچاره می کند، بیا

کوچه دامنش را برایت فرش کرده است
دروازه یقه پاره می کند، بیا

شب خسته و مانده کنار دروازه چوبی نشسته
چشمان خیسش را (به انتظار) ستاره می کند بیا

باد را ببین چه تند تند می رود و می آید
حیاط را آب و جارو می کند، بیا

دستان درخت آزاد پیر رو به بالاست
به آسمان اشاره (دعا) می کند، بیا

✍ #فرج_پور


@lafoormycountry
🍁🍂🍁🍂🍁🍂🍁🍂🍁