الشاعرة ام ذو الفقار إلمانيا 🇩🇪 [إسراء اللامي]

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#لشجاعة_الرسول_
#حصرياً 🟢🔥🔥🟢

#النعي...

صولات النبي خلينه نحجيها
چم غزوه الاخذها وفايز اعليها
بيده رايته وحير طواغيها

#النزلة....


هيبة وعالية….. راية الخياله
السيفه بيمنته والزود يحلاله

((هادينه //اتمركز اول))


واكف بالصفوف الاولى هادينه
صاح بصوت وين اللي يعادينه
ارده بلا نفس واگطعهن ايدينه

((يلاوينه //وشلون الشر))




طلع ضد الفساد ورافع الرايه
صاعد مهرته ومحدد الثايه
ماهمه الجيوش الجايه اهوايه
((خلاها//بس رؤس وتنزف))



بس الرؤس والبتار بيمينه
الملعب بس اله يامحله هادينه
يومك مانحمله وحيل ماذينه
((يالشايل يومك//ماذينه))



حيف تشيل زلم التعدل الميله
چا منهو اليردها لوجت العيله
رد يابوي طايح هالسلف حيله
((اعليك يون //هالخليته))


الك علگو بيرغ بالسلف كله
والديوان خالي وونت الدله
عليك الگول يمعدل صدك يحله
((يالاسمك رحمه//وينجينه))


تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#حصرياً 🟢🔥🔥🟢
#للرسول_ص

#لشجاعة_الرسول _لأن محد حاچي بيها مع كل اسف 🟢






#النعي......

الرتبه بس الك وانت اول الشجعان
غزواتك اهوايه والورق خلصان
تاريخك وعلمك تارس البلدان

#النزلة.......


الك بالجيش ...يارتبة الحربية
سيفك ياسبع مكتوب ماضيه

((اكحيل اتگلب//بالساحه))



بالساحه برز والكوم حيرها
رفع سيف النبي والرؤس طيرها
الرايه بيمنته وادموم سيرها
((الرايه ترف//اعله اجتافه))



الرايه مرفرفه وصاعد ع احصانه
نافيها الهدنه وسرفن اردانه
كضت كل الزلم والساحه خلونه
((الملعب باسمه//ويحلاله))



ثبت راية الاسلام بالساحه
لعب بيهم لعب ماخله كل راحه
بس راس العدو هذا وبقى اسلاحه
((وهوس بي //اسلاح النايم))



مايخسر نبينه والحرب تشهد
لعب بيهم لعب وبمعركه احد
كام برؤسهم بالملعب يحدد
(( حد احدوده//قتال الشر))



برز بسم الله قاتل والعدل همه
ابو ابراهيم بالملعب برز اسمه
عليه اهل الكفر هاليوم ملتمه
((طشرهم خيل. \\\وخياله))


تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#حصرياً 🟢🔥🔥🟢

عن لسان حال مولاتنا الزهراء ع عندما وصلت جنازه الرسول ص الى المقبرة ......

#النعي.....

لاتدفن ولينه العشرته حلوه
وين نروح عگبه وبيش نتگوه
يادفان عطلي ابو النخوه


#النزلة......

الزهره اتصيح ريضلي يدفان
شلون عالترب نومة الوليان



شواربهم حسافه جوه الاتراب
نزامط بيش كلي وبيش ننهاب
لو شالوا الهيبه وسدو الباب
((انمر اعليهم//بالعيله))



لو عالوا علينه والهضم بينه
مغربين المشوا والنشدو علينه
عگب اعيونهم محد يمر لينه
((سدوها //بيبان الترحب ))


يادفان ريض بالولي اشويه
يم راسه اون بلكت يفز ليه
لگله اخلاف عينك عالو اعليه
((فز ليها//الزهره اتريدك ))



بتك حايره والروح خلصانه
صار افراكنه حيف وي ملفانه
بالوليان ليش الدنيه خوانه
((بوليانه //خوان البين ))


تصيح ام الحسن وتنوح منهضمه

افراگك. يالولي خلف الف ورمه

يمعزيات كومن ندل اللطمه

((ونعين الزهره //عالهيبه))





تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#حصرياً 🔥🔥🔥🔥🔥
#فزاعي_جنوبي_🔥

كأني بمولاتنا زينب ع تخاطب الحادي ......

#النعي ....

يحادي النوك ودينه لهلنه
مكدره ومابيه ونه
واليوم اريد اهل المحنه
ووكف ناگتي يم الكفلنه


#النزلة.....




ويم امزامط الخوه دنزلوني

خل يگعد كفيلي وينظر امتوني


عباس اختك//شوف شبيها



يالمتحمل العيله يخال ابني
دكعد عالمتن بله دناشدني
بموتك يالسبع هالشمر عيرني
((عوف النومه//يامشكر فز))


فز بساع زينب جايه الليله
من درب اليسر ردتلك انحيله
غير انت الحنين تريد تشكيله
((يزماط الخوه //ومعناها))


ياراعي المحنه ومرضعك صافي
طر گبرك يوالي وعاين جتافي
مشتاگه يخويه لصوتك الدافي
((مشتاگه//عمة ابنك ونت))



وين تروح روحي الرادت الوالي
الچان ازماطها والجان كفالي
عمت عين الزمان الخان خيالي
((خيالي //شلون يغرب))


ريت الموت لامرك يبوالنخوه
يمدلل خواتك وخوتك حلوه
المثلك بالگبر صعبه وصدك بلوه
((ياحيف المثلك//سد عينه ))



تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_

#فزاعية_جنوبية
#حصرياً 🔥🔥🔥🔥🔥🔥



عندما رجعت قافلة ام عون ع 💔


كاني بالامام العباس ع عندما احس برجوع زينب ع وهي على ظهر الناقه من بعيد. وتقربت النوگ لرض كربلاء. واردت النزول مولاتنا زينب. عاد هنا شصاح العباس ع


#النعي....
هله بالجايه واتريد اخوها
قويه ام عون واختي ماسبوها
فزت واحد وسبعين اجوها
وليها المگبره هل طوقوها
للانصارصاح بصوت اخوها




#النزلة......
جاوين اديه ها يزلم النيبه
شو طوقوها المگبره للهيبه

((طوقوها// خل تنزل زينب ))
((بت قادة//والطبت ترهب))



جيبولي اديه والنهر گلوله
يرگع لخيتي وكون محني بطوله
ويصير يم اجدامها المعدوله
((ويم زينب //الشط يچودر))


الماي راگع مستحي كدامج
روحج حنينه وجايه لخوانج
بيرغ عراضه خل يرف جدامج
((يامهيوبه//نورتي الطف))


امدلله عباس جت مهيوبه
راسي مشه وياج يامحبوبه
امر الله تمشين بيسر وادروبه
((امر الله الصادر//هداني ))



امرالله صارد والملك حاجاني
هود يعباس الامر رباني
الله ومحمد بيك هالوصاني
((حاجيته//ياملك اتريض ))


ريض يملك الموت زينب هايه
منتظره يم اخيامها الحمايه
گلي يعباس اعتذر عن هايه
((ياخال ابنج فاضت روحه))



تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#فزاعية_جنوبية 🔥🔥🔥🔥


تكول ام عون من كون نعمت عيني ....💔


#النعي.......

عمت ابنك نحيله وحيل مابيها
تون جفيتك الخضره من اصد ليها
حزينه اعليك ومگدره عله راعيها


#النزلة.....

تون هاي الجفافي عالمرحلين
شال ازماطنه وي البعيدين
((اكشخ بيها//جفيتك هاي))

حزينه اعليك جفيتك يوالينه
يبن امي تعال وسير علينه
يومك يالحسن كلش اماذينه
((رد لينه//يزماط العايل))


يزماط الهواشم والفخر كله
فركتكم ثكيله وحيل موسهله
موتك بالگلب خلف الف عله
((موزينه//اختك يالشايل ))



موزينه يخال الولد تعبانه
عمت ابنك تون بالدار خلوانه
گلبي يطيح من انظر عله امچانه
((اعله مچانه//چا يمتى يرد))


چايمته يرد ويبطل النومه
نحضر سبحته ونحضر هدومه
ويلبسها الچفافي وترهب ارسومه
((هنا يالمبعد //مربيها))



كثر موت الاحبهم والگلب عاب
شكد احباب نامت جوه التراب
ماردو علينه ودگوا الباب
((ماجونه //ازلام الشالت ))







تمت بعون الله وتوفيقه 🧿

بقلم
#ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#فزاعي جنوبي🔥🔥🔥💔



كاني بمولاتنا زينب ع. تخاطب زين العابدين. ع عندما نظرت نعش ابنة اخيها السيدة رقيه ع

#النعي......
اختكم غربت واليوم شده
وين اليمشي للاكبر يگعده
عليل وظهرك بخيك تسنده
السوط العال بختك وين رده


#النزلة.....
اليوم امدللتكم. طلبت الخوه
يشيلون النعش وين اهل المروه



اليوم اتريد زين وهم علي الاكبر
يمشون بنعشها وهيه تتبختر
حلو التابوت من يشيله المعتبر
((وهوس بيه//النعش البيدك))



هوسو بالنعش للشايله بحسره
تستاهل عليها عيونكم حمره
رقيه هاي بت امدلل الزهره
((وسلطانه//والشالت هيبه))


يالكلج هيابه اشويه ريضيلي
يعمه اعليج مهدود ووكع حيلي
شعندج رايحه يبنيه دحجيلي
((تحاجيني //وبروح حسين ))




حاجيني يترفه وبالنعش صعبه
لتعتبين عمه وانتي بالغربه
اجوچ اليوم زلم الكلفه والصعبه
((ازلام التكلف//جنازه))



ازلام. البلطفوف وعمج اوياهم
من ادموعهم نگعت لحاياهم
عليج امنگبين وزاد بلواهم
((الشالت منهم //مهيوبه ))




تمت بعون الله وتوفيقه 🧿

بقلم
#ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_
#فزاعية_جنوبية🔥🔥🔥🔥🔥🔥🔥




كأني بمولاتنا زينب ع عندما فاضت روح السيدة رقية ع. وجهت وجها الى اخوتها ولسان الحال عنها يقول💔😭



#النعي.....💔
ام عون محيره وردات اهاليها
بنيتكم الموت اليوم مر بيها
وين ازلام حيدر تلحگ عليها



#النزلة.....

بت حسين ..شهگت شهگه الموت

وزينب حايره واتريد تابوت


((الخياله //اتريد ام عون ))



على رأس الولي شهگت المحزونه

گتلها حسين من شافت دمه سنونه

زغيره وبالنحر گلبج يعذبونه

((يشوغونه // چاگلبج ليش ))




ياروحج گضت والهجر ماذيها
رادت شوفت المهيوب واليها
والعدوان بالمنحر اجوو ليها
((وخلوها //اتصيح وتنحب ))




تصيح اعليه بالونات والحسره
و تقبل اعيونه وتمسح بنحره
وبيديها الزغيرة تعدل بشعره
((وتگله اكعد//خل نتحاچه))



ماتت والگلب گطعت شراينه
ورأس حسين وياها هدأ ونينه
جاشيصير گلب اختك يبوسكينه
((احتارت زينب //هالليله))


حيره اتحيرت هالليله حاجوها
غير انتم بنيتكم تشيعوها
على اجتاف الشهم عباس خلوها
((عباس يزتها//على امتونه))



تمت بعون الله وتوفيقه 🧿

بقلم
#ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#حصريا ✅

#ملاكاة🔥🔥🔥

#الشاعرة_ام_ذو_الفقار_إسراء_اللامي_


كاني بمولاتنا زينب ع وعي على ظهر الناقة تتكلم مع نفسها. ودموعها جاريه…….



#النعي……
حنينه اسوالف اهلي ومااملنها
وفركتهم ثكيله وما اشيلنها
ترا الضعيت اخو ينسمع كل ونها



#النزلة…..

ونج ينسمع. //يالفاگدة النيبه
جوه الگاع اخيج بعد شيجيبه
((غمض عينه//ياخال ابنج))



ونج ينسمع يالفاگده الوالي
كثري من الدمع وامعاتب الغالي
چبيرة مصيبتج والونه للتالي
((هاي چبيرة//يمصيبتكم))


مصيبتكم چبيره وصوبت گلبي
من وني ودمعتي ماشفت دربي
احاجي العين عالاخوه ولج صبي
((شيشيله//يايوم. الاخوه ))


ترا يوم الولي جتال شيشيله
من افراكم ماغمضت ليله
يخوان الگلب ون وركد حيله
((اعله النيبه//يامحله الون))


يحلالي الدمع ومسابگ الونه
اخواني احنان بيهم كل المحنه
لو مات الاخو ماينشره منه
((تشرينه//شلون ابن امج))


ابن امج حنين وغمضت عينه
مثل خال الولد چاوين تلكينه
بهمومج يروحي شكد تكلفينه
((ياروحي ازماطج// بالهيمه ))



تمت بعون الله وتوفيقه 🧿


ام ذو الفقار اسراء اللامي ✍️



غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع 🚩



https://t.center/kjhgkkb