الشاعرة ام ذو الفقار إلمانيا 🇩🇪 [إسراء اللامي]

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#حصرياً 🟢🔥🔥🟢
#للرسول_ص

#لشجاعة_الرسول _لأن محد حاچي بيها مع كل اسف 🟢






#النعي......

الرتبه بس الك وانت اول الشجعان
غزواتك اهوايه والورق خلصان
تاريخك وعلمك تارس البلدان

#النزلة.......


الك بالجيش ...يارتبة الحربية
سيفك ياسبع مكتوب ماضيه

((اكحيل اتگلب//بالساحه))



بالساحه برز والكوم حيرها
رفع سيف النبي والرؤس طيرها
الرايه بيمنته وادموم سيرها
((الرايه ترف//اعله اجتافه))



الرايه مرفرفه وصاعد ع احصانه
نافيها الهدنه وسرفن اردانه
كضت كل الزلم والساحه خلونه
((الملعب باسمه//ويحلاله))



ثبت راية الاسلام بالساحه
لعب بيهم لعب ماخله كل راحه
بس راس العدو هذا وبقى اسلاحه
((وهوس بي //اسلاح النايم))



مايخسر نبينه والحرب تشهد
لعب بيهم لعب وبمعركه احد
كام برؤسهم بالملعب يحدد
(( حد احدوده//قتال الشر))



برز بسم الله قاتل والعدل همه
ابو ابراهيم بالملعب برز اسمه
عليه اهل الكفر هاليوم ملتمه
((طشرهم خيل. \\\وخياله))


تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#الشاعرة_أم_ذوالفقار_إسراء_اللامي

كأني بالسيدة الزهراء ع بعد دفن اباها رسول الله ((ص))لسان الحال عنها يقول ….


#جديد 🔥🔥🔥

#ثقيل🔥🔥#للرسول ((ص))

تراب بيته الشال عامي عيوني
يالشايلين وي الابو دخذوني

وايلاااه وايلاااه….يارسول الله
وايلاااه وايلاااه ….يارسول الله



شلي بالدار البقت گلولي
وانه ذيجه الغربت احمولي
يالماخذين العافيه ريضولي

والشايلين النعش مارحموني
تراب بيته الشال عامي اعيوني
وايلاااه وايلاااه ….يارسول الله




وين اودي هالگلب ياروحي
الفاگده والي تحس بجروحي
خل تگابلني وتون وي نوحي

بويه من وني الك لاموني
تراب بيته الشال عامي اعيوني
وايلاااه. وايلاااه ….يارسول الله




بويه لاموني على دمعاتي
وانه وين اشكي الهضم واهاتي
بويه يم گبرك اجر حسراتي

ملني جاري من البجي وهضموني
تراب بيته الشال عامي اعيوني

وايلاااه وايلاااه …يارسول الله




ملني جاري من الدمع ياوالي
بويه مرني وشوف انه شحالي
غاليه الجانت فگدت الغالي

ارد اموت وي الولي خلوني
تراب بيته الشال عامي اعيوني

وايلاااه وايلاااه….يارسول الله




خل اموت والحگ الرباني
خل يگولون الهجر موتاني
هيج واصبح جاره يمك اني

يم ابوي وصاحبي.دفنوني
تراب بيته الشال عامي اعيوني
وايلاااه. وايلاااه …..يارسول الله



تمت بعون الله وتوفيقه 🧿

بقلمي ✍️إسراء اللامي

غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع


العمل مهدات لصاحب الزمان عج


https://t.center/kjhgkkb

#الشاعرة_أم_ذوالفقار_إسراء_اللامي


#جديد 🔥
#للرسول (ص)🔥


لسان حال مولاتنا الزهراء ع عندما اقبل الجناز يحمل جنازة اباها من عنده داره كأني بلسان الحال عنها يقول …



وين يزامط الحراير ياااولينه
ياهو بعدك يالابو ينشد علينه

زهرتك كطعوا غصنها
من جزه الجناز عنها

آه يبويه آه يبويه




طشرت عافيتي بويه وباد حيلي
كمت اشد العافيه بشدة شليلي
صحت وين اتريد جناز ابدليلي

ابنيتك يمربي ابنها
زهرتك گطعوا غصنها

آه يبويه. آه يبويه


بنيتك تركض ورى الجناز صاحت
ريض وحاچي العيال اعليك ناحت
بويه والله العافيه وياك راحت

روحي بس انته من اهلها
زهرتك گطعوا غصنها
آه يبويه آه يبويه




جنت بس انته اليه وفارگتني
تدري ماعندي حبايب واتركتني
مسرع الجناز بيك ومارحمني

بله ياجناز عنها
بنيتك گطعوا غصنها
آه يبويه آه يبويه


بله ياجناز خليني احاجيه
خل اصيح بعالي صوتي وخل ابچيه
بلكت يردلي دلالي العتب اعليه

مايل ابنيتك حملها
زهرتك گطعوا غصنها
آه يبويه آه يبويه



بويه دنيانه تريد اليوم والي
وانه وين انطي الوجه گلي يغالي
بعد وين انروح چا انه وجهالي

هالدهر روحي لچمها
زهرتك گطعوا غصنها

آه يبويه آه يبويه



تمت بعون الله وتوفيقه

بقلم إسراء اللامي

غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع


العمل مهدات لصاحب الزمان ع


https://t.center/kjhgkkb