بابلڪنار زیبا

(  اِزال وَرزا  )

یادش بخیر دور از فریب و نیرنگ
            لفورکی داشتمی پاک و قشنگ
امه نیاکان همه آسوده سر
          در لفورک دئینه بی دنگ و فنگ
تا که سَد بمو مانند اختاپوس
             یکدفعه خبر هدا مثل ناقوس
بته از اینجه ونه کوچ هاکنین
            اونهمه خاطراته ِ پوچ هاکنین
بته اِسا بورین شهری بَواشین
             وِنه از زادگاه فراری بَواشین
اِتی امه هستی ره هدا بباد
                جونهای فامیله نیارمی یاد
بعد سَد سادگیها تموم بیّه
                   مهربونی دربدر و گم بیّه
جای اسب سواری ، اتول دارنّه‌
                 جمله عمارت مقبول دارّنه
کَلوش و دِوندی ره دِم بدانه
       دیگه شه لینگ ، کفش وِرنی دارنّه
مردو و زن شیکِّ و اتو بَکشینه
             دِماغ عمل ، کِچک ِ فِنی دارنّه
کی دیگه دشت و زمی نشاء شونه
        باغ سر وجین، یا که صحرا شونه
دشت کایر یاد ِ هیچکس دنیئه
             کی با اِزال ، هِمراه وِرزا شونه
هرجا درنّی شمه حال برقرار
             عمر طولانی دارین ای همدیار

         ✍ #کیومرث_دهقان

💯 @BabolKenareZiba

#شعر_محلی

روزگاری بیّه در زندگی برکت دنیه
همِه چی رو بِسُکون جُنبش و حرکت دنیه

دلی که زَنگار دَوّسه محبت نشناسنه
کینه ورزی دله جز رنج و محنت دنیه

مابین ِ دِتا برار وقتی کدورت حاکمه
قلبی که صیقل نَئیته جای حرمت دنیه

معیار پِر وَچِگی در گروء مادیاته
در وَچه ی ناسپاس شَرم و خجالت دنیه

ازیک بام ودوهوانه مردمان روزگار
دل و زبون اتّا نیه وقتی صداقت دنیه

اول و آخر حرف همه ی قصه پوله
فقیرون حرف پِهِ هیچکس اطاعت دنیه

وقتی قلب سنگی بونه دعاها اثرنکنه
قهرخدا پیش کفِنه در سفره برکت دنیه

یادش بخیر اون قدیما غریبه جانّثار بیّه
در یاد و خاطره ها جز آه و حسرت دنیه

هوای هَمّه ِ داشتنه حتی بادستای خالی
امروز با این امکانات اون انس و الفت دنیه

✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba

نصف شو بیّه دل بی ختا خوئه
نارنه صبرا قرار در چَرخا توئه
فقط دومّه که دلّه غم ، دَزوئه
مه چِش باز اما دَرِ دل ، رَزوئه
بدجوری ناله کنه سینه سوزه
ندومّه کنه پیش ایندل گروئه
هی خامه بشکنّم قفل قفسه
ولی افسوس درگیر آبروئه
ندارمه اتتا دم خنده خشالی
آسمون ِ ایندل میها بَزوئه
دلداری خوانه مه تنگ دل امشو
همزبونی مه دله آرزوئه
یارب کاری هاکن تا بیرم آروم
از تنهایی مه چشّ دریای اوئه

✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی
                
بَزن لَ له که مه دل داد بمویه
 از جور روزگار فریاد بموئه
بزن لَ له مه چش بباره نم نم
وارش بشوره مه کهو دله ِ غم
بَوین امشو مِدل بدجورغرقابه
 زمین و آسمون ِ دَس بیتابه
حال فرهاد کوهکنه دارمبه
کز دوری شیرین غرق ِ عذابه
صداره سرهاده دل بیره آروم
شاید نامه رسون بیاره پیغوم
خبر بیاره از یاره نشونه
 تا دل بیره قرار ازاین بهونه
خدا تا که بکشم چشم براهی
بجز ته کی مره دِنه گواهی
   
✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

مه بوم کبوتر کجه هِنیشتی
           نارمه ازته خبر چه مِر سَرشتی

با اینکه دونسّی ندارمه طاقت
             مره غریب و بی یاور بِهشتی

باور نارمه که انده بیوفایی
           وقت بوردن اتتا پیغوم نِهشتی

یاد دارنی گتی که خنه ی سوئی
              چتی بیّه مه لمپاره دَکوشتی

اقلاً وقت بوردن بیوفا یار
              مِواسّه اتتا خط نامه نِوشتی

بی ته دل چون غروب پائیزونه
                چون لَلوا از شادی گریزونه

اسیر غم ، پُره از درد جنونه
             از هجرِ ته ، آتش بر استخونه

 ✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

لفورک ته بهار چه بو ندارنه
ته محله دیگه سکه سو ندارنه
کی نفربن بکرده بَوّی کناری
هیچکس بسمت ته رجوع ندارنه
بگوش نَرِسِنه هیچ ونگ و وایی
کسی پچ پچا گفتگو ندارنه
ته ساکنان کجه معوا بَیتِنه
که هیچکس میلی به اینسو ندارنه
ته جنگل و ویشه بئیه جیگمرد
گالش شه منزِلسَر گو ندارنه
کَرِس گسفندون هسّنه خالی
چپون دیگه گسفند پِنو ندارنه
چه بلایی بمو سَر لفورک
که جز جزیره دشت و کو ندارنه
بمیرم من تواسّه جانِ زادگاه
دیگه مثل ته سوادکو ندارنه

✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

باز تیر ماه بموئه دل بیقراره
بدجور دلتنگ روی جانه ماره
خَله وقته از این ماه گله دارمه
ونِجا با تلخی خاطره دارمه
تیر ِ سال ِ نَوده کاش ندیبوم
چون در این ماه عزیزگم کرده دارمه
اَجل هیجده ی تیر مه ماره هایته
از من فرشته ی ایثارّه هایته
پای وَچون شه عمره توم هاکرده
حق مادری ره تِموم هاکرده
با زحمت شه وَچونّه هاکرده گت
با عرق جَبین بدون منّت
ازاون بونه مار تره خو بَوینم
سَر ِ سجاده با وضو بوینم
بوینم باز ته مشغول ِ نمازی
با حضرت حق در رازونیازی
بعد از مار دیگه یکرنگی ندیمه
در این دنیا جز دلتنگی ندیمه
هرکسّه بدیمه داشته تمنّا
هیچوقت محبّت ذاتی ندیمه
انشاالله جان مار جنت مکانی
در قلب خسته ی من جاودانی

✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba

روزگاری بیّه در زندگی برکت دنیه
همِه چی رو بسکون جُنبش و حرکت دنیه

دلی که زنگار دَوّسه خله مشکل صاف بونه
چونکه در بین گتا خُرد هیچ محبّت دنیه

آخرا اول حَرفه ِ همه آدما بیّه پول
حتّی بین برارون یک زرّه حرمت دنیه

معیار پِر وَچِگی در گروء مادیاته
امروز وچونه ِ مینا شَرم و خجالت دنیه

بظاهر موافق هسّه درباطن ته مخالفه
زبون و دل یکی نیه چون صداقت دنیه

از بس قلبا سنگی بینه دعاهم بی اثره
‌ شاید غضب ِ خدائه در سفره برکت دنیه

یادش بخیر اون قدیما غریبه جانّثار بیه
کمتردلی داشته کینه همسایه ته برار بیه

هوای همّ ِ داشتنه حتی بادستهای خالی
حرف و عمل اتّا بیه بخششا بیشمار بیه

✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba

نوسال موارک

لفوری تره این نوسال موارک
تره این عیدو این احوال موارک
الهی دَئویی هزار سال و ماه
عمرجاوید داری اقبال موارک
کهنه سال بورده نوبهاربموئه
تره نغمه های هَزار موارک
نداری لحظه ای دلتنگی وغم
دلخِشی داری موندگار موارک
دواشی کنار عزیز و دلدار
پیش ِ آهوچِش ِ خُمار موارک
هرکجه اِشِنی پرگل و سبزه
تره معجزه ی دادار موارک
انشالله بَوینی عیدهای بسیار
برته نوروز ِ پایدار موارک

✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba

این همه دلتنگی ره من باکی قسمت هاکنم
از غم بی همزبونی با کی صحبت هاکنم

ذکروخیر گتا خرد فقط پول هسّه والسلام
پیش کی بورم خدا جز ته شکایت هاکنم

اَمروزه که دوست و دشمن هسّنه بنده ی زَر
کوئه اون درویش مخلص باوه بیعت هاکنم

قصه ی مهرو وفاهم بوی افسانه دنه
من با قحطی محبت چِتی عادت هاکنم

خله تومه خسّه بَیمه من از این شهرا دیار
کجه جای امنیّه تا اونجه هجرت هاکنم

مه تنگ دل پراز غم و پر از درد غربته
ای خدا کو همدمی تا حَضم غربت هاکنم

سال و ماه گذرنه من درگیر صبری بی ثمر
پیش کی ازسینه ی پردرد حکایت هاکنم

اگه داشتبو دله ِ ساده زره ای رنگ وریا
باجماعت بیمه همرنگ تا شماتِت هاکنم

✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba

#پیری

پیری که ازراه رسنه
ته جسم و جان لرزون بونه
بهارعمر ته کشِنه
دنیا تِه پیش خزون بونه
دیم رنگ زردوزار بونه
قامت ِ صاف کمون بونه
قشنگی ِ جمال شونه
‌ چروک ها آویزون بونه
های های دیگه نموندنه
وای وای وِردِ زبون بونه
خنده خشالی پَر گیرنه
ناله ته همزبون بونه
ته دور و بر خلوت بونه
درد و مرض مهمون بونه
دوستان تره ترک کندنه
خیال آفت جون بونه
یاد جونی کفنی
ته چِش پراز بارون بونه
پیری که ازراه رسنه
آدم بی سایه بون بونه
دایّم بهونه گیر بونه
خوار پیش عزیزون بونه
قهرو غزب واقع بونه
دغدغه ی وچون بونه
اگه مال و منال داره
راهی سالمندون بونه
با یاری ملک الموت
ساکن قبرستون بونه

✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba

سوادکوه مه دین و ایمون ته هسّی
مه خسته جان ِ دَمزنون ته هسّی
ته دشت و کوه ِ نرم ِ واره ِ خوامه
آرامش ِ بعد از بارون ته هسّی
صدای صوت ِ لَ له وا تِشِنه
دیار ِ خوشرویِ خِش خون ته هسی
ته یلاق و قشلاق همیشه سرسبز
پناه ِ جمله خستِگون ته هسی
ته در قلب منی صبح تا نماشون
به هرجا که شومه مهمون ته هسی
اگه دنیا مه پیش بوه گلستون
گل ِ سرسبد ِ دورون ته هسی
چتی هاکنم با این غم ِ دوری
دلیل ِ حسرت و هجرون ته هسی
اگر شعری تبری بتمه من
مسّه ِ بهونه ومضمون ته هسی
دل برو کمتر هاکن بیقراری
اسیر پنجه ی گردون ته هسی

✍ #کیومرث_دهقان

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی
#لفورک

امه زادگاه چه زیرا رو بئیه
دَکِته دست ِ طرح دِریو بئیه
نَوینّی اثری از زندگانی
تا چِش کارکنه یکسر او بئیه
گَتا خُرد بوردنه هریک دیاری
وِشونه ِ روز ِ روشن شو بئیه
دارنه کم کم بونه دیارفراموش
خاطرات همه لینگو لو بئیه
صفا و مهربونی بورده از یاد
فامیل از هم دور و درو بئیه
مه زادگاه جزئی ازجمع لفوره
همونجه که چون آرزو بئیه
کل لفور بییه مرکز لفورک
که سالها مایه ی آبرو بئیه
زبهداری و مدرسه و محضر
تماماً در لفورک رو بئیه
گره گشا بییه امامزاده علی
چه حاجتها رفع و روجوع بئیه
هنوز بارگاه ِ آقا برقراره
بااینکه بی چراغ و سو بئیه
عزیزان اگه بی مقداره مه شعر
خاطرات باب ِ گفتگو بئیه

✍ #کیومرث_دهقان

💯 @babolkenareziba

#شعر_محلی

" ناسور ِ دل "

ناسوردل ونوشه جارّه کورنه
بِلبل ِ مست ِ بیقراره ِ کورنه

آسمون ِ دلی که بِرمه دارنه
اشک ِ زلال ِ چشمه سارّه کورنه

ناحِرص ِ دنیادارنه ناکه دلدار
بساط ِ دِرهم و دینارّه ِ کورنه

اِسا که دل هیچ اَرمونی نِدارنه
سیو چِشا خال ِ نِگارّه کورنه

اونکه پیادوئه دنیا سواره
اَسب ِ چَموش ِ بی اوسارّه کورنه

وقتی تیساپه لینگ تاول بَزوئه
پیاده راهی که هموارّه کورنه

طفلک دلی که چشم براه ندارنه
گِردش سال و نوبهارّه کورنه

دلخِشی ِ کاسب به خوشه جاره
خیال و عطر ِ شالیزارّه کورنه

خِنه ی دل هَسّه خِراب و ویرون
پیت ِ خِنه وه سَرپِجاره کورنه

گَله ها دارنه دل ازچرخ ِ گردون
این سَرنوشت وحال ِ زارّه کورنه

غریبی که ندارنه آب وخاکی
جایی بجز خاک ِ دیارّه کورنه

اَگه دنیا بَوّه بهشت ِ ثانی
این پرفریب ِ کهنه کارّه کورنه

✍ #کیومرث_دهقان

💯 @babolkenareziba

‍ #لفور_سربلند


لفور من ته غریبی ره نوینم
ته آسمون ِ ابری ره نوینم

الهی ته دیارهمیشه سرسبز
ته مَرزا بوم ِ زَردی ره نوینم

تا دنیا برقِراره ِ سربلند باش
تِخاک دشمن ِ یاغی ره نَوینم

ته بِلبِل نغمه خونتر ازهمیشه
دَپیجه غرش شیر دل ِ ویشه

ته باغا ته لته مَشت ِ ونوشه
ته هَن لو اوجی دَونده ریشه

کی نفرین هاکِرده بی ته بمونّم
تسّه ِ از غم دلتنگی بخونّم

خاطرات کچیکی زنده بَوِّن
باعث ِ صد دریغ و برمه بَون

مه روز بی یاد ته که شو نبونه
اون دوران هرگز لینگالو نبونه

به یاد اون روزا دل کنه فریاد
ترسمه عمر ِعاشق بُوره بر باد

ته ای جان ِ لفور ای زادگاه من
هسّی تا که دَرمّه دلخواه من

✍ #کیومرث_دهقان_لفورکی

💯 @babolkenareziba

#شعر_محلی


هی گِمه دل نَشو سمت ولایت
گِنه مِجا نخواه ترک ِ این عادت

اون خاک ِ پاک بوی نیاکان دنه
حِس و عطرو بوی عزیزان دنه


مه جان ِ پِر اونجه مَعوا بئیته
بالای جَزیره سُکنا بئیته

همونجه که زادگاه جانِ ماره
یادش مَرحم ِ دل ِ بی قراره

نشونِ من از اون آب و خاک هسه
مه سَرآغاز به دنیای پاک هسه

الفباره من اونجه یاد بیتمه
پرسش و پاسخه جواب بیتمه

چِجوری من اونجه ره وِل هاکنم
ترکِ دیار و آب و گِل ها کنم

مگه بونه اون خاکّه ِ یاد بکنم
دفترِ خاطرات ِ پاک بکنم

هرکس شِسّه رَگ و ریشه ای دارنه
دراین دنیا ارث و پیشه ای دارنه

درسته که هیچکس دیار دنییه
و دیدار ِ جان ِ پِرا مار دنئیه

همینکه وشون ِ یاد زنده هسه
مه تنگه دله وسه هدیه هسه

مه زادگاه ازخاک پاک ِ لفوره
همونجه که مِجا فرسنگها دوره

سد ِ البرز غاصب و مه منظوره
جانِ لفورک نیست و بی عبوره


✍ #کیومرث_دهقان

💯 @Babolkenareziba

#شعر_محلی

بزن لله که مه دل خونه امشو
مه د ِ تا چش پراز بارونه امشو

کی دونه حال این دلهِ خِرابه
حال من بدتر از مجنونه امشو

کوک هاکن هفتا بندِ لله واره
که با دیونه دل همخونه امشو

بزن تا کم بئوه سینه ی غم
چونکه نخاسّه غم مهمونه امشو

بواش امشو مه حالِ زاره مرحم
که حال خِش مره ارمونه امشو

بزن لله ته از داغ ِ جدائی
درد تنهایی بی درمونه امشو

مثال ککی خوامبه بزنی زار
غمخالی هاکنه میدونه ِ امشو

بزن ای لله چی هاکن ته اعجاز
که دل بدجوری سرگردونه‌ امشو

یارب رحمی براین آشفته حالیم
دنیا بر چشم من زندونه ِ امشو

✍ #کیومرث_دهقان

💯 @babolkenareziba