☀ منبريّون حسينيّون ☀

🏴 حديث #السيدة_زينب_ع مع هلال المحرم
🏴 #طور_الجفيري
🏴 #محرم_1445_هـ

يهــــلال المحــرم كفـــى
كـل  نـور الببيتي انطفى
ابشهرك حفيد المصطفى
راسه  غِده  فوك  الرمـح

ـــــــــــ ❈ ❈ ❈ ـــــــــــ

ابياعين  وتهل  بالسمــه!
مايطفى نــورك بالدمــه؟
اتخجلك مدامــع فاطمـة
يم النحـر مــن تنسفــح؟

ـــــــــــ ❈ ❈ ❈ ـــــــــــ

كل عــام واتهـل هالوكت
ماتحترم دمعـي ال يِكِتّ
فــي ظلّك آنــي اتعـذّبت
أجرع جرح فــوك الجرح

ـــــــــــ ❈ ❈ ❈ ـــــــــــ

اجروح اخوتي العالثــرى
وجـــرح البنـات اميسّـرة
آنــــه الكــنت متــستّــرة
هسـه   كفيـلي   منذبــح

ـــــــــــ ❈ ❈ ❈ ـــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

😔 لسان حال #السيدة_زينب_ع بعد سؤال محمد ابن الحنفية عن حالها
😔 #لسان_حال!
🔰 #محرم_1445_هـ

عنــي  لاتســل  دمعــاتي  بالعيــن
روح  ابلا  جسد  بخلاف الحسين

مفجـوعــة ابفكــد  سيّــد  الجنــة
خلّيتـــه ابدمــــه المنحــر تحنّــــه

ـــــــــــــــــ ❖ ❖ ❖ ــــــــــــــــــ

لاتسـأل  عــن  اجـروح  اللي  بيـه
إســأل  عالجـــرى بالغــاضــريــــة

ابــن امــــي  على الغبــــرة رميــة
وبالشــام افكَــدت بنتــــه رقيــــة

لاتسألنـــي ليــش امشيّب الــراس
راح احسين  منــي وراح  عبــاس

كَلّــي اشحالهــــا التفكَــد محنّــــة
خلّيتـــه ابدمــــه المنحــر تحنّــــه

ـــــــــــــــــ ❖ ❖ ❖ ــــــــــــــــــ

يا خــــوي انت لا تســــأل عليّــــه
وليش  امحركَّات اجفوف  ايديــه

مـا تدري  بأبـو  فــاضــل  رميّــــة
اجفوفــه   امكطّعيهـن  آل اميـــة

والخيمـة  احركوهـا فوك  العيــال
بيـدي اطْفي لهيب اثياب الاطفال

سكنــــه رادت الجثْتــــه اتّعــنــــه
خلّيتـــه ابدمــــه المنحــر تحنّــــه

ـــــــــــــــــ ❖ ❖ ❖ ــــــــــــــــــ

يالتسألني  ظهرج  ليش   موجوع
عفت احسين فوك الغبرة مصروع

راسه عالرمــح انظــــرله مرفـــوع
حتى خنصــره  بالسيف  مكطـوع

من خوفــي نشف ياخويــه دمــي
ماظل عندي غير انِّي انـدب امــي

ظليت  انتحب واصـرخ يا أُمنــــه
خلّيتـــه ابدمــــه المنحــر تحنّــــه

ـــــــــــــــــ ❖ ❖ ❖ ــــــــــــــــــ

بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

💠 #محرم_1445_هـ
💠 أبيات بلسان حال #السيدة _زينب_ع عند جسد اخيها الحسين روحي فداه💔💔

شلون ازيد اعليك جرحك واشتكيلك
يبــن  فاطـــم يـامــن تكطّـــع دليـلك

جــرأة ماعنــدي وأراويــك الجـــروح
وانت  عالغبـرة ذبيـح  ابــلايـــه روح

مكدر احجي لك يخويه اعلى الخيام
وجسمك  امطبّـر  و تارستـه  السهـام

شلون  اشكي لك  واكلك خـدري راح
والعزيز  اللي كفــل  عالشاطي  طـاح

قلبك  اشيحمل  واحاجيـه عالسيـاط
واهوَ  بسيوف  العده  مفـري النيــاط

اشيحمل  اصوات  اليتـامى والبنــات
وكلهـا  تصــرخ كــوم ياعيــن الحيـاة

أدري لازم  أنهــض  أرجــــع  للخيــام
لكَ منـــي  يــــاحبيب الله  الســــلام

لازم  اتحـمّـــــل واروحـــــن للسبـــي
لمجلس الطاغـي عــدو جدنــا النبــي

امقدّر ومكتــوب هــذا اعلى الجبيــن
أنظـــر الجسمــك على الرمله طعيــن

أدعــي مــن ربــي يقــوّينــي ويعيــن
و ادفـن  اجروحـك  بِقلبـي  ياحسين

ــــــــــــــــــــ ❖ ❖ ❖ ـــــــــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#السيدة_زينب_ع
لا تجيني بلا جفوف   راح اجيك بلا متون
بجيِّتي الليله اختلاف  مو مثل كل اليجون


ما يسد افراگ الاخوه بالملاگه الا الحضن
شلون وانت بلا جفوفك وانه خويا بلا متن
خويا من عاشور لسه واحد لواحد يحن
اني وحدي راح احضنك ولا تطيح انت امن ون

وراح اباوع ليك بيك البچي ما خله عِيون
بجيِّتي الليله اختلاف مو مثل كل اليجون
.
.
.
.
يا سهم فرگاك خويا يشبه لذاك السهم
الطَفَه عينك يا ابو فاضل وعلى الحيتك بَدَه دم
راح اجيك بعين حمره تشبه لجمر الخيم
ضعنك الراح اويغربه منه ما واحد سلم

ركض، نار، اصياح، موت والحرم مابيها لون
بجيِّتي الليله اختلاف مو مثل كل اليجون
.
.
.
.
راح اجيك ايدي عله ضهري وراكعه طول السفر
جيِّت الردالي منك منحني وشابع قهر
انه هم مثله بدونك والله مكسورت ضهر
وبالمخيم ملتقانه ما احب طاري النهر

الينعز عله حسين اخوي ما احبه شما يكون
بجيِّتي الليله اختلاف مو مثل كل اليجون
.
.
.
.
ما اجيلك بالعبايه البيها ريحه من السبي
بالعبايه مالت امي راح اجي بهيئة نبي
الحلوه بالجيه اعله رأيي ما يرافگني اجنبي
لَچَن لوني يبقى نفسه لونه من لون العبي

وبزنود بلا زنود انت حماي الضعون
بجيِّتي الليله اختلاف مو مثل كل اليجون
.
.
.
.
مقتل حسين ورضيعه الليله اقره بكربله
ابدي بي منِ المثلث لحد نبلت حرمله
التكتل الزلمه غربته ومن يضل محد اله
وجسمه بالمعركه يقاتل وروحه يم العايله

الحافر الماعنده راي بجسمه يتفنن فنون
بجيِّتي الليله اختلاف مو مثل كل اليجون


عبدالله الشويلي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

📝 لسان حال #السيدة_زينب_ع لوداع قبر الزهراء عليها السلام
📝 #محرم_1444_هـ

يمـــه اجيتـج للكبـر
حسرتي بوسط الصدر

رايـــح ابنـج للنحُـــر
ويبقى بالصحرا وحيد

آه يــــــــــــــــــا ام الشهيـــــــــد

ـــــــــــــــ᪣᪣᪥᪣᪣ــــــــــــــــ

قومي ودعــي عيلتـه
و شوفي يمـــه شيبته

قومـــي شمــي رقبتـه
قبل ليكصها الحديـد

آه يــــــــــــــــــا ام الشهيـــــــــد

ـــــــــــــــ᪣᪣᪥᪣᪣ــــــــــــــــ

شوفي دمعاتـــه التهل
ينظـــر لإبنـــه الشبــل

اشكثر قلبه يحتمل
من يراه دامـي الوريـد

آه يــــــــــــــــــا ام الشهيـــــــــد

ـــــــــــــــ᪣᪣᪥᪣᪣ــــــــــــــــ

ساعــة ينظـــر للطفـل
اشما يشوفه ما يمـل

يكـــله باجــــر تنقتـل
منك اعــداي اشتريـد

آه يــــــــــــــــــا ام الشهيـــــــــد

ـــــــــــــــ᪣᪣᪥᪣᪣ــــــــــــــــ

مـا يصـد عينـه الـي
يوجعـه قلبــه الولـي

بس يكلـــي اتحملــي
دمـــع عينــه مايهيـــد

آه يــــــــــــــــــا ام الشهيـــــــــد

ـــــــــــــــ᪣᪣᪥᪣᪣ــــــــــــــــ

اسمع الحسـرة وانوح
وانظر الدمـع السفوح

ارجع آنه ابلايـــه روح
من يذبحون العضيد

آه يــــــــــــــــــا ام الشهيـــــــــد

ـــــــــــــــ᪣᪣᪥᪣᪣ــــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#قصائد_وأشعار
#السيدة_زينب_ع

لولا زينب لم تكن كربلاء.
الإمام الخامنائي دام ظله

قامت تعاتبني فقلت تمهلي
إذ في القضيةِ قبل ذاك تأملي

ما كنت مأسوراً لعينيِّ جُؤذرٍ
كلا ولا عند الغوانيَ مأملي

أو حلّ حبُّ العامريةِ في الحشا
كلا ولا في دارِ عزةَ منهلي

أو دار عبلة هز وجدي أو حدا
في ثمهدٍ لطلول خولة محملي

فلم الذبول ذبول جسمك..أردفت
وسني عمرك يافتى لم تذبلِ

قلت ارفقي بمتيمٍ لم يروهِ
عذب ولا مزن السماء المنزلِ

أحشاؤه احترقت بنيران النوى
وأضره بعد الحبيب الأجمل

الزاء زهراءُ البتولُ وياؤها
يهدي إلى درب الرشاد الأمثل

والنونُ نور المصطفى والمرتضى
والباءُ باب الحق أوضح مدخلِ

والله لو جبل تحمل حملها
لانهد والحوراء لم تتزلزل

حتى الشداد السبع إن يعرض لها
ما قد دهى الحوراء لم تتحملِ

أبناؤها وبنو أبيها ذُبِّحوا
وأمام عينيها بدون تمهل

أنى لزينب صبرها وحسينها
يرنو إلى ثغر الرضيع الأنحلِ

ذبلت مراشفهُ وما من قطرةٍ
تطفي لهيبا للرضيع وللولي

ياليت شعري كيف يظمأ طفلهُ
والحوض كوثرهم زلال المنهلِ

فؤاد الراشدي
محرم 1442

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

🔳 لسان حال #السيدة_زينب_ع يوم العاشر
🔳 #محرم_1443_هـ
🔳 #أبوذية

ياگلب الحِمَـــل طعنـــات عَشرة
ومن يصبر مثل صبري و عُشره
گدّامي الگضيت اويــاه عِشرة
صريع و حاطتـه خيـل آل امية

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

📍 وداع #السيدة_زينب_ع للاجساد الطاهرة
📍 #طور_الخضيب
📍 #محرم_1443_هـ

ياخوتـــي عنكـــم ارتحل بالگوّه مشّـوني
بسوط الزجر ذوله الكُفُر عنكم يبعدونــي
ربطولي كفّيني ابحبـل وانوبـــه شتموني
لمن صحت ياكافلي سالت دمـه عيونـــي

ـ᯽⊱┈──╌❊╌──┈⊰᯽ـ

كلما انادي بو الفضل اسمع صفير اريـــاح
صوت الونين امن النحر حامـــل شجـــن وانياح
چنه يگلي امرافگـــچ راســـي عْلى روس ارماح
من يضربوكم بس تهل دمعة من اعيوني

ـ᯽⊱┈──╌❊╌──┈⊰᯽ـ

خلوا يتامى العايلة قرب الضحايا اتمـر
وخلوا سَكينة وفاطمة شافن دمه المنحر
كلمن يشاهـــد والده فوگ الثـرى امعفّـــر
عمية يريت وماشفت هالنيبة بعيونــي

ـ᯽⊱┈──╌❊╌──┈⊰᯽ـ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهمــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

💫 #السيدة_زينب_ع
💫 #طور_الفراق
💫 #رجب_1442هـ

ياخو زينب..جت اخيتك هالمسية
ياخو زينب..ضاگت الليلة المنيـة
ياخو زينب..هسه تنجمعـو سويــه

ـــــــــــــ ◕~◕~◕~◕~◕ ـــــــــــــ

ياخو زينب..الحرة شافت چم اذية
ياخو زينب..بعد نومـك عالوطيـة
ياخو زينب..من مشت وي آل امية

ـــــــــــــ ◕~◕~◕~◕~◕ ـــــــــــــ

ياخو زينب..خــل تسولفــلك اذيــة
ياخو زينب..دخلت لقصــر الدعيــة
ياخو زينب..رادوا اتــذل الأبيـــة

ـــــــــــــ ◕~◕~◕~◕~◕ ـــــــــــــ

ياخو زينب..رادوا ايــذلوا الكبيــرة
ياخو زينب..حتى سموها الأسيــرة
ياخو زينب..ابشامهم صارت اميرة

ـــــــــــــ ◕~◕~◕~◕~◕ ـــــــــــــ

✍بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم
ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

💫 لسان حال #السيدة_زينب_ع
💫 #طور_أمانة_هالوصية
💫 #جمادى_الأولى_1442_هــ

بقينــا ابـلايــه امنــا
نگــابــل بس المــنـــا
ننــوح ابداخــل الــدار
و لا واحــــد سمعــنـــا

اه يــمــه يــمــه يــمــه
بيـت ظلمه ظلمه ظلمه

ــــــــــ ◕~◕~◕ ــــــــــ

اســاهــــر هالليــالـــــي
ونينــي بس حـلالــــي
مــن افگدتــچ يَيمــة
افگـدت والله دلالـــي

العين تعمه تعمه تعمه
اه يــمــه يــمــه يــمــه

ــــــــــ ◕~◕~◕ ــــــــــ

دليلي امـورّم اهمـوم
تعــوره حتى الهــدوم
النبــض گلبــي يأذّيــــه
افــارگ امــــي للــدوم

اه يــمــه يــمــه يــمــه
اه يــمــه يــمــه يــمــه

ــــــــــ ◕~◕~◕ ــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

💫 #السيدة_فاطمة_الزهراء_ع
💫 لسان حال #السيدة_زينب_ع
💫 #نعي
💫 #طور_الحدي_الخليجي
💫 #ربيع_الآخر_1442هـ

زينب أنـــــه الاحـــزان
              صــارت الـــي عنـــوان

واشــمــا تمـــر أزمــــان
              ظــل إنعـى وابچيـلــي

ـــــــــــــ ◕~◕~◕~◕~◕ ـــــــــــــ

آنــه الشفت صفــعــة
              بْخَــد امـــي البضعــــة

و المحسـن و وضــعـــه
              حــاله هـــدم حيــلـي

ـــــــــــــ ◕~◕~◕~◕~◕ ـــــــــــــ

ونــار اللــي شعلــوهـــــا
              شــفت اللــي ضرمـوهــا

والــزهــرة عصــروهـــــا
              و شيــسكّــن اغليــلــــي

ـــــــــــــ ◕~◕~◕~◕~◕ ـــــــــــــ

لاذت وراء البــــــــــاب
              حرصـــاً علــى لحجــاب

لكــن صــدرهــا انعــاب
              عالــزهــرة يــا ويلـــــي

ـــــــــــــ ◕~◕~◕~◕~◕ ـــــــــــــ

شـفت الضلـع كسروه
              جــدي النبــي شِتــمـــوه

حيــدر علــي چتــفــــوه
              انهــاري انقــلب ليلـــي

ـــــــــــــ ◕~◕~◕~◕~◕ ـــــــــــــ

شفت الزچيــة ازحــوف
              راحــت ورا المچــتــوف

قـلب الحســن ملهــوف
              يبچــي وينــــادي لـــــي

ـــــــــــــ ◕~◕~◕~◕~◕ ـــــــــــــ

واحسيــــن راح ويـــــاه
              وينــحب علــى مبچـــاه

لجــل امــــي يصــرخ آه
              يـا دمــعــة دم سيـلــي

ـــــــــــــ ◕~◕~◕~◕~◕ ـــــــــــــ

يـــا دمــعــة المظلـــوم
              تـرست دليــلــي اهمــوم

بروحي الالم مــرسوم
              اســمـــــع مــــواويلــــي

ـــــــــــــ ◕~◕~◕~◕~◕ ـــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#السيدة_فاطمة_الزهراء_ع
#السيدة_زينب_ع

عمري خمس اسنين عمري
بطيحت امي نكسر ظهري
راحت امي راحت امي

ــــــــــــــ ❁ ❁ ❁ ـــــــــــــــ

امي شمعه ونطفت دنياي ضلمه
ليله مينامه ابد ليفارك امه
والله كل ساعه التمر يتمنى يمه
من يجي لغروب وحشه يزيد همه


صارت ايامي حزن
مكدر وكل ساعه اون

وزاد همي راحت امي

ــــــــــــــ ❁ ❁ ❁ ـــــــــــــــ

امي روحي وكل كياني امي اني
روحي راحت من اديه وهم لفاني
عمري بعده بأوله والضيم اجاني
انه من بعدج وحيده شكد اعاني

ودعت امي وصحت
اندفن يمهه ردت

كلبي مدمي راحت امي

ــــــــــــــ ❁ ❁ ❁ ـــــــــــــــ

الميته امه بهل عمر ضيع حياته
بطيحت امي يا علي فرحت شماته
بويه حتى البيت شو خربت حلاته
الودع امه يبقه مكسور المماته

اه يابيت الحزن
علمتني شلون اون

هموم ترمي راحت امي

ــــــــــــــ ❁ ❁ ❁ ـــــــــــــــ

امي وصتني بخوتي وعلمتني
انتي امهم ونتي اختهم فهمتني
وكالت دموعج يزينب المتني
وهيه ميته جن احسه كلمتني


بكربله تبقين وحدج
يا سبيه من يحظرج

بيه حلمي راحت امي

ــــــــــــــ ❁ ❁ ❁ ـــــــــــــــ

روحي ورده وذبلت بموت الحبايب
ابقى طول العمر مكسوره وعاتب
من وداع امي وقست بيه المصايب
مابقو عندي اهل وخوه وكرايب

روحي متروسه جروح
محتاره وين المن اروح

كون يمي راحت امي

ــــــــــــــ ❁ ❁ ❁ ـــــــــــــــ

اعتب على الموت اخذهه الما خذاني
عمه عيوني من اخذهه وتيهاني
كمت اصيحن انه زينب يا زماني
ليش دهري بطيحت امي حارباني

ليلي بحزان ودمع
رحتي مكسورت ظلع

وزاد همي راحت امي

ــــــــــــــ ❁ ❁ ❁ ـــــــــــــــ

✍كلمات خادم الحسين (ع) حيدر ناجي الدراجي
📝 1442 للهجرة

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

💫 لسان حال #السيدة_زينب_ع في إستشهاد #الإمام_الحسن_المجتبى_ع
💫 #طور_الجفيري
💫 #صفر_1442_هـ

كـم مــن عزيـز و غــالـي
كم والــي شفتــه گبـالــي
لأجـــله تغــيــــر حالـــــي
صارعنــي اعليــه الزمـــــن

ــــــــــــ ◕~◕~◕ ــــــــــــ

اغلى مــن اخوانــي ابــــد
مــن هالخلگ ماكـــو احـد
منــهــم ولا واحــــد بــعــد
دگ بابي و يزيح الحـزن

ــــــــــــ ◕~◕~◕ ــــــــــــ

مــن مــاتت امــي والولــي
چنت العزيـزة عد هلــي
اخوانـــي صاحــو تــدللــي
مسحو دمعتــي العالجفــن

ــــــــــــ ◕~◕~◕ ــــــــــــ

لكن اجــه يـــوم الأســى
مسرع على اصحاب الكسا
عميـــه تمـنيت وعســى
ميته قبـل يــوم الحســن

ــــــــــــ ◕~◕~◕ ــــــــــــ

شفــتــــه تقيـــأ كبدتـــــه
جعـدة اللعينـــة سمتــــه
رشگـوا نبــــال ابجثتــه
ابتابوتــه ويظـــل مرتهـــن

ــــــــــــ ◕~◕~◕ ــــــــــــ

ياوجــع ساكــــن روحــي
ايهيج عليه اجـروحــي
ويافجعــــة زادت نوحـي
و گلبي من الهـم انسحن

ــــــــــــ ◕~◕~◕ ــــــــــــ

فجعة ابـــو محمــد ألــم
لو قتــــل شيــال العلـــم
لو گلب الحسيـن ابسهـم
صار اسمي آنه ام الحـزن

ــــــــــــ ◕~◕~◕ ــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

💫 #الإمام_السجاد_ع حوار بينه وبين عمته العقيلة #السيدة_زينب_ع
💫 #طور_الخضيب
💫 #محرم_1442_هــ

💫 #كأني_بها_تگله

       اه يامظلوم اه يامظلوم
اه يامظلوم اه

هــاي السلاسل والحبل
               اذتنــــــــي يـا عـــمــــة

يبن العزيــز المنذبح
               يا رابـــــــع اليــــمــــه

لكن حبيبي لا تـــون
               صح عمّتـك حرمـــة

بس راح اخلي هالعدو
               الـــذل يضـوگه اليـــوم

       اه يامظلوم اه يامظلوم
اه يامظلوم اه

ـــــــــــــ ◕~◕~◕~◕~◕ ـــــــــــــ

صدگنـــي يبني ياعلي
               سوط المتــن يسهــــل

بس لا اشوفن من هلي
               لا واحــــد الينـــــــــذل

احنـه اهـــل بيت النبي
               حتــى الله مايقبــــل

فوگ الهزيـلة نرتحــل
               وتنظر علينـــه الگــــوم

       اه يامظلوم اه يامظلوم
اه يامظلوم اه

ـــــــــــــ ◕~◕~◕~◕~◕ ـــــــــــــ

💫 #يجاوبها_يگلها

ياعمــة ادري مانـــذل
               مــــن الله عـــزتـــنـــــه

وانتي يشمعة حيـــدرة
               اصبـــحتــي رايتنــــه

لكن يعــز عالمنچتـــف
               والســــلســــلة بمتنــــه

ينظر خواته تنضـرب
               من حاقد ومسمــوم

       اه يامظلوم اه يامظلوم
اه يامظلوم اه

ـــــــــــــ ◕~◕~◕~◕~◕ ـــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

💫 #السيدة_زينب_ع
💫 #طور_الفراق
💫 #محرم_1442_هـ

آ يزينب .. انتــي للخُــــدّر عبــايــة
آ يزينب .. انتــي للشجعــان رايـــة
آ يزينب .. عجبة اسمچ بالسبايه
               ـ ◕~◕~◕ ـ
آ يزينب .. انتي للتطهــيــــر آيــــة
آ يزينب .. انتي بت سيف الولاية
آ يزينب .. انتي بت راعي الوصاية
               ـ ◕~◕~◕ ـ
آ يزينب .. ما يلوگ اسمـچ سبية
آ يزينب .. تفوتـي ديـوان الدعيــة
آ يزينب .. وانتــي درة و هاشميـة
               ـ ◕~◕~◕ ـ
آ يزينب .. انتــي ذليتي آل اميــة
آ يزينب .. بت علي تبقــى أبيــــة
آ يزينب .. مني لــچ أعظــم تحيــة

ـــــــــــــ ◕~◕~◕~◕~◕ ـــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

💫 مناشدة #السيدة_زينب_ع لوالدها في كربلاء
💫 #طور_الفراق
💫 #محرم_1442_هــ

ها يبويه
إحضر ابهالشدة لينـه
ها يبويه
مــابقت خيمــة علينه
ها يبويه
و الستر بجفوف ادينه

ــــــــــ ◕~◕~◕ ــــــــــ

إحضر إحضر
امذبّحة طاحت زلمنه
إحضر إحضر
ما بقى والي ال يِلِمنه
إحضر إحضر
والعــدو يفـرحــه ألمنــه

ــــــــــ ◕~◕~◕ ــــــــــ

ماتجيني
سكّت آلامــي وحنيني
ماتجيني
بويـه ماتسمــع ونينـي
ماتجيني
وأنظر اللطمة عْله عيني

ــــــــــ ◕~◕~◕ ــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ لسان حال #السيدة_زينب_ع
▪️ #امير_المؤمنين_ع
▪️ #طور_الفائزي_المالكي

نوحي يروحي وانحبي صرتي غريبة
مطبور ابوج اليوم و اللحيــة خضيبة
والدم على وجـه الولي ماليــله شيبـه
من گبل هذا اليوم ما شفته بهالحـال

ـــــــــــــــ ◕~◕~◕~◕~◕ ـــــــــــــــ

مهدود حيله المرتضى ولونــه تغيّــر
مگدر انظــره بهالـوضـع گلبـي تفطّــر
نايم علــى افـراش المـرض الله اكبــر
هذا الذي يفك الشــدد لو كانت ثگال

ـــــــــــــــ ◕~◕~◕~◕~◕ ـــــــــــــــ

معتاده شوفة والدي ترفعلـي همــي
هوّه دوانه مـن بـعـد مــاغــابت امــي
والحين بفراش المرض حاله هضمني
شوفة ابويه بهالوضع اتهدّم اجْبــال

ـــــــــــــــ ◕~◕~◕~◕~◕ ـــــــــــــــ

ياطيبة ايــام العمــر يالراحـل ابعيــد
كيف احتمل وبيا صبر لمن يجي العيد
ماينفعك نـوم الگبـر بويــه يصنديــد
ورّملي گلبي هالقهـر والضيــم كتّــال

ـــــــــــــــ ◕~◕~◕~◕~◕ ـــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ #السيدة_زينب_ع
▪️ #لطمية
▪️ #طور_يمه_ليلة_وداع_وسفر

زينب ..... ينـعــتــونــي ام الحــــزن
زينب ..... وگلبـــي بالــهــم ممتحـن
زينب ..... كــم مصـــاب اعلــي أوِنّ

               زيــــــــنب

ـــــــــــــــ ◕~◕~◕~◕ ـــــــــــــــ

آنـه بنت المـرتضــى وبنت الزجــيــة
وآنــه أخت المنـذبــح بالغــاضــريــة
آنـه ال تحَــمّـل دليــلي اشكم رزيــة
من وقت مـا مــات نــور الله ونبيــه

شفته ..... بحجـر ابـويــه يحتضـر
شفته ..... جــدي و يــديــر النظــــر
شفته ..... ينــادي والـدتـي اتحضــر

               زيــــــــنب

ـــــــــــــــ ◕~◕~◕~◕ ـــــــــــــــ

من سمعت امي تون بفـراش ابوهــا
ابسرعة شفت الگوم ظلماً حاربوهــا
اتسارعت لحداث و انظر يضربوهـا
كبر حزن الگلب من امي اعصروها

تبجي ..... امن الظلم وامن الحزن
تبجي ..... و والـدي اعليـهــا يــــون
تبجي ..... ورّمــوا منــهــا الجــفـــن

               زيــــــــنب

ـــــــــــــــ ◕~◕~◕~◕ ـــــــــــــــ

شرد اعـدد مـن قهــر شفت ومصيبة
بعـد ماغمضت عيـون امـي الحبيبة
شفت شيبــة والـــدي بالـدم خضيبة
وانشطــر راســه ولــي الله وحبيبــه

عنــــي ..... راح ذخـــــري للگبـــــر
عنــــي ..... شلــون كســري ينجبـــر
عنــــي ..... جبــل گالــوا مــن صبــر

               زيــــــــنب

ـــــــــــــــ ◕~◕~◕~◕ ـــــــــــــــ

يامـرة التصبر علـى مــوت التحبهـم
تنظـر اعـداهــم تگطّـع مــن گلبهــم
واحد ابسَــم والبقـوا حــزّوا رگبهــم
بالذبح راحوا عطاشى حسبي ربهم

واحــــد ..... رمــح صـابــو بالگلب
واحــــد ..... گطعـوا اعلـيــه الدرب
واحــــد ..... سلبّـــوه فــوگ التــرب

               زيــــــــنب

ـــــــــــــــ ◕~◕~◕~◕ ـــــــــــــــ

ادعي ربـي اللــي يصبـر لــي دليلــي
ولايشوفو اعداي ضعفي هَـدّ حيلي
من بعد فگد اهلي واخواني وكفيلي
نوحي مابطلته صبحي وحتى ليلي

نوحــي ..... لجل ابويـه و فاطــمــة
نوحــي ..... عاللــــي سابح بالدمه
نوحــي ..... عاللــي اذّاه الظـــمــــه

               زيــــــــنب

ـــــــــــــــ ◕~◕~◕~◕ ـــــــــــــــ

وهسه اموت بهالأرض ال افْجعَتني
اللي بيها آنه انسبيت وهم مِلَتني
شفت انواع الشمـاتــة ال ألّمتنــي
بيها لوّعنـي الضرب ورَّملــي متنــي

مــوتــي ..... ردته وي موتــة هَلــي
مــوتــي ..... ويــه كافــل محمــلــي
مــوتــي ..... آنــه بت حيـــدر علــي

               زيــــــــنب

ـــــــــــــــ ◕~◕~◕~◕ ـــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️لسان حال #السيدة_زينب_ع عند احتضارها
▪️ #طور_الفراق

تربي عيني.. عالدرب واخفي ونيني
تربي عيني.. بلكــة احبـابــي تجيني
تربي عيني.. والـدي و امـي وبنيني

ــــــــــــــ ◕~◕~◕~◕~◕ ــــــــــــــ

مايجوني.. راحوا وخـابت ظنــوني
مايجوني.. تهـمــل اعليهــم عيونـي
مايجوني.. و بْتــربتــي يسنّــدونــي

ــــــــــــــ ◕~◕~◕~◕~◕ ــــــــــــــ

منهـو ليــه.. يا هَلـي وجتني المنيـة
منهـو ليــه.. بغربتـي و دمعي جريـة
منهـو ليــه.. منهـو ينصب لي عزيــة

ــــــــــــــ ◕~◕~◕~◕~◕ ــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ لسان حال #السيدة_زينب_ع
▪️ #السيدة_فاطمة_الزهراء_ع
▪️ #نعي_شعبي

خــذاج المــوت يايــمــه ورحلتي
مثل شمعة انطفت بالليل شلتـي
روحــي ويــاج راحت يالبعــدتــي
ييــمــه بموتـتـج گلبــي شلعتــي

ـــــــــــــ ◕~◕~◕~◕~◕ ـــــــــــــ

الله ويْـاج يالجنتــي ضــوه البيت
بنــتــج تنــدفــن وَيّــــاج يــــاريت
ابفَــرِد تــابــــوت نتــمــدد تمنيت
لشوفة هالملامـح حــيــل حنيت

ـــــــــــــ ◕~◕~◕~◕~◕ ـــــــــــــ

وجهج شوفته صــارت بالاحــلام
وبالگــوه بغـيــابــج نگــدر انّــــام
بلايــا احضــان امنا اللـيــل آلام
مـن اول عــمــرنــا و صرنــا ايتــام

ـــــــــــــ ◕~◕~◕~◕~◕ ـــــــــــــ

مــن اول عمرنــا تصب الدمـوع
كل واحد يا يمــه گليبــه مفجوع
نظل طول العمر ننحب عالضلْوع
على بابــج يظـل النــوح مــزروع

ـــــــــــــ ◕~◕~◕~◕~◕ ـــــــــــــ

انزرع ويــه الحــزن بعتابــج النوح
عليج يظل دمــع والدنــا مسفوح
الحسن ينعاج مثل الطيـر مذبوح
صوت احسين من يبجيج مسموع

ـــــــــــــ ◕~◕~◕~◕~◕ ـــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON