بابلڪنار زیبا

#شعر_محلی

پلاستیكی كلوش دیگه كی كِنده
بخاری هیمه ای، هیمه كی كِنده

دیگه كی دره، دار جا بوره ور
دیگه كی تپه سر صدا دِنه سَر

دیگه كی هیمه جا پلا پَجنه
دیزِندون و ماشه جا كی تَجنه

شلوار پینه بَزه رِ كی كنده
چوقا و كلوش و چَكمه كی كنده

مه دل تنگ هائیته ونگ طلاسه
سیكای سروصدا،میچكا وتیكا سه

بزن جان برار شِه لَلِه وارِه
بزن جان برار من تِه بِلارِه

بزن لَلِه، دل غم تازه بَوِّه
چند سال دوری جا سازه بَوِّه

كجه بورده كِته كوله بازی
كجه بورده محلی های شادی

دیگه بهار روستا بو نِدارنه
همه بوردنه روستا سو نِدارنه

دیگه كاتی دَنیه بوم لوسَر
دیگه گِنده نَكته بخاری وَر

كِنسه هاكِنم لله زِبونی
كِنسه بهوم نامهربونی

نَنو و گره دیگه بورده از یاد
اون نَنوی اصالت بورده بَر باد

بهیم بوریم تلاره حال نِخاره
بوریم شِه جان وطن بِلاره

بوریم اون چشمه ها رِ خار هاكنیم
كدورِت و بدی رِ پاك هاكنیم
‌‌‌‌‌‌‌‌‌‌‌‌‌
➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

دِماوندِ کوه ءِ سَر،  وَرف دَرِه  مَشتِ
اِفتاب تِغ بَزو ،اودِنِه ، مازِرونِ  دَشتِ
ماههِ پِشتی روشِن کِندِه هِمِندو گَرَشتّ ِ
وِنِه دِل، پِرِ تَشو ،وِنِه سر، پِرِ وَرف
قشنگ، هار شینی، تِجا زَندِه حرف
اِشِنی  وِرِه ،بیص دا و ، باوِقارِه
وِه همون ،نِمادِ  اَمِه، ایل و ، تِبارِ ه
دَریایی از تَش ، شِه سر  دارنِه   او
دِشمِنّ ِ نَکوشتِه وِنِه چِش نَشو نِه خو
پِه نِه  ،ایران و   مازِرونّ،  روزا  شو
وِنِه ،سَر فِرازی،  هَستِه  ،اَمِه  آرِزو

✍ #کرامت_شیرپور
‌‌‌‌‌‌‌‌‌‌‌‌‌
➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

یلاقیمه مه دل مائسّه تنگِ
یلاقِ  شویِ  لمپائسِه  تنگِ

میا بورده  تلار سر او دَهیزه
مه دل وارش مه دل وائسّه تنگِ

ننا تندیرِ سرنون کرده پشته
ننای دسّ ِ کلوائسّه تنگِ

ننا چادر دَکرد وضو بهیره
ننایِ قبله ی شا ئسّه تنگِ

مه دل چنده شه گنّائسّه تنگه
خجیره حاجی بابا ئسّه تنگه

مره چه دلخِشی سر بشته بورده
برار خاخِرِِ توپ کا ئسّه تنگه

مه دل تش کر خِنه خو خوانه امشو
ننایِ  ساخ ِ سر لائسّه تنگِ

✍ #خاطره_صابری

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

یلاقیمه مه دل مائسّه تنگِ
یلاقِ  شویِ  لمپائسِه  تنگِ

میا بورده  تلار سر او دَهیزه
مه دل وارش مه دل وائسّه تنگِ

ننا تندیرِ سرنون کرده پشته
ننای دسّ ِ کلوائسّه تنگِ

ننا چادر دَکرد وضو بهیره
ننایِ قبله ی شا ئسّه تنگِ

مه دل چنده شه گنّائسّه تنگه
خجیره حاجی بابا ئسّه تنگه

مره چه دلخِشی سر بشته بورده
برار خاخِرِِ توپ کا ئسّه تنگه

مه دل تش کر خِنه خو خوانه امشو
ننایِ  ساخ ِ سر لائسّه تنگِ

✍#خاطره_صابری

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

اِســـا دريــــــو تِه وسّه ِتو به توئه
اِســـا ســوز ويشــه، مَسّ ِ تِه بوئه

اَتي لَس لَس تِرِك بور، پِشتِه هارِش
اَمِـه مَحْلـــــه تِه وسّهِ دو به دوئه

شــوسَــری نیشْتِمـه، کِنـدا دَگِردی
دلِ تَش، تِه تِمـــاشــــایِسّـه لوئه

شِه دوشِ سَر، شِه می ره دِم بِدایی
نَدومْبـه وِه تـــِلاره یا «گـــَزو»ئه؟

فقط دومْبــــه تِه واری من نَویمْبه
فقط دومْبــــه تِه وسـّهِ دل، کَهوئه

تِه وسـّهِ گل بِه گل مــاه، اِنه، شونه
تِه وسـّهِ آسِمــون، ســرخ آ سیوئه

مِه جـا دوری، کنِسّــِه مـن بَئـورم؟
مِه چِشّـه او، مِـه دل، غرصه دَزوئه

✍ #ذبیح‌الله_ذبیحی

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

روزگاری بیّه در زندگی برکت دنیه
همِه چی رو بِسُکون جُنبش و حرکت دنیه

دلی که زَنگار دَوّسه محبت نشناسنه
کینه ورزی دله جز رنج و محنت دنیه

مابین ِ دِتا برار وقتی کدورت حاکمه
قلبی که صیقل نَئیته جای حرمت دنیه

معیار پِر وَچِگی در گروء مادیاته
در وَچه ی ناسپاس شَرم و خجالت دنیه

ازیک بام ودوهوانه مردمان روزگار
دل و زبون اتّا نیه وقتی صداقت دنیه

اول و آخر حرف همه ی قصه پوله
فقیرون حرف پِهِ هیچکس اطاعت دنیه

وقتی قلب سنگی بونه دعاها اثرنکنه
قهرخدا پیش کفِنه در سفره برکت دنیه

یادش بخیر اون قدیما غریبه جانّثار بیّه
در یاد و خاطره ها جز آه و حسرت دنیه

هوای هَمّه ِ داشتنه حتی بادستای خالی
امروز با این امکانات اون انس و الفت دنیه

✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

دل اَگه چاک چاک بَهیه دَرِکّه
خِراکِ ناپاک بَهیه دَرِکّه
تا وِ باشه پیر سَری عاشق نَووِ
صِوی سَری خاک بَهیه دَرِکّه
دل اَگه پِشتیم بَهیه دَرِکّه
این دیم و اون دیم بَهیه دَرِکّه
تا وِباشه پیر سَری عاشق نَووِ
قِلاش و تیم تیم بَهیه دَرِکّه
دل اَگه لاب لاب بَهیه دَرِکّه
سونِ کِچِلاب بَهیه دَرِکّه
تا وِ باشه پیر سَری عاشق نَووِ
تِراک هایته کاب بَهیه دَرِکّه
دل اَگه شا دِز بَهیه دَرِکّه
اَتّا دَله بِز بَهیه دَرِکّه
تا وِباشه پیر سَری عاشق نَووِ
لینگِ لو و رِز بَهیه دَرِکّه

✍ #هادی_اکبری

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

مِه وسّه هِچکسی همدم نَوونه
مِه بشکسّــه دل ملـهم نَوونه

اگر هرچی تِه وسّه شعر دَوِندم
خدا دونده مِه غرصه کم نَوونه

بَخوندِ چِلچِــلا شـو تا صِوایی
خِشی مِه سینه ی جا جَم نَوونه

چشِ اَســری مِره دریــو هِدائه
نَخِر دنیـای غم، مـه غـم نَوونه

شِه دلّـه، پاپّلی کِمبــه تِه وسّه
تِه واری هِچکسی مِه شَم نَوونه

بَوِرده وا مِه چارقد ره شِه همرا؟
مِه اِسپِه گیسه چِه مِه چَم نَوونه
‌

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

زمونه هیچ گِدِر نیّه وِفادار
نا مِسّه یار وُنّه نا خواخِرا مار

دَئی روز وِنِه بُوشیم دلِه قِرار
روزِگار ناخُوِری کِندِه تینار

چَندِه زود سیوا بَئی بُوردِی کنار
چِتی طاقِت بیارم با دلِه زار ؟

پنچشنبه نِماشون اِمبِه تِه مِزاز
چِش فِقط واز هَسّه تِسّه بَیّه تار

هرچی ببارِم خِدِه ابرِ بِهار
مِه دل شونگ کِندِه دیگه نَونِه خار

✍ #علی_شهمیری

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

زمسّونی نَکِن مه تَن نِخاره
اتّاپشته غِرصه مه وِر سِواره
چکل سر ره پِرِسمه و لوشیمه
مَله به مله ره تاهفت نو شیمه
اِسا تَن بموهه سردِ زمسّون
نِخاری تن بمو به سونِ تیهون
رَسِن وَندِمبه و دوش گیرمه هیمه
بخاری هیمه ای سِرخ کنده دیمه
نخامبه بَوینه دِشمن مِه حالّه
نخامبه تن بِهه مه دوش وبالّه
نِخامبه غم مِسّه قِطار بئووه
زمسّون تن بِهه دیار بَئووه
خدا جا خارِ تن خامبه دِواره
زمسّون در بوره بارِن بِهاره

✍ #خاطره_صابری

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی


دیاری چش کشمبه بورده راره
کشمبه بو تنه لمه چوقاره
مه دل خوانه بزنی لله واره
بخوندم درد بشکسته هلاره
بهاره بو دره بلبل نخاره
تیکا نخوندنه ای حال نداره
شوکا برمه کانده وبیقراره
ویشه تش بهیته فرارفراره
دارهاره بورینه ,گزینه جاره
مله ی ملک بی پرچیم واجاره
امه دشت و لتکا هم بی نفاره
جای گندم وجو لم و لواره
جوون مله جه بورده کوچ هاکرده
ترک باغ لته وکروچ هاکرده
اسا مله کنار ویلا سازنه
چندطبقه بلند بالا سازنه
چکل وکوه کشه گاز بزونه
تازه نوج بزه دارره داز بزونه
گالش گو بی چمر.پس گالشی کو
زمونه تش بهیته .وارشی کو
مگه نارنی میا وارش بیاره
امه وه روزگاره خاش بیاره
نخوانی امه دل یک جور بگرده
کوهی کوتره جهاز جور بگرده
ویشه سبزقواره تن دپوشه
بلبل رخت سما پیرهن دپوشه
نخوانی چلچلاوه بال بواشیم
ونه خش وقتی وه اقبال بواشیم
برو تش کله ره ای روش بیاریم
بخاته دله ای سروش بیاریم
تیناری دکته روز مه برار باش
مه دل ه غم دپیته مه قرار باش
شه گله شه دیفار بهیریم
شه تن جومه ره یار بهیریم
بخوندیم ای دواره عاشقی ره
بیاریم پر بهیته پاپلی ره

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی


رفیقون روزگار بهییه نامرد
عجب کار زمونه بهییه بد
برار خبر از شه برار ندارنه
خاخر شه خاخر جا کار ندارنه
وچه شه پر و مار یاد هاکرده
بی رحمی چیجوری بیداد هاکرده

همسایه ندونه همسایه ی نوم
شه که سیر باشه کار نارنه دیگرون
اتا خنه مشتِ بار و غذائه
اتا دیگر وِشنا لنگِ پلائه
اتا شاسی بلند دارنه خارجی
اتا دیگر نار کفشِ ورزشی

هرکَس خانه شه جیف ره هاکنه مشت
شه فقیرِ فامیلِ هاکنه پشت
قدیمه مَثِلِ اینجه بَهنمیر
اگر دارنی بخر نارنی ته بَمیر
اتا پوز دِنه شه کفش و لباسِ
اتا دیگر نارنه نون و پیازِ

اگر جیف مشت بوئه تِره اِشنّه
خالی باشه ته دَس تره نِشنه
همش بیه زمونه پول و ثروت
فقیر جا کسی نارنه رفاقت
برار هم که فقیر باشه نِشنه
همه شه مال و اموالِ اِشنه

سنگِ مسلمونی زننه سینه
فکر کنّه شیعه ی مولا علینه
کجه اینجوری بته شاه مردون
فقیرِ جا همه بوّین رو گردون؟
خداوندا زمونه ره دِگاردِن
میونِ مردمون رحمی بَرِسِن
بَرِسِن صاحب ملک و جهانِ
ظهورِ مهدی صاحب زمانِ

✍ #براری_خلیلی

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

تِه آخِرْ گَنْدِمِ قُوشِه نَبوني
مِنِه تَنْگِ دِلِ گوشِه نَبوني
زِبونْ مي دَرْ بِمو اَي‌داد ِبي‌دادْ
تِه اونْتا كِه وِنِه بُوشِه نَبوني
تِه ديْگِه بَزِحَرْفي بورْدويي بُورْ
اِفْتابْ بَخِرْدِه وَرْفي بُورْدويي بُور
نِخاسْتي مِه تيْسا نُونْ‌جا بِسازي
نِخاسْتي تِپِّه‌جا دِرْيا بِسازي
مِه‌سِفْرِه مِه جيفِ‌واري خاليِّه
حَريفْ ميْدونْ خانِه مِرِهْ حاليِّه
زِنْدِگي خِرْداخُو ني‌‌يه نَدونْدي
مالا، مِنالا گُو ني‌‌يِه نَدونْدي
مِسِّه ساعاتِ تيكْ‌تاكْ زِنْدِگي‌يه
مِسِّه دِرْيويه كِلّاكْ زِنْدِگي‌يه
مِرِه تِلارِ شِرْشِرْ زِنْدِه دارْنِه
مِرِه قَلِما دَفْتِرْ زِنْدِه دارْنِه
مِه‌دِلْ لَلِه‌وايه گَلي دَوِسِّه
تِه دِلْ طِلِسْمِ چِلْ‌كِلي دَوِسِّه
مِسِّه دِدِتا چارْتا زِنْدِگي‌يه
تِسِّه بِشْكِسِّه اِفْرا زِنْدِگي‌يه
دُومْبِه تِهْ مِه تُورِماهي نَوْوني
مِه خَسِّه لينْگِ هِمراهي نَوْوني
مِنْ‌تَشْ‌بِيْتِه تِشْنا تِهْ شُورِ اوئي
مِنْ‌اِفْتابْ خامْبِه تِه دَكُوشْتِه‌ سُوئي
مِنْ ‌تِهْ نَپِتِ آشِ كَچِه ني‌مِه
تِه نِداشْتِه گَرِيه وَچِه ني‌مِه
تِه مِه دار ِسَرِ تيْكا نَوْوني
رَفِقِ دَهْ‌بيْسْ‌سي،چِلْ‌كا نَوْوني
اَگِه خاني تَشِ‌وَرْهِنيْشي‌خِشْ
چَچْكَلْ‌رِه وابَزِنْ دي نَشوءِ چِشْ
نا تِه‌ كُوتِر‌ي‌آ نا مِنْ كُوتِرْ گيْر
نا تِه اِرْبابي‌آ نا مِنْ تِه زَنْجْير
تِه خاني بِساتْ‌رِ اَسْسَر بِسازي
تهِ خاني خِنِه‌رِه بي‌دَرْ بِسازي
تِه حَرفْ خِشْكِ‌چوءِ كَمُونْ نبَونِه
مِه ‌تيْسا پِلارِه راغونْ نَبُونِه
حَريْفْ ‌بُوئِر مِن ْ‌تِه هَمْتاشْ نَوْومْبي
شْيريْنْد ِماسْتِمي دوآشْ نَوْومْبي
تِه ‌اِنْدوُنِ اوئِي مِنْ دِرْيا خامْبِه
تِه كالِ‌ كِنِسي مِنْ‌ پِتْكا خامِبِه
شِه‌پيْشْ گِتِمِه‌ تِه اُورْشِمي ‌اورْشِمْ
لِشْ بَيْ‌تِه‌جِمُوئِي چِتي دَپُوشِم
تِه دِيگِه بَزِه‌حَرْفي بُورْدويي بُورْ
اِفْتابْ بَخِرْدِ وَرْفي بَورْدويي بُور
تِه‌گِني تِسِّه بِرْمِه‌وارِه كِمْبِه
خَنْجِرْماسِمْبِه دِلْ‌رِه پارِه كِمْبِه
نِخامْبِه چِشْمِه‌رِ تيْلِنْدْ هاكِنِم
هِرِسْ اَتّاسيْكارْ روشِنْدْ هاكِنِم
اَمْشو رِ چِه‌خِشِ شُو زِنْدِه‌داري
مِنا، آينه‌آ، سيْگارا تيْناري
خَلِه خارِ آدِمْ تيْنارْبَمونْدِه
شُو تا صِوي دِل‌ِكِنارْ بَمُونْدِه
اِسِّمْبِه وايِه ‌دَسْ مِرِه‌هِپاجِه
دَلِّكْ بُورِه‌،بُومِ‌شُو بارَ بَمُونْدِه
مِنْ‌جِفْتْ بَمِرْدِه مَرْني‌مِه، خاطِرجَمْ
جانِ‌تِه تِه‌جا قَرْ ني‌مِه، خاطِرْجَمْ
تِه ‏ْمِهْرْ بَمونْدِه ‌مِه پيْشْ يادِگاري
تِه ‌مِهْرْجاخِشِه شُو علی سیگاری

✍️ #علی_حسن_نژاد

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

هیمه بخاری ره تَش  کِمبه  تِه ور

چایی دم دِمبه و غَش کِمبه تِه ور
با صدای سلطان عمو اصغر🙏🙏

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

پَییزِ ماه بییه تارِ شو
بُوردِمه یارِپَلی چَچیِ کَلِ تو
کَلکِ سَر بوردمِهِ دَییه تَلی
چَچیِ رِبَشتِمه هاکِردمهِ پِیی
دارکوتِن مِه تَن رِ بَزوئه چِکوم
زِمِسُونِ وا مِرِ هِدائه تِکوم
کٌورکِلاج مِه وِسُه بیاردِ پِیغوم
راه رِ لانگهِ کِمبهِ تِه نَهٌووی گوم
مِه دل خانِه سَرهادِ شِه صدارِ
کتولی وامیری طالبارِ
هَمه بِشنوئن مهِ هَیرا هَیرار
بارِن تِهِ ناسورِ دلِ بلارِ

✍ #توران_آرام

➖➖➖
💢 کانال رسمی بابلکنار زیبا
💯 @BabolKenareZiba

‍ #شعر_محلی

وطن خوامبه ته چشه سو بووشم
ته نخته چشه سه خو بووشم
توسه بیارم خنده خشحالی
ته دشمنه وسه عدو بووشم

وطن خوامبه که تره شاد بوینم
ته ملک و ملا ره آباد بوینم
توسه بیارم صد دله ارمون
تره کوتر واری آزاد بوینم

وطن خوامبه ته روره سوز بوینم
ته درازه شوره ای روز بوینم
ته تک خنده خشحالی دارمه ارمون
تره خوامبه همش پیروز بوینم

وطن خوامبه ته دشته سرهامجم
ته پهلی دووشم ته ور هامجم
تره دارم نوی پاماله دشمن
خدا نکرد این در اون در هامجم

✍ #حسن_رجبی

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌
➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی
                
بَزن لَ له که مه دل داد بمویه
 از جور روزگار فریاد بموئه
بزن لَ له مه چش بباره نم نم
وارش بشوره مه کهو دله ِ غم
بَوین امشو مِدل بدجورغرقابه
 زمین و آسمون ِ دَس بیتابه
حال فرهاد کوهکنه دارمبه
کز دوری شیرین غرق ِ عذابه
صداره سرهاده دل بیره آروم
شاید نامه رسون بیاره پیغوم
خبر بیاره از یاره نشونه
 تا دل بیره قرار ازاین بهونه
خدا تا که بکشم چشم براهی
بجز ته کی مره دِنه گواهی
   
✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

مه بوم کبوتر کجه هِنیشتی
           نارمه ازته خبر چه مِر سَرشتی

با اینکه دونسّی ندارمه طاقت
             مره غریب و بی یاور بِهشتی

باور نارمه که انده بیوفایی
           وقت بوردن اتتا پیغوم نِهشتی

یاد دارنی گتی که خنه ی سوئی
              چتی بیّه مه لمپاره دَکوشتی

اقلاً وقت بوردن بیوفا یار
              مِواسّه اتتا خط نامه نِوشتی

بی ته دل چون غروب پائیزونه
                چون لَلوا از شادی گریزونه

اسیر غم ، پُره از درد جنونه
             از هجرِ ته ، آتش بر استخونه

 ✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

لفورک ته بهار چه بو ندارنه
ته محله دیگه سکه سو ندارنه
کی نفربن بکرده بَوّی کناری
هیچکس بسمت ته رجوع ندارنه
بگوش نَرِسِنه هیچ ونگ و وایی
کسی پچ پچا گفتگو ندارنه
ته ساکنان کجه معوا بَیتِنه
که هیچکس میلی به اینسو ندارنه
ته جنگل و ویشه بئیه جیگمرد
گالش شه منزِلسَر گو ندارنه
کَرِس گسفندون هسّنه خالی
چپون دیگه گسفند پِنو ندارنه
چه بلایی بمو سَر لفورک
که جز جزیره دشت و کو ندارنه
بمیرم من تواسّه جانِ زادگاه
دیگه مثل ته سوادکو ندارنه

✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

باز تیر ماه بموئه دل بیقراره
بدجور دلتنگ روی جانه ماره
خَله وقته از این ماه گله دارمه
ونِجا با تلخی خاطره دارمه
تیر ِ سال ِ نَوده کاش ندیبوم
چون در این ماه عزیزگم کرده دارمه
اَجل هیجده ی تیر مه ماره هایته
از من فرشته ی ایثارّه هایته
پای وَچون شه عمره توم هاکرده
حق مادری ره تِموم هاکرده
با زحمت شه وَچونّه هاکرده گت
با عرق جَبین بدون منّت
ازاون بونه مار تره خو بَوینم
سَر ِ سجاده با وضو بوینم
بوینم باز ته مشغول ِ نمازی
با حضرت حق در رازونیازی
بعد از مار دیگه یکرنگی ندیمه
در این دنیا جز دلتنگی ندیمه
هرکسّه بدیمه داشته تمنّا
هیچوقت محبّت ذاتی ندیمه
انشاالله جان مار جنت مکانی
در قلب خسته ی من جاودانی

✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba