عصر دلفان

دلم چوی کویره گُرّ گُرّ، آگِرَسئ
چوی باوه مِردئ پرتالل، شِرَسئ

هماری یه کوت اژ ایلاخه سینه‌م
پر ای دنگ مور و‌ کِز هوره چِرَسئ

#واحد_یاری
#شعر_لکی
@asredelfan

منو_تو (فاصله)

مه ویئرِ زمسون تو تاوِ آگر
مه ریچرمی گلوله تو سِرَه‌پر
زمی تا آسمو فرخِ منو تو
       تو قئوه نووِ ار باو مه کراس شر

تو چوی دت پاتشاهی مه دله‌شر
      تو شیرِ ویشه عشقی مه زله‌زر
        تونی میوه گُل ار توک مِه پژلمیا
             تو سروِ برزِ چوکیا مه یله‌مر

مه وی نوم آوم و تو دارِ آسو
  مه خارِ قئ گلم تو نار خوش بو
    مه ویشه حوشکم و تو باخِ پر خیر
       تو لوئت چوی اناره مه دَمم چو

مه تاریکی نُزیلم ،تو  هویره تاو
  مه سی چوی پشت خزو تو چوی ویره‌تاو
   مه کوینه دارُ تو خونچه وهاری
       مگر دوسی منو تو وی جوره ماو؟؟

#واحد_یاری


@asrdelfan

منو_تو (فاصله)

مه ویئرِ زمسون تو تاوِ آگر
مه ریچرمی گلوله تو سِرَه‌پر
زمی تا آسمو فرخِ منو تو
تو قئوه نووِ ار باو مه کراس شر
تو چوی دت پاتشاهی مه دله‌شر
تو شیرِ ویشه عشقی مه زله‌زر
تونی میوه گُل ار توک مِه پژلمیا
تو سروِ برزِ چوکیا مه یله‌مر
مه وی نوم آوم و تو دارِ آسو
مه خارِ قئ گلم تو نار خوش بو
مه ویشه حوشکم و تو باخِ پر خیر
تو لوئت چوی اناره مه دَمم چو
مه تاریکی نُزیلم ،تو هویره تاو
مه سی چوی پشت خزون تو چوی ویره‌تاو
مه کوینه دارُ تو خونچه وهاری
مگر دوسی منو تو وی جوره ماو؟؟

#واحد_یاری
#شعر_لکی



@asredelfan

نمن آز و نمن گیونی ارینت
چمل پر خوین و پرژونی ارینت
ماوارن اسر خوین اژ داخ دویریت
چوی وارو نومِ تاوسونی ارینت

ترجمه فارسی:
دیگر نایی و جانی برایم نمانده
چشمان پر از قرمزی و پر از دردم
از داغ هجر دوری‌ات مانند
باران وسط تابستان خون گریه می‌کنند

#واحد_یاری
#شعر_لکی


@asredelfan

مزونی عمریکه هام اَر تما تو
چیمه ری بایه گوشم دنگ هنا تو
اِراز ای دل منه آ که وَ سیلت
بخن تا برشنم خوینم وَ پا تو

#واحد_یاری
#شعر_لکی

@asredelfan

مشق صوئل تا گه شوئم پاشوره‌کر وختِ توئم
گرمی لوئت بن اَر لوئم ملهمِ لارِ مه بوری
بیتِ خوَشِ سازِ منی شراوِ شیراز منی
ها مسوزم هونه مسم ویئرِ نسارِ مه بوری
دفترم اِ شعر و غزل وَ شوقِ تو بخل بخل
پر بیه بیتِ آخره هومدم و یارِ مه بوری

#واحد_یاری
#شعر_لکی
@asredelfan