☀ منبريّون حسينيّون ☀

⬛️◾️▪️⚫️﷽⚫️▪️◾️⬛️
.
•●•● *قصيدة ؛ ما أصدگ* ●•●•
.
☜ الطور ؛ *(فاقد العالم وطن - ملا باسم)* أو *(دمعي لمصابك يصب - ملا باسم)* ويقرأ بألحان أخرى
.
▼△▼△▼△▼△▼△▼△▼

لسان حال مولاتنا فاطمة الزهراء عليها السلام و كل بنت فاقده بعد والدها



ما أصدگ هالأمر * بويه نايم بالگبر
و القمر بين الترايب و الرحل ماظن يرد


◆◇◆◈◆◇◆

ما أصدگ بويه ميت و آنه حيه و ما متت
عجبه اتنفس ولكن الهوه مات و نحت
گلبي ينبض بين گبره ، چني يم گلبه بتت
هم صدگ تحت اللحد كل لحظه ليه يلتفت

داري لو لا ، ما دره * بيه چم ظلم الجره
ريته ينظرني و همومي و انه ابعمر الورد

◆◇◆◈◆◇◆

ما أصدگ افترقنه و اهوه روحي البل جسد
چان ركني و العمد ، و البيت هسه ابلا عمد
چان حصني ابكل وكت بس هسه حاطتني الشدد
بويه راح و اشعرت ، ما ظل إلي عون و سند

و الحِمِل حين الوگع * العرش مثلي انصدع
و العرف قدر المصيبه حگه لو حيله يهد

◆◇◆◈◆◇◆

ما أصدگ أحلى أيامي اخلصت ابهل عجل
و انتهى عمر الفرح من حل على بويه الأجل
انظر المحرابه خالي هم صدگ عودي رحل
يعني ابرجعة حبيبي أفقد اخيوط الأمل

من رحل خيرة هلي * ظلت ادموعي اتهلي
و الفقد غالي يظل ينعى رحيل اللي يود

◆◇◆◈◆◇◆

ما أصدگ سر وجودي راح و خلاني ابحزن
يعني آنه انحرم من عطفه و ابقى بس أون
يعني بويه ما بعد يشبگني بيده للحضن
يعني أبقى أذكره و اعله فراقه أنعى و أحن

حتى اطيور السمه * هم دليلي تعلمه
نوبه تنظر للگبر ، نوبه على ادموعي تصد

◆◇◆◈◆◇◆

ما أصدگ هذا گبره الأخفى عن عيني القمر
احضن اترابه و أشمه و ابچي عل أمر القدر
و أنشده عن بويه بلكي ايقول اشعنده خبر
لو يبلغه اشحالتي ، لن بعده مكسورة ظهر

چان حصني بالشدد * ما چنت أخشى أحد
بس وسف غاب الأبو و ايغطي أنواره اللحد

.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء

.
تمت بحمد الله تعالى
*نسألكم الدعاء لتعجيل الظهور*
.
🔊 لحن القصديتين في الرابطين👇🏻؛
.
https://youtu.be/UxOwqlWHC0Q
.
https://youtu.be/Amer3dZHVkc
.
#انشروا_وشاركونا_في_الثواب


ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…~...
https://telegram.me/MINBARIYOON

⬛️◾️▪️⚫️﷽⚫️▪️◾️⬛️

•● *(قصيدة: لا تضربه)* ●•

☜ الطور ؛ *(يا شريفة توسلت يم بابج)* ، و يقرأ بألحان مختلفة.
▼△▼△▼△▼△▼△▼△▼.


لسان حال السيدة سكينة عليها السلام....



لا تضربه
هذا راس الغالي
لا تضربه
عل إشفافه اگبالي



بالله يا ابن الدَعي * شيل ايدك بالعجل
بويه راسه بالطشت * و الصبر حبله انفتل
ليش تضرب شفِته * بالله گلي اشفعل
هذا سبط المصطفى * والِده خير العمل

لا تضربه
بالله إرحم حالي
لا تضربه
عل إشفافه اگبالي



كافي مو ثغره انمرد * ليش اتضربه ابحقد
يكفي راسه مندِفَن * و الجسد بين اللحد
ارحم ابگلب الإخت * لنها بالدمعه تصد
يكفي تدري هالأخو * ما بعد ليها يرد

لا تضربه
ينفجع دلالي
لا تضربه
عل إشفافه اگبالي



شيل ايدك يا نذل * مو جبهته امهشمه
و اشتريد أكثر بعد * و الجروح اتصب دمه
ريت ما شفت الحصل * ميته لو ابعيني العمه
و آنه أسمع تنتحب * لجله أمنه فاطمه

لا تضربه
مالي غيره والي
لا تضربه
عل إشفافه اگبالي



هذا بويه الأعشقه * و أغلى شي ابدنيِتي
يتمِتني ابذبحِته * و افجَعت كل عيليتي
يَمي يمشي بالسبي * ما يفارق مشيتي
بس وسف فوگ الرمح * ما تركني ابغربتي

لا تضربه
و احرگت آمالي
لا تضربه
عل إشفافه اگبالي



زلزله اتصيب الأرض * لو ضربته ابلا رحم
و السمه تبچي دمه * و آنه يعصرني الألم
شوفه اسنونه انكسر * و العرش لجله انهضم
شنهو ما عندك گلب * بويه منك ما سلم

لا تضربه
شوف دمه ايلالي
لا تضربه
عل إشفافه اگبالي

.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
.
تمت بحمد الله تعالى
*ونسألكم الدعاء لتعجيل الظهور*


🎤اللحن 👇🏻؛
.
https://youtu.be/TgkbQLaLtvo
.
#انشروا_وشاركونا_في_الثواب
.

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…~...
https://telegram.me/MINBARIYOON

⬛️◾️▪️⚫️﷽⚫️▪️◾️⬛️

لطمية ثقيلة رجالية ، لمصائب الأسر و مصائب *الشام*

•● *(يتيمات)* ●•

☜الطور ؛ (يخيمات-ملا عمار الكناني) و غيره

▼△▼△▼△▼△▼△▼△▼


يتيمات
خاطرنه انكسر كلنه يتيمات
طبينه بلاد الشام أسيرات
ما يدري الكفلنه اششفنه مأساة




احنه بنات المصطفى ..، وصفونه ما لنا دين
شمر و خوِله وي زجر ..، قيدونه هالملاعين
شكوه ابدمعنه انوصله ..، للكافِل و للإحسين
وينه أبوفاضل يجي ..، ينظر وضعنه هالحين

إِلادموع
ننشد عن گمرنه ابهاي الادموع
ردنه ايشوف مكسورات الاضلوع
كل عُضوِ ابجسمنه والله موجوع




عيني على اسياط الشمر ..، خوفي يطگ الإعليل
كافي جروحه و الجسم ..، من حزنه صاير انحيل
و أشعر نجوم ال بالسمه ..، لو مال ، چنها اتميل
و اغيوم تمطر من دمه ..، واست جروحه لِتسيل

و لدموم
اتخر من عِبينه هاي لدموم
و السجاد حگه اعلينه مهموم
خده وي خدود الحره ملطوم




و اخلاف ما وصى الوحي ..، ما رحموا دمع ليتام
شبعونه الآم و قهر ..، من كربله و إلى الشام
لو طفله ناحت عالأبو ..، خلوها تخشه اتنام
لو نمنه لحظه هالكفر ..، ضربونا بين الإحلام

هالعيون
تعبانه من كثر السهر هالعيون
وين الراحه و اتألمنه لِمتون
لو دمعه انزلت بينه يشتمون



آنه و رقيه بالدرب ..، من شفنه عالرمح راس
اعيونه مصيوبه ابسهم ..، صحنه ابألم يعباس
وسفه جبينك منهشم ..، داست عليه الأرجاس
بحجار يرمونك وسف ..، و اتطيح و تدمي لِحساس

و لرجول
الراس اليطيح اتدوسه لِرجول
مو كافي سحق ارجول لِخيول
چن عدها نذر عالنحره اتجول



بين الخرابه و القصر ..، طفله يتيمه اتنوح
ملطومه عالخدها و تون ..، خدها و متنها مجروح
مشتاگه اتشوف الأبو ..، ما تدري بوها مذبوح
لو شافته بين الطشت ..، اتحضنه و الروح اتروح

علِتراب
قعدوا بت علي تالي علِتراب
و ارقيه ابحضنها اتزيد لِمصاب
وسفه بالخرابه و ما لها باب

.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
.
تمت بحمد الله تعالى
*ونسألكم الدعاء لتعجيل الظهور*

الطور 👇🏻👇🏻 في اليوتوب

https://youtu.be/Jm6TOEZ83eQ

#انشروا_وشاركونا_في_الثواب

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…~...
https://telegram.me/MINBARIYOON

⬛️◾️▪️⚫️﷽⚫️▪️◾️⬛️

•● *(قصيدة: نظر آلام)* ●•

الطور ؛ سريعة *(يبوفاضل يبوفاضل)* (و الشطر الأول يتكرر بعد كل مقطع) .
▼△▼△▼△▼△▼△▼△▼
.

*(على الباقر * على الباقر 2)*


يدمعه صبي من دم
أبونه مـات ، بالسم


نظر ابعينه الآلام
سبي امن الكوفه للشام


متونه بيها آثار
دمه و اجروح تذكار


أثر للقيد بالإيد
دوه و اعلاج ميفيد


نظر عمته سبوها
بالإسياط اضربوها


فؤاده مملي اجراح
نظر روس اعله الارماح


سمع ضجت رقيه
قضت من جور أميه


حفر إلها قبرها
بچى دم عل أمرها


بعد أيام و اسنين
إجاله موته الحين


على القبله تمدد
نزل موته و تشهد

وسف عالباقر المات
قضى و ابقلبه حسرات

.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
.
•● *(قصيدة: راح أتركك)* ●•

للإمام الباقر عليه السلام
.
☜الطور : (ودعتك الله يبني يحسين - لملا باسم الكربلائي) و يقرأ بألحان أخرى.
.
▼△▼△▼△▼△▼△▼△▼
.
راح أتـركــك غـصـبـاً عـلـيـه ...، يبني
صـابـتــني إسـهــام الــمـنـيـه ...، يبني
قرّب رحيلي و حان الإوداع ...، يبني 2

◆◇◆◈◆◇◆

يبني يالصادق ، غصب عني أعوفك
صعبه عالقلبي بعد ما راح أشوفك
منـدهش فكـري على حالة وقوفك
أشعر ابعينك حـزن و اعليه خوفك

اتخاف أموت و يبدي الإفراق ...، يبني
ميضل لنا بس نبقى نشتاق ...، يبني
خوفك حقيقه و هالعمر ضاع ...، يبني
قرّب رحيلي و حان الإوداع ...، يبني

◆◇◆◈◆◇◆
إمسح ادمــوعك تــراهي اتعز عليه
و انــقش ابـقــلبك تفـاصيل الوصيه
لــو إجــه يــوم و تـحـيرت ابقظـيه
لا تــفـكـر بـالأمــر و إنــخــى رقــيـه

عمــتـنـه مـفــتاح الحــوايــج ...، يبني
ميـرد أحد مـن عدها ضايج ...، يبني
لنـهـا بعـد مـكسـورة أضــلاع ...، يبني
قرّب رحيلي و حان الإوداع ...، يبني

◆◇◆◈◆◇◆
عــمري خلــّص و ابتده يتمك يولدي
اســتعـد يبـني على الاهــموم بعدي
اللي أذّوني ابحـياتي و چـانو ضدي
يغـمِـرونك بالـفـتن و آنـه في لحدي

چـبـدك يمـردونـه بـالإسـموم ...، يبني
قبـرك جـواري يبقى مهـدوم ...، يبني
و الباري يدري ابكل الأوضاع ...، يبني
قرّب رحيلي و حان الإوداع ...، يبني

◆◇◆◈◆◇◆

يبني بوداعك ذكرت امصاب عاشور
ساعة اوداع السبط وي أهل الاخدور
طلعت العيله ابنياح و لطم الاصدور
صرنه انودعه ابقلب محزون ومكسور

ما شفته وحده ما له امعين ...، يبني
هشموا جبينه وقطعوا الاوتين ...، يبني
راسه ابرمح جسمه على القاع ...، يبني
قرّب رحيلي و حان الإوداع ...، يبني

◆◇◆◈◆◇◆
من تغسلني بـيديـنك تلگى اجروح
و المتن أزرگ تشوفه و دمي مسفوح
هـاذي آثــار السبي ابعينـك اتــلوح
إحمد الله ما نظرت النحري مذبوح

لـو ادفـنــتــنـي زور قـبـــري ...، يبني
و احضن ترابي و ابچي لأمري ...، يبني
و إشكي إلي همك و الأوجاع ...، يبني
قرّب رحيلي و حان الإوداع ...، يبني
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
🎤 الطور في الرابط 👇🏻:
.
https://youtu.be/93joO1mCvgI
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️

•● *(بالله يحسين)* ●•

نواعي جديده

▼△▼△▼△▼△▼△▼△▼
.
كأني بالإمام الباقر عليه السلام ، تمنى حضور جده الحسين عليه السلام في ساعاته الأخيره...(لسان الحال)


الطور ؛ (مالي غيرك) و غيره


آ يجدي
ما دريت ابچبدي مسموم
آ يجدي
يقتلوني و آنه مظلوم
آ يجدي
ما رعوني بعدك الگوم


بالله يحسين
احضر الليله المدينه
بالله يحسين
شوف جسمي امددينه
بالله يحسين
قلبي محتاجك ولينه


تدري مشتاق
أرد أحط راسي اعله صدرك
تدري مشتاق
و أرد أشم اعروق نحرك
تدري مشتاق
روحي تطلع و آنه أنظرك

◆◇◆◈◆◇◆

الطور ؛ كل ما يناسب وزن *البحر الطويل*
يقرأ بأطوار #النعي ، ك ؛
1 التغريد الحزين
2 لفى عاشور
3 آنه اللي شفت نارين
4 يا تالي هلي يحسين
5 يا سلاب تاج حسين
6 من دارت عليه القوم


إجه امن الكربله احسين ، ناده ابكسرة الخاطر
أشوفك تحتضر يبني ، أظن مسموم يالباقر
تمرد چبدك و عطشان ، تون و أجري دمه الناظر
أريد أسقيك وي دمعي ، لأنها ذابله اشفافك


شفت حالك تذكرت الحسن و اتجدد أحزاني
يباقر ونـِّتك تجرح ، فؤادي و تِكثر أشجاني
أغسلك وي دمه نحري ، و أشبقك يبني بأحضاني
أشيعك بس بلايه راس ، و أظل أبچي عالأوصافك

.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
.
•● *(قصيدة ؛ أزورك كل مسيه)* ●•
.
☜الطور ; حزين بلحن ؛ *((رقيه تصيح بابا - للملا محمد الحجيرات - أو الشيخ المعاتيق - أو الشيخ الحسناوي))* و ممكن أن يقرأ كلطمية بألحان مختلفة.
.
▼△▼△▼△▼△▼△▼△▼
.
كأني بالإمام الحجه عجل الله فرجه يزور قبر الإمام الباقر عليه السلام

نذر واجب عليه
أزورك كل مسيه


يباقر آل هاشم
أنه مهدي العوالم
أجيك ابعين ساجم
و أشاهد چم بليه

(أزورك كل مسيه)


قعدت اعله ترابك
بچيت اعله مصابك
يألمني عتابك
و أون من چم رزيه

(أزورك كل مسيه)


يمن قتلوك مسموم
وسف للحين مظلوم
مزارك شفته مهدوم
وعد أبنيه بيديه

(أزورك كل مسيه)


أشب عالقبرك اشموع
ولكن من الادموع
يحق لي أبچي مفجوع
ظُــلامــاتـك جـلـيـه

(أزورك كل مسيه)


يجدي مــا نسيتك
مثل كل ليله جيتك
إلي حاجه و نخيتك
تـعـجــلــهـا إلـيـه

(أزورك كل مسيه)

.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
🎤 مقطع من اللحن 👇🏻👇🏻؛
.
https://youtu.be/LeK9W33hcwk
.
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️

•● *(تدري يبني)* ●•

نواعي جديدة

▼△▼△▼△▼△▼△▼△▼
.

لسان حال الإمام الباقر عليه السلام في إحتضاره

الطور ؛ (يمه انا زينب) و غيره


ودعوني ودعوني ، يحبابي ودعوني


أذن أذان الموت ، ما راح أظل عدكم
يإلمني الإفراق ، مو بيدي أودعكم
شمعي انطفى الليله ، و الباري كافلكم
اقروا لي القران ، و انسدت اعيوني


ودعوني ودعوني ، يحبابي ودعوني


نزلت منيتي اليوم ، رايح بعد ما عود
موتي اقترب مني ، لن الچبد ممرود
ودعوني بالونات ، حفروا إلي اللحود
غسلوني بالمدمع ، و القبري شيعوني


ودعوني ودعوني ، يحبابي ودعوني

◆◇◆◈◆◇◆

كأني بالإمام الباقر عليه السلام ، يخاطب إبنه الإمام المهدي عجل الله فرجه...

الطور ؛ (سامحيني-للحجيرات) او (المؤيد4) وغيره


يا بوصالح * يا بوصالح
جدك الباقر أنه و دلالي ذايب
يا بوصالح * يا بوصالح
قبري ظل مهدوم و إنت لسه غايب
يا بوصالح * يا بوصالح
زورني و انظر مزاري چالخرايب
يا بوصالح * يا بوصالح
لا شمع لا قبه ، بس تلگى ترايب


تدري يبني * تدري يبني
من تجي اتزورني أشتم عطورك
تدري يبني * تدري يبني
و الله ارتاح ابترابي عد حضورك
تدري يبني * تدري يبني
بالقبر و أدعي يشع عالدنيا نورك
تدري يبني * تدري يبني
أحسب اللحظات و اترقب ظهورك

.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
#انشروا_وشاركونا_في_الثواب
.

🔷🔶🔹🔸♦️ ﷽♦️🔸🔹🔶🔷
.
🌸 *(قصيدة: معاريس)* 🌸
من الأرشيف ولكنها تنشر لأول مره ، نرجوا المعذرة لبساطتها
.
🔷🔶🔹🔸🔴🔸🔹🔶🔷


*(معاريس ، معاريس ، هنوا علي اويه فاطمه)*


اجينه نِبارك ، للزهره و الحامي الحمه
*(معاريس ، معاريس ، هنوا علي اويه فاطمه)*

على الراس على العين ، فرحتهم احنه انعظمه
*(معاريس ، معاريس ، هنوا علي اويه فاطمه)*

هلاهل للأطهار ، و الروح الهم هائمه
*(معاريس ، معاريس ، هنوا علي اويه فاطمه)*

عرسهم بالإجنان ، حضرتها سكان السمه
*(معاريس ، معاريس ، هنوا علي اويه فاطمه)*

و الأملاك اتهني ، تطلب من الله المكرمه
*(معاريس ، معاريس ، هنوا علي اويه فاطمه)*

جميله العروسه ، خجلانه و الحب تكتمه
*(معاريس ، معاريس ، هنوا علي اويه فاطمه)*

يصد إلها حيدر ، و اتصد إله متبسمه
*(معاريس ، معاريس ، هنوا علي اويه فاطمه)*

يمحله عشقهم ، أرواحهم متفاهمه
*(معاريس ، معاريس ، هنوا علي اويه فاطمه)*

لحن نبض الإقلوب ، الحانها متناغمه
*(معاريس ، معاريس ، هنوا علي اويه فاطمه)*

موالين و ننخي ، هالليله نحظى ابمرحمه
*(معاريس ، معاريس ، هنوا علي اويه فاطمه)*

نريد العيادي ، و انحصل اعله المكرمه
*(معاريس ، معاريس ، هنوا علي اويه فاطمه)*
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
https://telegram.me/MINBARIYOON
.
#انشروا_وشاركونا_في_الثواب
.

🔷🔶🔹🔸♦️ ﷽♦️🔸🔹🔶🔷
.
🌸 *(قصيدة: الله زوج فاطمة)* 🌸
من الأرشيف ولكنها تنشر لأول مره ، نرجوا المعذرة لبساطتها
.
🔷🔶🔹🔸🔴🔸🔹🔶🔷

الله زوج فاطمه * من علي حامي الحمه
هلا هلا ، هلا هلا ، ابهل معاريس

✨🌸🎊🌸✨

نورت دنيانه * و العرش و أركانه
الرسل فرحانه * و الوحي ألحانه

نور شعشع للسمه * من علي حامي الحمه
هلا هلا ، هلا هلا ، ابهل معاريس

✨🌸🎊🌸✨

تلتقي هالبحرين * تقترن هالنورين
و النبي ايقر العين * ابزواج الطهرين

فاح عطر المرحمه * من علي حامي الحمه
هلا هلا ، هلا هلا ، ابهل معاريس

✨🌸🎊🌸✨

العرس بالجنه * حيدره معرسنه
و العروسه أمنه * فاطمه سيدتنه

تستحي و متبسِمه * من علي حامي الحمه
هلا هلا ، هلا هلا ، ابهل معاريس

✨🌸🎊🌸✨

طشوا ورد و مشموم * و الإملبس هاليوم
غصباً اعله الإيلوم * و ادعوا للفرحه اتدوم

سال بحر المكرمه * من علي حامي الحمه
هلا هلا ، هلا هلا ، ابهل معاريس

✨🌸🎊🌸✨

هذا أمر الباري * حكمه عالكل ساري
زوَج الأطهاري * محله هالأقداري

زوجوها العالمه * من علي حامي الحمه
هلا هلا ، هلا هلا ، ابهل معاريس
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
https://telegram.me/MINBARIYOON
.
#انشروا_وشاركونا_في_الثواب
.

🔷🔶🔹🔸♦️ ﷽♦️🔸🔹🔶🔷
.
🌸 *(قصيدة: باركوا له)* 🌸
.
🔷🔶🔹🔸🔴🔸🔹🔶🔷


باركوا له ، باركوا له ، للوصي بهذا الزواج
باركوا له ، باركوا له ، للوصي بهذا الزواج

✨🌸🎊🌸✨

اقتــران النــور و الدين
و التقوا هالليله بحرين
محله فرحة هالعروسين
حيدره وي أم الإحسين

إظهروها ، إظهروها ، للحفل هالإبتهاج
باركوا له ، باركوا له ، للوصي بهذا الزواج

✨🌸🎊🌸✨

حـلت أيـام السعاده
والمُحب أظهر وداده
صاح كل رادود وناده
باركوا السيد الساده

انثروا له ، انثروا له ، امبلس و لبسوا له تاج
باركوا له ، باركوا له ، للوصي بهذا الزواج

✨🌸🎊🌸✨

رفعوا هالليله الهلاهل
و إقهروا كل العواذل
تنحل اقيود المشاكل
ترتِـون امـن المناهل

هالهِلوله ، هالهِلوله ، و اشعروا بالإنفراج
باركوا له ، باركوا له ، للوصي بهذا الزواج

✨🌸🎊🌸✨

الله زوجـها الزچـيه
بالعرش فـوگ الثريا
للوصي انطاها هديه
زيَّـن اجـنانه العـليه

زينوا له ، زينوا له ، العرش وي كل فجاج
باركوا له ، باركوا له ، للوصي بهذا الزواج

✨🌸🎊🌸✨

نـثـرت الـجنـه دررها
والشجر أعطت ثمرها
و الملك كحلت بصرها
قـرت الشيـعه نظرها

صفگوا له ، صفگوا له ، و اشعلوا نور السراج
باركوا له ، باركوا له ، للوصي بهذا الزواج
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
https://telegram.me/MINBARIYOON
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️

•● *(قصيدة: يمسلم گوم)* ●•

الطور ؛ *(يزينب وين سويتي عزه حسين)* و يقرأ بألحان مختلفة.
▼△▼△▼△▼△▼△▼△▼.

*(يمسلم گوم وحده ظل الحسين)*


عقب غدر الكـفر مــا عنده امعين

عــلي الأكــبر تطــبر راســـه نصين

تخضب جاسـم ابدم جرح الأوتين

و أبــوفـــاضل وگـــع ابـلايه چفين

قضوا اصحابه و عالغبره مطاعين

و لا ظل واحد ينصره امن السبعين

قـــعد عــدهم ، يــودعهم بالأونــين

بچى عالصبحته الضحوا لهل الدين

يشـــمتون العــده عالدمـــعة العين

تـــعال الكربــله و أفــني المـلاعين

بأرض غربه و نجيب المرتضى امنين

يحـــوطونه الزلم و احنه نفر وين

تـــراهم عالـــذبح احسيـــن ناوين

و أنه بـس أنظر و أصفج بالايدين

مـــنو يحــمي الأرامـل و النساوين


.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️

تلبية لطلب خدام المنبر

•● *(قصيدة: تودعني)* ●•

▼△▼△▼△▼△▼△▼△▼

يا جواد
يبني تِودعنـي و تِفت دليلي
يا جواد
ابقبري أبچي و ارفعت عويلي
يا جواد
خوفي تروح و ما بعد تجيلي
يا جواد * يا جواد

◆◇◆◈◆◇◆

يبني جيت اعله القبر تشكي المصاب
اتـودع أمــك بـالــدمـع و الانــتـحاب
لـو رحـت بـغـداد اتلاگــي العـذاب
خـوفي ايـقــتلوك ابعـمــر الشــباب

آ عليك
خوفي تموت وتجرح الخواطر
آ عليك
اسم الله عالطولك مِن المقابر
آ عليك
تصفعني الدنيا و تهد لي حيلي
يا جواد * يا جواد

◆◇◆◈◆◇◆

اسمعك تبچي اعلـه قبري بالأنين
أدري مـجبـور ابسفــرتك يالـحنين
و الــفراق ايــأذي قـلب العـاشقين
و ابــوداعــك ذكـرتــني بـالحـسـين

الوداع
يا وسفه رايح مـا ترد إليه
الوداع
حسره تظل ما أحضنك بيديه
الوداع
و اترابي يمنعني اتبعك خليلي
يا جواد * يا جواد

◆◇◆◈◆◇◆

يـبـنـي لـو بـيــدي أضـمك بالـقبر
و أحمي ظلك ما يصيبه أي غـدر
مـا أخـلي أي عـدو ابقـربك يـمر
بـس وســف لازم تـسـافر للـقـدر

لا تروح
و ابقى ابجواري و نوّر المدينه
لا تروح
روحي ابرواحك والهه و حزينه
لا تروح
ما ألقى شي يشفي جرح غليلي
يا جواد * يا جواد

◆◇◆◈◆◇◆

تدري من اسمعـتك اتنوح و تون
اشتعل قلبي ابجـمر نـار الحزن
صـوت ونك يبقى ابإذني يـرن
ابچي و اعيوني من البچيه عمن

بالدموع
أكتب عـلى خدي اقتلوا عيالي
بالدموع
أظهر إلى الباري الجره اعله حالي
بالدموع
ابقبري أقضي وي نياحي ليلي
يا جواد * يا جواد

◆◇◆◈◆◇◆

سافَرِت و أدري متـرجع لي بعد
ضلعي عـورني ابفـراقـك يالولد
سالت اجروحي و تخضب هاللحد
بعدك اشلون الگى لجروحي ضمد

هالجروح
تنزف إلى حين الحشر يشيعه
هالجروح
لــو تنــظروها تدركوا الفجيعه
هالجروح
و الإبتــلى بيــها صـرخ يويلي
يا جواد * يا جواد




===========
📝 #الشاعرة_الملاية_زينب_المؤيد
📚 #ديوان_خزائن_الرثاء
((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
https://telegram.me/MINBARIYOON

#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
.
•● *(قصيدة ؛ أودعچ يالحنينه)* ●•
.
☜الطور ; حزين بلحن ؛ *((رقيه تصيح بابا - للملا محمد الحجيرات - أو الشيخ المعاتيق - أو الشيخ الحسناوي))* و ممكن أن يقرأ كلطمية بألحان مختلفة.
.
▼△▼△▼△▼△▼△▼△▼
.
مصيبة خروج الإمام الجواد عليه السلام من المدينة ، كأني به على قبر أمه الزهراء عليها السلام...



يريــحانـة نبيـنه
أودعچ يالحنينه



ظلام الليل إجيتچ
وسط قبرچ لقيتچ
ييمه و ودعيتچ
طلعت امن المدينه

(أودعچ يالحنينه)


غصب أترك دياري
و أنه ابقلبي ناري
خليــه تبقى داري
و لا چـاره بيدينه

(أودعچ يالحنينه)


أروح و شايل أحزان
فراقچ يمه مـا هان
يـخـلف بـيه نـيران
تظل روحي حزينه

(أودعچ يالحنينه)


يـمن نمـتي بـلإلحود
أروح و مرجع إردود
و أموت ابعمر الإورود
تســمـمني الـلـعـيـنه

(أودعچ يالحنينه)


مثل ما جيت كل يوم
على قبرچ بالإهموم
إحضري و آنه مسموم
و شوفي اش لگينه

(أودعچ يالحنينه)
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
🎤 مقطع من اللحن 👇🏻👇🏻؛
.
https://youtu.be/LeK9W33hcwk
.
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️

•● *(قصيدة: )* ●•

الطور ؛ (تعال - لملا باسم الكربلائي) و يقرأ بألحان أخرى.
.
▼△▼△▼△▼△▼△▼△▼

بچيت * بچيت * ريت الأبو يدري عن أحوالي
بچيت * بچيت * وسفه البچي ميرجع الغالي

◆◇◆◈◆◇◆

آ يخويه الهادي وحشه دار أبونه
ظلمه صارت دنيتي من سد جفونه
و الله مشتــاقه أصد لمعة عيونه
و أرد أقبل راسه و ايدينه الحنونه

دمـوع * دموع * تحفر خدودي و تچوي دلالي
بچيت * بچيت * وسفه البچي ميرجع الغالي

◆◇◆◈◆◇◆

مـن لگيـته عالسطـح اشلـون شفته
بالله گلي هم صدگ متيبسه شفته
و انـتَ ابهـذا العـمــر وحـدك رفعته
لـو ملائكة العــرش شالوا له جثته

عـذاب * عذاب * من أنظر البيت الأبو خالي
بچيت * بچيت * وسفه البچي ميرجع الغالي

◆◇◆◈◆◇◆

خويه من غسلت أبونه ابماي الاعيون
آنه چنْت أبچي و أون اويه اليونون
وأمشي برجول القلب خلف اليشيعون
ما أصدگ بويه مات و قلبي محزون

حنـين * حنـين * ياخذني عنده و أشعره إگبالي
بچيت * بچيت * وسفه البچي ميرجع الغالي

◆◇◆◈◆◇◆

گــلي اشـلون اقـدرت تدفن جماله
ما گلت مـا نـلقى ابفضله و كـماله
وين مثله بالخـلق وي كل خصاله
و اليمــوت الفــقده ، و اللهِ حــلاله

يمـوت * يموت * قلبي و يـروح التُربة الوالي
بچيت * بچيت * وسفه البچي ميرجع الغالي

◆◇◆◈◆◇◆

أبچي و ايحق لي البچي صرنه يتامه
افـجـعـونـه بـالأبـو الـغـالـي مـقـامه
مـا بـعـد ليـل الـيـمر نـقــدر نـنـامه
تحضن أثيابه و أنـه أشـتم العمامه

نــيـاح * نــيـاح * نرفعها و أصوات النعي عالي
بچيت * بچيت * وسفه البچي ميرجع الغالي


===========
📝 #الشاعرة_الملاية_زينب_المؤيد
#ديوان_خزائن_الرثاء
و شرعاً لا أجيز حذف الإسم.
.
تمت بحمد الله تعالى وبفضل الإمام المنتظر عجل الله فرجه ،
ونسألكم الدعاء لتعجيل الظهور
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
.
مقطع من اللحن ؛
.
.
https://youtu.be/d4WNfnd4VGI
.
.

⬛️◾️▪️⚫️﷽⚫️▪️◾️⬛️

•● *(قصيدة: يبو الهادي)* ●•

الطور ؛ سريعة *(يبوفاضل يبوفاضل)* (و الشطر الأول يتكرر بعد كل مقطع) .
▼△▼△▼△▼△▼△▼△▼
.

لسان حال السيدة حكيمة عليها السلام ، ابنة الإمام الجواد عليه السلام...



*(يبو الهادي * يبو الهادي2)*


يبويه إفتح العين
أنه بنتك يالإحنين


دخيلك گول كلمه
قبل معيوني تعمه


كسر قلبي مصابك
متت ابعز شبابك


شنو ذنبك يسموك
كأنهم ما يعرفوك


سمعت الزهره اتنوح
قلبها اعليك مجروح


يبويه ودمعتي اتسيل
مصابك يهدم الحيل


رحـت و آنه عفتني
يـتــيمـه اتـركــتــني


يغسلونك يغالي
و أنه مشدوه بالي


يشيعونك على الراس
و لا خلوك تنداس


صحت يا أغلى الأحباب
وسف طولك بالإتراب


ردت قبري اعله قبرك
و أشم كل لحظه عطرك


شسوي بالعمامه
شجاوب هاليتامه

رحت وسفه امن ايديني
شنو ايسكن حنيني


يبويه محمل إفراق
و أظل كل ساعه أشتاق

.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️

•● *(قصيدة: يتموا الهادي)* ●•

الطور : فزاعية أو غيره

▼△▼△▼△▼△▼△▼△▼

صوت العـرش اينادي
يتمــوا الإمــام الهادي

◆◇◆◈◆◇◆
قتلوا الجواد ابچم سم
و الهادي يبچي من دم
ابــزغـره ويـلي اتيتم
و ايصيح حرقوا أفادي

◆◇◆◈◆◇◆
ابن الرضا و اشذنبه
ليش الأعادي اتعـذبه
مـا رحــمته بالــغـربه
ظهرت إلـه الأحقادي

◆◇◆◈◆◇◆

عيــن الوديعه متنام
و اتشوف ابنها ينضام
فوگ السطح ظل أيام
و اتصيح ، آ يــولادي

◆◇◆◈◆◇◆

يـا ويـلي عل اشـبابه
تبچي الملك لمـصابه
و نصبــت عزه أحـبابه
لطمت عليه الإعبادي

◆◇◆◈◆◇◆

مگلوبه لجـله بغـداد
فرحانه كل الأوغـاد
والشيعه علنت لحداد
و الضجه من بغدادي



===========
📝 #الشاعرة_الملاية_زينب_المؤيد
📚 #ديوان_خزائن_الرثاء
((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
https://telegram.me/MINBARIYOON

#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️

•● *(قصيدة: عظم الله)* ●•

☜ الطور ؛ *(يا شريفة توسلت يم بابج)* ، و يقرأ بألحان مختلفة.
▼△▼△▼△▼△▼△▼△▼.


يا حكيمه * ويلي قتلوا ذخرچ
يا حكيمه * عظــم الله أجـرچ

◆◇◆◈◆◇◆

گومي يا بنت الجواد ، و انصبي الماتم سريع
عودچ الليـله قضى ، و الچـبد بالـسم نقيع
جاي حيـدر و النبي ، و الأئـمه امـن البقيع
و البتـوله و الحسين ، و الرضا حضروا جميع

يا حكيمه * و الــمـلائك كتـرچ
يا حكيمه * عظــم الله أجـرچ

◆◇◆◈◆◇◆

نوحي و انعي ابكل ألم ، إختفى بـدر السعـد
الأبـو الـلـيـله رحـل ، مـا يــرد بـيـتـه أبـد
چالحمامه امن القفص ، طار و للباري صعد
و انتِ جنحچ منكسر ، خيـتـمچ ابـلا عـمد

يا حكيمه * و اشيداوي كسرچ
يا حكيمه * عظــم الله أجـرچ

◆◇◆◈◆◇◆

چـنـهـا عـاده جـاريـه ، بين أهل بيت الرسول
اليـتــم مـن الـزغـر ، و الدمع يصبح همول
ابتـدى بالمصـطـفى ، و استمر حتى البتول
چالإرث چنه و نزل ، صابچ و صرتي ابذهول

يا حكيمه * ندعي الله ايصبرچ
يا حكيمه * عظــم الله أجـرچ

◆◇◆◈◆◇◆

اليتم كلش صعب ، يـطـحن أفــاد اليـتـيم
و انت قلبچ انطحن ، و اليـتـم كان الـسهيم
كـالـرقـيـه ابهل عمر ، عشتي هالحزن العظيم
و الزمن طبعه الغدر ، يحرمچ عطف الرحيم

يا حكيمه * و اشيـطلبچ دهرچ
يا حكيمه * عظــم الله أجـرچ

◆◇◆◈◆◇◆

نحمد الله راس أبوچ ، عـالرمح مـا ارتفـع
لا نـظـرتـي الإصبـعـه ، بـيـد خصمه انقطع
و الـعدو مـن كل كتر ، للـسلـب مـا اجتمع
و الشمر ما طقچ و ، قـيد بـيدچ مـا وضع

يا حكيمه * و الزجـر مـا جرچ
يا حكيمه * عظــم الله أجـرچ

.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
🎤اللحن 👇🏻؛
.
https://youtu.be/TgkbQLaLtvo
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️

•● *(أغثني)* ●•

▼△▼△▼△▼△▼△▼△▼

أبيات للتوسل بالإمام الجواد عليه السلام

الطور ؛ (المؤید 5) وغيره


يبن الرضا أغثني * يبن الرضا أغثني


يـا تـاســـع الأئــمـه * أنخاك و دمعي يهمه
اسنين اخفي همي * شحــچي إذا تعلمه

مكسور خاطري اسنين * و اجبر دليلي الحين
و ارفع هموم قلبي * ابحق رضيع الاحسين


يبن الرضا أغثني * يبن الرضا أغثني


قالوا أقصدك اليوم * لن ما تردني مغموم
يكــفي إذا أحلــفك * بالمات وحده مسموم

و ابجاه أبوك مولاي * شافيني و إنت إدواي
لـو رجعتني خائب * تفرح و تشمت إعداي


يبن الرضا أغثني * يبن الرضا أغثني

◆◇◆◈◆◇◆

بعض الأبيات للتوسل بالإمام الجواد عليه السلام

الطور ؛ (المؤيد 12) و غيره



*(جواد العتره أدركني 2)*

من الهم منكسر ظهري
نخيت ابدمعتي التجري
ردت تمسح على صدري
وســط همـي لتتركني

*(جواد العتره أدركني 2)*

إخـذ بيــديني هالليله
و حق الزهره الاجليله
كسيرة ضلع و انحيله
من أفضالك لتحرمني

*(جواد العتره أدركني 2)*

مراضه عندي و اتمنى
تـِـداويــهم يـسيدنــه
تزيل العله و المحنه
تشافـيهم او تـشفيني

*(جواد العتره أدركني 2)*

حوايج كثره أطلبها
بِمنزلة الرضا اتحلها
و أبد و الله متهملها
في شداتي تنجيني

*(جواد العتره أدركني 2)*

.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
https://telegram.me/MINBARIYOON

#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️

•● *(وحشه دارك)* ●•

▼△▼△▼△▼△▼△▼△▼
.
بعد دفن الإمام الجواد عليه السلام ، و ليلة الوحشه ...

الطور ؛ كل ما يناسب وزن الفائزي ، كطور القطيفي و التخميس و... .


يا وسفه طفوا بالغدر شمس المضيه
وحشه صفت دارك يبو الهادي المسيه
ابعــز شبــابك منــدفن بـــين الوطيه
و الناس ما عرفت مقامك يا إمامي


جينه على قبرك نشب اشموع و انوح
واندگ صدرنه ونبچي والدلال مجروح
نشـكر إلـه الكـون ما قتـلوك مذبوح
لا رضرِضــوك و اتـركوك اتلوج دامي

◆◇◆◈◆◇◆

لسان حال الإمام الحجة عجل الله فرجه على قبر الإمام الجواد عليه السلام


الطور ؛ كل ما يناسب وزن النصاري يقرأ كالعكراوي
و(يضي عيني أنه عدكم أمانه -للشيخ الحسناوي)
و(يگلها سولفيلي-للشيخ الحسناوي)
و (اجيتك يا بعد روحي وحياتي-للشيخ الحسناوي) او (اللحن الفارسي؛همه بار سفر بستند و رفتند) وغيره الكثير
.

يجدي يالجواد الليله جيتك
أزورن مرقدك ، و ابدم بچيتك
رجيتك للفرج تدعي و نخيتك
و أريد أظهر لجل ثار الزچيه


چنت يامه تون اعله البتوله
على كسر الضلع عينك هموله
ذكرت المحسن و تنعي أفوله
أوعــدك أنتــقم إلهـم سويه

.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
https://telegram.me/MINBARIYOON

#انشروا_وشاركونا_في_الثواب
.