عصر دلفان

دلم چوی کویره گُرّ گُرّ، آگِرَسئ
چوی باوه مِردئ پرتالل، شِرَسئ

هماری یه کوت اژ ایلاخه سینه‌م
پر ای دنگ مور و‌ کِز هوره چِرَسئ

#واحد_یاری
#شعر_لکی
@asredelfan

بِچِن بِرساقِ عشق ئَر دُورِ دُوری
دَماخِت چاخ و فالِت قوُرگُوری

بِراکَم! خُوئکَم! عیدئ که ها مائ
بِمارک وژت و هر که دوسَه مُوری

#مرتضا_خدایگان
#نوروز #نوروژ
#شعر_لکی

@asredelfan

تصنیف"ز من نگارم"، با صدای استاد
#محمدرضا_شجریان
آهنگ: #غلامحسین_درویش_خان
#شعر: #ملک_الشعرای_بهار

@asredelfan

.
#بومی_سرود

ترکیب‌بند زیبای "ژنیار نامه" به زبان شیرین لکی

شعر: مرتضی اولادقباد (ساقی)

میکس و تنظیم: محمد قادری مریوانی


#شعر_لکی


@asredelfan

شکوه از شیوه روزگار

ترکه میر

"فِلک روا بو"

فِلَک وَ درگات یَه چوین روا بو
هرلیلی لایق خزانه شا بو

مدام آواره دویر ژَ ماوا بو
دایم در ساقی یا نَه گدا بو

قِلمزن خوشی نوینی وَ چَم
چاره نویس فامت ژَ سر بِکی رم

نمومی وای طور شکوفه نودم
غُربت کردیَه وَغمخانه غم

بالا وای بَرزی فیض وای فضائی
شو وای پشیوی، هم نارضائی


ترجمه :
فلک این روا باشد؟ چگونه این کردار را از خود روا می داری؟ هر دلبر زیبائی لایق پیشگاه خزانه شاه باشد
و خواهان او همواره یا زیر نظر ویا دچار تهی دستی است.
نویسنده رنگ آسایش و خوشبختی به چشم نمی بیند
دانشمندآگاه با رنگ زردی ترک یا و دیار کند
نوباوه ای بدین شکل وشمایل، در غربت خانه اش را ماتمکده کرده است.
توبا این قامت رعنا و زیبا و من با این پریشانی، باز هم ناخشنودی؟

قلمزن: نویسنده
چاره نویس: دانشمند

#ترکه_میر
#شعر_لکی

@asredelfan

شاعر: سوخته زار مرادی(هالو سوخَه)
شعر: هاویرِم

#سوخته_زار_مرادی
#ها_ویرم #شعر_لکی
#دکلمه_لکی

@asredelfan

بوری تا لشکرِ خم شهره در کِیم
وه دنگ سازی ولاتی با خَوَر کِیم
بپیچیمن وه گرد بادِ شَمالان
بوری تا باخ و بوسان پر ثمر کِیم
خُوا ار زعمِ یَک پاشین چه فایده
کمی سیفا ارا داخِ جگر کیم
بوری ملحم بنیمَر زعملِ  یَک
خصه اژ سویکِ سینه دروه در کیم
مزونم بی خیالی وی زمانه
فره سخته، ولی شق القمر کیم
دو روژِ زندگی ارزش یه نئری
وه کردارِ گنی دوسی پکر کیم
بوری کاری بکیم صدکار بِهرزی
کلنگ مالی اگر هس، تاجِ سر کیم
طمارزو دل قبادی عی گَپَسه
لکِسانی پر اژ علم و هنر کیم

#اردشیر_قبادی
#شعر_لکی
@asredelfan

وتت اور وهاری، دیمه موشی
اَرینم بیقراری، دیمه موشی

وِتِت چَن ساله چوی لیوه ارا مه
هَر آساره شِماری، دیمه موشی

#یاسر_کرمی
#شعر_لکی
@asredelfan

هاوارِه دو چئم کموتر کوشت
سووارل گرون کمون آرشت

دلَه گرد چئم تو کوتا نمای
منو کووی آگر، تونو ارتشت

#حشمت_آزادبخت
#شعر_لکی

@asredelfan

همیشه روزگارت خوئه خو بو
دست هِینی اِ مل آرزو بو
تموم شوئل تو گرم و روشن
تموم روژل تو عید نو بو

#حشمت_آزادبخت
#شعر_لکی #عید #نوروز

@asredelfan

مِن و تو هونه جوریمن اَگَر یَک
مَری فیک و بلوریمن اَگَر یَک

مِن و تو وَ یکا شِئرَه منویسیم
مَری شاکه و مَصوریمن اَگَر یَک

#مرتضا_خدایگان
#شعر_لکی

@asredelfan

منو_تو (فاصله)

مه ویئرِ زمسون تو تاوِ آگر
مه ریچرمی گلوله تو سِرَه‌پر
زمی تا آسمو فرخِ منو تو
تو قئوه نووِ ار باو مه کراس شر
تو چوی دت پاتشاهی مه دله‌شر
تو شیرِ ویشه عشقی مه زله‌زر
تونی میوه گُل ار توک مِه پژلمیا
تو سروِ برزِ چوکیا مه یله‌مر
مه وی نوم آوم و تو دارِ آسو
مه خارِ قئ گلم تو نار خوش بو
مه ویشه حوشکم و تو باخِ پر خیر
تو لوئت چوی اناره مه دَمم چو
مه تاریکی نُزیلم ،تو هویره تاو
مه سی چوی پشت خزون تو چوی ویره‌تاو
مه کوینه دارُ تو خونچه وهاری
مگر دوسی منو تو وی جوره ماو؟؟

#واحد_یاری
#شعر_لکی



@asredelfan

مِه لَشِم خَرقِ دَریایَه، تو چُوینی؟
حَقِم ئِه عشق حُوَریایَه، تو چُوینی؟

حاول ئَژ ئی دلِ ژارَه مَپِرسی
مِه آومِه سر گُذریایَه، تو چُوینی؟

#مرتضا_خدایگان
#شعر_لکی

@asredelfan

ار تولیسک عشق بو وه مهمون دل
تا ولاتی هیز دم ار اذون دل

دل گرفتار شو و دس هالیه
ار تو بای  روژ منی ار شون دل

آگرت بایژه دلم یخ کردمه
سی چله ماوه وهار، بوسون دل

روشنی بایژه گپم تا وه غزل
خو بکیشم چّمّلت وه زون دل

ار گرًی گرً خیری بین دی روژ مای
ار بچین بسیامسر شوخون دل

چاوه لیوه پشخ بیه ار پی سرم
لیوه تم لیوه تره مجنون دل

اشکیا شاخم چنی آسو بپام؟
دیمه خاوه آساره دای آسمون دل

#اسد_آزادبخت
#شعر_لکی

@asredelfan

تونه اِی گیونِ بیماره چته مِئ
تونه اِی لشِ تو داره چته مِئ
هماری لچ وژت کروت اَ گزه
تونی دیر وخت ایواره چته مِئ

#اسد_آزادبخت
#شعر_لکی

@asredelfan

سَرِ بازارِ عشقت باوَم ایر هَت
وَ پا دیوارِ عشقت باوَم ایر هَت
مِه هم اِ داخ یوسف چی زلیخا
اِ ژیرِ بارِ عشقت باوَم ایر هَت

#یاسر_کرمی
#شعر_لکی
@asredelfan

تو چین و مِه اَرینت دل وَ هولم
چی لیوه بیقرار و یولِ یولم
کسی نیرم که چی تو مرهمم بو
سَرم پوقی اَرینت دَرتَه کولم

#یاسر_کرمی
#شعر_لکی

@asredelfan

بوری ساقی حریفم روزگاره
بوری برشن که دل ایمشو بیماره
ئی وارونه گرّی دی آ نموسی
هاوارِ چنگ ئی کول اورِ گلاره

#اسد_آزادبخت
#شعر_لکی

@asredelfan

زندگی لیژی یا بناری که
یا کُچک کوعه یا هماری که
یا ترش و شیرین چوی اناری که
یه روژ تله چوی ژهر ماری که
یه روژ سرد و سِرّ چوی یخ بنانه
یه گِل رنگای رنگ چوی وهارانه
زندگی فرصت بی مجالی که
یا نفسی عه وا شَمالی که
یا گه عه هوس خط و خالی که
قولی لکه میر قیل و قالی که
یه روژ تم توز چوی سویر شیطانه
یه گل رنگای رنگ چوی وهارانه
زندگی تومه اَر چالیه مشت
اول چِکِره ایگل ماوه کشت
باید بسازین خشت اَر بانِ خشت
گهی پشت به زین گهی زین به پشت
یه روژ پاپتی اَر بیاوانه
یه گل رنگای رنگ چوی وهارانه

#اردشیر_قبادی
#شعر_لکی
@asredelfan

تو چین و مِه اَرینت دل وَ هولم
چی لیوه بیقرار و یولِ یولم
کسی نیرم که چی تو مرهمم بو
سَرم پوقی اَرینت دَرتَه کولم

#یاسر_کرمی
#شعر_لکی

@asredelfan