#ليلة_الحادي_عشر #قصائد_في_خدمة_الخطباء_والرواديد#محرم_١٤٤٤ #ليلة_الحادي_عشرتصوير شعري لسان حال العقيلة لأخيها العباس صلوات الله وسلامه عليهما من خيمتها ليلة الحادي عشر..
(وزن قصيدة "ها يمهدي" للملا باسم الكربلائي)
[الليله صعبه]
الليله صعبه .. ما مثلها مَر عليه
الليله صعبه .. بيها دمعاتي جريه
الليله صعبه .. بيها تحرسني اميه .. الليله صعبه
١/زينب آنه يا گمر ليلي وتَمامه
سَلَّمِت من خيمتي بْدمعي التّهامى
أدري بَحّه بْصوتي بس گلبي وكلامه
يوصلَك والرايه من تِرجِف عَلامه
يا كفيلي .. گلبي خايف، خويه وينك
يا كفيلي .. الليله محتاجه يمينك
يا كفيلي .. صحت الك آنه وْرُقَيّه .. الليله صعبه
٢/واحد بْباب الخِيَم انظُر خَياله
ما هو طولَك هذا لا هُوَّه جَلاله
يْروح وِيْرِد يِضحَك وبَس هذا حاله
واسْمَعه عن چتلَكِ يْحَدّث رِجاله
سولَفِلَهُم .. شلون خطط أن يِغِدْرَك
سولَفِلْهُم .. شلون صاب بسهمه صدرك
سولفلهُم .. وآنه اونّ ونّه خفِيّه .. الليله صعبه
٣/آنه يا خويه الچنت يمك أميره
عْليّه مكتوب امشي من بعدك أسيره
أتْرُكَك عالگاع يا بدر العشيره
وامشي بيديّه بالحبل والحيره حيره
باچر ارحل .. وانت تُبگى عْلى الترايب
باچر ارحل .. گلبي من هاللحظه ذايب
باچر ارحل .. واومي للشاطي بإيديه .. الليله صعبه
٤/باچر بنظره أخيره راح انظرك
لكن آنه خوفي اشوف سهام صدرك
خوفي أبچي گبالك ودمعي يِكِسْرَك
خوفي مثل حسين اشوفه دامي نحرَك
خوفي امشي .. يمك وبيدي سلاسل
خوفي امشي .. ويِكسِرَك ظهري اللي مايل
خوفي امشي .. ويَمّك يگولو سِبِيّه .. الليله صعبه
#عظم_الله_أجوركم ◾️فاطمة رزق
أسألكم الدعاء