لفور سرزمین زیبایی

اگر ویشه بَدی، شیر بِر نکنده
پلنگ‌ لال بَیِّه، دیگـر لِر نکنده

دَوِسِّه بندِ شالّـه گَل پِه گیرنه
بّدون ویشه بَمرده، مِر نکنده

#برگردان

اگر دیدی در صحرا شیر جرات ندارد
پلنگ لال شد و صدای غرشش نمی آید
شغال میبندد و موش باز میکند
بدون آن صحرا مرده دیگر ازش صدایی نمی آید.

✍ #حسن_احمدنژاد_چهره


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

ته عمر ره گِنه دشتِ تیل بَورده
ته دوش وبال قد ره بیل بورده

بلو ته کمر ره دلا هاکرده
دشت تیل ته لینگ ره جنا هاکرده

نِداشتی خِنِمون قِرار هاکردی
باخته دشت ره ته ویشار هاکردی

گو ره اِزال دَوِسّی پَر بَزویی
پاییز کر کسو ره کَر بزوهی

بینج را بیتی ارباب بوم دکردی
اتا اشکم ته سِرِ شوم نکردی

ته لینگ بن تراک من ته بلاره
ته خَسِّه تن هلاک من ته بلاره

چِتی سر هاکردی اون سال و ماه ره
ته دَسّ و بال خالی من ته بلاره

اَت دَر خِنه بیا هف هشت تا ورکا
اتا ته کردی آ هف هشت تا خِرا

همه تا ره ته جابجا هِدایی
وِشون ره گد هاکردی راه بِدایی

ته دوش وبال کهو من ته بلاره
ته دل مشت آرزو من ته بلاره

غم و غرصه ره ته سرین هاکردی
شه عمر ره وقف اون و این هاکردی

اتا شو راحت خو ره ندی ته
خنه ی مشت مشت سوره ندی ته

تقدیم به روح پاک تمام پدران آسمانی
روحشان شاد و یادشان گرامی باد.

✍ #حسن_احمدنژاد_چهره


@lafoormycountry
🍁🍂🍁🍂🍁🍂🍁🍂🍁

#شعر_تبری

"به یاد جان مار"

زندگی چه خار بیه اون گل دارِ سفره یِ گوش پر و مار با شه وَچون نیشتبینه با هم دوش به دوش
نا غمِ ناشتی بیه نا غِرّه به داشتی بیمی اَمه گِل اَمه خِنه چوچِل بیه کلِک و لوش
کِرسی چِک فِل بَزِّه بخاری سوزِ هیمه پشت ته خار بِنه گیته تا صواحی بیمی بی هوش
اَمه شلوار جِر بَهی پینه ونه تَن پِر بَهی دِوندی کِجه دَیه کالچم بیا بوسِّ کلوش
لَوه نون آرد وخمیر اَمه غِذا نون و پندیر سِماوار سفره یِ ور قوری وِنه سر خِرده جوش
فِنِر پِک پِکِ سو اَمه لَمه خِش نقش و رو اِندونِ گاله بیه اَمه اون بومِ سَرِ پوش
اَمه دل بی کلک کینه اَمه کم و چِلِک اَمه عشق اَتا دَعیل مجنون رِ وه کرده خاموش
اَمه گَد گَدِ دَوا لاقلی بَسوسِ پِلا وِنه راغون بیه که اما ره ایارده هَجوش
بِبا وینِسِّه اِما بی چِمر نَمبی سفره سَر کم حوصله که بَهیبو اماره کرده اَتّا توش
مار بیه میم بَزِّه تِک دل سوته خِردمی کِتِک خا چِتی هاکردبو وه حرفِ بِبا ره داهه گوش
وِنه اون گِد گَدِ حرف نَخرین لاقلی پِلا شمه عروسی شوره هوا کنده دَروش بَروش
لاقلی بَسوس پِلا مارِ حرف و پِرِ کِتِک خاطره بیه اِسا اما مه پشت اَی کنده کوش

✍ #حسن_احمدنژاد_چهره


@lafoormycountry
🍁🍂🍁🍂🍁🍂🍁🍂🍁

#غزل_تبری

#حرف_آخِر

وختی دَنی مه پَلی، ناکوک بونه سازِ مه دِل
غلطِ حرفِ،ولی تِسِّه بومبه پِنِمه شِل

ته که دنی دلِ گِر ره کِنه پیش وا هاکِنِم؟
جز ته من یار نویمبه سَرِ گدوک تا به کَتِل

کورمه سرپیش دارِ سَر، کلاچ قارقار هاکنه
تره خامبه ته بِهی، مه بِهارِ مَسِّ بلبل

ته که دنی کهو دل بی دَسِّه داز ره موندنه
مه دَیِّن بی حاصِلِ، لفا کمبه خالی کمل

دیگه بتومبه بی ته سَر هاکنم مِچ بَزِنم
اتتا جا نشین بَیمه مه دِتا لینگ بَهییه زِل

ته که دنی خنده هم مه تکِ جا دور بَهییه
بی پرو بال بهیمه تِسِّه بَیمه کور و کچِل

برو تا خِشی بیِّه، رَم هاکنه غِرصه ودرد
بی ته نشونه غِرصه، دِماسِّه تن مثِّ سَپِل

ته لینگِ رج ره گیرمه تِره پیدا کمبه آخِر
حتی بیابون دَوّی یا ویشه و کوه و کَتِل

دیگه حوصله سَر بِمو، مه دلِ گپ هم توم بَیِّه
تره خانه دل فقط، حرفِ آخِرِ مه غزِل

✍ #حسن_احمدنژاد_چهره


@lafoormycountry
🍁🍂🍁🍂🍁🍂🍁🍂🍁

#دوبیتی_تبری

بِمومه ته پَلی لَس لَس نِمویی
تِره بَنِّه بَواش مه کَس نمویی
خَله چَخ هایتِمه پی دا نَهی ته
کِجه بوردی مه وَنگِ رَس نِمویی

#برگردان

یواش یواش خودم را به تو رساندم اما تو نیامدی
بهت گفتم بیا دوستم باش نیامدی
خیلی گشتم تو را پیدا نکردم
کجا رفته بودی که صدای من هم بهت نرسید

✍ #حسن_احمدنژاد_چهره


@lafoormycountry
🍁🍂🍁🍂🍁🍂🍁🍂🍁

من و مه مشتِ جانعلی

یاد اون قدیم بِخیر مه مَله سَر، مه خَئیزِک
وَر سامون مه جانعلی، اَمه قِرق هم تِک به تِک

اَمه مایه اَتّا پاهه، کِلِ پچیم سامونِ سَر
وِ اون دیم و مِن این دیم، اتّا لوش اتّا کَلِک

تا که اِفتاب شییه مار، تاشِفِکا مه دَسِّ کار
هاشکنیِ دل پاره، سو نزوهه اتّا لِسِک

باکله، باکله جار، سیر گیته روش قِرق دوش
کَئی پَچ که بهوبو، سیر چیه اتّا زنبیلِک

هِوا که پِل هِدابورِ گیته سوعالِ عرق
من و مه مشت جانعلی دَم زومی ساینه چه خارک

چاشتِ گِدِر بَهیبو نون و چایی هپور چپور
موزی دارِ ساینه کِل خِردمی و زومی خوچِک

من و مه مشت جانعلی اتّا پوس و اتّا ناخون
اَمه عشق اتّا دعیل اَمه خواهونی دِچارِک

اَمه بالایِ قِرق، حِدِر عمویِ لِتِکا
اتّا ریکا داشته وِ، دائم دا وِره وِل وِلک

وِنه دل خاسِّه اُتول، اَمّا وِنه جیف ناشته پول
گِته هِمند رِ بَروش، وِ بیه لجِ این سِلِک

حِدِر عمویِ ریکا اتول سوار، پِر قیافه
عینکِ دودی زوهه، لینگ پوشیه وِ شلوارک

فِل بِمونه مَله سَر اَتّا اَتّا مَله جوون
آیش وِل بَیه اِسا از این تلک تا اون تَلِک

داز و تور بَهییه دار، سنگ و سفال بَیه هِمند
مه سامون سَر ده تا فارس اتّا بَمونِسِّه گِلِک

آخ چه زود باد بدامی، اون صفا و اون دلخشی
کو موزیِ ساینه کِل کو حِدِر عمو کو جانِک

اِسا دل تنگه برار اون دو آش و سیر و ترب
وَچونِ دَسِّ خِراک چیپس و پفک و لِواشِک

من بَمونِس این میون صد تا غِرِ وسط اسیر
اِسا مهمون اِماره با شه زبون زنده کِتِک

مه اِفتابِ چاچِ لو، پیش بورده مه روز و مه ماه
وای بحالِ مه وَچه با وچه زا و این فَلِک


✍ #حسن_احمدنژاد_چهره


@lafoormycountry
🍁🍂🍁🍂🍁🍂🍁🍂🍁

شعر تبری

#کجه _بورده

اه برار، اون قدیمِ صفا و سور کجه بورده
شونشین، بخاری وَر، لمپایِ دور کجه بورده

اَتّا دَر خِنه بیه، هف هشت تا رِز رِزِ وچون
اون همه دلخشیا، شادی و شور کجه بورده

اَتّا خُرد گَتِّرِ پیش شه لینگ رِ دراز نکرده
آه برار من ته گِره، فَم و شعور کجه بورده

مه بِبا مشت بَبوجان، محمدعمو حِدِر دایی
خِرتوکِ هیمه کَرون، دوش داز و تور کجه بورده

پِنِماز اِفتابِ کِل، دَروِنِ سَر ببایِ پیش
نَنه یِ نون وچایی، دَس بیه جور کجه بورده

بِهار ماه دشت و بَره کایر کُمِک نِشا کرون
وِرزاو جِت و اِزال، اون جِر وجور کجه بورده

سیا ماه کسوجاری جمندرون با فامیلون
جینگا سَرِ کیله خون، کیله یِ پُر کجه بورده

بابِل چاک تابستونی، کنج و کرفا تور و سالیگ
اورنج و ماهی سفید، گَدِ کپور کجه بورده

زمستونِ سردِ شو دَسِّ ریزین جیف پِرِ سنگ
تامسونِ چله یِ تَن، تیکایِ زور کجه بورده

سَر سِره یِ اجار خال انارکِرِ ترشِ انار
کرات و وولی وراش، تسکا و سور کجه بورده

دار تلایِ مقوم و اَیّایِ رَج تله پیجار
میر اِشکارِ کمین و دوش سَر پُر کجه بورده

غم و غرصه فراوون، تا صواحی ته دل ویشار
اون خشی و آرامش، بَخِر و بور کجه بورده

راه رِ کج بونّی بِرار فرهنگِ لَج بونّی برار
اونی که پیش بَورده با قِد و زور کجه بورده

وَسِّه حسن اَنده نَسرو، بور فقط اَدِب بَواش
تا نَوِّن این شاعرِ، گوری به گور کجه بورده

✍ #حسن_احمدنژاد_چهره


@lafoormycountry
🍁🍂🍁🍂🍁🍂🍁🍂🍁

🌺🌼🌺🌼🌺🌼🌺🌼🌺
@lafoormycountry

#غزل_تبری

#حرف_آخر

وختی دَنی مه پَلی، ناکوک بونه سازِ مه دِل
غلطِ حرفِ، ولی تِسِّه بومبه پِنِمه شِل

ته که دنی دلِ گِر ره کِنه پیش وا هاکِنِم؟
جز ته من یار نویمبه سَرِ گدوک تا به کَتِل

کورمه سرپیش دارِ سَر، کلاچ قارقار هاکنه
تره خامبه ته بِهی، مه بِهارِ مَسِّ بلبل

ته که دنی کهو دل بی دَسِّه داز ره موندنه
مه دَیِّن بی حاصِلِ، لفا کمبه خالی کمل

دیگه بتومبه بی ته سَر هاکنم مِچ بَزِنم
اتتا جا نشین بَیمه مه دِتا لینگ بَهییه زِل

ته که دنی خنده هم مه تکِ جا دور بَهییه
بی پرو بال بهیمه تِسِّه بَیمه کور و کچِل

برو تا خِشی بیِّه، رَم هاکنه غِرصه ودرد
بی ته نشونه غِرصه، دِماسِّه تن مثِّ سَپِل

ته لینگِ رج ره گیرمه تِره پیدا کمبه آخِر
حتی بیابون دَوّی یا ویشه و کوه وکَتِل

دیگه حوصله سَر بِمو، مه دلِ گپ هم توم بَیِّه
تره خانه دل فقط، حرفِ آخِرِ مه غزِل

✍ #حسن_احمدنژاد_چهره


@lafoormycountry
🌺🌼🌺🌼🌺🌼🌺🌼🌺

🌺🌸🌼🌺🌸🌼🌺🌸🌼🌺
@lafoormycountry

#دوبیتی_تبری

دِواره کــــرچِ مــــا بَیِّا ته کویی؟
نِشایِ ســوز، طِــلا بَیِّا ته کویی؟
گِتی‌‌:وختی نِشا روش بیته اِمبه
اِســــا دونه، پِــــلا بَیِّا ته کویی؟

#برگردان

دوباره تابستان و شهریور شد تو کجایی‌؟
نشای سبز، طلایی رنگ شد کجایی؟
می‌گفتی: نشا ی برنج قد کشیده می‌آیم
الان برنج ما، رسیده و پلو شد کجایی؟

✍ #حسن_احمدنژاد_چهره


@lafoormycountry
🌺🌸🌺🌸🌺🌸🌺🌸🌺

🌺🌸🌼🌺🌸🌼🌺🌸🌼🌺
@lafoormycountry

#دوبیتی_تبری

ته خاهونی‌ره من نوهِر نَکِنِّه
همــــه تــا بَتِّنــه، بــووِر نَکِنِّه
خَلـــه شعر و دِبیتی بَنِّه تِسِّه
امیــر بَیمه تِره گــوهِــر نَکِنِّه

#برگردان

عشق و محبت تو را نچشیده‌ام
همه گفتند محبت نداری باور نکردم
خیلی در عشق تو شعر و دوبیتی سرودم
امیر شدم اما تو را گوهر خود نکردم

✍ #حسن_احمدنژاد_چهره

@lafoormycountry
🌺🌸🌺🌸🌺🌸🌺🌸🌺

دل چه خش گیر دکته، بیه اسیر مازرون
سعی نکن که در بوری از این زنجیر مازرون

اتا دس چِمر نانه، دسِّ هاده مره دواشیم
خار داریم این ملک و خاک، دل دارمی گیرِ مازرون

مازرون بی او بُوئِه، یا ونه ویشه نَوِّه سوز
کی دره مِچ بَزِنه، اینجه مسیرِ مازرون

به درک ممیج نَنِه، سیو انگیر غوره بونه
دل فدای کنس و سیو انگیرِ مازرون

نِل که اِفرا دَکِفِه، تسکای پِکت بووه گِل
خنده شه تِک داره، اِزارِ پیرِ مازرون

ولله کِنِس نمیره، چِلّه نَزنده دازّسِّه
نل وره ته دازِ کَش، نَکوش نَمیره مازرون

ویشه ونه سوز بوئِه، تلار سر دَوِّه تَلِم
دو آ شیرِ پاکتی، نوونه شیرِ مازرون

نوینِم اون روزی که، امه سامون سَر بنویسن!
خله خش بمونی آ، اینجه کویر مازرون!!!


#حسن_احمدنژاد_چهره

@lafoormycountry
🌿🌿🌿🌿🌿🌿🌿🌿🌿🌿

🌺🌸🌼🌺🌸🌼🌺🌸🌼🌺
@lafoormycountry

#دوبیتی_تبری

بَمــردِ روز گُل و گِــلاب نِخامبه
بَپیسّهِ دارِ جــور اِفتاب نِخامبه
ته که اَمـــرو دوشِ بِـــرار نَبونی
مهِ‌ عکسِ فردا بیری قاب نِخامبه

#برگردان

روز مرگم نیازی به گل و گلاب ندارم
درخت پوسیده نیازی به آفتاب ندارد
امروز که به تو نیازمندم کمکم نمی‌شوی
فردا بعد از مرگم عکسم را قاب نگیر

✍ #حسن_احمدنژاد_چهره

@lafoormycountry
🍂🍂🍂🍂🍂🍂🍂🍂

🌺🌼🌸🌺🌼🌸🌺🌼🌸🌺
@lafoormycountry

#غزل_تبری

مِه حال و کار دَبشو بَبشو ره مونِّه
هِکِتِ دَشتِ بی کَسو ره مونِّه

هَر چی بِنِشامه وَرگید بَهییه
حاصِل هَمِش خالی چَکو ره مونِّه

اتّا کَل خِنه دارمه بی صِفاهه
سوت و کوره وه تَلِه شو ره مونِّه

خِنه که ناره صفا ره کورمبه
تِلارِ سَرِ بی مَنگو ره مونِّه

مه دوش و بال لِنجه چو بَروشته
حالِ مه تَن دَکو بَکوره مونِّه

دَس و بال خالی آ جیف خِشکِ خِشکِ
یَخ بَزِه پِرتِقالِ او ره مونِّه

صواحی تا نِماشون هامِج هامِج
هَمِش بازی دو به دو ره مونّه

کورمه این دنیاره بی اعتباره
لَمیگ بَزه هِلایِ چو ره مونِّه

آدِم، مَلکِمیتِ پَلی قِراره
مَلکِمیت خَسیل خارِ گوره مونِّه

مِره گِنِّه نَسرو، کی دونده مه دِل؟
ویشه یِ داغ بَدی اهوره مونِّه

اگر شعر خانِه نَووه مه دِلِ درد
اونتا شعر تِلِم بِنِ دوره مونِّه

✍ #حسن_احمدنژاد_چهره

@lafoormycountry
🌟💥🌟💥🌟💥🌟💥🌟