قناة خطباء المنبر الحسيني للقصائد

#شهادة_الامام_زين_العابدين ع
#أطوار_مختلفة
#وكأني بالإمام زين العابدين تمنى حضور أبائه واجداده ، تمنى حضور الزهراء ع ليبث لها همومه واحزانه:



انا السّجاد يا يُمّه .. تعالي الساعه حُضْريني
انا من عاشِر محرّم  .. انازِعْ خِلْصَتْ اسنيني


عليل وزادت العلّة  ..  من شِفْتِ الشهيد حسين
ظامي ما شِرَب مايه .. ومنّه منقِطِع الوتين
صدره مرضرض .وقلبه .. طالع بالسهم ثِلثين
شَروِيلِك بعد يُماه  .. يريت اهناك إنعمت عيني


شلون أنسى الجرى والصار  .. وانا بالمرض حاير
لهيب النّار حْرَق الخيام .. وباذيال العِبي صاير
وشِفت الخيل تِجي وتروح .. وبصدر الولي حافر
وبسوطه الشِّمر طَقها .. لعمِّتي بس يأذيني


ومَرار الما نِسِيته بيوم .. سَبوني وعَمِّتي للشام
وعلى بوّابِة الساعات .. نظرات الشّماته اسهام
والجارِحني في روحي .. حريم حسين وسط ظُلاّم
وعلى زينب تصد العيون .. ويزيد يصيح تحاكيني


🖊️خادمة أبي الفضل

#أطوار_مختلفة
#ليلة_الدفن
#تصوير شاعري لسان حال الإمام السجاد ع عند دفن العباس ع



يعمي ادري انا بحالَك .. رايد تعلم الأخبار
بعد ما طاحت الكفين  .. على زينب شنو اللي صار


الكِنت كافلها يا عمي .. وكنت إلها العمد
والسور
طلعت والزّلم تنظر .. وشافوها تنوح اتدور
وحيدة وفاقدة الخوان .. ونار الشّبت ابلخدور
بَكّاها الشّمر وتصيح .. سوطه اعالمتن شو حار

#بعد ما الذي جرى !!!!

صوب العلقمِ إتعنت .. بليل الحادي يا عباس
تِقبّل اكفوفك اتنادي .. مو عاده يبو الإحساس
تِخليها وسط عدوان .. وعليها تأشر الأرجاس
مشوها بيسر واِحبال .. ودمِعها عالوجن مدرار


🖊️خادمة أبي الفضل

#محرم_١٤٤٥
#أطوار_مختلفة
#ليلة_العاشر



يا عِين التِنام ابليل  ..  وهاذي أخر الساعات
أبو السجاد وي زينب  ..  وسوا داروا على الخيمات
بأرض الطف فلا نسمع  ..  غير اموَادع و ونّات
بس هالليله يَمّها حسين .. وأمان العايلة العباس

يخبرها عصر عاشور .. تشوفي امضرجه الشبان
أضاحي عالثرى كلهم  .. ونجوم موذرة ورضعان
وعريس الطّف بِ نّزفه  .. ما بين النبل واِسنان
وعلى شاطي الطفوف يطيح  .. عضيدي منهشم بالراس

#وانت ابو علي ، أوتنعي إلي نفسك !!!

بصبر أمي انا أوصيك  .. لو جِيتي الى المصرع
وسِمعتي ونّه الزهره  ..  يعني منحري اتقطع
الذّبح موعود من صغري  .. وتشوفي الذّابح اتربع
وليّه ما عظم سالم  ..  تِحضنيني بهدا واحساس


ويهجم عالخيم ظالم  .. وتِحيري بجملة الأطفال
وراهم يركض الملعون  ..  بسياط الكفر واحبال
يضرب عالمتن طفلة  ..  ويدفع واحدة ابلرمال
ويشتم والدي وامي .. وتنظري لجثّتي تنداس


🖊خادمة أبي الفضل

#أطوار_مختلفة
#السيدة حميدة بنت مسلم



▪︎...وكأني بحوار دار بين رقية وحميدة تسلّيها ، تصبّرها ، بعدما قال الحسين ع لحميدة إبنة مسلم : إن مات أبوك فانا أبوك وبناتي أخواتك :



يتيمه إنتي يبت مسلم .. بس عندك أبو ثاني
لكن عاشر محرم .. لا عم لا أبو آني


حميدة نَشّفي دمعك .. ترى علينا اليتم مكتوب
اذا مسلم برض كوفه .. سِمعتي وبالحبل مسحوب
انا قبالي الأبو ابعاشر .. بدمومه النّحر مخضوب
ولا واحد يواسيني .. ولا يمسح لي أجفاني


ابونه حسين من شالك .. ضماكِ إلى صدره
وشفت بعيونه الرّحمه .. حنون ادري ابو العتره
وانه بخَربه يخلّوني .. على تُرب الارض حَره
ويفجوني بطشت راسه .. خضيب واحمر وقاني

#بعد رقية تسولف المنظر لحميدة :


أحِضنه ومدمعي يِغسله .. وشوف الشّيب يظل أحمر
واسولفله عن احوالي .. ومتوني ترتل المنظر
منو الخلّاني من صغري .. أوقع مِن افِر واعثر
تعالي انوح يبت مسلم .. اليتم مِن هِسه سلاني


🖊️خادمة أبي الفضل
🖊️ ام جواد

#محرم_١٤٤٥
#أطوار_مختلفة
#خروج_الإمام_الحسين_من_مكة المكرمه



مكّه بالحجيج تصيح  ..  لا تخلّو السّبط يرحل
ابو السجاد قَطَع حجّه  ..  ولبَّى لكربله المقتل


سار حسين باهِل بِيته  ..  وظلّت بالطواف النّاس
ما واحد إله حامىَ  ..  سَعِيهم لا وفه لَ احساس
حَلّ احرامه وي زينب  ..  واخُوُتَه والبطل عباس
يتمّ حجه برِضْ الِطْفُوف  ..  وثُوبه بالدِّمه يِبتّل


يلبّي بكربله يضحّي  ..  باولاده ونزيف اِدْماه   
يلبّي بذبحِته عطشان  ..  ولا واحد إِلَه رَوّاه
بصَدره يصعَدِ المَلعون  ..  يحزّ نحرَه ولا خلاه
ونِسوانه تروح اشواط  ..  ما بين الخيم والتّل


يِبات اعلى الثّرى جِسمه ..  وراسه عالرّمح بِ يدور
وثوب إحرامَه امسلّب  ..  وصدره من السَّحِق مكسور
ومبيت الحج فرض واجب  ..  وزينب باتت ابلبرور
حجهم ما مثيله حجْ .. ذبح وتلبيه وهِزّل



🖊خادمة أبي الفضل

#محرم_١٤٤٥
#أطوار_مختلفة
#خروج_الإمام_الحسين_من_مكة المكرمه



مكّه بالحجيج تصيح  ..  لا تخلّو السّبط يرحل
ابو السجاد قَطَع حجّه  ..  ولبَّى لكربله المقتل


سار حسين باهِل بِيته  ..  وظلّت بالطواف النّاس
ما واحد إله حامىَ  ..  سَعِيهم لا وفه لَ احساس
حَلّ احرامه وي زينب  ..  واخُوُتَه والبطل عباس
يتمّ حجه برِضْ الِطْفُوف  ..  وثُوبه بالدِّمه يِبتّل


يلبّي بكربله يضحّي  ..  باولاده ونزيف اِدْماه   
يلبّي بذبحِته عطشان  ..  ولا واحد إِلَه رَوّاه
بصَدره يصعَدِ المَلعون  ..  يحزّ نحرَه ولا خلاه
ونِسوانه تروح اشواط  ..  ما بين الخيم والتّل


يِبات اعلى الثّرى جِسمه ..  وراسه عالرّمح بِ يدور
وثوب إحرامَه امسلّب  ..  وصدره من السَّحِق مكسور
ومبيت الحج فرض واجب  ..  وزينب باتت ابلبرور
حجهم ما مثيله حجْ .. ذبح وتلبيه وهِزّل



🖊خادمة أبي الفضل

#العاشر
#أطوار_مختلفة
#طور_تمنيته_الليل
#وصول_السيدة_زينب_الى_ مصرع الحسين ع



▪︎...وصلت زينب الى مصرع الحسين .. وهو يقبض يمينا ويبسط شمالا .. وطرفه نحو الخيام..
السهام والنبال على جسده .. والجراحات غطت ملامحه الشريفه .. ولكن عطر الحسين كعطر الزهراء وكأني بهذا إستدلت على الحسين💔
نادته أأنت الحسين حمانا...!!!
أأنت رجانا...!!!
(مشتاقة بعد مرة) نور عيني يا حسين ...



مشتاقه بعد مره         
            حتى وانا حاضِنْتَك
عطر امي أشمْ منك   
             اعلى هاذا وآنه عارِفْتَك

ساكت ليش جاوبني  ..  حق العِشره و الخوه
بزمان المَر فقدنه احباب .. وانته الباقي لي سلوه
واذا بيدي اموت وياك  .. حق أيامنه الحلوه
ابوداعك كل جرح بيّه  ..  لِجمّني لمّا وادَعْتَك      


اظنّك لو تموت الساع  ..  أموت وياك يروح الروح
واتنفس تقلي شلون؟؟  .. وانته مرضرض ومذبوح
خيال أمشي أظل بعدك  ..  وتراتيلي البكى والنوح
أقوم واعثر من الهم  .. صدق ياخويه فاقِدْتَك ؟؟


ساعة وتنذبح يحسين .. وأصير مكفله بأيتام
اتلفت يسار يمين .. وعلينه تِنحرق لخيام
واذا جِيتك إلَك أفزع .. كعبه وانرمي بسهام
وبعد يومك يسيروني  .. يروحي وآنه عاذِرْتَك


🖊خادمة أبي الفضل

#أطوار_مختلفة
#لسان حال الموالي ونعمة الإمام المهدي عج



خيرك دايم علينه ..  يمهدينه شُكر مولاي
امغرّقني بألطافك  ..  وأحسّك هم تسير اوياي


اضيع بلا حنانك ويل  ..  اذا عني تغض عيناك
أًحنّ من والدي وأمي  ..  واحبك سيدي واهواك
على الفطرة وِمِن صغري  ..  أناشد هم اكون اوياك
وبعيوني إلك زمزم   ..  وذكرك بالقلب سلواي


شعنده العاشق الغيرك  ..   ربيع أيامه لا مَيدوم
اليحبّك عايش وموجود  ..  بذكرك تنجلي الهموم
عِشِقتك من قبل أكبر  .. كبير احساسك ومعلوم
وحق اعيونك التبكي  ..  على المحروم لذيذ الماي


🖊خادمة أبي الفضل

#الامام المهدي عج وقبور البقيع
#أطوار_ مختلفة


بعون الله مهدينا يطلب للبقيع الثار
يجينا رافع الراية بيمينه يشهر البتّار
على راسه عصابة الزهراء ويرفع للضريح حجار
يبني قبة الغرقد ومناراته يعليها
آيمهدي آيمهدي آيمهدي آه²


ترفرف راية البيعة وبقيعه نزوره ونطوفه
ومواكب كلها مشّاي تحيّي المهدي وتشوفه
ويستقبلها زوّاره ويفتح دربه للكوفه
ويوصل كربله والطف ومدينة جده يبنيها


يبني للحسن شباك وقبة من ذهب تلمع
وللسجاد والباقر منارة بنور من تسطع
وصحن للصادق المظلوم ومنابر للعلن يرفع
وبالآذان اسم حيدر
وقباب اربع يضوّيها

الشاعرة خادمة آل محمد

#أطوار_مختلفة
#لسان _حال_السيدة_زينب ع بعد شهادة أبيها أمير المؤمنين ع



الأبو خيمه على ابنيّته  ..  يروح الحيل اذا بيروح
بكلبي تسكن الأحزان  ..  ويظل جرح اليتم مفتوح
أقضّي بالحزن يومي  ..  ودمعي عالوجن مسفوح
يالمأخذ مهجتي اوياك  ..  سهرانه بعد ما هيد


#صارت زينب تتذكر ايام طفولتها وصباها في دار أمها وأبيها :

اشحلاته من كنت يِمنه  ..  واُمنه تناظر بعينك
بسوالفها تِدفّينه  ..  وبعدها نسمع اونينك
راحت امنه بس انتَ ..  إلنه واهب اسنينك
لن سيف الأجل صابك .. وجرحك بالنزف بيزيد


إجاني العيد وإشتاقيت .. بين احضانك تضمّني
شلونِك يبويه تِنْشِدني .. وراسي اتقبّله اتشمني
رِحت مني رِحت عني .. بعد يا حضن اللي يلمني
بشهر الصوم تودّعنا  ..  وتِيتّمنا قبل هالعيد


🖊خادمة أبي الفضل _ ام جواد

#شهادة_الإمام_موسى_الكاظم ع
#أطوار_مختلفة
#مقارنه بين المعصومة والسيدة رقية ع
وكأني بالإمام الكاظم ع وقد بعث برسالة إلى إبنته فاطمة المعصومه مع الريح



صاح الكاظم بهمه سلامي لبنتي وعيالي
مسجون وحبل واقيود وصورهم دايمه ابالي
عليّه ضاقت الأنفاس وحرموني الهوه تالي
اعلقد ما ليّه مُشتاقه أشتاقيت أنا ليها

وصّيها الصبر يا ريح حنينة بنيتي معصومه
عليّه تنشد اليمتى ابويه تِخلص اهمومه
ما تدري أبوها يروح ومنه هم قُرّب يومه
تجي الوادم تِعزيها ولا شامت يعت بيها

طور الجفيري

بموتي يبويه بس قَهْر
ولجلي دموعِك كالمطر
لكنّي سالم امن النّحر
ولا واحد اعلِيك جِسَر ( تجرأ)

#بنيّة انت تفقدينني وتبكين عليّ وتنحبين ،لكن اسفي على مدلالات الحسين اسفي على رقية :

جدي الغريب ابكربله
عنده بنات امدلله
هامت تصيح ومعوله
ضربوها شتموا العايله

فقدي اعلى قلبك آه صعب
وبعدي تظلي بالندب
ذكري رقيه التنضرب
بساعة دمعها هم تصب

#بعد مولانا الكاظم عنده وصية لبنته المعصومه :

آيبويه     ذِكري بِمصابِك رقيه
آيبويه    شكثر صاحت خطيه
آيبويه    بنتك الليله سبيّه

بالخرابه    الله بس يدري بيها
بالخرابه    تنطر الوالد يجيها
بالخرابه    زينب اتصبر عليها


🖊خادمة أبي الفضل

#أطوار_مختلفة
#طور_تمنيته_الليل
#وصول السيدة زينب الى مصرع الحسين ع



▪︎...وصلت زينب الى مصرع الحسين .. وهو يقبض يمينا ويبسط شمالا .. وطرفه نحو الخيام..
السهام والنبال على جسده .. والجراحات غطت ملامحه الشريفه .. ولكن عطر الحسين كعطر الزهراء وكأني بهذا إستدلت على الحسين💔
نادته أأنت الحسين حمانا...!!!
أأنت رجانا...!!!
(مشتاقة بعد مرة) نور عيني يا حسين ...



مشتاقه بعد مره
حتى وانا حاضِنْتَك
عطر امي أشمْ منك
اعلى هاذا وآنه عارِفْتَك

ساكت ليش جاوبني .. حق العشره و الخوه
بزمان المَر فقدنه احباب .. وانته الباقي لي سلوه
واذا بيدي اموت وياك .. حق أيامنه الحلوه
ابوداعك كل جرح بيّه .. لِجمّني لمّا وادَعْتَك


اظنّك لو تموت الساع .. أموت وياك يروح الروح
واتنفس تقلي شلون؟؟ .. وانته مرضرض ومذبوح
خيال أمشي أظل بعدك .. وتراتيلي البكى والنوح
أقوم واعثر من الهم .. صدق ياخويه فاقِدْتَك ؟؟


ساعة وتنذبح يحسين .. وأصير مكفله بأيتام
اتلفت يسار يمين .. وعلينه تِنحرق لخيام
واذا جِيتك إلَك أفزع .. كعبه وانرمي بسهام
وبعد يومك يسيروني .. يروحي وآنه عاذِرْتَك


🖊خادمة أبي الفضل

#وفاة_السيدة_أم_البنين ع
#أطوار_مختلفة
# تصوير حضور الإمام الحسين ع والسيدة الزهراء عند إحتضار أم البنين ع



مَرّ طيفه على عيوني .. قبل موتي " حبيبي حسين"
وإجَت وياه "حزينه" تنوح  .. تنادي يا فْقِد البنين

#منو هاي الحزينه ...؟

شِفتها وإحترت بأمري  ..  منهي اتكوني يالحره !!!
ابونّتها تِفت الروح  .. وبديّها شايله الصّره
فَتْحَتها وشِفت كفين  ..  دِريت الطّاهره الزهره
كفوف إبني جابتها ..  يغمض لي جفون العين


تصيح بصوت يم عباس .. تِعوضلي فقد الاولاد
تِجازي قطّعة إزنوده  ..  وما تدري بحزن الفأد
لوّن من الوِلد عشره  .. ويرد سالم أبو السجاد
بس جاني الخبر مذبوح .. ع الرمضه وبلا تكفين


#واذا بأم البنين خجلت من الزهراء ع  ومواساتها لها ، نظرت للحسين تسأله تستعلم الحال عن وفاء العباس ، يجاوبها الحسين :


شِفت موتي ييُمّه هناك ..  من راح القمر عنّاي
صاح بصوت يهز القاع  ..  انا العباس انا الوفاي
لهذا اليوم رادتني  ..  أمي التِعبت اعلى رباي
اريد اوفي سهرها بليل  .. وافديلَك كفوفي اثنين


🖊خادمة أبي الفضل

#الليالي_الفاطمية
#أطوار_مختلفة
#لسان حال السيدة زينب ع عند وداع أمها الزهراء ع ليلة الشهادة



خليكِ بعد ليله يا يُمّه لا تِودعِيني
مِتعودة على حضنِك ولاحضانِك تضميني
ودمعي تِمسحي بيدِك وبهيده الضلع مهشوم
أسكت روحي ما أقدر  ووداعِك حيل يأذيني


بحسن وحسين توصيني ودمعي يحفر بخدي
واعيش بغربه لو رِحتي وانا وحزني أظل وحدي
ويوم العاشر الموعود منو يساعدني في همي
منْ اركض الى الحسين وقِله بعدك إشعندي!!!


*#تجاوبها الزهراء بكل حنان وحزن على حالها :*

تونّ الزّهره وتقِلها            زودتي عليّ حِزني
وعد مَعوفِك بالطفوف     أجيكِ والضلع محني
وعاين قاعد المعلون        يذبح منحره ويفري
وحوافر طابعه بصدره     وما يِسلم عظم إبني



واشوف اخيامِك موجره    ومَصَابِك يشبه امصابي
ويتامى حسين تتراجف     مثل حالِك عند بابي
ومسمار الضّلع بيصير سوط على المتن يلوي
وتطيحي من الألم مثلي     واصوابك اهو اصوابي


🖊️خادمة أبي الفضل

#وفاة_السيدة_أم_البنين ع
#أطوار_مختلفة
# تصوير حضور الإمام الحسين ع والسيدة الزهراء عند إحتضار أم البنين ع



مَرّ طيفه على عيوني .. قبل موتي " حبيبي حسين"
وإجَت وياه "حزينه" تنوح  .. تنادي يا فْقِد البنين

#منو هاي الحزينه ...؟

شِفتها وإحترت بأمري  ..  منهي اتكوني يالحره !!!
ابونّتها تِفت الروح  .. وبديّها شايله الصّره
فَتْحَتها وشِفت كفين  ..  دِريت الطّاهره الزهره
كفوف إبني جابتها ..  يغمض لي جفون العين


تصيح بصوت يم عباس .. تِعوضلي فقد الاولاد
تِجازي قطّعة إزنوده  ..  وما تدري بحزن الفأد
لوّن من الوِلد عشره  .. ويرد سالم أبو السجاد
بس جاني الخبر مذبوح .. ع الرمضه وبلا تكفين


#واذا بأم البنين خجلت من الزهراء ع  ومواساتها لها ، نظرت للحسين تسأله تستعلم الحال عن وفاء العباس ، يجاوبها الحسين :


شِفت موتي ييُمّه هناك ..  من راح القمر عنّاي
صاح بصوت يهز القاع  ..  انا العباس انا الوفاي
لهذا اليوم رادتني  ..  أمي التِعبت اعلى رباي
اريد اوفي سهرها بليل  .. وافديلَك كفوفي اثنين


🖊خادمة أبي الفضل

#الليالي_الفاطمية
#إلى روح الشهيد علي سلمان
#أطوار_مختلفة
#رؤية أمير المؤمنين ع لمولاتنا السيدة الزهراء ع في النوم عند قبرها الشريف



▪︎...وكان الإمام علي (ع) يجلس عند قبرها ليلا فيقرأ القرآن بناء على وصيتها وفي ليلة من الليالي قرأ شيئا من القرآن ثم غفا قليلا وإذا بالزهراء (ع) تقول له في الرؤيا: شكر الله سعيك يا ابن العم لقد نفذت الوصية يا أبا الحسن ثم قالت: ارجع يا أبا الحسن إلى البيت لأن زينب جلست من نومها ونظرت إلى مكاني فرأته خاليا فأخذت بالبكاء....
البحار ج43 للعلامة المجلسي (ره).



وَصِيتَك يا حيدر كُون تِأنِس وَحشتي بقبري
تِقرالي كتاب الله وصوتَك مدمعي يجري


من كِثر التعَب غُمْضَت عِينك يا أبو العيال
مسامح روح يبو زينب لبنتي إرجع ابهالحال
وحيدة بليل ووحشة وحِملِها ما تِحمله اجبال
يَربي تِلحق عليها وبإحضانَك تِشم عطري



قوم إستعجِل بمشيَك كن اسمع بواكيها
قام ويمْسح دموعه ويدعي بالصبر ليها
فقد الوالدة يصعب على زينب ويأذيها
زغيرة ولِبست الأحزان وهمها بالقلب يسري



🖊️خادمة أبي الفضل

#شهادة السيدة الزهراء ع
#أطوار_مختلفة
#حالة الإمام المهدي عج عند باب الدار في الفاطمية



على باب الزكية اليوم  .. المهدي ناصب المنبر
يشم ريحة حطب محروق .. ودموعه تسولف المنظر
يسمع للضلع كسره .. وبعد اضلاع تتكسر
ويشوف المرتضى امقَيّد .. بانفاسه ألف حسره

#إروي مولاي بعد ما الذي جرى 💔 :

معقوله حجاب الله  ..  يِدِفْعُونه وراء الباب
وامي تصيح يا فضه  ..  تعاليلي الضلع منصاب
وعالعتبة سِقط محسن  .. خضيب ابلا جرم واسباب
ووجهها الكان يشع انوار  .. طَفاه الظالم بسطره

#طور مختلف

ابكتِر ما مِحترق قَلبك  .. قلب أُمّك بعد اكثر
كَسِرها نِسيت وناحت .. لضلوع حسين ابو لأكبر
وهاذي النّار ما ترحم  ..  بْخِيام العيلة تتّوجر
شتسوي (يمهدي الثار) .. مصايبهم تِوّج جمره

#طور الفراق

آيمهدي  .. طالت الغيبة الأليمه
آيمهدي  .. ندري عايش بالهظيمه
آيمهدي  .. ليله ما تنسى الجريمه

يا جريمة ؟؟؟

هاي أمك  .. تِنده اتنادي ال أبوها
هاي أمك .. من خلف باب اعصروها
هاي أمك  .. طاحت بساع اضربوها

#كأني بالزهراء تنادي
إين الطالب بحقي وحق بعلي ووِلدي؟؟

وينه وينه .. الطالب بثاري يجيني
وينه وينه .. ينظر الحالي وجنيني
وينه وينه .. امورمه متوني ويه عيني

#لكن ولدي مهدي كل شي يهون لخاطر ذبحة الحسين وما جرى على الحسين .. ؟

#طور_الجفيري

كلها تهون مصيبتي
يُمّه يا مهدي وكسرتي
لكن مصابي وندبِتي
لحال الذّبيح المنطرح

صبري تلاشىَ والدّمع
مني تِهامل كالشمع
لإبني شفت كسر الضلع
وراسه على راس الرمح

واصعب عليّه هالسؤال
زينب يبكوها الرجال
اهلك يزينب بالرمال
كلهم ضحايه مرمله

🖊خادمة أبي الفضل

أبو ذيه

عليه الحزن يتوجب يشيعه
وكسر ظلعي اعله كل واحد يشيعه
النعش وصيت بالظلمه يشيعه
وقبري ايضيع ردته اعله البريه

سيد عدنان الحمامي

#الليالي_الفاطمية
#أطوار_مختلفة
#حال السيدة زينب ع وشوقها لأمها الزهراء ع



تنام النّاس يا يُمّه         وأظل أبكِيكِ سهرانه
اشمحلاها سوالفنا        قعدنه اهنانه واهنانه


عقب عيناك يا زهره     روحي تِستعر جمره
شراح يصَبّر ادليلي      اشما مرّت عليّ ذكره
ياهو اتذكر وأنسى       عصرة.وضلعك.وسطره
متنك شاهد اعالسوط  ومثلك انضرب آنه
  

عمرِك شمعة طفوها      منك يُمّه حرموني
اسهر دمعتي بخدي       واخُوتي دوم يسألوني
أُمنه وين يا زينب         اوياكِ ريت دَفنوني
راحه ما شفت بالبال     كِبْرت وروحي حزنانه


أحنّ أسمع تناديني           يالرِحتي و كل شي راح
شمحلى دعوِتك بالليل     عليّ تترضيِ وارتاح
شلون يغيِبِك التراب !!    وكل ذرة بدليلي اجراح
نحضن قبرك انشمّه         وابونه حاضر اويانه


🖊️خادمة ابي الفضل

#شهادة_السيدة_فاطمة ع
#أطوار_مختلفة
#تصوير رجوع أمير المؤمنين ع إلى دار الزهراء ع ليلاً



وين أمنا تجاوبني أشوفك راجع ومحزون
على ثوبك أثر التراب تمشي وسايله العيون

بالله عليك تِخبرني أمي إشحالها ابهالساع
شِفتك منحني ومهموم وعلى حالك دليلي التاع
صاح إلها ما ترجع وما طاب الكسر ب اضلاع
أصبركم وتصبّروني عسى جروحي عليّ اتهون

وحدك راجع ابلا روح ولونَك شاحب وتعبان
براسك بانت الشِيبه وعلينا  اتظلل بأحضان
يعني الزهره ما ترجع وعلينا خَيّمت لحزان
امنه نور  هاي الدار بليّاها نعيش شلون

✍خادمة أبي الفضل

نشوفك منكسر رديت والهم تارس عيونك
محني والحزن غاطيك مدري شصاير بلونك
دفنت امنه بديك وجيت الله ياعلي بعونك
تصبرهم ؟ يصبرونك ؟ اوياهم تبچي من يبچون ؟


✍أم محمد الحجاج

#لعن_الله_ظالميك_يا_فاطمة
#أطوار_مختلفة
#تصوم حديث بين السيده زينب ع والسيدة فاطمة الزهراء ع عند الإحتضار



زينب والدمع هامي   إجت وتنادي يا زهره
ثلاث نشدات يا يمه  توصي والقلب جمره


خليه شلون تظل داري    وحيده كيف تخليني
ادوّرك يُمّه وسط الليل    بعد منهو اليدفيني ؟؟
ولو غمضت جفون العين بحلمي يُمّه  مُريني ( اول نشده)
واغفى بحضنك المهشوم بس ادري الحلم  حسره

#وثاني نشدة يا زينب !!

ويوم مصيبتي الكبرى      حِضريني وسط البرور
من اوصل وشوف حسين منه منحره منحور
تِسِندينه وسط حضنك    وابهيده الضلع مكسور
سِمعتك يُمّه من قِلتي     يكسرون العدى صدره

#وأخر نشده يا زينب  💔

واخر نشده يم حسين     يوم التهجم العدوان
ويضربني الشّمر واوقع    بليا قناع بليا اخوان
تِجيني وحيدر الكرار       و وجهي يستره اب لردان(الثوب)
ولبو السجاد ما تِنسى    الكفن جِيبي إله وستره


🖊خادمة أبي الفضل