لفور سرزمین زیبایی

"تِه بوردِن"🌸

مِه دَئینّه چَکو کِندِه تِه بوردِن
مِه اِفتابِی رِه شو کِندِه تِه بوردِن

نَشو اِسّارِه سو شونِه تِه بورِی
مِیا رِه مَشتِ او کِندِه تِه بوردِن

گِسِک نَزِن تِه گِیسِه تو دَوِندِه
بِهارِ چِشّه نو کِندِه تِه بوردِن

مِه تَنگِ دِلّه تو نِیارا نَشو
مِه دِیما دِلّه لو کِندِه تِه بوردِن

هِوا سِرخاما سِینِه تَشکِلوئِه
تَشِ دِلّه کَهو کِندِه تِه بوردِن

#برگردان

بودنم را پوچ میکند رفتن تو
آفتابی ام را تاریک میکند رفتن تو

نرو روشنائی ستاره میرود تو بروی
ابر را پر از آب میکند رفتن تو

گردن نزن اگر گیسوانت را بتابانی
چشم بهار را پر آب میکند رفتن تو

دل تنگ مرا درد نیار و نرو
صورت و دلم را لگدمال میکند رفتن تو

هوا سرخ رنگ و سینه پر از آتش است
دل آتش را کبود میکند رفتن تو

✍ #علیمراد_محمدی
#کوکی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

#شعر_تبری

مِنا مِه تَنگِ دِل اَمشو پَئیزِ مَرگِ خو رِه تَل تَلِی کِِمبِی
نِماشونِ هِوا رِه سِینِه سو کِمبِی مِیائِی رِه قَلِی کِمبِی

نِلِمبِی آسِمون اِسّارِه سو رِه یَخ دَوِندِه وَرفِ سو دارِه
مِیا رِه سازِه زَمبِی وَرفا سِرمایِ زِمِسّونّه پَلی کِمبِی

هِرازِ اوپِنو رِه دَرزِمونِ تا کَشِمبِی چِک چِکو بَوّه
وِنِه او خارِه یِ سَر بَندِ دِیما رِه پِتی دِمبِی گَلِی کِمبِی

دِرازِ شویِ سَردِ پِیلِه رِه اِسّارِه سو هوتِ نِشا کِمبِی
وِنِه سَر خَرمِنِی رِه شِه دِلِ جا ماهِ وِسّه پَل پَلِی کِمبِی

بئی ته آسمونه جر یارمبی ماه دیم لکه اندومبی شومبی
ونه دنباله دار اساره ی روجا ره مشت پاپلی کمبی

#برگردان

من و دل تنگم خواب مرگ پائیزی را می چشیم و پس میزنیم
هوای غروب را با سینه می سابیم و ابر را سیقل می دهیم

نمی گذاریم آسمان روشنائی ستاره را یخ ببندد برف روشنائی داشته باشد
ابر را جارو می زنیم پ برف و سرمای زمستان را معلق می دهیم

سیلاب رود هراز را با نخ تا می کشیم تا آب قطره قطره بشود
سر منشا جاهایی که آب نشت می کند را پارچه می بندیم و نای آنرا می بندیم

پهلوهای شبهای بلند و سرد را دوباره روشنی ستاره ی نشا می کنیم
سر گل خرمنش را با دلمون برای ماه پهلو به پهلو می کنیم

تو بیای؟ آسمون را پائین می آوریم و لکه ماه را می مالیم سیقل می دهیم
دنباله دار ماه ستاره روجا را پر از پروانه می کنیم

#کوکی


@lafoormycountry
❄️🌨❄️🌨❄️🌨❄️🌨❄️

#شعر_تبری

دِنیا رِه لَرزا تو دَرِه مِه سَر سِیو بَیّه بِرو
اِفتابِ تِ رِه خو دَرِه هِوا سِقو بَیّه بِرو

وَرفِ سِما کِندِه مِیا یَخ بِموئِه مِه چاجِ لو
وا رِه تِه وِسّه زو دَرِه دِرازِ شو بَیّه بِرو

وَندِکِلِی کوفا بَزو هَف دَری یِ کِریکِه رِه
غَم بِمو بومِ لو دَرِه مِه دِل کَهو بَیّه بِرو

وا نَونِه مِه دِلِ گِر اوراز هاکِردِه دِلخِشِی
خِشِی رِه مَرگِ خو دَرِه مِه پَر پَتو بَیّه بِرو

هِوا رِه وا کِمبِه بِرو سِینِه رِه سا کِمبِه بِرو
مِه آسِمونّه شو دَرِه تِه وِسّه سو بَیّه بِرو

#برگردان

دنیا تب دارد و می لرزد سرم سیاهی میرود بیا
تیغ آفتاب خواب دارد هوا منجمد شد بیا

ابر رقص برف میکند یخ آمد تا نوک سقف خانه ام
باد برای تو زوزه میکشد شب دراز شد بیا

تار عنکبوت چیده شد روی بندک درب خانه هفت دری
غم آمد تا نوک پشت بام دلم کبود شد بیا

گره دلم باز نمی شود دلخوشی بیمار و ورم کرد
خوشی به خواب مرگ رفت پرهایم با آب داغ نابود شد بیا

هوا را صاف میکنم بیا سینه را باز میکنم بیا
آسمان من شب دارد برای تو روشن شد بیا

✍ #علیمراد_محمدی
#کوکی

@lafoormycountry
❄️🌨❄️🌨❄️🌨❄️🌨❄️

دَپیجِندِی مِیا بَیتِه اَمِه دَشتا اَمِه کو رِه
پَئیزِ سَردِ وا بوتِه اَمِه چاجِ بِنِ چو رِه

هِوا تو دارنِه پِتکِی گوم بَهیّه آسِمونِ کَش
وِنِه او خوارِه دَمِردِه بَخِردِه وارِشِ شو رِه

بِهارِ بِلبِلِ سَر کو تِغومِک زَندِه لارِسّه
کَتار هاکِردِه سَردِ وا وِنِه دِیما وِنِه رو رِه

سِیو تِیکا پِخوک زَندِه اَمِه خِشکایتِه دارِ سَر
پِسو هاکِردِه دِریو رِه بَخِردِه وارِشِ او رِه

بَمونِسّه زِمسّونِ یَخا سِرما اَمِه پِیلِه
وِرِه اِفتاب نَوِیند‌ِه نُوج بِیارِه مِه گِلِ سو رِه

✍ #علیمراد_محمدی
#کوکی

@lafoormycountry
🍁🍂🍁🍂🍁🍂🍁🍂🍁

حال و هوای لفور همین الان

دِماوَن تِه دِمایِ وَندِ دَر کو؟
تِه اِفتابِ کِلایِ بَندِ سَر کو؟

کِجِه بوردِه تِه سَر بَندِ صِواحِی
تِه هَندا تِه حَلوما مِلکِ پَر کو؟

چِتِی بَییِه تِه ماهِ آسِمونِی
وِنِه اِسّارِه سوی دور و وَر کو؟

مَگِه بوسّه؟ وِلِشت هایتِه تِه دِیما؟
رِقِد بوردِه؟ تِه کوه بالا پَر کو؟

تَشایتِه تِه دِلا دِنیا بَسوتِه
کِلاهِ سِرخِ تَشِ تاجِ سَر کو؟

پَلِنگِ تاچِه داشتِی بالا بازو
تِه اِزّارِی یِ مَشتِ شِیر نَر کو؟

مِقومِ جونِکا رِه گوم بَکِردِی؟
خِرابِه سَر تِلارِ چَفتِ سَر کو؟

گِتِی مِن اِسپِه دِبِ کور رامِه
هِرازِ وَلِ راهِ سَنگِ سَر کو؟

بَگِردِم مِن تِه تَش دارِ بِتِیممِه
پَلِنگِ لِی بَسوستِ قِرنِه کَر کو؟

نَخون کوکّی دِیگِه وَسّه بَمِردِی
پَئیزِ زردا وَلگِ سَر بِ سَر کو؟

✍ #علیمراد_محمدی
#کوکی

@lafoormycountry
🌺🌼🌺🌼🌺🌼🌺🌼🌺

صِواحِی سَردِ وا بَیمِه نِمُوئِی
مِیون بَندِ هِوا بَیمِه نِمُوئِی
نِشایِ جِفتِ پَر بِیمِه تِه بُوردِی
پَئِیزِ زَردِ کا بَیمِه نِمُوئِی

✍ #کوکی
📸 #نرگس

@lafoormycountry
🍂🍂🍁🍂🍁🍂🍁🍂🍁🍂🍁

🌺🌼🌸🌺🌼🌸🌺🌼🌸🌺
@lafoormycountry

#دوبیتی_تبری

مِه دِل خوانِه تِه وِر اَرمُون بِوارِم
سِیُو چِشّه بَشُورِم خُون بِوارِم

بَسُوتِ سِینِه رِه دِریو بِسازِم
تِه وِسّه دَردِ جا دَرمُون بِوارِم

#برگردان

دلم میخواد برات آرزوهامو ببارم
چشم سیاهمو بشورم خون ببارم
سینه ی سوخته رو دریا بسازم
برای تو با درد درمان ببارم

✍ #علیمراد_محمدی
#کوکی

@lafoormycountry
🌟💥🌟💥🌟💥🌟💥🌟

گالِش بِمُو تِلارِ سَر، تِه دَنِی
ِاِفتاب بِمو قِرارِ سَر، ِته دَنِی

مَگِه ماه و سِتارِه رِه نَویندِی؟
بِمُونِه تا نِفارِ سَر تِه دَنِی

✍ #کوکی
📸 #نرگس

@lafoormycountry
🌟💥🌟💥🌟💥🌟💥🌟

🌺🌼🌸🌺🌼🌸🌺🌼🌸🌺
@lafoormycountry

#شعر_تبری

نِخوامبِه اَمشُو مِسّه روز بَووشِه
مِه وِستِه اِفتابِ تِه سُوز بَووشِه

نِخوامبِه چَرخِکِ دِنیا بَگِردِه
سِتارِه مار بُورِه اِفتاب دَگِردِه

دِیگِه وَنگِ تِلاوَنگِه نِخوامبِه
شِکارِ شیشِه وا سَنگِه نِخوامبِه

نِخوامبِه نِی نِوا رِه وا دَکِنِه
هِوا سِرخِ مِیها رِه جا دَکِنِه

مِه دِل خوانِه روجا دَوّهِ نَشُوئِه
بِنِه سِیو تِیکا دَوّهِ نَشُوئِه

هِوارِه مَشتِ اِسّارِه بَوِینِم
وِشونّهِ ماهِ کِلوارِه بَوینِم

هِنِیشِم دِلخِشِی رِه تا دَکِشِم
تارِیکِ شُوئِه سَر رِه لا دَکِشِم

بِسازِم کِیمِه رِه اِسّارِه یِ پِیش
روجا مِه سَر بِنِه بَوّهِ مِه سِرپِیش

دِیگِه کُوکّی یآ کُو کُو رِه نِخوامبِه
تَش آیتِه چاجِ سُو سُو رِه نِخوامبِه

✍ #علیمراد_محمدی
#کوکی

@lafoormycountry
🌟💥🌟💥🌟💥🌟💥🌟

🌺🌼🌸🌺🌼🌸🌺🌼🌸🌺
@lafoormycountry

#شعر_تبری

کُوتِر نَشُو مِه جا لَج نَکِن اَمشُو
دِرازِ راه رِه مِه کَج نَکِن اَمشُو

هِوا سِر‌خِ مِیها رِه دُوش دَوِسّهِ
طِوافِ کَعبِه بِی حَج نَکِن اَمشُو

گِلیلِه طاقِتِ مِه غَمّهِ نارنِه
نِیار مِه دِلِ سَر رَج نَکِن اَمشُو

مِرِه کِلّاکِ دِریُو او هِدائِه
مِرِه اِسّارِه یِ سُو شُو هِدائِه

بَوِردِه آخِرِ دِنیا دَوِسّهِ
یَخِ لِلِکِ جا دِیمّهِ بَشِستِه

دِیگِه نا دَنِییِه نَم نَم بِوارِم
شِوارِ چِشمِه رِه کَم کَم هِدارِم

دِوارِه سُوزِ دارِه غَمّهِ بُوجِم
خِشِی رِه وِنِه وَلگِ دِیم بَدوجِم

کُوتِر نَشُو مِه دِلّهِ خُون دَکِردِی
هِوایِ غَمّهِ مِه سامُون دَکِردِی

وِنِه کُوکّی شِه کُوچّه بار بَزِنِه
مِقُوم کُوچِ دِلّهِ جار بَزِنِه

✍ #علیمراد_محمدی
#کوکی

@lafoormycountry
🌟💥🌟💥🌟💥🌟💥🌟

🌺🌼🌸🌺🌼🌸🌺🌼🌸🌺
@lafoormycountry

#شعر_تبری

مِه دِل خوانِه دِبارِه وَچِه بَوّم
بُورِم بِشکِستِه دارِ کَچِه بَوّم

اَتِی تُو بَخِرِم نِنِی بَووشِم
اَتِی چاچکِلِه یِ کَکّی بَووشِم

هِرازِ او رِه شِه سَر بَند هاکِنِم
دَلیگ بَوّم دِلِ وَر بَند هاکِنِم

چَمُوشِی هاکِنِم هِق هِق بَخُوندِم
شُوکا بَوّم چِکِلِ کَش بَمُوندِم

بَشِندِه دَردا رَنجِه مِه دِتا چِش
بَشورِه غِرصِه رِه نَرمِ نِواجِش

وِیاز هادِم بُورِم اِسّارِه یِ پِیش
مِیها جِر دَکِفِه بَوّه مِه سِرپِیش

پِچُوکِ کُوکّی یِ اَرمُون هَمینِه
تِه کِفّارِ دِلِ دَرمُون هَمینِه

✍ #علیمراد_محمدی
#کوکی ۹۷/۵/۱۷

@lafoormycountry
🌟💥🌟💥🌟💥🌟💥🌟

🌺🌼🌸🌺🌼🌸🌺🌼🌸🌺
@lafoormycountry

#شعر_تبری

تَشکِلِه یِ دَشتِ نِفار خِجِیرِه
شُوپِه گِری یِ بِینجِ جار خِجِیرِه

چِرَک چِریک کِندِه کِلِه نِصفِ شُو
غِرصِه وُنِه کَلّه مِنار خِجِیرِه

تارِیکی رِه تَش دِنی تا صِواحِی
سُو کَفِنِه دِیما دِیار خِجِیرِه

بِینجِ کِپِر قَد کَشِنِه حِسابِی
سازا سِما کِنِده دِدار خِجِیرِه

سَر کَشِنِه دِلخِشی آ خِشالِی
رُوش کَشِنِه دَشتِ کِنار خِجِیرِه

پَرچیمِ پِخ شِق شِق دِشمِن بُوئِه
شُوپِه گِرِ هِوار هِوار خِجِیرِه

وَقتِ دِرو بَییِه شِواش آ چَکّه
پِیجِنه تا یُور نِفار خِجِیرِه

هِپاتِ بار رِه چِینِه کِندِه کاسِب
خِشِی رِه کِندِه خَرجِ بار خِجِیرِه

تَشتِ لَگِننِه تُوش هاکِردِه کُوکّی
پَئیزِ ماه بَییِه بِهار خِجِیرِه

#علیمراد_محمدی
#کوکی

@lafoormycountry
🌟💥🌟💥🌟💥🌟💥🌟

🌺🌼🌸🌺🌼🌸🌺🌼🌸🌺
@lafoormycountry

#دوبیتی_تبری

دِیگِه وَرفِ سَرِ کُو رِه نِخوامبِه
زِلالِ چِشمِه یِ او رِه نِخوامبِه

نِخوامبِه کُوکِی آ بِلبِل بَخُوندِن
تِه دَنی وِیشه یِ بُو رِه نِخوامبِه

#برگردان

دیگه برف سر کوه رو نمیخواهم
دیگه آب زلال چشمه رو نمیخواهم
نمیخواهم فاخته و بلبل برام بخونند
تو که نیستی بوی خوش بیشه رو نمیخواهم

✍ #علیمراد_محمدی
#کوکی

@lafoormycountry
🌟💥🌟💥🌟💥🌟💥🌟

🌺🌼🌸🌺🌼🌸🌺🌼🌸🌺
@lafoormycountry

گل بهار ره موندنی
جان دتر ببا ته دور
شیرین انار ره موندنی
جان دتر ببا ته دور

ماه دکته شو ره پغوم
دمبه دیگه در نزنه
ته ماه مار ره موندنی
جان دتر ببا ته دور

خشک میا ره پس بزن
حلقه ی ماه ره بنمه
شول شوار ره موندنی
جان دتر ببا ته دور

غمزه ره کج کجی دون
گیسه دل سر بشن
سوز دیار ره موندنی
جان دتر ببا ته دور

شونک شونکه بزن
زمینه تو دون برو
غزل سوار ره موندنی
جان دتر ببا ته دور

✍ #علیمراد_محمدی
#کوکی

تقدیم به تمام دختر خانومهای مازندرانی

@lafoormycountry
🌟💥🌟💥🌟💥🌟💥🌟

🌺🌼🌸🌺🌼🌸🌺🌼🌸🌺
@lafoormycountry

#شعر_تبری

مِه دِل پِه هَسّهِ تِسّهِ خُو نِدارنِه
کَهُو تینائِه رَنگا رُو نِدارنِه

هِرازِ چِشمِه رِه نَنُو بِساتِه
چِکلِ بِرمِه هَسّه اُو نِدارنِه

تِه وِسّه غِرصِه وا رِه دُوش دَوِسّه
وَنوشِه یِ تِوارِه بُو نِدارنِه

چَتِر بَزِه مِیا رِه گِر بَزوُئِه
خِدِی خِشک آسِمُونِه تُو نِدارنِه

بِه سُونِ تِه گِلِ اِفتابِ سُوئی
زِرشکِ قُوشِه هَسّه کُو نِدارنِه

#برگردان

دلم نگران توست خواب نداره
از کبودی کبودتره رنگا رو نداره

چشمه هراز رو برات گهواره ساخت
کوه اشک هست اما آب نداره

برات بادهای غصه رو رو دوش گرفت
از تبار بنفشه هست اما بوئی نداره

چتری از ابرها رو گره زد بخاطر تو
همانند رعد برق بدون تب و تابه

مثل تو که گل هستی مثل تیغ آفتاب
خوشه های میوه زرشک بدون کوه هست

✍ #علیمراد_محمدی
#کوکی

@lafoormycountry
🌟💥🌟💥🌟💥🌟💥🌟

پَئِیزِ رَنگا رُو داشتِی مِه وِسّه
بِهارِ چِکِ خو داشتِی مِه وِسّه

کِدورِت تِه سُوالّهِ چین دَوِسّه
شِه دِلّه مشتِ تُو داشتِی مِه وِسّه

✍ #کوکی
📸 #نرگس
@lafoormycountry