الشاعرة ام ذو الفقار إلمانيا 🇩🇪 [إسراء اللامي]

🎇جبنالكم اليوم قناة اكثر من رووووعه
انتي مله تعالي وياي لهذه القناة ولاتحتارين ...

قناة متكونه من محاظرات مبسطه وسهله للمتلقي،
وكذلك هذه المحاظرة متكونه من كوريز ونعي حزين جدا،
وأيضا متكونه من قصائد روووعه وموزونه.
بعد ما راح تحتارين كل اللي تردينه
🌺العلوية أم نور الميسانية🌺

اشتركوا بالقناة فضلا وليس امرا
انصحكم تشتركون بهذه القناة الروعه

https://t.center/Aleulawiuhamnuwr

بالحق والعدل رفعيتها ايديك
الشهادة اتلوگلك وامفصله اعليك
مبحوح صوته اليوم ناعيك
((رايح صوته//والحگ يون))


✍️إسراء اللامي 💔

قال الامام علي علية السلام
((لاتستوحشو طريق الحقّ. لقلة سالكيه))




ياريت بقية الشاعرات يثبتن اخلاصهن للحسين ع ونكون ايد وحدة.

نصراً للحجه(عج))🚩ً

#ضد_تشويه_الخدمة_الحسينية_ الزينبية_ 💔


((بسم الله الرحمن الرحيم ))

بأسمي وبأسم عدد من شاعرات أهل البيت ((ع)) من بغداد والجنوب وبقية المحافضات نستنكر ضاهرة ملايات اليوتيوب والنشر والبث المباشر في التكتوك ونشر صورهن الشخصية على وسائل التواصل بفلاتر مغرية للرجال و وضع مساحيق التجميل فهذا العمل من الشيطان وليس له اي صله بلخدمة الحسينية الحقيقية .


اخواتنا العزيزات لا تغرجن الدنيا ولا الشهره ولا الاموال هاي شغلات كلها زائلة وما تنفعج يوم القيامة لا تكسرين قلب الحجه عج وقلب الزهراء بتشوية خدمة الحسين (ع ) ما يستاهل ابو عبدالله الي رفع صيتج واسمج وجعلج من خدامه وتجين اتزيدين اجروحه وتخلين صوتج وخدمتج عرضه لاعداء
محمد وال محمد انتي تدرين من تنشرين صوتج منو راح يستمع الج يستمع الج اليحب الحسين وينتقدج
ويستمع الج اليكره الحسين ويتشمت وينتقص من الحسين وخدمته والله اعداء الحسين متشمتين بينه ويضحكون علينه.
ارجعن للصواب ارجعن بطريق الزهراء
ارجعن للعفة الزينبية الطاهره
انتن خادمات لا تضيعن الخدمه من اديجن كلجن بنات اصول وعشاير الها تاريخها العريق زحمة وجبيره من يكولون (بنت افلان ) تنشر صوتها بليوتيوب.


نحن كشاعرات  لا نجيز لأي ملاية تنشر صوتها تقرأ قصائدنه غير مبريات الذمة
وهذا مو فقط كلامي كلام اكثر الشاعرات الكبار امام الزهراء نبري ذمتنه 👆



#الشاعره زينب المالكي
#الشاعره ام علي الاماره
#الشاعره ام ذو الفقار المانيا

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#حصرياً 🟢🟢
#ثگيلة_للرسول_


كإني بمولاتنا الزهراء ع تخاطب حاملين نعش رسول الله ص


ارد احاچي الشايلينه. يرجعونه
ازماطنه وماعندنه والي غير ابونه

نزلو التابوت الي
خلني احچي وي الولي

غير ابونه ........غير ابونه


غير ابونه تعطلونه وخل نحاچيه
غيره ماعدنه ولي من نعتب اعليه
ليش نايم بالنعش وامدد ايديه

بنومته كلبي نخمش
مو اله نوم النعش

غير ابونه .......غير ابونه



ارد احاچي النايم وبلكت يفزلي
غيره ماعندي ولي وبس هوه اهلي
كوم يمدللني بله وشوف حملي

حملي طايح يالشهم
حيلي وياك انهدم

غير ابونه ............غير ابونه


حملي طاح والوجه بين هضمته
والگلب مجروح والهجران علته
ليش نايم بالنعش حيلي هدمته
عوف تابوت الهجر
كلبي يابويه انفطر

غير. ابونه .............غير ابونه



عوف تابوت الهجر والموت فدوه
ليش نايم بالنعش يبو المروه
ياحنين وعشرتك يابوي حلوه

بويه حلوه عشرتك
عذبتني بنومتك

غير ابونه ...........غير ابونه




بويه جنازك مشه وشلون بيه
جا بعد منهو يمرلي بمغربيه
ايست منك بعد ماجيت ليه

عيني عالباب ارتجي
بلگت الوالي. يجي

غير. ابونه .........غير. ابونه




تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))



https://t.center/UMdufekar

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#حصرياً 🟢🔥🔥🟢
#لشجاعة_الرسول_ 🔥



المثلك يالنبي. وسفه يفكدونه
بالساحه مهيب وصعب قانونه



رؤس الروم بالساحات خلالها
ابو ابراهيم هد وبيده سواها
لعب سيف السبع والقاده بچاها
((رداها//اجيوش الهجمت ))


كل روجه الاجت رجعها بسيوفه
‏بخيت الرد عدل بس مات من خوفه
ابو ابراهيم يرهب اسمه وحروفه
((وحط خوفه//بازلام الملعب))



الساحه بس الك يمخوف القاده
هله بسمك يروح وهيبة الساده
بارز بالمعارك اسمه كالعاده
((عنوانه//والمعلب بسمك))



عنوان الملاعب والحرب جوك
خافت كل جيوش الروم من اسمك
يريت اندار بيه يالنبي سمك
((يسمونه//المثلك حيف))



تسمك عائشة وتاريخ ضماها
عمر حفصه وابوها همه وياها
الف لعنه عليها وعله السواها
((ملعون اليغدر//هادينه))



تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#لشجاعة_الرسول_
#حصرياً 🟢🔥🔥🟢

#النعي...

صولات النبي خلينه نحجيها
چم غزوه الاخذها وفايز اعليها
بيده رايته وحير طواغيها

#النزلة....


هيبة وعالية….. راية الخياله
السيفه بيمنته والزود يحلاله

((هادينه //اتمركز اول))


واكف بالصفوف الاولى هادينه
صاح بصوت وين اللي يعادينه
ارده بلا نفس واگطعهن ايدينه

((يلاوينه //وشلون الشر))




طلع ضد الفساد ورافع الرايه
صاعد مهرته ومحدد الثايه
ماهمه الجيوش الجايه اهوايه
((خلاها//بس رؤس وتنزف))



بس الرؤس والبتار بيمينه
الملعب بس اله يامحله هادينه
يومك مانحمله وحيل ماذينه
((يالشايل يومك//ماذينه))



حيف تشيل زلم التعدل الميله
چا منهو اليردها لوجت العيله
رد يابوي طايح هالسلف حيله
((اعليك يون //هالخليته))


الك علگو بيرغ بالسلف كله
والديوان خالي وونت الدله
عليك الگول يمعدل صدك يحله
((يالاسمك رحمه//وينجينه))


تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#حصرياً 🟢🔥🔥🟢
#للرسول_ص

#لشجاعة_الرسول _لأن محد حاچي بيها مع كل اسف 🟢






#النعي......

الرتبه بس الك وانت اول الشجعان
غزواتك اهوايه والورق خلصان
تاريخك وعلمك تارس البلدان

#النزلة.......


الك بالجيش ...يارتبة الحربية
سيفك ياسبع مكتوب ماضيه

((اكحيل اتگلب//بالساحه))



بالساحه برز والكوم حيرها
رفع سيف النبي والرؤس طيرها
الرايه بيمنته وادموم سيرها
((الرايه ترف//اعله اجتافه))



الرايه مرفرفه وصاعد ع احصانه
نافيها الهدنه وسرفن اردانه
كضت كل الزلم والساحه خلونه
((الملعب باسمه//ويحلاله))



ثبت راية الاسلام بالساحه
لعب بيهم لعب ماخله كل راحه
بس راس العدو هذا وبقى اسلاحه
((وهوس بي //اسلاح النايم))



مايخسر نبينه والحرب تشهد
لعب بيهم لعب وبمعركه احد
كام برؤسهم بالملعب يحدد
(( حد احدوده//قتال الشر))



برز بسم الله قاتل والعدل همه
ابو ابراهيم بالملعب برز اسمه
عليه اهل الكفر هاليوم ملتمه
((طشرهم خيل. \\\وخياله))


تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#حصرياً 🟢🔥🔥🟢

عن لسان حال مولاتنا الزهراء ع عندما وصلت جنازه الرسول ص الى المقبرة ......

#النعي.....

لاتدفن ولينه العشرته حلوه
وين نروح عگبه وبيش نتگوه
يادفان عطلي ابو النخوه


#النزلة......

الزهره اتصيح ريضلي يدفان
شلون عالترب نومة الوليان



شواربهم حسافه جوه الاتراب
نزامط بيش كلي وبيش ننهاب
لو شالوا الهيبه وسدو الباب
((انمر اعليهم//بالعيله))



لو عالوا علينه والهضم بينه
مغربين المشوا والنشدو علينه
عگب اعيونهم محد يمر لينه
((سدوها //بيبان الترحب ))


يادفان ريض بالولي اشويه
يم راسه اون بلكت يفز ليه
لگله اخلاف عينك عالو اعليه
((فز ليها//الزهره اتريدك ))



بتك حايره والروح خلصانه
صار افراكنه حيف وي ملفانه
بالوليان ليش الدنيه خوانه
((بوليانه //خوان البين ))


تصيح ام الحسن وتنوح منهضمه

افراگك. يالولي خلف الف ورمه

يمعزيات كومن ندل اللطمه

((ونعين الزهره //عالهيبه))





تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#حصرياً 🟢🔥🔥🔥🔥🟢

#ثگيلة_للاربعين_ 🟢


كأني بمولاتنا تخاطب الامام الحسين ع وابا الفضل ع عندما رجعت الى القبور. بليلة الاربعين 💔😭





عمة ابنك اجت للغاضريه

جابت رؤسكم يهل الحميه


نومه شلون الاسباع
جنتو لزينب اشراع



عمة ابنك اجت للغاضريه



ردت رؤسهم والحيل تعبان
مشتاگه العقيله اتريد الاخوان
خليه اضعونها ومابيها وليان

بس نوگ وهزيله
عليل ومات حيله

عمة ابنك اجت للغاضريه





عالناگه الهزيله ردت اليوم
ومن شمس السبي متغيره الارسوم
ليش ابن امي نايم مارضى يگوم

غير يكوم الحسين
ويمسح دمعة العين

عمة ابنك اجت للغاضريه




غير يكوم ابن امي من احاجيه
اعرفنه حنين واعتب اعليه
تلملم ضيم گلبي ويمه احچيه

حاجيني من احاجيك
گلبي امفرفح اعليك

عمة ابنك اجت للغاضريه



طبيت وكثر وني وحنيني
منكم رايده واحد يجيني
يمر بناگتي ويمسحلي عيني

محد نزلاني
وين الواعداني

عمة ابنك اجت للغاضريه




ياعباس وسفه جوه الاتراب
بگلب اختك جرح ليهسه ماطاب
لاتختاض لو كثرت العتاب

گوم وعوف الگبور
وعلي هالگلب مكسور

عمة ابنك اجت للغاضريه



تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))



https://t.center/UMdufekar

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_

#رباطات ملاكاة للحسين ع. لسان الحال خدام الحسين ع


🔥🔥🔥🔥🔥🔥🔥

على اسباع الحرب وني يشيعيه
لطمي عالنشامه لطمه حربيه
((ذول الماثنو//عالعيله))

🔥🔥🔥🔥🔥🔥🔥🔥

اجينه نوح لبن اهل القيادات
اليوم بكربله نطلع عراضات
((وبصحنك نرفع//هالرايه))

🔥🔥🔥🔥🔥🔥🔥🔥🔥

نصبو الفاتحه بالصحن نصبوها
وخلوها البيارغ ترف خلوها
((واللطامه//خلوها ادگ))
🔥🔥🔥🔥🔥🔥🔥🔥🔥

و يامظلوم يومك مانسيناه
بنص اگلوبنه ااسمك حفرنا
((يحسين واسمك//بلساني))
🔥🔥🔥🔥🔥🔥🔥🔥🔥🔥


نوح يمكم ها يزلم الثايه
لحسين والعباس تحله اقرايه
((ومحلاها//الونه اعليكم))
🔥🔥🔥🔥🔥🔥🔥🔥🔥


تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#حصرياً 💔🔥🔥🔥🔥

#ثگيلة_للاربعين_


🏴🏴🏴💔🏴🏴🏴

يالجايه.....للمگبره لوليانج
يالجايه....روحج تحن لخوانج

ايسي مايگعدون
الماتو مايرجعون

يالجايه ..........يالجايه

🏴🏴🏴💔🏴🏴🏴

يالجايه لخوانج وگلبج خذاج
گاعده وتحچين يم گبر الجفاج
افراكهم يالفاگده شكد عذباج
براضه هنانه يم عون
الماتو مايرجعون


يالجايه .......يالجايه

🏴🏴🏴💔🏴🏴🏴

براضه عتبي يالعقيله اعليهم
احنان اخوتج والعتب ياذيهم
ادري گلبج هوه اليحاجيهم

گلبج عله اليحنون
الماتو مايرجعون

يالجايه .......يالجايه

🏴🏴🏴💔🏴🏴🏴

گلبج يفرفح محنه الليله
وكاعده يم الگبور نحيله
اه يافراگ الاهل شيشيله
يفگس فص العيون
الماتو مايرجعون


يالجايه.....يالجايه

🏴🏴🏴💔🏴🏴🏴

عيونج افراگ الاهل عاميها
كون بيبان المگابر بيها
جان شفنه احبابنه نحاجيها

واكلهم ضمي شلون
الماتو مايرجعون

يالجايه...........يالجايه


🏴🏴🏴💔🏴🏴🏴

افتحو گبوركم يهلي شجاكم
نوم المگبره كلش كضاكم
شوفو اكلوبنه شسوت وراكم

كضت عالماينشدون
الماتو مايرجعون

يالجاية......يالجايه




🏴🏴🏴💔🏴🏴🏴

تمت بعون الله وتوفيقه 🧿

#بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))




https://t.center/UMdufekar

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#حصرياً 🔥🔥🔥🔥🔥
#فزاعي_جنوبي_🔥

كأني بمولاتنا زينب ع تخاطب الحادي ......

#النعي ....

يحادي النوك ودينه لهلنه
مكدره ومابيه ونه
واليوم اريد اهل المحنه
ووكف ناگتي يم الكفلنه


#النزلة.....




ويم امزامط الخوه دنزلوني

خل يگعد كفيلي وينظر امتوني


عباس اختك//شوف شبيها



يالمتحمل العيله يخال ابني
دكعد عالمتن بله دناشدني
بموتك يالسبع هالشمر عيرني
((عوف النومه//يامشكر فز))


فز بساع زينب جايه الليله
من درب اليسر ردتلك انحيله
غير انت الحنين تريد تشكيله
((يزماط الخوه //ومعناها))


ياراعي المحنه ومرضعك صافي
طر گبرك يوالي وعاين جتافي
مشتاگه يخويه لصوتك الدافي
((مشتاگه//عمة ابنك ونت))



وين تروح روحي الرادت الوالي
الچان ازماطها والجان كفالي
عمت عين الزمان الخان خيالي
((خيالي //شلون يغرب))


ريت الموت لامرك يبوالنخوه
يمدلل خواتك وخوتك حلوه
المثلك بالگبر صعبه وصدك بلوه
((ياحيف المثلك//سد عينه ))



تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_

#فزاعية_جنوبية
#حصرياً 🔥🔥🔥🔥🔥🔥



عندما رجعت قافلة ام عون ع 💔


كاني بالامام العباس ع عندما احس برجوع زينب ع وهي على ظهر الناقه من بعيد. وتقربت النوگ لرض كربلاء. واردت النزول مولاتنا زينب. عاد هنا شصاح العباس ع


#النعي....
هله بالجايه واتريد اخوها
قويه ام عون واختي ماسبوها
فزت واحد وسبعين اجوها
وليها المگبره هل طوقوها
للانصارصاح بصوت اخوها




#النزلة......
جاوين اديه ها يزلم النيبه
شو طوقوها المگبره للهيبه

((طوقوها// خل تنزل زينب ))
((بت قادة//والطبت ترهب))



جيبولي اديه والنهر گلوله
يرگع لخيتي وكون محني بطوله
ويصير يم اجدامها المعدوله
((ويم زينب //الشط يچودر))


الماي راگع مستحي كدامج
روحج حنينه وجايه لخوانج
بيرغ عراضه خل يرف جدامج
((يامهيوبه//نورتي الطف))


امدلله عباس جت مهيوبه
راسي مشه وياج يامحبوبه
امر الله تمشين بيسر وادروبه
((امر الله الصادر//هداني ))



امرالله صارد والملك حاجاني
هود يعباس الامر رباني
الله ومحمد بيك هالوصاني
((حاجيته//ياملك اتريض ))


ريض يملك الموت زينب هايه
منتظره يم اخيامها الحمايه
گلي يعباس اعتذر عن هايه
((ياخال ابنج فاضت روحه))



تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#فزاعية_جنوبية 🔥🔥🔥🔥


تكول ام عون من كون نعمت عيني ....💔


#النعي.......

عمت ابنك نحيله وحيل مابيها
تون جفيتك الخضره من اصد ليها
حزينه اعليك ومگدره عله راعيها


#النزلة.....

تون هاي الجفافي عالمرحلين
شال ازماطنه وي البعيدين
((اكشخ بيها//جفيتك هاي))

حزينه اعليك جفيتك يوالينه
يبن امي تعال وسير علينه
يومك يالحسن كلش اماذينه
((رد لينه//يزماط العايل))


يزماط الهواشم والفخر كله
فركتكم ثكيله وحيل موسهله
موتك بالگلب خلف الف عله
((موزينه//اختك يالشايل ))



موزينه يخال الولد تعبانه
عمت ابنك تون بالدار خلوانه
گلبي يطيح من انظر عله امچانه
((اعله مچانه//چا يمتى يرد))


چايمته يرد ويبطل النومه
نحضر سبحته ونحضر هدومه
ويلبسها الچفافي وترهب ارسومه
((هنا يالمبعد //مربيها))



كثر موت الاحبهم والگلب عاب
شكد احباب نامت جوه التراب
ماردو علينه ودگوا الباب
((ماجونه //ازلام الشالت ))







تمت بعون الله وتوفيقه 🧿

بقلم
#ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

نرجو من الجميع ان يستمع لهذه البصمه لايوجد لدينا بالفقهه والشرع والدين يوم المحجوبات لذالك انتبهو

👆🏻👆🏻👆🏻👆🏻👆🏻👆🏻👆🏻

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#فزاعية_جنوبية 🔥🔥🔥


#كاني بمولاتنا زينب ع تخاطب الامام الحسن ع عندما اقبل الجناز بحمله 💔😭.....

#نعي ........

وين اتريد يالصيتك فخر لينه
تعوف شلون ديوانك يوالينه
صوتك بالسلف وسفه امضيعينه

#النزلة......

مكدر كل سلفنه // يبن الكحيله
شلون تشيل وانته التعدل الميله




شلون تشيل وخوانك تخليها
وانته الصعبه والكلفه تمش بيها
يبن احيود والزينات حاويها
((حاويها //كل زينه التبشر))



يمعتبر على الكلفه يندبونه
المثلك عيب نام وغمض عيونه
للعيله يهد والكل يهابونه
((المثلك وسفه//يدفنونه))



الف حيف وندامه شخصك نفكده

مثل ماي وتطشر منه وتبده

شال الجان ماوصلت زلم حده

((لا محد مر // يم احدوده))


چبير اعضاك انته وخوتك حلوه
خله الديوان ليش من اهل المروه
اريد الطم عليكم واللطم يسوه
((وي زينب الطم //عوانه))



عوانه اجيت ودمعتي اجريها
اون اليوم وي زينب لهاليها
تقبل خدمتي والحاجه تكضيها
((ويمكم خليته//الهم الشالع گلبي))






تمت بعون الله وتوفيقه 🧿

بقلم
#ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_

#رباطات_للإمام_ الحسن_ع_

🔥🔥🔥🔥🔥🔥🔥🔥🔥

ونه وعراضه والحسن راعيها
واللطمه وي ام عون شو عدليها
((اللطمة تلوگ//لراعيها))
🔥🔥🔥🔥🔥🔥🔥🔥🔥

وياجنار هذا ابن اليحكمون
رفرف بالبيارغ. لليرهبون
((اتنومس بي //العندك هيبه))

🔥🔥🔥🔥🔥🔥🔥🔥🔥🔥

ون عباس وذب من راسه العمامه

من شاف النعش متروس بسهامه

((وجر سيفه//عباس اختاض))

🔥🔥🔥🔥🔥🔥🔥🔥🔥

ياعباس گلب اختك دوت ناره
عم ابنك مشه وام عون محتاره

((چبير الشايل //من داره ))

🔥🔥🔥🔥🔥🔥🔥🔥🔥🔥



صدگ چتال يايوم اليحنون
طاح الحيل من شفت اليشيعون
((وبنعشك تمشي//الجناره))

🔥🔥🔥🔥🔥🔥🔥🔥


ها ام عون راس ازماطچن شال
وياج الدهر جاليش ميال
((مياله//الدنيه وي اهلج))

🔥🔥🔥🔥🔥🔥🔥🔥🔥



ازلام كلفه شايله هالليله
اعيونهم مانامت اعله العيله
((حربيه//ازلام الشالت))

🔥🔥🔥🔥🔥🔥🔥🔥

دفان. ريض لاتغمض عينه
عالوا علينه والحسن چاوينه
((الشايل هيبة //خوانه)))

🔥🔥🔥🔥🔥🔥🔥🔥



توازه الموت ماريض بالاسباع
صدگ خال الولد نايم عالگاع
((بالنيبه //ياموت اتريض))

🔥🔥🔥🔥🔥🔥🔥🔥🔥

شلون الموت مر بزلم الهيابه
يسون الحزن شدة العصابه
((عليهم تسوه//العصابه))

🔥🔥🔥🔥🔥🔥🔥🔥🔥🔥


تمت بعون الله وتوفيقه 🧿

بقلم
#ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#حصرياً 🔥🔥🔥🔥💔

#قصيدة_ثگيلة_للحسن_ع_

🏴🏴🏴💔🏴🏴🏴

كاني بمولاتنا زينب ع تشكي من آلم الفراق. فراق اخيها الحسن ع 💔😭💔



لتمر بنزلنه ابعد يالافراگ
حنينة گلوبنه وكلساع تشتاگ

خال ابني دخليه
ازماط ونفتخر بيه

لتمر بنزلنه .......لتمر بنزلنه

🏴🏴🏴💔🏴🏴🏴

هنا يفراگ دبعد عن نزلنه
وخلي اخوانه البيهم محنه
وين نروح من يكثر هضمنه
واحنه افارگنه ماخذ زلمنه

مر وماخذ الزين
شايل وين الحنين

لتمر بنزلنه ...........لتمر بنزلنه

🏴🏴🏴💔🏴🏴🏴

مر افراكهم يمه وچواني
مسدود النزل كلش عماني
يم ابيوتهم اگعد واتاني
هالبت بالاخو يرجع زماني

بابك خويه شفنا
مسدود وجهبنا

لتمر بنزلنه ........لتمر بنزلنه

🏴🏴🏴💔🏴🏴🏴

جهبنه الدار بالعتبه كعدنه
وصحنه بصوت وين الجابته امنه
علينه اهموم ولدارك كصدنه

بيدك ردنه تمسح كل دمعنه

خواتك جايه اليوم
كلبها امحمل اهموم

لتمر بنزلنه .......لتمر بنزلنه

🏴🏴🏴💔🏴🏴🏴

عمت ابنك بچت بالباب ياحيد
تعبانه اجت من درب البعيد
فز من نومتك واكعد يصنديد
الحرمه بشاربك يبن الاجاويد

الحرمه تريد والي
يگلها اهلا تعالي

لتمر بنزلنه..........لتمر بنزلنه

🏴🏴🏴💔🏴🏴🏴


حنان انتم واجينه نمر عليكم
يالزينين ياليعجب حچيكم
خوال ابني ويحن هالگلب ليكم
هنا يزماطنه النتباهه بيكم


بينه شكد توصون
ريضو ولا ترحلون


لتمر بنزلنه. .......لتمر بنزلنه

🏴🏴🏴💔🏴🏴🏴

تمت بعون الله وتوفيقه 🧿

#بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))




https://t.center/UMdufekar