LEGAL MIND

Husanovning xatosidan keyin ko'plab rus kanallari va ba'zi qo'shnilarimizning futbol ekspertlari yozgan postlar ularning qayeri lovullab yonayotganini ko'rsatib qo'ydi. Aslida xursand bo'lishi kerak ular ham.

Sababi, Husanovning agenti G'ayrat Hasbullin ruslarning «chempionatru» saytiga bergan intervyusida, bu transfer atrofidagi voqealardan keyin Markaziy Osiyo kontingentiga ko'plab top klublarning skautlari e'tibor qaratyapti, ular kuzatyapti deb aytdi.

Izolyatsionizm hech qachon rivojlanishlarga sabab bo'lmagan, bo'lmaydi ham. Biz qanchalik dunyoga ochilsak, qo'shnilardan tortib turkiy xalqlargacha ko'proq integratsiyalashsak rivojlanamiz. Boshqa sirli masalliq yo'q.

Xullas, Husanovning uch kunlik mashg'ulotlardan keyin asosiy tarkibda muhim o'yinda jangga tashlanishi va buning ortidan xatosi bilan golga sabab bo'lishi, kartochka olishi — barchasi Gvardiolaning zimmasidagi ish/xato/mas'uliyat.

Hatto Mbappening ham Realdagi adaptatsiya jarayoni qanchalik vaqt olganini ko'rdik. Jamoaga moslashib ketish uchun ko'proq o'yinlar va vaqt kerak. Bugungi match Husanovning talanti va darajasini savol ostiga qo'ymaydi.

@legal_mind

Yashash uchun zarur bo'lgan birlamchi ehtiyojlari qondirilmagan xalqni kosasi oqarmaydi!

Saylov tom ma'noda, mohiyatan, o'z ma'nosida ishlaganida shunaqa deputatlar bitta ham ovoz olmasdi, natijada, xalqning puliga kayf qilib yashamasdi.

Shu tabiiy boyliklar masalasida: har bir kub sotilayotgan gazdan, har bir gramm oltindan yangi tug'ilayotgan fuqaroning hisobiga avtomatik qanchadir dollar pul tushib turishi kerak o'zi.

Kelinglar, gazni mashina haydashga ishlatib yubormaylik. Buning uchun elektromobillarga boj to'lovlari, rastamojkani olib tashlab, kerak bo'lsa sotib olish uchun subsidiya ajratinglar.

Shunday qilinglarki, barcha elektromobil haydashga o'tib ketsin. Ishoninglar, gazga bo'lgan tanqislik va bosim sezilarli kamayadi.

Deb taklif kiritsa bo'ladi-yu, u paytda svet o'chib qoladida.

@legal_mind

Haq gap. Fikrlarimni yozmasam bo'lmaydi. Yurisprudensiya yo'nalishida turdosh yo'nalishlar diplom egalari ko'paygani rost. Eng yomoni bunday diplom egalarining yurisprudensiya sohasida dissertatsiya ishi boshlaganliklari bundanda katta muammolarni, saviyasiz tadqiqotlarni ko'payishiga olib keladi.

Himoya qilinayotgan dissertatsiyalar natijadorligi yo'qligi, tadqiqotchilarning tayyor va amaliyotga kirib bo'lgan takliflarni o'zi yaratmay, joriy etilganlik dalolatnomalarini ilova qilishi rosa yuragimni og'ritayapti.

Keyingi yillarda haqiqiy ilm egasi qolib, ayrim mansabdorlarning doktorlik mavzusini olib, dissertatsiya himoyasini oson va tezkor himoya qilishga erishishi juda xavotirga soladi.

O'zbekistonda xizmat ko'rsatgan yurist, professor, ustozimiz Zamira opa Esanova

@legal_mind

Bakalavrni O'zbekistonda, magistraturani chet davlatlardagi TOP universitetlarda o'qishdan mukammal va ideal optsiya yo'q aslida:)

@legal_mind

Magistraturaga kirishda GPA bilan til bilish sertifikatiga qarab qabul qilish xato bo'lganini barcha sezdi. Oddiy misol, yuridik universitetga turdosh yo'nalishlardan kelib magistrga kirib olganlar bor.

Shular bakalavrni boshqa sohada, magistrni esa yurisprudensiyada o'qiyapti. Na normativ-huquqiy hujjatlarning farqini biladi, na hokimiyat bo'linishi prinsipidan xabari bor. Xullas, ularga dars berish o'qituvchilarga ham qiyin bo'lsa kerak.

Bu bitta oddiy misol. Shuningdek, baholash tizimi ham barcha universitetlarda har xil. GPA baland degani — sohani zo'r biladi degani emas. Universitetdagi baholar huddi maktabda kundalikdagi baholarga o'xshaydi, xolos.

Hamma fan beshga yopilgani bilan miya bum-bum bo'lib yotmaganiga hech kim kafolat bermaydi. Xullas, oliy ta'limda baholash tizimida muammolar yetarlicha bo'lib turib, magistrga kirishni shu baholarga bog'lab qo'yish xato.

Magistrga kirishda ham huddi abituriyentlikdagidek barcha uchun umumiy, teng va sohaga oid fanlardan imtixon bo'lishi lozim!

@legal_mind

Oldin:
— Yur stadionga o'tib, birga-bir solishamiz😡

Hozir:
— ID bilan nicknameni ber, PUBGda otishamiz

@legal_mind

Biz yoshligimizda maktabda sochimizni qaychida qiyib qo'yishardi, domlalar bilan UFC tushardik, tanaffusda eshak mindi, kurashga o'xshagan vaxshiyona o'yinlar o'ynardik, qiz talashib burnimizni qonatardik.

@legal_mind

Yuqoridagi savolga qisqa qilib javob beradigan bo'lsam — Milliy gvardiya xodimi va uchastkavoy mutlaqo noqonuniy harakat qilgan.

Birinchidan, telefonlarni tekshirish va ularni olib qo'yish vakolati maktab o'qituvchilari va xodimlariga berilgan. Mahallani raisi G'ishmat buva bilan Eshmat uchastkavoy kirvolib tekshiruv o'tkazishi mumkin emas.

Ikkinchidan, telefondan foydalanish qoidalariga ko'ra: savolda aytilganidek, telefon ovozsiz holatda va sumkaning ichida turgan bo'lsa, direktoridan tortib vallomati kelsa ham bu telefonni olib qo'yishi mumkin emas.

Uchinchidan, telefon bu fuqaroning shaxsiy mulki va uni olib qo'yishga faqatgina VMQ qaroridagi telefondan foydalanish qoidalari buzilgan taqdirda, o'sha fan o'qituvchisi olib qo'yishi mumkin.

Shuningdek, o'quvchilar maktabda telefonni cho'ntagiga solib yurishi, partani ustiga qo'yib qo'yishi, dars vaqtida foydalanishi mumkin emas. Telefon ovozsiz holatda sumkada, portfelda turishi mumkin, xolos.

Maktabga kirib kelishda o'quvchidan tortib o'qituvchilargacha, qorovul, farroshdan tortib direktorgacha barchasi telefonning chaqiruv abonenti ovozini без звук qilib qo'yishga majbur. Dars vaqtida o'qituvchilar ham telefondan foydalanishi ta'qiqlanadi.

Gapning po'stkallasini aytadigan bo'lsam, Milliy gvardiya davomat bilan qo'riqlashga qarab o'zini ishini qilsin, telefonga aralashmasin. Uchastkavoyning o'quvchilar telefonini tekshirishi mumkin emas.

Telefonni musodara qilishga yoki shu bo'yicha jarima qo'llashga любой holatda uchastkavoyning absolyutno haqqi yo'q. Tekshiraman, kodini ochib ber deb ichidagi galereyani, qizlarni telefonini titib o'tirmasligiga garantiya yo'q, djigar.

Telefondan noqonuniy foydalangan bo'lsang, senga ogohlantirish berib kundaligingga yozib qo'yiladi yoki o'qituvching olib qo'yib, telefonni direktor yoki zamdirektorga topshiradi. Ular esa ota-onangga qaytarib beradi. Maksimal jazo shu.

😎 Xullas, birodar va birodarkalar shu postni sinfdoshlar guruhiga tarqatish joiz:)

@legal_mind

🎙 So'z mahalliy ekspertlarga:

Seoul Mun yaxshi joyligini va Sergelida emasligini nimaga oldinroq aytmagansizlar?

@legal_mind

Har qanday yurisprudensiya talabasi butun dunyoda davlat va huquq nazariyasini o'qiydi. Xullas, birinchi kursda shu fan bo'yicha professorimiz bilan debat qilgandim.

Qachondir davlatlarga qarshi platforma egalari raqobat taklif qilishi, davlat institut sifatida inqirozga uchrab o'rniga yangi globalistlar alternativ bo'lib kelishi mumkinligi haqida fikr aytgandim.

Yuqoridagi rasmga qarab, o'sha kungi dars va undagi suhbat esimga tushib ketdi. Va nihoyat, Oq Uyga Musk, Bezoss, Sukerberglar bevosita ta'sir o'tkazishni boshlaydi endi.

Baribir, dunyoda siyosatga egalik qilishdan totli va qudratli narsa yo'q. Hatto millarderlar ham siyosatchilarga qarab intiladi. Pul hal qilmagan narsalarni siyosat hal qiladi.

@legal_mind

Любой o'zbek qizining ushalmas orzusi:

— Qizim, Abduqodir Husanovdan sovchi kelibdi, nima deysan?

@legal_mind

Shu kunlarda ko'pchilikning qulog'ida «yak khanda kun ey gul» degan tovushlar eshitilayotgan bo'lsa kerak a?)

@legal_mind

Bu yil 2007-yilda tug'ilganlar maktabni bitirib, 2018-yilda tug'ilganlar maktabga chiqar ekan. Butun dunyoda karantin e'lon qilinganiga besh yil bo'libdi.

Hamma narsa vaqtdan qo'rqadi)

@legal_mind

Oxirgi marta pora bilan ayblanib Sergeli tuman sudyasi qo'lga tushganini bilar ekanman. Umuman, sudyalarni oyligi karrasiga oshirilgandan beri juda kam sudyalar korrupsiyada ayblangan ekan.

O'zbek segmentida, ko'pincha, ichki ishlar yoki prokuratura xodimlari korrupsiyada ayblanib qo'lga olingani haqida xabarlar chiqadi. Illatning oqibatidan ko'ra, sababiga qarasak masala oyliklarga borib taqalaveradi, baribir.

@legal_mind

Oila baxti — bu komplekslardan iborat tushuncha. Oilaning barcha a'zolari baxtli yoki baxtsiz bo'lishi bir-biriga chambarchas bog'liq. Baxtsiz oilalarda faqat otaning yoki onaning yoki farzandning o'zi aybdor bo'lmaydi.

Shu kungacha turmush o'rtog'ini yomonlab baxtli bo'lganlarni ko'rmadim. Baxtli oilalar muvaffaqqiyatining asosiy retsepti — er xotinining, xotin erining kamchiliklarini to'ldiradi va farzandlar bunda yordamchi bo'ladi.

Oilaning bunyodkori, asosiy me'mori ota bo'lishini hisobga olsak, otaning farzandlar oldidagi asosiy burchi munosib ayol tanlash bo'ladi. Undan ham avval o'sha ayolga mos bo'lish talab etiladi.

Agar yillar o'tib qaysidir oilada nizolar, xiyonatlar va hokazo narsalar yuz bersa, ota xato tanlov qilgan bo'ladi. Turmush orqali baraka keladi deyilgan. Shu baraka ayolga bog'liq.

@legal_mind

Nima uchun hech kim komment yozmayapti deb ikki kundan beri «depressiyaga tushib» qolgandim. Qarasam, komment yozishni ta'qiqlab qo'yganim esimdan chiqib ketibdi. Uzr, bosingiz))

Small country mentality

Bitta futbolchining eng zo'r klublardan biriga o'tishi — butun millat yutug'i darajasidagi voqea emas. Husanovning transferida biz va bizdagi tizimning o'rni nolga teng bo'lsa kerak. Bu individual yutuq.

Bunyodkorda aynan shu Abduqodirga sendan futbolchi chiqmaydi deb futbol eshiklarini yopishgan. Bundan xulosa qilish mumkinki, juda ko'plab iqtidorlar shunday tizim qurboni bo'lgan, bo'lmoqda, bo'ladi.

Bu transferni millat yutug'i uyoqda tursin, o'zbek futboli yutug'i sifatida baholash ham qiyin. Chunki Husanovni o'zbek futboli yetishtirmagan. Unga ishonch bildirib asosiydan joy bergan Belorus klubiga rahmat aytilishi kerak.

Tizimsizlikdan yetishib chiqqan fenomen bir marta bo'lishi mumkin yoki yo'q. Abduqodir Husanov — bu lotereyadan jekpot chiqqandek gap. Lotereyalarda yutish ehtimoli esa shunchaki omadga ishonib qil ko'prikdan o'tishga o'xshaydi.

Husanovning transferidan xursandman. Hatto men eng yomon ko'radigan klubga o'tganidan so'ng, bir kechada o'sha klubga nisbatan o'zimda simpatiya ham paydo bo'ldi. Husanov o'zbek devori sifatida o'n yillar termada to'p suradi.

Yamaykaliklar Useyn Bolt bilan faxrlanib yurganidek, biz Abduqodir Husanovga millat yutug'i sifatida qarayveramiz va mana shu kichik millatlar mentaliteti hisoblanadi.

@legal_mind

O'zbek jamiyatida korrupsiyaga jinoyat sifatida qaralmaydi. Doimiy bo'ladigan va tabiiy qabul qilinadigan hodisa deb qabul qilinadi. Korrupsionerga o'g'ri yoki qotilga qaragandek aybdor nigoh bilan nazar solinmaydi.

Bizda korrupsiya oldi-berdisida bergan ham, olgan ham rozi. Bergan ishi tezroq bitganidan yoki hal bo'lganidan, olgan esa past oylik olgani, boshqalarga qaraganda ko'proq ishlagani sabab moddiy boyiganidan o'zini shunga loyiq deb hisoblaydi.

Maishiy korrupsiya bilan birga yirik ya'ni elitar korrupsiya mavjudligini barcha biladi. Qirg'iziston Prezidenti bir paytlar unga Kanada tomonlardan 100 million dollar evaziga sotilish taklifi bo'lganini aytgan edi. Bu Markaziy Osiyo uchun jiddiy signal aslida.

Ya'ni Qirg'izistonga bo'lgan taklif bizga, qozoqlarga, tojik va turkmanlarga ham bo'ladi. Elitar korrupsiyada miqdor yirik bo'ladi. Strategik muhim maqsadlar amalga oshirilishi ko'zlanadi. Bugun bir necha yuz ming dollar olgan xizmatchi, ertaga million dollarlik porani ham rad etmaydi.

Kunda yoki kunora tarmoqlarda qaysidir tashkilot xodimini, hokimning yordamchilarini, o'rinbosarlarni pora bilan qo'lga olingani xabarlari chiqib turadi. Lekin hech qachon hokim yoki o'sha tizim rahbari qo'lga tushganini eshitmaymiz.

Adolatliligi bilan tanilgan xalifa Umar davlat ishida doim bitta prinsipda faoliyat olib borgan: daryoning boshlanishi toza bo'lsa, uning davomi va undan chiqadigan jilg'alar ham toza bo'ladi. Shunga amal qilib o'zi faqir hayot kechirganini ham bilsangiz kerak.

Qachondir bizda ham korrupsiyaga qarshi mansabiga qaramasdan ov boshlansa, yordamchilar yoki o'rinbosarlar emas, ulardan kattalari ham qo'lga olinganini eshita boshlasak, korrupsiyaga qarshi keskin kurash ketyapti desak bo'ladi.

@legal_mind