JAFAR KHOLMUMINOV

#ЖАЪФАР #МУҲАММАД #ТЕРМИЗИЙ

Бугун севимли газетамиз "Ҳуррият"нинг байрам сони - Матбуот ходимлари кунида бир туркум шеърларим эълон қилинибди. Машҳур журналист ва шоир акамиз Абдурасул Жумақуловни касб байрамлари билан қутлаб, ушбу эътибор ва ғамхӯрлик учун ташаккур изҳор этаман. Барака топсинлар.

27.06.2024.
@Jafar_Muhammad_Termizi

#Жаъфар #Муҳаммад #Термизий

Қобилиятли шогирдларимдан Шукруллоҳ Сирожнинг Сурхондарё вилояти телевиденияси орқали илк суҳбати. Муборак бўлсин!

24.01.2024.
@Jafar_Muhammad_Termizi
------------------------
К О М М Е Н Т.
@Jafar_Muhammad_Bot

#ЖАЪФАР #МУҲАММАД #ТЕРМИЗИЙ

Бугун Тошкент давлат шарқшунослик университети "Манбашунослик ва тасаввуф герменевтикаси" кафедраси профессори, тарих фанлари доктори, манбашунос-авестошунос олим Мирсодиқ Исҳоқовнинг таваллуд айёмларини нишонладик. Домланинг умрлари узоқ, китоблари кӯп бӯлсин!
------------------------
КАПАЛИМИЗ
@Jafar_Muhammad_Termizi
Комментарии
@Jafar_Muhammad_Bot

Жаъфар Муҳаммад

ЧУМОЛИГА ХАТ

Ассалом, Чумоли! Аҳволинг қалай?
Қайларда тентираб юрибсан менсиз?
Ассалом, Чумоли! Ернинг остида
Аҳволинг яхшими рўйи заминсиз?

Ассалом, Чумоли! Сулаймон қўли,
Қўлингдан кетдими, ғамгин хотирсан?
Ё ошиқ бўлдингми, япроқда ёзган
Дарахтнинг шеърини ёдлаётирсан!

Ассалом, Чумоли! Бу кенг оламда
Минг танга бўлдими сичқоннинг ини?
Ассалом, Чумоли! Наҳот сенга ҳам
Шунча тор келдими рўйи замини?

Ассалом, Чумоли! Билсанг ҳам керак,
Қоғозда хат ёзиш модадан қолган.
Интернет деган бир оғайним чиқиб
Барчани интернат кўйига солган.

Ассалом, Чумоли! Ҳали қиш узоқ,
Ертўлангда донинг бўлса, ётавер.
Ассалом, Чумоли! Хайём майидан
Хурмачангга сиғса, ётиб, отавер!

Ассалом, Чумоли! Эсмоқда совуқ
Ғарбона, бегона шимол шамоли.
Шарқона яшашдан чарчамадингми?
Эй филни йиқитган шердил чумоли!

Ассалом, Чумоли! Чарчаб кетмоқда
Қалбимда чанқаган ҳиссиётларим.
Ассалом, Чумоли! Кимга ҳам керак
Дарду ҳасратларим – бу баётларим?

Ассалом, Чумоли! Ёруғ дунёда
Ертўлангдай юролмайсан батамкин.
Ҳатто бир авлиёсифат одам ҳам
Сени кўрмай босиб олиши мумкин.

Ассалом, Чумоли! Янгиликлар кўп,
Лекин сенга айтар янгилигим оз...
СМС деган бир мушук чиқувди
Миёвлаб ётибди чўнтагимда боз.

Ассалом, Чумоли! Осмон остида
Заминий дардларим билсанг, бир талай.
Мақсадим аслида битта сўз эди:
Ассалом, Чумоли! Аҳволинг қалай?

#ЖАЪФАР #МУҲАММАД #ТЕРМИЗИЙ

Тошкент, 2015 йил 3 январ
@Jafar_Muhammad_Termizi
----------------------
Ӯз фикрингизни бу ерда қолдиринг!
@Jafar_Muhammad_Bot

#Жаъфар #Муҳаммад #Термизий

Бойсунлик маърифатли бир шогирдим Нормуҳаммад Жӯраев "Қарамадинг" номли шеъримни (Баҳром Назаров қӯшиқ қилиб куйлаган) таҳлил қилиб, "Бойсун" газетасида яхши бир мақола нашр эттирибди. Қӯли дард кӯрмасин.

КОММЕНТАРИИ
@Jafar_Muhammad_Bot
----------------------
К А Н А Л:
@Jafar_Muhammad_Bot

#Жаъфар #Муҳаммад #Термизий

ТЕҲРОНДАГИ 400 МЕТРЛИК ЭНГ БАЛАНД МИНОРА - "БУРЖИ МИЛОД"ДА (ПАЙҒАМБАРИМИЗ МАВЛУДИ ШАРИФЛАРИ МУНОСАБАТИ БИЛАН ҚУРИЛГАН) ДЎСТЛАР БИЛАН БИРГА: ПРОФЕССОР МУҲАММАД НОСИР (ПОКИСТОН), ПРОФЕССОР НЕЪМАТ ЙИЛДИРИМ (ТУРКИЯ), ДОКТОР МУҲАММАД ТАЙФ (ИРОҚ).

Теҳрон, БУРЖИ МИЛОД. 23.03.2023.

http://Telegram.me/Jafar_Muhammad_bot
--------------------
К А Н А Л:
@Jafar_Muhammad_Termizi

#ЖАЪФАР #МУҲАММАД #ТЕРМИЗИЙ

"ПЕШВОЗ" ХАЛҚАРО НАВРЎЗ ТЕЛЕФЕСТИВАЛИ ИЖРОЧИЛАРИДАН БИРИ МЕҲДИЙ СОЛЕҲИЙ БИЛАН НАВРЎЗ БАЙРАМИДА.

Теҳрон, 22.03.2023.
@Jafar_Muhammad_Termizi
--------------------
К О М Е Н Т.
@Jafar_Muhammad_Bot

#Жаъфар #Муҳаммад #Термизий

Наврўз байрами кечасида бандараббослик кемасоз уста билан суҳбат.

Теҳрон, 20.03.2023.
@Jafar_Muhammad_Termizi
--------------------
@Jafar_Muhammad_Bot

#Жаъфар #Муҳаммад #Термизий

ӮзМТРК Медиа марказида. "Ӯзбекистон тарихи" телеканали "Мавзу" кӯрсатуви студиясида суратга олинган суҳбатдан сӯнг.

Тошкент, 16.03.2023.
@Jafar_Muhammad_Termizi
--------------------
@Jafar_Muhammad_Bot

Жаъфар Муҳаммад Термизий

ТОНГ ОТМАДИ

Бир кеча ойдек тўлиб сен келмадинг, тонг отмади,
Бир нафас меҳмон бўлиб сен келмадинг, тонг отмади.

Кўзларингга жон тасаддуқ, кўзларим кўзгусида,
Ғунча янглиғ очилиб, сен келмадинг, тонг отмади.

Юз жароҳатни дилимга бедариғ этдинг нисор,
Билмайин ёки билиб... Сен келмадинг, тонг отмади.

Орзулар шаҳрида ҳасратда куймоқда юрак:
Айланиб ё ўргилиб, сен келмадинг... Тонг отмади.

Жон лабимга келди-ю, эй ғунчалаб, сўнди умид:
Шўху шодон бир кулиб, сен келмадинг. Тонг отмади.

Ҳам қалам қўлимдадир, ҳам юз алам кўнглимдадир,
Ишқилиб, бир иш қилиб сен келмадинг: Тонг отмади!

Ўчди юлдузлар самода, ўчмади аммо чироқ,
Кетди Жаъфар эзилиб: Сен келмадинг, тонг отмади.

#ЖАЪФАР #МУҲАММАД #ТЕРМИЗИЙ


Тошкент,
2010 йил 29 январь
@Jafar_Muhammad_Termizi
-------------------------
К О М Е Н Т.
http://Telegram.me/Jafar_Muhammad_Bot

СЕВМАСАМ

Кўз юмай, гар бир нафас қошу кўзингни севмасам,
Кўр бўлай, илло, агар нону тузингни севмасам.

Қорлар ёғсин баҳоримда, ёзимда дўллар,
Гар сенинг, эй навбаҳорим, Наврўзингни севмасам.

Майли, бошимга бало ёмғирларин ёғсин фалак,
Гар қуёшингни, ойингни, юлдузингни севмасам.

Мен ўзимни топа олмасман, тополмасдан сени,
Сева олмасман ўзимни, то ўзингни севмасам.

Билки, мен олим эмасман, гапларингни уқмасам,
Билки, мен шоир эмасман, гар сўзингни севмасам.

#ЖАЪФАР #МУҲАММАД #ТЕРМИЗИЙ


Тошкент,
2010 йил 21 январь
@Jafar_Muhammad_Termizi
------------------------------
КОМЕНТ. УЧУН...
@JAFAR_MUHAMMAD_BOT

"ФАЖР ШЕЪРИ" ӮН ЕТТИНЧИ ХАЛҚАРО ФЕСТИВАЛИ

Эрон Ислом Республикаси маданият ва Ислом тараққиёти вазирлиги ҳамда "ЭРОН КИТОБ ВА АДАБИЁТ УЙИ" муассасаси кӯмагида шу йилнинг январ ойининг сӯнгги ӯн кунлигидан 4-февралгача Теҳронда ӯтказилган "ФАЖР ШЕЪРИ" ӯн еттинчи халқаро фестивалида 300-дан ортиқ Эрон шоирлари ҳамда Тожикистон, Афғонистон, Ӯзбекистон, Покистон, Ҳиндистон, Озарбайжон, Сурия ва Ливандан ташриф буюрган 10 нафар халқаро шоирлардан иборат делегатсия иштирок этди. Халқаро шоирлар қаторида мен ҳам "ЭРОН КИТОБ ВА АДАБИЁТ УЙИ" таклифига биноан Эроннинг энг йирик шеърий анжумани ҳисобланган ушбу нуфузли фестивалда иштирок этиш бахтига мушарраф бӯлдим. Шу муносабат билан каминанинг Эронга амалга оширган тӯртинчи ижодий сафари 2023-йил 29-январдан 5-февралгача давом этди.

Фестивал доирасида камина Ӯзбекистон Республикаси вакили сифатида дунёнинг саккизта давлатидан ташриф буюрган халқаро делегатсия билан биргаликда Бандари Аббос шаҳрида (Теҳрондан 900-км узоқликда) форс кӯрфазининг қоқ марказида жойлашган Бумусо оролида (Эрон жанубининг энг охирги нуқтаси) ҳамда Қазвин шаҳрида бӯлдик. Сафар давомида "ЭРОН КИТОБ ВА АДАБИЁТ УЙИ" муассасаси раҳбари - доктор Рамазоний раислигида фестивал иштирокчилари, маданият намояндалари ҳамда шеърият ва адабиёт мухлислари иштирокида форс, араб, урду ҳамда озарбайжон тилларида шеърий кечалар ташкил этилди.

#ЖАЪФАР #МУҲАММАД #ТЕРМИЗИЙ

КОМЕНТАРИЙ ҚОЛДИРИНГ!
@JAFAR_MUHAMMAD_BOT
------------------------------
К А Н А Л:
@Jafar_Muhammad_Termizi

Жаъфар Муҳаммад

АЛБАТТА, МЕНМАН!


Чорраҳа устида
Тўрт томон боққан
Ҳайронни кўролсанг,
Албатта, менман!

Қўлида портфелин
Кўтариб юрган
Инсонни кўролсанг,
Албатта, менман!

Яхшига жонини
Фидо этгувчи
Қурбонни кўролсанг,
Албатта, менман!

Ёмонга тик туриб
Бўйин эгмаган
Ёмонни кўролсанг,
Албатта, менман!

Атторнинг ортидан
Савдосиз қолган
Дўконни кўролсанг,
Албатта, менман!

Жилдини чанг босиб
Ҳеч ким очмаган
Девонни кўролсанг,
Албатта, менман!

#ЖАЪФАР #МУҲАММАД #ТЕРМИЗИЙ

Тошкент,
2010 йил 21 январь

КОМЕНТАРИЙ УЧУН УЛАНИНГ! T.me/Jafar_Muhammad_bot

Бизнинг манзил:
Telegram.me/Jafar_Muhammad_Termizi

#Жаъфар #Муҳаммад #Термизий

МУҒАННИЙ
(Укам Абулфайз хотирасига)

Қайси куйни чалиб кетдинг, муғанний?
Дилимга чўғ солиб кетдинг, муғанний!
Юрагимни олиб кетдинг, муғанний,
Қаерларда қолиб кетдинг, муғанний?

Дунё ғаму ташвишларга тўлиб кетди,
Райҳон экдим: хазон тегди, сўлиб кетди.
Сенсиз борлиқ остин-устун бўлиб кетди.
Қаерларда қолиб кетдинг, муғанний?

Сени эслаб, дарё-дарё селлар оқди,
Булоқларга бўлинди-ю диллар, оқди.
Кунлар оқди, ойлар оқди, йиллар оқди.
Қаерларда қолиб кетдинг, муғанний?


Тошкент, 2008
@Jafar_Muhammad_Termizi

#Жаъфар #Муҳаммад #Термизий

МАЖНУНГА МАКТУБ

Мажнун! Мажнун! Қир ошган Мажнун!
Мажнун! Мажнун! Қирқ ошган Мажнун!
Қибланг қани? Қабиланг қани?
Мажнун! Мажнун! Адашган Мажнун!

Тошкент,
2009 йил 18 декабрь




КЎЗГУГА ДАСТХАТ

Хунуклигу парилик нима?
Ҳижрон учун дорилик нима?
Биз бўлмасак, сен ҳам билмасдинг:
Ёшлик нима? Қарилик нима?

Тошкент,
2009 йил 19 декабрь

К А Н А Л:
@Jafar_Muhammad_Termizi

ЮЗ ЙИЛДАН СЎНГ

Бекорга йўлимга пешвоз чиқмагин...
Энди мен бошқаман. Бошқа одамман.
Сенсиз на бахтлиман, на бахти қаро,
Сенсиз на зиёда, сенсиз на камман.

Кўтара олмайди эгик бошини,
Кўчанинг омонат, нимжон чироғи...
Мен сени қайдадир кўргандай бўлдим,
Сен мени бировга ўхшатдинг, чоғи...

#Жаъфар #Муҳаммад #Термизий

Тошкент,
2010 йил 5 январь

Telegram.me/Jafar_Muhammad_Termizi

Жаъфар Муҳаммад

ҚУЁШ, МЕН ВА ДАРЁ

Қуёш
Ҳар куни бир марта
Келиб кетадиган меҳмони
Дунёнинг.

У шундай меҳмонки
Бир куни келмаса, бошига
Чанг-тўзон
Ё бўрон
Ё ёмғир
Ё таҳқир
Ёғади Дарёнинг.

Ахир, Дарё –
Бағрикенг
Меҳрибон
Мезбон.

Мен Қуёш ва Дарё орасидаман.
Қуёш –
Қари.
Дарё –
Пари.
Мен улар орасида
Норасидаман.

Мен олмамни Дарёга отдим
Сузиб кетди Дарёда олмам.
Сен менинг юрагим тубига чизган
Айрилиқ хатини
Чизиб кетди Дарёда олмам.


Қуёш
Ҳароратли бармоқлари-ла
Сутини соғади Дарёнинг.

Шунақа!
Ишлари қизиқ
Ё чизиқ
Дунёнинг!

Дарё
Бир куни келиб
Қуёшдан кетиб
Қумидаги намликка айланади саҳронинг.

#Жаъфар #Муҳаммад #Термизий

Тошкент,
2008 йил 24 август
@Jafar_Muhammad_Termizi

#Жаъфар #Муҳаммад #Термизий

"СУРХОННИ КӮР". ЖАЪФАР МУҲАММАД ТЕРМИЗИЙ ШЕЪРИ.

(Сурхондарё телеканали: 02.06.2011)

К А Н А Л:
@Jafar_Muhammad_Termizi

АЗИЗАМ ГИЛОС...

Ҳали Наврўз кирмасдан туриб
Тушларингга, азизам Гилос,
Қайси тўйга киймоқчи эдинг
Оқ ювилган пуштиранг либос?

“Шошилган қиз эрга ёлчимас”.
Хазон қилма яшил жонингни...
Осмонлардан севги ёғажак,
Очмай тургин соябонингни...

Тошкент,
2010 йил 6 март

#ЖАЪФАР #МУҲАММАД #ТЕРМИЗИЙ

К а о а л:
@Jafar_Muhammad_Termizi

БИР ХИРОМ ЭТСА...

Ҳар кишиким ул париваш зулфини ёд айлагай,
Ақлу иймон тоғини бир пасда барбод айлагай.

Бир хиром этса агар ул сарвқомат боғ аро,
Юз қиёматни санавбарларга бунёд айлагай.

Бир табассум бирла кўнглимни олар, ҳалвофуруш
Йиғлаётган болани ҳалво билан шод айлагай.

Топмаса гар жаннатулмаъвода Ширин ёрини,
Дўзахийлар сингари Фарҳод фарёд айлагай.

Хастадил Жаъфар харобободида ҳайрондурур,
Ким хароботийни нечук қайта обод айлагай?

#ЖАЪФАР #МУҲАММАД #ТЕРМИЗИЙ

К А Н А Л:
@Jafar_Muhammad_Termizi