بابلڪنار زیبا

مه دِل ماره کئی پلاره خوانه
صِوِی سَرِه وَنگِ تِلاره خوانه
اِسا که اِسپه سَرِ می بهیمه
بِبایه نَمِدی کِلاره خوانه

✍ #هادی_اکبری

➖➖➖
💢 کانال رسمی بابلکنار زیبا
💯 @BabolKenareZiba

سیزده بدر سبزه گِره بَزّومه
تا که می اِقبالِ گِره وا بَوِ
نِخوامبه یار هیشکیه خاهون باشه
دِله گوشه فقط مِنه جا بَوِ
هرکی خوانه وِره می جا بَهیره
اَتّا جا بوره که نا پی دا بَوِ
اینتی که دل وِنه بَهونه گیرنه
ترسمبه که پیر سَری رِسوا بَوِ
صَدتا پیغوم هِدامه دِلبَرِسّه
مِره هوله وِنه جِواب نا بَوِ
اگر مِره نا بَهوته بی وفا
بی شی بَمونده پیره کیجا بَوِ
ایشاالله که اَره گِنه می دلبر
اَگِر بَته قَشِنگه نِنا بَوِ
ایِنِسّه مِن سبزه گِره بَزومّه
تا فِلانی بی یِه می زِنا بَوِ

✍ #هادی_اکبری

➖➖➖
💢 کانال رسمی بابلکنار زیبا
💯 @BabolKenareZiba

دِلبر دَس به دِعا بَیّه مِه وِسِّه
هِزار دَرده دِوا بَیّه مِه وِسَّه
اَنده اَمٌَن یُجیب خوندِنه شوشو
بهونهِ شِفا بَیّه مِه وِسَّه

✍ #هادی_اکبری

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

دل اَگه چاک چاک بَهیه دَرِکّه
خِراکِ ناپاک بَهیه دَرِکّه
تا وِ باشه پیر سَری عاشق نَووِ
صِوی سَری خاک بَهیه دَرِکّه
دل اَگه پِشتیم بَهیه دَرِکّه
این دیم و اون دیم بَهیه دَرِکّه
تا وِباشه پیر سَری عاشق نَووِ
قِلاش و تیم تیم بَهیه دَرِکّه
دل اَگه لاب لاب بَهیه دَرِکّه
سونِ کِچِلاب بَهیه دَرِکّه
تا وِ باشه پیر سَری عاشق نَووِ
تِراک هایته کاب بَهیه دَرِکّه
دل اَگه شا دِز بَهیه دَرِکّه
اَتّا دَله بِز بَهیه دَرِکّه
تا وِباشه پیر سَری عاشق نَووِ
لینگِ لو و رِز بَهیه دَرِکّه

✍ #هادی_اکبری

➖➖➖
💢 کانال رسمی بابلکنار زیبا
💯 @BabolKenareZiba

هِوا پِل دِنه آ پِتکا بَهیمه
سیو کِرکِ پَرِ مِتکا بَهیمه
جِزِریک بَهیما خِشک هایتِمه خِشک
بَسوته علفِ لِتکا بَهیمه

✍ #هادی_اکبری
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

مهِ وَر تیمجار تِه وَر خِشک هایته کیله
مِه وَر ساینه ته وَر اِفتابه زیله
مِه وَر بِلبِل مِه وَر میجکای جیک جیک
تِه وَر جنگ آ تِه وَر تیر آ گِلیله

✍ #هادی_اکبری
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

ویشه ره سفره لا کمبه ته وِسّه
طارم بینجِ پِلا کِمبه ته وِسّه
سوزه نشا ره ته سرپیش کارمبه
خرجیه کربِلا کمبه ته وِسّه

✍ #هادی_اکبری
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

غدیر یعنی دل و دلدار بَیتِن
یعنی اِفتابِ دوش شه بار بَیتِن

همون روز که وصی خواسّه محمد
غدیر یعنی علی ره یار بَیتِن

✍ #هادی_اکبری
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

بمومی خون هدامی اینتی بَوّه؟
مله جوون هدامی اینتی بَوّه؟

چه اَمه تَنه تَشّه او نَزنّی؟
اَمه غرصه‌ی کَشّه لو نَزنّی؟

چه وِنه تشنائی مه جانّه بَیره
قحطی بییِه مه خوزستانه بَیره

خِده جهنمه چال بَیّه خوزستان
مَلکمیتّه حلال بَیّه خوزستان

اَمه ارمونه برمه گیرنه اینجه
اَمه چش خونّه سِرمه گیرنه اینجه

می دَیّیِن تشنائه وِره هلاکه
دَسّه چال او اینجه مه خراکه

چه چی وِسّه امه دردِ نَوینّی؟
امه رنگ روی زردِ نَوینّی

کی وِنه اَمه خون تِمونّه هاده؟
اَمه او و هوا و نونّه هاده

بَوِردِنی بَخِردِنی چه چیسه؟
نَهوتِنی بَمردِنی چه چیسه؟

کوریک گیرِنّی چش شه وا نَکِنّی
شی پیش کشه اِماره جا نَکِنّی

پیغوم پَسغوم می کار ره حل نَکنده
میزه دارنه کمر ره وَل نَکنده

بِئین به دادِ خوزستان بَرِسین
وِنه از خون شهیدان بترسین

✍ #هادی_اکبری

➖➖➖
💢 کانال رسمی بابلکنار زیبا
💯 @BabolKenareZiba

مازرونی_خونش زیبا

🎥🎧نشاکر بموئه دلور نموئه
📜شعر و صدای
🎤هادی_اکبری_وسطی_کلائی🌹


#هادی _اکبری_وسطی کلایی****
۱۴۰۰/۲/۱۱




➖➖➖
💢 کانال رسمی بابلکنار زیبا
💯 @BabolKenareZiba

هِوا پِل دِنه آ پِتکا بَهیمه
سیو کِرکِ پَرِ مِتکا بَهیمه
جِزِریک بَهیما خِشک هایتِمه خِشک
بَسوته علفِ لِتکا بَهیمه

✍ #هادی_اکبری
📸 #نرگس_شیرکاهی

➖➖➖
💢 کانال رسمی بابلکنار زیبا
💯 @BabolKenareZiba

آخ چه صفائی داشتمی
حال و هوائی داشتمی
خجیره کائی داشتمی
قبل کرونا که بی یه

بوم شیمی تا بِنه شی می
رفقون خِنه شی می
اونجه دل له وِنه شی می
قبل کرونا که بی یه

شی می کوچه کا کردمی
دروازه سر لا کردمی
خد ره ونگ وا کردمی
قبل کرونا که بی یه

اسا گِنه بیرون نشو
مهله ی کاکرون نشو
سراغ آسمون نشو
گنه کرونا بموئه

درسها همه مجازیه
مدرسه خنه بازیه
کتاب مه جا ناراضیه
گنه کرونا بموئه

وِنه که ماسک شه تِک بِلِم
دستکش خوار خوارک بِلِم
دروازه ی کِرِک بِلِم
گنه کرونا بموئه

✍ #هادی_اکبری_وسطی_کلائی


➖➖➖➖➖
💢کانال رسمی بابلکنار زیبا
💯 @babolkenareziba

اَتا روز دِنیا اِنی شه مارِ پیش کَشه دَری
اَتی گت تِر که بَعی چِتی تَشه پَشه دَری

مِزیر مرد بونی آ بِلندِ کوهره لو شونی
اَنده قِد دارنه تی تَن سربالاره حَسنو شونی

نا خَوِر پیر بونی آ عصا وِنه تی دَس بوره
چار کسِ دوش شونی آ تی دل خوانه که لس بوره

اَره دِنیای دِله وِنه که خوار بوئی برار
اَتا اِفتاب بَسوته سایه ی دار بوئی برار

نَکِنه کفنِ گوش تی گوشِ تِکّه بَهیره
بَخِری مالِ حرام فِردا چِنِکّه بَهیره

وِنه مهروون بوئی تی باغه حاصل بَمونه
تا قیامت تِنه نوم اَرمونیه دل بَمونه


✍ #هادی_اکبری

💯 @babolkenareziba

عیدی ماه اِنه و دل سوزه اِنه
مره یاد ته اون سر روضه اِنه

ته داغه جا مه تن آجیش کَفِنه
یاد سیاه دپوشی نومزه اِنه

هنتا تی جانماز لائه مه دَروِن
یاد ته نماز و ته روزه اِنه

تره ویمبه دری مه نال بِنِ سر
تا اون روپاپلی هر روزه اِنه


✍ #هادی_اکبری

➖➖➖➖➖
💢 کانال رسمی بابلکنار زیبا
💯 @babolkenareziba

#شعر_مازنی

دَس به دِعا بومبه که یار دَگِرده
بی صاب بَهی دِلِ قرار دَگردِه

دِروازه سر نیشتِمبه تالّی کِمبه
شه دِلّ خِش کِمبه تینار دَگرده

صدتا دَخیل دَوِسِمه دِلِ کَش
بونه مِنه سِقانِفار دَگردِه؟

نِخوامبه که ناخِشِ تَن داره یار
هرجا دَره مِوِسِه خار دَگِردِه

سازه زَمبه بوم و بِنه دِلِ وِس
شاید یاره قزل سِوار دَگِرده

یاد بَکرده مِره گِمبه دَرِکِه
اَقلاً خاطره شه مار دَگِرده

خوامبه که تیمِ جاره او دَوِندِم
مه بینجه کر دوشه بِرار دَگِرده

کمل کوفا بَیته تا کِندای بِن
بونه پَعییز چاربیدار دَگِرده؟

بِلین شعره دِلِه خِدره بکوشِم
ولکوم مه هفتِم بییِه زار دَگِرده


✍ #هادی_اکبری

💯 @babolkenareziba

تقدیم به روح استاد #ابوالحسن_خوشرو


اَتا نفر خَوِر هاده گَلونّه
پیغوم هاده هُژبر سِلِطونّه

مَشتیه پِلوِری ره بَوّه بی یِه
لفوره شاه باجی ره بَوّه بی یِه

بائو زهر طالباره بیاره
حسین خان بوره نَجماره بیاره

ربابه جان شِه خِدرِه بَرِسِنده
امیر بائو گوهر ره دل نَوِنده

نرگیس جار ره رونِما بیارِن
مادِرمه ره بهاره ما بیارِن

بی ین نرمه نواجشّه بَخوندِن
بی ین خوشروی خوندِشّه بَخوندِن

که مازرون وَنگ و وا بَمِرده
لله چی بورده لله وا بَمِرده

لله ره دار به دار هاکِرده بورده
ویشه ره داغدار هاکِرده بورده

دیگه مازندرون خوشرو نِدارنه
دیگه اَبو الحسنِ بو نِدارنه


✍ #هادی_اکبری

💯 @babolkenareziba

اَتا روز دِنیا اِنی شه مارِ پیش کَشه دَری
اَتی گت تِر که بَعی چِتی تَشه پَشه دَری

مِزیر مرد بونی آ بِلندِ کوهره لو شونی
اَنده قِد دارنه تی تَن سربالاره حَسنو شونی

نا خَوِر پیر بونی آ عصا وِنه تی دَس بوره
چار کسِ دوش شونی آ تی دل خوانه که لس بوره

اَره دِنیای دِله وِنه که خوار بوئی برار
اَتا اِفتاب بَسوته سایه ی دار بوئی برار

نَکِنه کفنِ گوش تی گوشِ تِکّه بَهیره
بَخِری مالِ حرام فِردا چِنِکّه بَهیره

وِنه مهروون بوئی تی باغه حاصل بَمونه
تا قیامت تِنه نوم اَرمونیه دل بَمونه


✍ #هادی_اکبری

💯 @babolkenareziba

تقدیم به معلمان عزیز

ته مره مشق و املا یاد بِدائی
مِره قرآنِ وِللّه یاد بدائی

نِخواسّی مه سَره کِلاره بَیری
مره آیِ با کِلا یاد بدائی

#هادی_اکبری_وسطی_کلایی

معلمان زندگی روزتون مبارک❤️

💯 @BabolKenareZiba

#شعر_مازنی

تِه کارگر تی کارفرمای قِربون
تی جا صد جور وِ کِنده کایِ قِربون

تی سفره خالیه خِرِش نِدارنی
وِشنا بِتیم تیسا پِلایِ قِربون

پینه بَزّه پیرَن لِمبِر دَبِلقِس
تِه تنِ اون کهنه قِوایِ قِربون

صِوی سَری که اِفتاب در نِموئه
تیساپه تَجِنی تِه رایِ قِربون

تی مِز امروز سِره مِنزِل نَشونه
تی هشت سَر عائِله خِرایِ قِربون

تی دِتِر بی جِهاز کِنده عروسی
تی اصری دیمِ سر رِهایِ قِربون

ندارنی دل خِشی چکه بَزِنی
نَتوندی هاکِنی سِمایِ قِربون

هزارتا ناخِشی ره شِه وَر هایتی
هیچکِدوم نَوونه دِوایِ قِربون

تِره تنگی نفس آخر کِشِنه
کی دَره داره تی هِوایِ قِربون

گِمونِم مَلکِمیت هم نِنِه تی وَر
چه بَمیری بی سَر صِدایِ قِربون

تِه کارگر گِره دارنه تِنه کار
چه تی گِرِه نَوونه وایِ قِربون


✍ #هادی_اکبری

💯 @babolkenareziba

ته که بوردی میا بَیته هِوا ره
بَروشته اَمه سر وارش و وا ره
خِشی پر بَزوئه مَهله جا بورده
لَله چی دِمبدا شِه لَله وا ره

✍ #هادی_اکبری
📸 #نرگس_شیرگاهی

💯 @babolkenareziba