☀ منبريّون حسينيّون ☀

╌╌ـ────═﷽═────ـ╌╌
#الرسول_الأعظم_صلى_الله_عليه_وآله.
#لطمية.
#صفر_1446هـ .

شال الحبيب اليـوم والزهرة مـن ليهـا
منهـا  الگلب  ملچـوم والحزن غاطيها

╌╌╌ـ────═❁═────ـ╌╌╌

عالهادي  تبچي دموم ومگابله هدومه
وتگــلّه يالمسمــوم  تهـنــالك  النـومـه
وروحه عليها اتحوم ابنيته مهضومــه
گـعدت  على  التربــان  المندفن  بيهـا

شال الحبيب اليـوم والزهرة مـن ليهـا
منهـا  الگلب  ملچـوم والحزن غاطيها

╌╌╌ـ────═❁═────ـ╌╌╌

تمشي وتگــع کلســاع محـد يواسيهــا
طــاح الأبــو عالگـاع و زادت مآسيهــا
بس الأميــر اليوم يبچــي ويحاچيهــا
أهــل الملامــة انــوب ملّــوا بواچیهــا

شال الحبيب اليـوم والزهرة مـن ليهـا
منهـا  الگلب  ملچـوم والحزن غاطيها

╌╌╌ـ────═❁═────ـ╌╌╌

ملّوا بچیها الناس وگالوا يبت عدنــان
اذّانا صوت النوح خففي من الاشجان
راحت  تِوِن بمچان سمّوه بيت احزان
فاطم عليلة  اتعيش مــن دون واليهـا

شال الحبيب اليـوم والزهرة مـن ليهـا
منهـا  الگلب  ملچـوم والحزن غاطيها

╌╌╌ـ────═❁═────ـ╌╌╌

كلما بلال ايصيح بســم النبي  الهـادي
تشهگ تنادي بصــوت يامهجة  افـادي
افراگ  النبي كالمـوت ماهو ابد عـادي
روح  احسن  الاكوان  صعدت  لَباريها

شال الحبيب اليـوم والزهرة مـن ليهـا
منهـا  الگلب  ملچـوم والحزن غاطيها

╌╌╌ـ────═❁═────ـ╌╌╌

✍ #الشاعرة_زينب_الخفاجي
🤲 #اللهم_صل_على_محمد_وآله

@elkhafaji110

📝 #محرم_1446هـ
#لطمية.

أحسّ عاشر محـــرم خيّــــم بروحــــي
كــل قطرة بدمــائي تصيــح مذبوحــي

إقترب مني الشهر .. عيني صاحَبها السهر
واحسيناه واحسيناه

┈┉┅━ ❖ ❖ـ❀ـ❖ ❖ ━┅┉┈

ياخلك من هسه احس النفس مخنــوك
تخيــــلت زينب تنــادي بقلب محــروك
كوم ياريحانـــة احمــد جابــوا النــــوك
خويه راح امشي يسيره وادخل السوك

سحكت الخيل الظهر .. وعيني صاحبها السهر
واحسيناه واحسيناه

┈┉┅━ ❖ ❖ـ❀ـ❖ ❖ ━┅┉┈

مــن  يقــرّب  لـي محـرّم  مايظــل راي
ببالي اتخيـل جســد محــــروم الفيــاي
وشفة مفطورة ورضيـع وماشرب مــاي
وطفلة بيـن الجيش تصرخ مالي حَمّاي

عمي نايم عالنهر .. عيني صاحبها السهر
واحسيناه واحسيناه

┈┉┅━ ❖ ❖ـ❀ـ❖ ❖ ━┅┉┈

من اجُــرّ انفـاسي  جنها  تطلع  الــروح
ويجي صوت امن القلب ويلي يمذبوح
روح مولاتـي الزجيــة  دمـــه مسفــوح
فاطمة  تنظر قميصــه  بالسمــه يلــوح

وكبده عالرمله انصهر .. عيني صاحبها السهر
واحسيناه واحسيناه

┈┉┅━ ❖ ❖ـ❀ـ❖ ❖ ━┅┉┈

دوم اتذكّــــــر مصيبــــة تمــــر عليّــــه
تشعب  اقليبي  وتهيــج الحـــزن  بيــه
تهل عينــي ادمــوع مــــن اذكر رقيـــة
وهْــيَ  تنــــدب ياغــريب الغاضــريـــة

سبب موتتها القهر .. عيني صاحَبها السهر
واحسيناه واحسيناه

┈┉┅━ ❖ ❖ـ❀ـ❖ ❖ ━┅┉┈

✍ #الشاعرة_زينب_الخفاجي
🤲 #اللهم_صل_على_محمد_وآله

@elkhafaji110

🗓 #محرم_1446هـ
#لطمية.

بــوداعــة الله بـوداعــة الله
شبـــان  نمتــوا  اعله الثـرى
اولاد طــــــــه وحيــــــــدره
ياخيـرة الله .. بوداعــة الله

ـــــــــــــ ✿ ✿ ✿ ـــــــــــــ

عفتونــي  ياخوتــي  وهـلي
حرمــة وغــــريبــة وانولــي
يشـمت  عـــدوّي و عــاذلـي
بيّــــه وأصيحــــن ياعلــــي
يا حجـة الله .. بوداعـة الله

ـــــــــــــ ✿ ✿ ✿ ـــــــــــــ

عينــــونــــي بس ابرَكبِتـــي
وي الذبحكــــم سفــرتــــــي
خافـــــن تطيــــح ابنَيّتــــي
وانــه اندهِتكــــم يخوِتــــي
كومولي يالله .. بوداعة الله

ـــــــــــــ ✿ ✿ ✿ ـــــــــــــ

يضـرب   رقيـــة   الأجنبــي
ويسلب  من اسكينه  العبـي
و يحدي  بضعننــا  الناصبي
الذابــح  إبـــن  بنت  النبــي
مايخشى الله .. بوداعة الله

ـــــــــــــ ✿ ✿ ✿ ـــــــــــــ

ويــــن   الكفلنـــي  ورايتــه
كطعـوا  يمينــه  ويسرتـــــه
وحـدي  و احامــي  لعيلتــه
و زيــــن العبـــاد  ابعلّتــــــه
ايساعِده الله .. بوداعـة الله

ـــــــــــــ ✿ ✿ ✿ ـــــــــــــ

ظليت احجـي  اويـه  القَـدَر
ويـانــه شــو خــان الدهــــر
مذبــوح إبــن سيـــد البشــر
و غركــان  بــدمـوم  النحــر
يا رحمة الله .. بوداعة  الله

ـــــــــــــ ✿ ✿ ✿ ـــــــــــــ

📝 #الشاعرة_زينب_الخفاجي
🌿 #اللهم_صل_على_محمد_وآله

@elkhafaji110

💠 #محرم_1446هـ
#لطمية_بلسان_حال_السيدة_سكينة_عليها_السلام.

لتســـد عيونــك يحسينــي
مرعوبة و منهـو  اليحميني
تكله  بنيتك  آنــــه سكينـة
لكن بس وصلت ســد عينه

ــــــــــــ ❖ ❖ ❖ ـــــــــــــ

من بعد ماطاح ابوها ومن بعد حرك الخيام
رادت اتراعي العبايه من سلب ذوله اللئام
هرولت بالبر تدوّر شافت انواع السِهام
امجمّعة ابجثّة ابوها وواحد يشيل الحسام

صـاحت لا تذبحلي الوالــي
ماكو احدّ عنــدي اليبقالــي
المجـرم راد ايحــــز وتينــه
لكن بس وصلت ســد عينه

ــــــــــــ ❖ ❖ ❖ ـــــــــــــ

صرخت ابصوت الثكالى بويه رد اعليه وِنْ
بويه ياجرح اليِوَجعَك جرح عينك والجفن
لو جروح سهام قلبك لو سيوف البالمتن
صعبه اضمدهن يبويه راح اموت من الحزن


سهــم  المشعــوب  ابدلّالك
يا بــويــه امغيّـرلك  حـالك
رادت  تحجي  وياه وتعينه
لكن بس وصلت ســد عينه

ــــــــــــ ❖ ❖ ❖ ـــــــــــــ

صاحت لزينب يعمّة ساعديني عالولي
خل نشيل اطرافه وانحط جثْته يم جثّة علي
لكن اخيول الرزية جت مِسِرْعة وتعتلي
فوك جسمه وشمْر اجاها صاحت إحضر كافلي

صــاحت ياعباس إحضرني
ذابحكـم   رايـــد  يضربنـي
عبــــاس  انكطعت جفّينــه
لكن بس وصلت ســد عينه

ــــــــــــ ❖ ❖ ❖ ـــــــــــــ

📝 #الشاعرة_زينب_الخفاجي
🌿 #اللهم_صل_على_محمد_وآله

@elkhafaji110

📝 #لطمية
📝 #محرم_1444_هـ

شفّــة ذبلانــــة و حــــرة نحــلانــــة
اويــــــــــــــــــلاه
جثـــة مطروحــة و رگبــة مذبوحــة
اويــــــــــــــــــلاه

ــــــــــــــــــ᪣᪣᪥᪣᪣ـــــــــــــــــــ

مــن وعيت لهالحيــاة ابإذني اسمع
مقتـل احسين ودمــع والدتـي ينبع
دمعة مخلوطة ابلبنها الزاكي ارضع
ابعين ابويه ينرسم كل ساعة مصرع

الأبــــو اليمــــة وشــافــــع الأمــــة
اويــــــــــــــــــلاه
عيــن مشبـوحــة ورگبــة مذبوحـة
اويــــــــــــــــــلاه

ــــــــــــــــــ᪣᪣᪥᪣᪣ـــــــــــــــــــ

تختــلف دمعــة مصيبة عــن مصيبة
عالظمايــــه ابكــربله الدمعــة لهيبــة
تحرك الاجفان دمعـة اعله الغريبـة
وعالطريــح البالرمــل جثْتــه سليبـة

يبجــي عالخــدّر وابنــــه المطبّـــر
اويــــــــــــــــــلاه
دمعـــه مسفوحــة ورگبــة مذبوحــة
اويــــــــــــــــــلاه

ــــــــــــــــــ᪣᪣᪥᪣᪣ـــــــــــــــــــ

ساعد الله اختـه وبناتـه مــن لفنّــه
اجروح فوك اجروح عالغبـره لكنّــه
اتخضّبــن بدمــاه بالدمــعــة سگـنّــه
رادن يضمـدن جـروحه اليوجعنّــه

كـــال ب الونــــة قلبــي ضمْــدَنّـــه
اويــــــــــــــــــلاه
توجــع ابروحــه رگبـــة مذبــوحــة
اويــــــــــــــــــلاه

ــــــــــــــــــ᪣᪣᪥᪣᪣ـــــــــــــــــــ

لكــن الشمــر اللعيــــن ابهــذا حـــاله
بيده حدّ السيـف هالظالـم واجـاله
اگبال اخيته وطفلته وإبنه وعِيـاله
امن القفا حز رگبته ودم نحره ساله

ويلـي آ يحسيــن يالفــديت الديــــن
اويــــــــــــــــــلاه
بكبده مقروحــة ورگبــة مذبوحــــة
اويــــــــــــــــــلاه

ــــــــــــــــــ᪣᪣᪥᪣᪣ـــــــــــــــــــ

#لايوم_كيومك_يا_أبا_عبد_الله💔

بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

🌟 لسان حال السيدة زينب عليها السلام
🌟 #إستشهاد_السيدة_الزهراء_ع
🌟 29 جمادى الأولى 1443 هـ
🌟 #لطمية

آنـــــه زينب آنـــــه زينب
يمــــه زهرة يمــــه زهرة

أندب ييمــــه الزچيــــه يالرحلتـــي
كل ليله مانام واناديچ ابحسرتـي
مشتاگــه چفينچ التمسح دمعتــــي
يانور العيـون دزيحيلي وجعتــي

گلبي جمرة گلبي جمـرة
يمــــه زهرة يمــــه زهرة
آنـــــه زينب آنـــــه زينب
آنـــــه زينب آنـــــه زينب


من يجي ذكـراچ تتجرّح عيونـــي
من كثر سِيل الدمع ورمن جفوني
خفت عالحَسْنين لمّــــن ينظُرونـي
اتزيــــد ونّتهــــم الچ لو شاهدونـي

حزني ادثره حزني ادثـره
يمــــه زهرة يمــــه زهرة
آنـــــه زينب آنـــــه زينب


لْبنت من تحزن ييمــه اتروح لُمهــا
تشكي كل همومهــا وينزاح ألمهــا
بس أنه امي اجــــه طاغي وظُلمهـا
وانبت المسمار بالعصــــرة بعظمهــا


وبيها سطرة وبيها سطرة
يمــــه زهرة يمــــه زهرة
آنـــــه زينب آنـــــه زينب

أرد اشوف اعيون امـي بس ثواني
گلبي مشتاگ وعليل شگد يعانــي
ليش يادهري احْرَمتني ويازماني
أحس من شم الهوى محرومة آنــي

آه يا حسرة آه يا حسرة
يمــــه زهرة يمــــه زهرة
آنـــــه زينب آنـــــه زينب


✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#لطمية_بلحن_ناذر_سنيني
#ام_البنين_ع

لا تــــردينــــــــي .. يانظر عيني
              يحــــــــرة

بداعة المنحـر .. و راس المطبر
              يحــــــــرة

ـــــــــــــ ◕~◕~◕~◕~◕ ـــــــــــــ

جيت اواسي ادمـوع عينج يم الابنين
ياللي كل مجلس تندبي وتهملي العين
يالنسيتي اجــروح ولــدج هالمياميــن
وناصبة دوم العزيـة بســم الحسيــن

يا عظــم سرچ .. مـاشفت مثلچ
              يحــــــــرة

ويــاج خلينــــي .. يانظر عيني
              يحــــــــرة

ـــــــــــــ ◕~◕~◕~◕~◕ ـــــــــــــ

منـچ اطلب هالطلب وانتــي السخيــة
كــل حياتــــي أبقــــى خــادم للزچيــة
واندب المظلــوم كــل صبــح ومسيــة
مايفــارگ گلبــــي ضيــم الغاضريــــة

اهمـل الدمعــة .. لخاطر البضعة
              يحــــــــرة

و انتي عينينــي .. يانظر عيني
              يحــــــــرة

ـــــــــــــ ◕~◕~◕~◕~◕ ـــــــــــــ

ماتـروح امـن الگلب حســرة بنينــچ
بس تظل لجل السبط معميـة عينــچ
گبــور وهميــة صنعتيــهــــا بإدينــــچ
چنتي كل ساعــة تزوريهـا بونينــچ

ياللي وفيتــي .. بكل عزا جيتي
              يحــــــــرة

إخلاص غذيني .. يانظر عيني
              يحــــــــرة

ـــــــــــــ ◕~◕~◕~◕~◕ ـــــــــــــ

رزق رايـد يالحنينـة دمــع العــيــون
الــرزق معــروف عنــد اللــي يفهمــون
بحب الحسين وبنينـه أبقــى مجنــون
وكافل الحرة العقيــلة وراعي الضعون

ابد ما ناسي .. چفوف عباسي
              يحــــــــرة

ادمــي چفينــــي .. يانظر عيني
              يحــــــــرة

ـــــــــــــ ◕~◕~◕~◕~◕ ـــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ #السيدة_زينب_ع
▪️ #لطمية
▪️ #طور_يمه_ليلة_وداع_وسفر

زينب ..... ينـعــتــونــي ام الحــــزن
زينب ..... وگلبـــي بالــهــم ممتحـن
زينب ..... كــم مصـــاب اعلــي أوِنّ

               زيــــــــنب

ـــــــــــــــ ◕~◕~◕~◕ ـــــــــــــــ

آنـه بنت المـرتضــى وبنت الزجــيــة
وآنــه أخت المنـذبــح بالغــاضــريــة
آنـه ال تحَــمّـل دليــلي اشكم رزيــة
من وقت مـا مــات نــور الله ونبيــه

شفته ..... بحجـر ابـويــه يحتضـر
شفته ..... جــدي و يــديــر النظــــر
شفته ..... ينــادي والـدتـي اتحضــر

               زيــــــــنب

ـــــــــــــــ ◕~◕~◕~◕ ـــــــــــــــ

من سمعت امي تون بفـراش ابوهــا
ابسرعة شفت الگوم ظلماً حاربوهــا
اتسارعت لحداث و انظر يضربوهـا
كبر حزن الگلب من امي اعصروها

تبجي ..... امن الظلم وامن الحزن
تبجي ..... و والـدي اعليـهــا يــــون
تبجي ..... ورّمــوا منــهــا الجــفـــن

               زيــــــــنب

ـــــــــــــــ ◕~◕~◕~◕ ـــــــــــــــ

شرد اعـدد مـن قهــر شفت ومصيبة
بعـد ماغمضت عيـون امـي الحبيبة
شفت شيبــة والـــدي بالـدم خضيبة
وانشطــر راســه ولــي الله وحبيبــه

عنــــي ..... راح ذخـــــري للگبـــــر
عنــــي ..... شلــون كســري ينجبـــر
عنــــي ..... جبــل گالــوا مــن صبــر

               زيــــــــنب

ـــــــــــــــ ◕~◕~◕~◕ ـــــــــــــــ

يامـرة التصبر علـى مــوت التحبهـم
تنظـر اعـداهــم تگطّـع مــن گلبهــم
واحد ابسَــم والبقـوا حــزّوا رگبهــم
بالذبح راحوا عطاشى حسبي ربهم

واحــــد ..... رمــح صـابــو بالگلب
واحــــد ..... گطعـوا اعلـيــه الدرب
واحــــد ..... سلبّـــوه فــوگ التــرب

               زيــــــــنب

ـــــــــــــــ ◕~◕~◕~◕ ـــــــــــــــ

ادعي ربـي اللــي يصبـر لــي دليلــي
ولايشوفو اعداي ضعفي هَـدّ حيلي
من بعد فگد اهلي واخواني وكفيلي
نوحي مابطلته صبحي وحتى ليلي

نوحــي ..... لجل ابويـه و فاطــمــة
نوحــي ..... عاللــــي سابح بالدمه
نوحــي ..... عاللــي اذّاه الظـــمــــه

               زيــــــــنب

ـــــــــــــــ ◕~◕~◕~◕ ـــــــــــــــ

وهسه اموت بهالأرض ال افْجعَتني
اللي بيها آنه انسبيت وهم مِلَتني
شفت انواع الشمـاتــة ال ألّمتنــي
بيها لوّعنـي الضرب ورَّملــي متنــي

مــوتــي ..... ردته وي موتــة هَلــي
مــوتــي ..... ويــه كافــل محمــلــي
مــوتــي ..... آنــه بت حيـــدر علــي

               زيــــــــنب

ـــــــــــــــ ◕~◕~◕~◕ ـــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ لسان حال #السيد_زينب_ع
▪️ #السيدة_فاطمة_الزهراء_ع
▪️ #لطمية
▪️ #طور_يمه_اطمنج_عليه

دنيا جـارت عليــه
راحت امي امن اديه

مــن اول سنيني .. عفتيني
.. لونيني .. بس اهمل دمـع

واتــذكر احــزانج .. عنــوانج
.. عـدوانــج كسرولــج ضلــع

دنيا جـارت عليــه
راحت امي امن اديه

هـم اكو ايتيمه مثل قصْتي يدنيا
كل مصـايب هالوكت هجمت عليــه

عمري خمس اسنين وانظر للزجيـة
ظلم عصروهـا العـده وتنظــر إليــه

شبّوا اعلى البــاب نــار تظل سريّــة
وطاح محسن عالثرى و ينوح اخيّه

انظــر الهالمصــايــب
وابجي دم عالنوايب

ما تكفي حسراتي .. وناتي
.. آهـاتي تشـرح هالـوضــع

امي اللي شوفتها .. وبسمتها
.. وكلمتها جــانت لــي الدرع

و ابعِدَت هالمسيـة
راحت امي امن اديه

ــــــــــــــ ◕~◕~◕~◕~◕ ــــــــــــــ

والدفـع بــاب امــي واعليـهــا تجسّر
مــن شفت وجهــه صحت اللهُ أكبــر

ومن هِشَم منها الضلع حيـل وتِكسّر
شفت امــي تمتمت يالصــاحب إثأر

صـاحت لفضــة ولا گــالت ياحيــدر
لأن لو صاحت علي الروس اتطّشــر

گـالت لفضــة گومي
انملت دم هدومـي

يا فضـة عينيني .. سندينــي
.. و بعينـي ضــاگت هالارض

و اوليدي انشيله .. و لوليله
.. و ادعيله يرجعـله النبـض

گمت احس بالمنيــة
راحت امي امن اديه

ــــــــــــــ ◕~◕~◕~◕~◕ ــــــــــــــ

من أثـر هــذا الحـدث ظلت عليــلة
ظلت بأنّتهــا موجــوعــة ونحيــلة

حتى ثوب العالمتـن مابيهــا حيــله
فوگ حزن الوالد الجـانت تشيــله

ساعد الله المصطفى و ساعد دليــله
اهداية البغضـوا عترتــه مستحيــلة

يدري كان اببضعته
تنــظلم بعــده بنتــه

و يدريها اولهــم .. تسبقهــم
.. تتــركهــم و تروح الگبــر

گال لها يالحرة .. يالزهرة
.. البشرى جنة اعله الصبر

ظلت الحســـرة بيــه
راحت امي امن اديه

ــــــــــــــ ◕~◕~◕~◕~◕ ــــــــــــــ

منهو يحمل جـور هالنــاس المظــلة
لا ادب لاديــن عــــدهــم اردى مـــلة

صار عدهم الحكم من كل شي اغلى
خالفوا دين النبي بصـورة مذِهْــلة

رادوا امـن المرتضــى ايبـــايــع والا
يقطعوا راس الوصـي اهــل المــذلة

ذوله اهــل السقيفــة
صوّتـوا عالخليـفــة

بت طه ضربوها .. عصروهــا
.. روعوها ذوله اهـل الجهــل

و وصيته خِلفوهـا .. خانوهـا
.. شــافوهـا ما تخدم هُبَــل

زرعــــوا الطـائفـيــة
راحت امي امن اديه

ــــــــــــــ ◕~◕~◕~◕~◕ ــــــــــــــ

✍ بقلم الشاعرة زينب الخفاجي

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ #ندبة لمولانا #الإمام_المهدي_ع
▪️ #لطمية

يبن الحسن بيك احتمي
            و ذنــــوبـــي كثـــرانــــة

لَتخـلّـي گلبــي ينعــمــي
            عـنــدك دخـيـل آنـــــه

بجاه اللي جبــده تفطّــر
            وجــاه الضلـــع والمنحــر

ــــــــــــ ◕~◕~◕~◕~◕ ــــــــــــ

آنــه دخيـل وادري بَــك
            صــاحب حِمــى و غيــرة

َمَتْخلّي تابــع لك يظـل
            بالغــفــلة والحــــيـــــــرة

مكـثــر بــلاءات الزمــن
            التـــرعب تــعـــابــيــره

يبــن الزجيــة الطــاهــرة
            بظــهـــورك اتــنـيـــــره

اظهــورك ينــيــر العقــل
            مــن تمسحــه بــايــدك

عجّـل فــدا لك هالنــفس
            يــــاسيــــدي نــــريــــدك

وال طلعتــك نتنـــطّــر
            بجــاه الضلع و المنحــر

ــــــــــــ ◕~◕~◕~◕~◕ ــــــــــــ

ترعب فتن هـذا الزمــن
            و النــاجـــي هنيــــالــه

ماينجـو غيــر اللــي تِبَــع
            المصــطــفــــــى و آلــــه

و يتـوسل لربّــه ابعلــي
            و يتــثــــبّــت ابجــالـــــه

يخسر اكيـده المــا يــودّ
            بــــــاب الله وعيــــالـــــه

اليتقرّب لــرب العــــرش
            يــــهــــم فــلا يــــنـــــدم

حاجاته تقضى بالعجل
            وللجــــنــــة يتــــقــــــدّم

بحـق البتــولة وحيــــدر
            بجــاه الضلع و المنحــر

ــــــــــــ ◕~◕~◕~◕~◕ ــــــــــــ

يــاسيــدي قهــــرك تـــره
            وســط الگــلب يلهــــب

ذْنــوب البــريّــة تألِّــمَــك
            وبخــلـــوتــــك تنـــــحب

كلــمــن يحبــك ينظــلــم
            و مــن حــقــه يتسـلّب

والظالـم يْظــل يستمــر
            بطــغــيــــانــه يتسـبّــب

يتسبب بنـشــر الفــقــــر
            و الــعـــوز و الترهيــــب

وسفك الدمه لحد الهــدر
            منــهــا الزغـيـــر يشيب

ســاد الظلم ســاد الشر
            بجــاه الضلع و المنحــر

ــــــــــــ ◕~◕~◕~◕~◕ ــــــــــــ

✍ بقلم الشاعرة زينب الخفاجي

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ #السيدة_زينب_ع
▪️ #لطمية_بطور_مر_بيه_لو_طيف

معـقـــولــة يــا ليــل .. ماتسمـع آهــاتــي
لاتنـجـلــي ابســــاع .. إرحــم معانـاتــي
بيـك أعقـــد النــوح .. وابن امي مذبوح

ــــــــــــــ ✾ ✾ ✾ ـــــــــــــــ

أنــه زينب أنــه المحّـــــد صُبَــــر صبــري
سبــوني الگــوم وآنــه المنعــرف خــدري
نيــاشيــن السيــاط الحــادي ابظهــــــري
واخوتي عْلــه التــرب حسرتهم بصــدري

خوتــي الميــــاميــن .. وذروهــم گبــالي
وْنـصْبَــــوا الـــروس .. فـوگ برمح عالي

دلّالـــي مجــــــروح .. وابن امي مذبوح
بيـك أعقـــد النــوح .. وابن امي مذبوح

ــــــــــــــ ✾ ✾ ✾ ـــــــــــــــ

وحِــدْتي وغربتــي ماصارت اعله النـاس
عزيزة آنه چنت بيــن اهلـي رفعــة راس
اجيت امـكللــة ومصيــونــة بــالعبــــاس
صفيت انوب سليبة من غُرُب وارجــاس

مــن بعــــد الأبطــال .. اركب بــلا والــي
وابــحَــــرّ الارمــــال .. تتشتت اطفـالــي

ظـل دمعي مسفوح .. وابن امي مذبوح
بيـك أعقـــد النــوح .. وابن امي مذبوح

ــــــــــــــ ✾ ✾ ✾ ـــــــــــــــ

مسا العــاشر ســواده ابــروحي ناقِشتــه
ابد ماينمحــي امــن الــذاكــرة اوصَفْتــه
يمصعب مــــن اخويــه عــالارض شفتــه
سـاعــــة مــن خيــول الكسّــرت جْثْتــــه

اصــرخ يــــالخيــول .. هــذا عزيــز امـي
وابــداله أنــه اگــول .. لو ينطحن عظمي

صوت اخته مبحوح .. وابن امي مذبوح
بيـك أعقـــد النــوح .. وابن امي مذبوح

ــــــــــــــ ✾ ✾ ✾ ـــــــــــــــ

بعــد هالصــــار يَليلــــي لا تفــــارگنـــي
أنــه ماريــد صُبُــح يطلــع علــى جفني
مثل صبــح الخـذوني الكوفــة عذبنــي
اسيـــرة وبالسيــاط الحــادي يضربنــي

هــــم فــــوگ الآلام .. ايتــــام ابـاريهــه
محروگــة الاجــدام .. جمر الخيم بيهــه

كـــل هــذا وتــروح .. وابن امي مذبوح
بيك أعقـــد النــوح .. وابن امي مذبوح

ــــــــــــــ ✾ ✾ ✾ ـــــــــــــــ

اشأريد احچـي عــن الكوفــة ومصايبهـه
ستــــر ريتــــك بقيـــت النــه بخرايبهـــه
سبــــايــــه وفرجــه خلّونــه ابمجالسهــه
عـــدو ربنــا يزيــــد الطــاغي صاحبهــــه

وبمـجلســه النــاس .. تتفـــرج اعلينــــه
ياجــرح الاحسـاس .. اصعب جرح بينـه

موجوعــة هالــروح .. وابن امي مذبوح
بيك أعقـــد النــوح .. وابن امي مذبوح

ــــــــــــــ ✾ ✾ ✾ ـــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…~...
https://telegram.me/MINBARIYOON

#مشاركة_من_صديقة_القناة
#الشاعرة_دعاء_العامري


#لطمية
#القاسم_أبن_الحسن_ع

//وزن ميمر//

يارمله عجني حنته وحني له
شعلي شمعته وهلهلي هالليله
من الحرب سالم يـرد ادعيله
أدعي يرد اوليدچ..رفعي الچفوف بآهات

ــــــــــــــــ ❖ ❖ ❖ ـــــــــــــــــ

للباري شهگت تدعي يرجع ليها
معرس تشوفــه وأيده اتحنيها
ضنــوة أملها تــدري ميخليها
تنتظره طرف الخيمة..يرجع ليها سلامات

ــــــــــــــــ ❖ ❖ ❖ ـــــــــــــــــ

سالم يرد وبشوفته اتقر العين
جسام وينه تناشد بعمه حسين
گاللها ابنچ ياويلي اخذاه البين
لطمت وجهها وصاحت..زهرة حياتي مامات

ــــــــــــــــ ❖ ❖ ❖ ـــــــــــــــــ

رادت أبنها بــ الأجل يحظرها
يشيل الجنازة وهوا اليشيعها
ما حَسبت تـالي تـهل مدمعها
وحنته تصير من ادماه..وتتغير لون الوجنات

ــــــــــــــــ ❖ ❖ ❖ ـــــــــــــــــ

ويلي شباب الما تهنه بعرسه
غاب الولد وتريد تسمع حسه
أخر وداع اتــودعه و تلمسه
تقبله بجبينه وتنعاه..خليت بگلبي جمرات

ــــــــــــــــ ❖ ❖ ❖ ـــــــــــــــــ

يالفاگده اوليدچ تعاي عينيني
هلي دمعتچ لابني وعزيني
ظنيته يرجعلي وينَور اسنيني
لچن رحل عني ابساع..و اعليه اجر بالحسرات

تمــت بــعــون اللــه

ــــــــــــــــ ❖ ❖ ❖ ـــــــــــــــــ

✍🏻 الشاعرة دعاء العامري
🗓 الموافق 16\8\2018

🔻 #ملاحظة : لا إجيز حذف الأسم
✅ إجير للأخوة الرواديد بعدم ذكر أسمي
🗓 #محرم_1440هـ #2018م

ــــــــــــــــ ❖ ❖ ❖ ـــــــــــــــــ
👈 هنا نختار أفضل مشاركات متابعينا الأعزاء وننشرها بأسمائهم في قناتنا
☀منبريّون حسينيّون☀
@MINBARIYOON

ــــــــــــــــ ❖ ❖ ❖ ـــــــــــــــــ
☀ منبريّون يتواصلون ☀

https://t.me/joinchat/AGWwjjzFRmg7-p08UpMBdQ

#جديد
#لطمية_عاشورية

وظيفة الموالين في عاشوراء الحسين
ــــــــــــــــ✦✾✦ـــــــــــــــــ
اتجددت الأحزان في هلال الشهر
يارسول الله انعظم لك أجر
ــــــــــــــــ✦✾✦ـــــــــــــــــ
من لفى عاشور مظلم هالأفق
الكون متغير ومحمر الشفق
دم أبو السجاد عاشر يندفق
وخاطر الزهراء لأجله منكسر
ــــــــــــــــ✦✾✦ـــــــــــــــــ
هالشهر ثروة ومنابر عامرة
نحيي ذكرى احسين دنيا وآخرة
والشهادة دروب عزة ومفخرة
احسين مو لحظة ولا يوم وشهر
ــــــــــــــــ✦✾✦ـــــــــــــــــ
يالتوالي للنبي ويّا الحسين
اقتبس منّه طريق السالكين
احسين أسس جامعة للمؤمنين
في شهر عاشور دين الله انتصر
ــــــــــــــــ✦✾✦ـــــــــــــــــ
من دم المظلوم صارت ملحمة
وارتفع الإسلام باقي في السما
شمس أبو السجاد صحوة ملهمة
تضحيات احسين للعالم عِبر
ــــــــــــــــ✦✾✦ـــــــــــــــــ
كل مصاب ايهون إلا كربلة
وأعظم الآهات نبلة حرملة
دم رضيع حسين سورة كاملة
وين أنصاره اللي بيهم يفتخر
ــــــــــــــــ✦✾✦ـــــــــــــــــ
دمعة المظلوم قوة خارقة
ومن صبر زينب عدونا نهلكه
صوت آه ياحسين صرخة صادقة
مهّدت للمهدي أسباب النصر
ــــــــــــــــ✦✾✦ـــــــــــــــــ
احنا أمة تحملت كل العذاب
ذاقت الويلات وأنواع المصاب
فراق مهدينا وساعات الغياب
من سبي زينب تعلمنا الصبر

ــــــــــــــــ✦✾✦ـــــــــــــــــ

✍بدرية آل عصفور
لا أجيز حذف الاسم أو طبعها للبيع

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…~...
https://telegram.me/MINBARIYOON

#لطمية_حضور_فاطمة_ع

فاطمه ... تجي ليلة جمعه
فاطمه ... لكربله تهل دمعه
تجي يم حسينـها
تزوره وتهل عينها

ـــــــــــــ ஜ❁✿❁ஜ ــــــــــــــ

فاطمه بليلة الجمعه تحضر تزور الحسين
لشوفة المذبوح ابنها والده وشدها الحنين
تعتنـي للغــاضـريــه بالمـدامــع والانيـن
واحسيّناً واحسيناه تصيح بين الحرمين
فاطمه ... تصيح يبني الغالي
فاطمه ... گـطّـعــت دلالــي
تبچي الله يعينها
تزوره وتهل عينها

ـــــــــــــ ஜ❁✿❁ஜ ــــــــــــــ

دخلت بدمعة حزنها فاطمه لصحن الذبيح
من كثر همها وألمها فاطمة تگوم وتطيح
واحسيناً واحسيناه يبني چاوينك تصيح
ينغمي عليها الزچيه لمن اطب الضريح
فاطمه ... شلون ابنها تنظره
فاطمه ... دامي ينزف نحره
عهد بينه وبينها
تزوره وتهل عينها

ـــــــــــــ ஜ❁✿❁ஜ ــــــــــــــ

من لحد گبره يجيها مخضب بفيض الدمه
حسيـن ابوالاكبـر ينــادي ها ييُمّـه فاطمه
شجـابـچ الليلـه اليـه وآنه جثّـه مخـذمـه
يُمّه مثل ضلوع صدرچ كل ضلوعي مهشّمه
فاطمه ... ضامي ويذبحوني
فاطمه ... يُمّـه مارحـمــوني
حالتـي تشوفينها
تزوره وتهل عينها
ليلة الجمعه تجي

ـــــــــــــ ஜ❁✿❁ஜ ــــــــــــــ

يم ضريح حسين تگعد فاطمه
تنصب عزاء
يحضر المختار ابوها ويمّـه كـل الأنبـيــــاء
مجلس وجبريل يقره بالصحن يعله البكاء
وي بچي الزهره ونعيها تبچي املاك السماء
فاطمه ... بالضريح تنادي
فاطمه ... ياحبيب الهادي
شبگتـه بچفّينـها
تزوره وتهل عينها

ـــــــــــــ ஜ❁✿❁ஜ ــــــــــــــ

بليلة الجمعة الزچيه بكربله تبچي وتنوح
نوبة يم عباس تمشي ونوبة للضامي تروح
واقعية الحالة عدها تشوف ابنها بلايه روح
جثّه وبلا راس يمها فاطمة تضمد الجروح
فاطمه ... تغسّله بدمعاتها
فاطمه ... ختنگت بآهاتها
هـذا نور سنينــها
تزوره وتهل عينها

ـــــــــــــ ஜ❁✿❁ஜ ــــــــــــــ

تنظر لشيعة ابنها منها متروس الصحن
ناس تلطم ناس تبچي ناس مجروحه وتون
فاطمه ترفع اديها وتدعي للشيعه بحزن
يا الهي اغفرلهم بجاهي آنه ام الحسن
فاطمه ... تندعي لشيعتها
فاطمه ... تنسمـع دعـوتها
لازم تـرد ديّنــها
تزوره وتهل عينها

ـــــــــــــ ஜ❁✿❁ஜ ــــــــــــــ
خادم فاطمة الزهراء عليها السلام
سيد زيد الفحام 30/6/2017
__
ــــــــــــــــــــــــــــــــــــــــــــ
إشترك في قناة
☀ منبريّون حسينيّون ☀
على التلغرام 👇
telegram.me/MINBARIYOON

#مشاركة_من_الصديقة
#ولائية_وافتخر


#لطمية_لاستشهاد_الزهراء

{لسان حال الحوراء زينب}

ودعتنة فاطمة ابهاي المسيـة
دم تهل عيوننة عالخد جريـة
آه يـافاطم ..... آه يـافاطم

-----------❉❉❉-----❉❉❉-----------

بهالسفر يايمة گولي وين تردين
من يصبرني ويصبر حسن وحسين
ابقى بالدار بغربتي واهمل العين
طفلة وصغيرة وحملت انة الرزيـة

آه يـافاطم ..... آه يـافاطم

-----------❉❉❉-----❉❉❉-----------

مـاغفت عيني بغيابـﭻ آه ييمه
انطفى النور بحياتي وعشت ظلمه
شلي بالعين بغيابـﭻ ريت تعمه
ﭼـنتي اگبالي واشوفـﭻ كل مسيـة

آه يـافـاطم ..... آه يـافـاطم

-----------❉❉❉-----❉❉❉-----------

كلمن يفارگ محب تلهب جمرته
تلـﭼـم الآه ويجر حسرت عبرته
لو تـذَكر يصفگ اليمنه ابيسرته
صرت افز بالليل اصيحن يالزﭼـيـة

آه يـافـاطم ..... آه يـافـاطم

-----------❉❉❉-----❉❉❉-----------

آه يمصابـﭻ كسرني آ يزهره
شلون بالباب انعصرتي وبعد سطره
صحتي وينك ياعلي ودموع تجره
دارت اعليـﭻ العده وشفتي الأذيـة

آه يـافـاطم ..... آه يـافـاطم

-----------❉❉❉-----❉❉❉-----------

يمة عفتيني وبقيت ابگلب مكسور
وحدي ابقى بذكرياتي ابـﭼـي بالدور
أمي يازهرة حياتي وانتي الي النور
ياوسف رحتي يزهرة من اديـة

آه يـافـاطم ..... آه يـافـاطم

-----------❉❉❉-----❉❉❉-----------

ودعتني فـاطم وخلتني وحدي
گالت تشوفي مصايب يمة بعدي
بأخر المشوار يظهر تالي مهدي
ياخذ بثاري وثـار اهل الحميـة

آه يـافـاطم ..... آه يـافـاطم

-----------❉❉❉-----❉❉❉-----------

تــمــت بــعــون اللــہ
11/12/2017
✍🏻 #ولائـية_وافتـخر (دعـاء العـامـري)
❌لاإجيز حذف الأسم من القصيدة❌

~~~~~~~~~~~~~~~~
👈 هنا نختار أفضل مشاركات متابعينا الأعزاء وننشرها بأسمائهم في قناتنا
☀منبريّون حسينيّون☀
@MINBARIYOON
…………………………………………
☀منبريّون يتواصلون☀
🌷أنشر الرابط وجزاك الله خيرا ↡
https://t.me/joinchat/AGWwjjzFRmjMUdt1Zbi5qw

#لطمية_إستغاثة
#الطور_سريع


يالغايب عجل اعلينـــــه
يالغايب لاتخلينـــــــــــه
ــــــ ❁❁❁ ــــــ

سيـدي اسقي العطاشى
اللي نبعهــــم شوفتـــك

آه يـــا مهــــجة محمــد
شــــوف حالة شيعتـــك

امـــورمة گلوب اليتامى
ياحبيبــــي لفرگتــــــــك

طــالت وصـارت أليمـــة
يبــــن طـــــــه غيبتـــك

يالغايب تــدري ملينـــه
يالغايب لاتخلينــــــــــه

ــــــ ❁❁❁ ــــــ

ندعــــي نتــــوسل إلهي
نجري عبـــرات وحنيــن

نگلـــه يــــارب البريــــة
شـــافي گلب العاشگین

مــــرة نتضــرع يقـــادر
نقسم ابضلــــع الحسين

رد علينه ابــن الزچیــــة
بفاطمــــة وام البنيــــن

يالغايب گــوم رد لينـــه
يالغايب لاتخلينــــــــــه

ــــــ ❁❁❁ ــــــ

شگد قهــر شفنا ورزايه
يابو صالح هالتشــــوف

رجعـــوا اعلينه آل اميه
وعادوا اعلينه الطفـوف

واحنه چي والينه حيدر
سلــوا اعلينــه السيـوف

هـــم مثل عبــاس احنه
گطعــــوا منه الچفــوف

بالغايب كثــــر عانينــــه
يالغايب لاتخــــلينـــــــه

ــــــ ❁❁❁ ــــــ

والله يامولانــــه چنهــه
رجعـت أيــــام السبــــي

الف ليــــلى والف رملــة
ثكـــــــــلاها الناصبــــي

شـاهــد اگلـوب الأرامـل
احس تلچمهـــه العبـــي

واليتم صار النه طابـــع
فزعتـــــــــك يبن النبي

يالغايب عينك اعلينــــه
يالغايب لاتخلينـــــــــــه


ــــــ ❁❁❁ ــــــ

ياامـــــــــان الله يمهدي
گوم وانشر رايتــــــــــك

نندبك يالغــــالي إظهــر
إظهــــر انصر شيعتــــك

والله أذانــــه غيــابــــك
و حق زينــــب عمتــــك

يغايب ارفعنــه چفینــه
يغايب لاتخلينـــــــــــــه

ــــــــــــ ●●● ـــــــــــ

✍🏻 زينب الخفاجي

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…~...
https://telegram.me/MINBARIYOON

#لطمية_سريعة_للزوار

كلنـــا بصـــوات الحنيــــــن
لبيـــك نهتف يـــــــا حسين

ــــــــــــ ✿ ✿ ✿ ـــــــــــــ

مـــن نشـوف الزايـــر احنه
عالخـــدمتـــه مسرعيـــــن

ــــــــــــ ✿ ✿ ✿ ـــــــــــــ

هـــذا ضيـف احسيـن هــذا
خــــدمته اتفرح الحـــــزين

ــــــــــــ ✿ ✿ ✿ ـــــــــــــ

بــس أمـــر منــــك يزايـــر
ننتظــــــــــر وامحـــزميــن

ــــــــــــ ✿ ✿ ✿ ـــــــــــــ

خطوتـــك حجـــة وعمـــرة
الدعــــا منـــك طـــالبيـــن

ــــــــــــ ✿ ✿ ✿ ـــــــــــــ

خدمتـــك تـاج أعلى راسي
ياللـــي گاصـــــــد للحسين

ــــــــــــ ✿ ✿ ✿ ـــــــــــــ

إنت بـــس إطلــب يزايـــر
ترخــص اعيـــوني الثنــين

ــــــــــــ ✿ ✿ ✿ ـــــــــــــ

أجــر أكســـب من خدمتك
مــــــن علـــي وأم البنيـــن

ــــــــــــ ✿ ✿ ✿ ـــــــــــــ

وزينـــب الحـــرة العقيـــلة
والـــزچيـــة حاضـــريـــــن

ــــــــــــ ✿ ✿ ✿ ـــــــــــــ

چنـــي اشوفنهـــم سويـــة
يكتبـــولـــي عـــالجبيـــــن

ــــــــــــ ✿ ✿ ✿ ـــــــــــــ

هذا خادم للحسين
هذا خادم للحسين

ــــــــــــ ✿ ✿ ✿ ـــــــــــــ

✍🏻 #كلمات_بن_علي_المولى
🗓 8\10\2017 م الموافق لـ 17 محرم 1439 هـ

ــــــــــــــــــــــــــــــــــــــــــــ
إشترك في قناة
☀ منبريّون حسينيّون ☀
على التلغرام 👇

https://telegram.me/MINBARIYOON

⬛️◾️▪️⚫️﷽⚫️▪️◾️⬛️
.
تلبية لطلب خدام المنبر
#لطمية + #نخوة #أمير_المؤمنين عليه السلام
•● *(جينه اعله بابك)* ●•
.
☜الطور ؛ يقرأ بألحان مختلفة ، مثل؛ *(يم البنين الاربعة-للسيد محمد المكي)*
و غيره ايضا.
.
▼△▼△▼△▼△▼△▼△▼
.
ننخى أمير المؤمنين ★ ننخاك ، ننخاك
بالدمعه و ابنوح و ونين ★ ننخاك ، ننخاك

◆◇◆◈◆◇◆

جينه اعله بابك يا علي ★ ننخاك ، ننخاك
صوت الحوايج تعتلي ★ ننخاك ، ننخاك
و انريد همنه ينجلي ★ ننخاك ، ننخاك
يا ملجأ الكل مستكين ★ ننخاك ، ننخاك

◆◇◆◈◆◇◆

يا من تحل كل مشكله ★ ننخاك ، ننخاك
حل كل قضيه معضله ★ ننخاك ، ننخاك
مولانه ، همنه و إحمله ★ ننخاك ، ننخاك
يا رحمةً للعالمين ★ ننخاك ، ننخاك

◆◇◆◈◆◇◆

ننخاك يا مير النحل ★ ننخاك ، ننخاك
اتشافي المراضى بالعجل ★ ننخاك ، ننخاك
متردهم ابخيبة أمل ★ ننخاك ، ننخاك
تشفيهم ابحق الحسين ★ ننخاك ، ننخاك

◆◇◆◈◆◇◆

يابالحسن ردنا المدد ★ ننخاك ، ننخاك
و اشگد نعاني امن الشدد ★ ننخاك ، ننخاك
و انت لنا ذخر و سند ★ ننخاك ، ننخاك
و احنه اعله بابك لاجئين ★ ننخاك ، ننخاك

◆◇◆◈◆◇◆

عيني اعله جودك هالمسه ★ ننخاك ، ننخاك
و ابحق جميع أهل الكسه ★ ننخاك ، ننخاك
خلني عطائك ألمسه ★ ننخاك ، ننخاك
و ارويني من ماي المَعين ★ ننخاك ، ننخاك

◆◇◆◈◆◇◆

يا من إلك منصب فريد ★ ننخاك ، ننخاك
حاجاتي كل لحظه تزيد ★ ننخاك ، ننخاك
بس إنت تقضيها أريد ★ ننخاك ، ننخاك
و ابحق دمع أم البنين ★ ننخاك ، ننخاك
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم))*
.
تمت بحمد الله تعالى
*و نسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
.
🎤مقطع من اللحن الأول 👇🏻👇🏻؛
.
https://youtu.be/N51Vwxp0f-8
.
🎤 مقطع من اللحن الثاني 👇🏻👇🏻؛
.
https://youtu.be/KPZ1LPPI7Bo
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
.
تلبية لطلب خدام المنبر
#لطمية + #نخوة #السيدة_خديجة عليها السلام
•● *(يُم المؤمنين)* ●•
.
☜الطور ؛ يقرأ بألحان مختلفة ، مثل؛ *(يم البنين الاربعة-للسيد محمد المكي)*
و غيره ايضا.
.
▼△▼△▼△▼△▼△▼△▼
.
نادينه ابفيض الدموع ★ ننخاچ ننخاچ
يُم الأئمه ابكل خضوع ★ ننخاچ ننخاچ
.
◆◇◆◈◆◇◆

جيناچ يُم المؤمنين ★ ننخاچ ننخاچ
بالدمعه نقصد و الأنين ★ ننخاچ ننخاچ
من جودچ احنه راغبين ★ ننخاچ ننخاچ
لا ترجعينه خائبين ★ ننخاچ ننخاچ

و الحاجه عد بابچ ركوع ★ ننخاچ ننخاچ
.
◆◇◆◈◆◇◆

ابحق رسول الله العظيم ★ ننخاچ ننخاچ
و ابقلبچ الوصفه رحيم ★ ننخاچ ننخاچ
نشكي إلچ دهري اللئيم ★ ننخاچ ننخاچ
و احمينه من ظلم الغريم ★ ننخاچ ننخاچ

صيتچ عله ابكل ربوع ★ ننخاچ ننخاچ
.
◆◇◆◈◆◇◆

يا من مقامچ مرتفع ★ ننخاچ ننخاچ
و الخير منچ مفترع ★ ننخاچ ننخاچ
للدين چنتي أفضل درع ★ ننخاچ ننخاچ
انريد نظره للجمع ★ ننخاچ ننخاچ

عندچ حوايج هالجموع ★ ننخاچ ننخاچ

◆◇◆◈◆◇◆

كل احنه عالبابچ ضيوف ★ ننخاچ ننخاچ
انمد إلچ هاي الچفوف ★ ننخاچ ننخاچ
و إمليها يُم قلب العطوف ★ ننخاچ ننخاچ
و إنتِ أعلم ابكل الظروف ★ ننخاچ ننخاچ

و ابمجلسچ نشعل شموع ★ ننخاچ ننخاچ
.
◆◇◆◈◆◇◆

بالزهره و اهيه أعظم قسم ★ ننخاچ ننخاچ
رفعي عن الشيعه الألم ★ ننخاچ ننخاچ
داوي المريض امن السقم ★ ننخاچ ننخاچ
و اخذي ابحقوق الانظلم ★ ننخاچ ننخاچ

زيلي الهموم البالضلوع ★ ننخاچ ننخاچ
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم))*
.
تمت بحمد الله تعالى
*و نسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
.
🎤مقطع من اللحن الأول 👇🏻👇🏻؛
.
https://youtu.be/N51Vwxp0f-8
.
🎤 مقطع من اللحن الثاني 👇🏻👇🏻؛
.
https://youtu.be/KPZ1LPPI7Bo
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
.
#لطمية + #نعي #السيدة_خديجة عليها السلام
•● *(مأجوره يا بنتي)* ●•
.
☜الطور ؛ يقرأ بألحان مختلفة ، مثل
النعي ؛ ( يا كربله و طر الفجر - للشيخ الحسناوي )
أو كنعي بطور ( يم الولد راح الولد - للشيخ الحسناوي )
أو كلطمية ؛ ( أويلاه يكربله - للمنتظر الساعدي )
أو كلطمية ( مولاتي يا أم البنين - للشيخ باقر الصبيحاوي )
و غيره الكثير.
.
▼△▼△▼△▼△▼△▼△▼
.
لسان حال رسول الله ص و اله ، مع فاطمة الزهراء عليها السلام ، بعد رحيل السيدة خديجة عليها السلام...
.
.
.
نجمتنه مالت للأفول
مأجوره يا بنتي البتول

◆◇◆◈◆◇◆

يا بنتي سمعي هالخبر
نازل علينه ، أمر القدر
خل دمعتچ تجري نهر
و الحالتچ دمعي هطول

◆◇◆◈◆◇◆

مركب همومچ من رسه
ماتت خديجه ابكل أسه
و ايتيمه صرتي ابهل مسه
محتار و ما أدري اشـأقول

◆◇◆◈◆◇◆

يا فاطـمه علنـي الـحداد
أمچ قضت لبسي السواد
فُرقـتـنـه تـبقى للمــعاد
ليل الهـجر طبعـه يطـول

◆◇◆◈◆◇◆

جار و غدر دهري الخؤون
صـاب أمـچ إسهام المنون
مـا ترجـــع الأم الحنون
ورده و أصيبت بالذبول

◆◇◆◈◆◇◆

غطى السمه غيـم المحن
تمــطر عليـــنه بالفـــتن
حضري السدر ويه الكفن
عينيني عالدفن ابذهول
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم))*
.
تمت بحمد الله تعالى
*و نسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
.
🎤مقطع من اللحن الأول 👇🏻👇🏻؛
.
https://youtu.be/mUrUitd3RqM
.
🎤 مقطع من اللحن الثاني 👇🏻👇🏻؛
.
https://youtu.be/JavDmIN_dfs
.
🎤 مقطع من اللحن الثالث 👇🏻👇🏻؛
.
https://youtu.be/v4v3End6-JA
.
🎤 مقطع من اللحن الرابع 👇🏻👇🏻؛
.
https://youtu.be/KK0pUHCjh7A
.
#انشروا_وشاركونا_في_الثواب
.