بابلڪنار زیبا

#شعر_محلی

پَییزِ ماه بییه تارِ شو
بُوردِمه یارِپَلی چَچیِ کَلِ تو
کَلکِ سَر بوردمِهِ دَییه تَلی
چَچیِ رِبَشتِمه هاکِردمهِ پِیی
دارکوتِن مِه تَن رِ بَزوئه چِکوم
زِمِسُونِ وا مِرِ هِدائه تِکوم
کٌورکِلاج مِه وِسُه بیاردِ پِیغوم
راه رِ لانگهِ کِمبهِ تِه نَهٌووی گوم
مِه دل خانِه سَرهادِ شِه صدارِ
کتولی وامیری طالبارِ
هَمه بِشنوئن مهِ هَیرا هَیرار
بارِن تِهِ ناسورِ دلِ بلارِ

✍ #توران_آرام

➖➖➖
💢 کانال رسمی بابلکنار زیبا
💯 @BabolKenareZiba

#خواهونی

پَئیز ماه بیه تارِ ماه شو
بوردمه یار پَلی چَچّی کَلِه سو
کَلِک سَر بوردِمه دئیه تَلی
چَچّی ر بِشتمِه هاکردمه پِئی

شه بشکسه تار ر هاکردمه سرین
هرچی ناله داشته دکرده بریم
اتا ر من باتمه ده تا ر مه تار
انده بنالسه ششک بورده مار

صِوی نَشی خو جه بَهیمه بیدار
مه تن دَرنجِسّه مه دل بیقرار
اَتّتّا شاب زومه صد فکر و خیال
یاره بدیمه مه زِوُن بییه لال

رورِ دگاردندیّه مره نشا
سلوم ها کردمه جوابِ ندا
مه زِوُن گِربخِرده نیّه ووشا


ندومبه چتی راه ر نکردمه گوم
سره نرسیمه هدامه پیغوم

اگه خوانی بوری مه چش سو
اگه خوانی بوری مه چش خو
اگه خوانی مه دلّ ِ بیاری تو
اگه خوانی مره بزنی سرکو
خدا نکرد مره بزنی درو
نهلی مه ور بهاربکنه بو
اگه خوانی بی گذر بزنی او
ته اونوَرِ رو و من اینوَرِ او

ونه پیغوم بمو مره نخوانه
بَتِه شِه بِخِدی اَره هِدانه

کاشکی زودتر مره بئی بو حالی
مه دل دار تک نسات بیبو کلی
مه چش اگه بلنددار ندی بو
اسا وا کلی ر نِدائه پَلی

✍ #توران_آرام

💯 @Babolkenareziba