اِسا دِهقان فداکاری نَکِنّه
کوکب خانِم مهمون داری نَکِنّه
رِزَلی خواجوی گِنّه که پیرِه
درو چَپّون آمی چَنّه خِجیره
کبری بِفرِه رِه بَیتِه جِر هاکِردِه
تَتویِ پِشتی جا ره پِر هاکِرده
تصمیم بَیتِه دِماغّه شِب بِداءِ
شِه چِشّه لِنزِ جا قِرِب بِداءِ
کِلاج و شال اَتّا نوکا خِرِنّه
چینّه کا ره وِشون هِیّا خِرِنّه
حَسِنِک چَپّونی جا سِر بئیّه
اَتی بی سَرپَرِستِ پِر بئیّه
دارا سارا ره دَکِّل سَر نَزِنّه
وِنِه دِل خواخِرِسّه پَر نَزِنّه
کمونِ آرِشَم سیخ هَسّا سَنگِه
وِنِه دیم کهلِن اویِ نَخشِ رَنگِه
فرهادّ و خسرو ره شیرین نِخانِه
گِتِه گِتوءِ وِ آرمینّ خانِه
اَتی بِنیامینا وِ شونّه اِسکی
اَتی آیدین و وِ خِرِنّه ویسکی
رستمِ رَخش کوءِ موتور سِوارِه
گِنّه که تَرک نِشین اِسفندیارِه
با هم دیگه دِتایی کیف قاپِنّه
دَرِنّه مَردِمونِ جیف قاپِنّه
اَمِه، دورا زَمون عَوِض بئیّه
دلا دیم چه مَشتِ مَرِض بئیّه
کِجِه دَیمی کِجِه شومی با این حال
چتی بونِه اَمه اوضاع و احوال
✍ #کاظم_صداقتی_بورخانی🇯🇴🇮🇳
@LafoorMyCountryبرای حمایت از ما، لینک بالا را
👆👆به گروه ها و دوستانتان فوروارد کنید.