الشاعرة ام ذو الفقار إلمانيا 🇩🇪 [إسراء اللامي]

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#حصرياً 🟢🟢
#ثگيلة_للرسول_


كإني بمولاتنا الزهراء ع تخاطب حاملين نعش رسول الله ص


ارد احاچي الشايلينه. يرجعونه
ازماطنه وماعندنه والي غير ابونه

نزلو التابوت الي
خلني احچي وي الولي

غير ابونه ........غير ابونه


غير ابونه تعطلونه وخل نحاچيه
غيره ماعدنه ولي من نعتب اعليه
ليش نايم بالنعش وامدد ايديه

بنومته كلبي نخمش
مو اله نوم النعش

غير ابونه .......غير ابونه



ارد احاچي النايم وبلكت يفزلي
غيره ماعندي ولي وبس هوه اهلي
كوم يمدللني بله وشوف حملي

حملي طايح يالشهم
حيلي وياك انهدم

غير ابونه ............غير ابونه


حملي طاح والوجه بين هضمته
والگلب مجروح والهجران علته
ليش نايم بالنعش حيلي هدمته
عوف تابوت الهجر
كلبي يابويه انفطر

غير. ابونه .............غير ابونه



عوف تابوت الهجر والموت فدوه
ليش نايم بالنعش يبو المروه
ياحنين وعشرتك يابوي حلوه

بويه حلوه عشرتك
عذبتني بنومتك

غير ابونه ...........غير ابونه




بويه جنازك مشه وشلون بيه
جا بعد منهو يمرلي بمغربيه
ايست منك بعد ماجيت ليه

عيني عالباب ارتجي
بلگت الوالي. يجي

غير. ابونه .........غير. ابونه




تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))



https://t.center/UMdufekar

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#حصرياً 🟢🔥🔥🟢
#لشجاعة_الرسول_ 🔥



المثلك يالنبي. وسفه يفكدونه
بالساحه مهيب وصعب قانونه



رؤس الروم بالساحات خلالها
ابو ابراهيم هد وبيده سواها
لعب سيف السبع والقاده بچاها
((رداها//اجيوش الهجمت ))


كل روجه الاجت رجعها بسيوفه
‏بخيت الرد عدل بس مات من خوفه
ابو ابراهيم يرهب اسمه وحروفه
((وحط خوفه//بازلام الملعب))



الساحه بس الك يمخوف القاده
هله بسمك يروح وهيبة الساده
بارز بالمعارك اسمه كالعاده
((عنوانه//والمعلب بسمك))



عنوان الملاعب والحرب جوك
خافت كل جيوش الروم من اسمك
يريت اندار بيه يالنبي سمك
((يسمونه//المثلك حيف))



تسمك عائشة وتاريخ ضماها
عمر حفصه وابوها همه وياها
الف لعنه عليها وعله السواها
((ملعون اليغدر//هادينه))



تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#لشجاعة_الرسول_
#حصرياً 🟢🔥🔥🟢

#النعي...

صولات النبي خلينه نحجيها
چم غزوه الاخذها وفايز اعليها
بيده رايته وحير طواغيها

#النزلة....


هيبة وعالية….. راية الخياله
السيفه بيمنته والزود يحلاله

((هادينه //اتمركز اول))


واكف بالصفوف الاولى هادينه
صاح بصوت وين اللي يعادينه
ارده بلا نفس واگطعهن ايدينه

((يلاوينه //وشلون الشر))




طلع ضد الفساد ورافع الرايه
صاعد مهرته ومحدد الثايه
ماهمه الجيوش الجايه اهوايه
((خلاها//بس رؤس وتنزف))



بس الرؤس والبتار بيمينه
الملعب بس اله يامحله هادينه
يومك مانحمله وحيل ماذينه
((يالشايل يومك//ماذينه))



حيف تشيل زلم التعدل الميله
چا منهو اليردها لوجت العيله
رد يابوي طايح هالسلف حيله
((اعليك يون //هالخليته))


الك علگو بيرغ بالسلف كله
والديوان خالي وونت الدله
عليك الگول يمعدل صدك يحله
((يالاسمك رحمه//وينجينه))


تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#حصرياً 🟢🔥🔥🟢
#للرسول_ص

#لشجاعة_الرسول _لأن محد حاچي بيها مع كل اسف 🟢






#النعي......

الرتبه بس الك وانت اول الشجعان
غزواتك اهوايه والورق خلصان
تاريخك وعلمك تارس البلدان

#النزلة.......


الك بالجيش ...يارتبة الحربية
سيفك ياسبع مكتوب ماضيه

((اكحيل اتگلب//بالساحه))



بالساحه برز والكوم حيرها
رفع سيف النبي والرؤس طيرها
الرايه بيمنته وادموم سيرها
((الرايه ترف//اعله اجتافه))



الرايه مرفرفه وصاعد ع احصانه
نافيها الهدنه وسرفن اردانه
كضت كل الزلم والساحه خلونه
((الملعب باسمه//ويحلاله))



ثبت راية الاسلام بالساحه
لعب بيهم لعب ماخله كل راحه
بس راس العدو هذا وبقى اسلاحه
((وهوس بي //اسلاح النايم))



مايخسر نبينه والحرب تشهد
لعب بيهم لعب وبمعركه احد
كام برؤسهم بالملعب يحدد
(( حد احدوده//قتال الشر))



برز بسم الله قاتل والعدل همه
ابو ابراهيم بالملعب برز اسمه
عليه اهل الكفر هاليوم ملتمه
((طشرهم خيل. \\\وخياله))


تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#حصرياً 🟢🔥🔥🟢

عن لسان حال مولاتنا الزهراء ع عندما وصلت جنازه الرسول ص الى المقبرة ......

#النعي.....

لاتدفن ولينه العشرته حلوه
وين نروح عگبه وبيش نتگوه
يادفان عطلي ابو النخوه


#النزلة......

الزهره اتصيح ريضلي يدفان
شلون عالترب نومة الوليان



شواربهم حسافه جوه الاتراب
نزامط بيش كلي وبيش ننهاب
لو شالوا الهيبه وسدو الباب
((انمر اعليهم//بالعيله))



لو عالوا علينه والهضم بينه
مغربين المشوا والنشدو علينه
عگب اعيونهم محد يمر لينه
((سدوها //بيبان الترحب ))


يادفان ريض بالولي اشويه
يم راسه اون بلكت يفز ليه
لگله اخلاف عينك عالو اعليه
((فز ليها//الزهره اتريدك ))



بتك حايره والروح خلصانه
صار افراكنه حيف وي ملفانه
بالوليان ليش الدنيه خوانه
((بوليانه //خوان البين ))


تصيح ام الحسن وتنوح منهضمه

افراگك. يالولي خلف الف ورمه

يمعزيات كومن ندل اللطمه

((ونعين الزهره //عالهيبه))





تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#حصرياً 🟢🔥🔥🔥🔥🟢

#ثگيلة_للاربعين_ 🟢


كأني بمولاتنا تخاطب الامام الحسين ع وابا الفضل ع عندما رجعت الى القبور. بليلة الاربعين 💔😭





عمة ابنك اجت للغاضريه

جابت رؤسكم يهل الحميه


نومه شلون الاسباع
جنتو لزينب اشراع



عمة ابنك اجت للغاضريه



ردت رؤسهم والحيل تعبان
مشتاگه العقيله اتريد الاخوان
خليه اضعونها ومابيها وليان

بس نوگ وهزيله
عليل ومات حيله

عمة ابنك اجت للغاضريه





عالناگه الهزيله ردت اليوم
ومن شمس السبي متغيره الارسوم
ليش ابن امي نايم مارضى يگوم

غير يكوم الحسين
ويمسح دمعة العين

عمة ابنك اجت للغاضريه




غير يكوم ابن امي من احاجيه
اعرفنه حنين واعتب اعليه
تلملم ضيم گلبي ويمه احچيه

حاجيني من احاجيك
گلبي امفرفح اعليك

عمة ابنك اجت للغاضريه



طبيت وكثر وني وحنيني
منكم رايده واحد يجيني
يمر بناگتي ويمسحلي عيني

محد نزلاني
وين الواعداني

عمة ابنك اجت للغاضريه




ياعباس وسفه جوه الاتراب
بگلب اختك جرح ليهسه ماطاب
لاتختاض لو كثرت العتاب

گوم وعوف الگبور
وعلي هالگلب مكسور

عمة ابنك اجت للغاضريه



تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))



https://t.center/UMdufekar

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#حصرياً 💔🔥🔥🔥🔥

#ثگيلة_للاربعين_


🏴🏴🏴💔🏴🏴🏴

يالجايه.....للمگبره لوليانج
يالجايه....روحج تحن لخوانج

ايسي مايگعدون
الماتو مايرجعون

يالجايه ..........يالجايه

🏴🏴🏴💔🏴🏴🏴

يالجايه لخوانج وگلبج خذاج
گاعده وتحچين يم گبر الجفاج
افراكهم يالفاگده شكد عذباج
براضه هنانه يم عون
الماتو مايرجعون


يالجايه .......يالجايه

🏴🏴🏴💔🏴🏴🏴

براضه عتبي يالعقيله اعليهم
احنان اخوتج والعتب ياذيهم
ادري گلبج هوه اليحاجيهم

گلبج عله اليحنون
الماتو مايرجعون

يالجايه .......يالجايه

🏴🏴🏴💔🏴🏴🏴

گلبج يفرفح محنه الليله
وكاعده يم الگبور نحيله
اه يافراگ الاهل شيشيله
يفگس فص العيون
الماتو مايرجعون


يالجايه.....يالجايه

🏴🏴🏴💔🏴🏴🏴

عيونج افراگ الاهل عاميها
كون بيبان المگابر بيها
جان شفنه احبابنه نحاجيها

واكلهم ضمي شلون
الماتو مايرجعون

يالجايه...........يالجايه


🏴🏴🏴💔🏴🏴🏴

افتحو گبوركم يهلي شجاكم
نوم المگبره كلش كضاكم
شوفو اكلوبنه شسوت وراكم

كضت عالماينشدون
الماتو مايرجعون

يالجاية......يالجايه




🏴🏴🏴💔🏴🏴🏴

تمت بعون الله وتوفيقه 🧿

#بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))




https://t.center/UMdufekar

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#حصرياً 🔥🔥🔥🔥🔥
#فزاعي_جنوبي_🔥

كأني بمولاتنا زينب ع تخاطب الحادي ......

#النعي ....

يحادي النوك ودينه لهلنه
مكدره ومابيه ونه
واليوم اريد اهل المحنه
ووكف ناگتي يم الكفلنه


#النزلة.....




ويم امزامط الخوه دنزلوني

خل يگعد كفيلي وينظر امتوني


عباس اختك//شوف شبيها



يالمتحمل العيله يخال ابني
دكعد عالمتن بله دناشدني
بموتك يالسبع هالشمر عيرني
((عوف النومه//يامشكر فز))


فز بساع زينب جايه الليله
من درب اليسر ردتلك انحيله
غير انت الحنين تريد تشكيله
((يزماط الخوه //ومعناها))


ياراعي المحنه ومرضعك صافي
طر گبرك يوالي وعاين جتافي
مشتاگه يخويه لصوتك الدافي
((مشتاگه//عمة ابنك ونت))



وين تروح روحي الرادت الوالي
الچان ازماطها والجان كفالي
عمت عين الزمان الخان خيالي
((خيالي //شلون يغرب))


ريت الموت لامرك يبوالنخوه
يمدلل خواتك وخوتك حلوه
المثلك بالگبر صعبه وصدك بلوه
((ياحيف المثلك//سد عينه ))



تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_

#فزاعية_جنوبية
#حصرياً 🔥🔥🔥🔥🔥🔥



عندما رجعت قافلة ام عون ع 💔


كاني بالامام العباس ع عندما احس برجوع زينب ع وهي على ظهر الناقه من بعيد. وتقربت النوگ لرض كربلاء. واردت النزول مولاتنا زينب. عاد هنا شصاح العباس ع


#النعي....
هله بالجايه واتريد اخوها
قويه ام عون واختي ماسبوها
فزت واحد وسبعين اجوها
وليها المگبره هل طوقوها
للانصارصاح بصوت اخوها




#النزلة......
جاوين اديه ها يزلم النيبه
شو طوقوها المگبره للهيبه

((طوقوها// خل تنزل زينب ))
((بت قادة//والطبت ترهب))



جيبولي اديه والنهر گلوله
يرگع لخيتي وكون محني بطوله
ويصير يم اجدامها المعدوله
((ويم زينب //الشط يچودر))


الماي راگع مستحي كدامج
روحج حنينه وجايه لخوانج
بيرغ عراضه خل يرف جدامج
((يامهيوبه//نورتي الطف))


امدلله عباس جت مهيوبه
راسي مشه وياج يامحبوبه
امر الله تمشين بيسر وادروبه
((امر الله الصادر//هداني ))



امرالله صارد والملك حاجاني
هود يعباس الامر رباني
الله ومحمد بيك هالوصاني
((حاجيته//ياملك اتريض ))


ريض يملك الموت زينب هايه
منتظره يم اخيامها الحمايه
گلي يعباس اعتذر عن هايه
((ياخال ابنج فاضت روحه))



تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#حصرياً 🔥🔥🔥🔥💔

#قصيدة_ثگيلة_للحسن_ع_

🏴🏴🏴💔🏴🏴🏴

كاني بمولاتنا زينب ع تشكي من آلم الفراق. فراق اخيها الحسن ع 💔😭💔



لتمر بنزلنه ابعد يالافراگ
حنينة گلوبنه وكلساع تشتاگ

خال ابني دخليه
ازماط ونفتخر بيه

لتمر بنزلنه .......لتمر بنزلنه

🏴🏴🏴💔🏴🏴🏴

هنا يفراگ دبعد عن نزلنه
وخلي اخوانه البيهم محنه
وين نروح من يكثر هضمنه
واحنه افارگنه ماخذ زلمنه

مر وماخذ الزين
شايل وين الحنين

لتمر بنزلنه ...........لتمر بنزلنه

🏴🏴🏴💔🏴🏴🏴

مر افراكهم يمه وچواني
مسدود النزل كلش عماني
يم ابيوتهم اگعد واتاني
هالبت بالاخو يرجع زماني

بابك خويه شفنا
مسدود وجهبنا

لتمر بنزلنه ........لتمر بنزلنه

🏴🏴🏴💔🏴🏴🏴

جهبنه الدار بالعتبه كعدنه
وصحنه بصوت وين الجابته امنه
علينه اهموم ولدارك كصدنه

بيدك ردنه تمسح كل دمعنه

خواتك جايه اليوم
كلبها امحمل اهموم

لتمر بنزلنه .......لتمر بنزلنه

🏴🏴🏴💔🏴🏴🏴

عمت ابنك بچت بالباب ياحيد
تعبانه اجت من درب البعيد
فز من نومتك واكعد يصنديد
الحرمه بشاربك يبن الاجاويد

الحرمه تريد والي
يگلها اهلا تعالي

لتمر بنزلنه..........لتمر بنزلنه

🏴🏴🏴💔🏴🏴🏴


حنان انتم واجينه نمر عليكم
يالزينين ياليعجب حچيكم
خوال ابني ويحن هالگلب ليكم
هنا يزماطنه النتباهه بيكم


بينه شكد توصون
ريضو ولا ترحلون


لتمر بنزلنه. .......لتمر بنزلنه

🏴🏴🏴💔🏴🏴🏴

تمت بعون الله وتوفيقه 🧿

#بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))




https://t.center/UMdufekar

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_


#قصيدة #ثگيلة
#للسيدة #رقيه ع
#حصريا🔥🔥🔥🔥🔥🔥


لسان الحال عن مولاتنا. زينب ع عندما هدأت انفاس الطفله رقيه ع على منحر اباها الحسين ع💔💔💔💔😭

💔💔💔💔💔💔💔💔

عمه افتحي عيونج الحلوه البريئه
منيين تابوت عله گدج بله اجيبه

فتحي عينج خل اكلج
ماكو تابوت اعله گدج

عمه عمه. .....يارقيه
عمه ياعمه ....يارقيه
💔💔💔💔💔💔💔💔

فتحي عينج خل نسولف يارقيه
وينج ووين الگبر اه يالابنيه
يم سوالف دافيه ردي عليه

گومي خن ندلل ولينه
ضيف عمه وجاي لينه

عمه عمه .....يارقيه
عمه عمه .....يارقيه

💔💔💔💔💔💔💔💔

گومي خن ندلل ولينه ونحجي وياه
ونمسح ادمومه يعمه من ثناياه
وننكت اتراب البشعره ونگعد احذاه


اگبالنه نخلي ضمدنه
ونحچي وياه بهضمنه

عمه عمه .....يارقيه
عمه عمه .....يارقيه

💔💔💔💔💔💔💔💔

احجي وياج وعلي نشفت لهاتي

فدوه عوفي الموت ياعمه بغلاتي
وگومي خل نفرش عباتج وي عباتي

عمه خل نفرش عبينه
بساط للمچبل علينه

عمه عمه .....يارقيه
عمه عمه .....يارقيه


💔💔💔💔💔💔💔💔


رحمي گلبي اشويه المگطع دليله
شلون اشيلج والجدم بالگوه اشيله
عمه يالحلوه صفاتج يالاصيله

گومي يالحلوه صفاتج
عليج مهضومه خواتج


عمه عمه .......يارقيه
عمه عمه........يارقيه

💔💔💔💔💔💔💔💔

عمت عيني عليج عمه وياكسرتج

شابگه راس العزيز وبيضه شفتج

الموتاج العتب عمه وجاس گلبج

گوه شلتج يالزغيره
كسرتج عمه چبيره


عمه. عمه. .....يارقيه
عمه. عمه.......يارقيه

💔💔💔💔💔💔💔💔




تمت بعون الله وتوفيقه 🧿

#بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))




https://t.center/UMdufekar

#اللهم_عجل__لوليك_الفرج_

#لمولاي السجاد ع 💔💔
#جنوبيه 🔥🔥🔥
#حصرياً🔥🔥🔥🔥





اليوم ابن النشامه شمر ايديه
وين اهل الملاعب تلحگ اعليه



اليوم ابن النشامه غمض اعيونه
وين اهل الملاعب خل يحضرونه
بهوسات وبيارغ خل يشيعونه
((فاضت روحه// عباس احضر))


فاضت روحه بالدمعات والونه
يطارش روح خبر اهل المحنه
گللهم يون واضلوعه يأذنه
((اضلوعة تون//يهل الغيره))


هنا يهل المحنه اليوم همتكم
جهزوها خضر يله بيارغكم
للسجاد دگوها جوادركم
((الرايح يهدم //يايومه))



ام عون مكدره وتنوح للغالي
يالسجاد يومك بهذل أحوالي
يون اعليك يالسجاد دلالي
((خليته //دلالي امكدر))


يبن حسين صوبت الهرش كله
صعبة موتك يالشهم مو سهله
اريد اندهه كفيلي وامشي اگلله
((شيع الهيبه //عباس اكعد))



تمت بعون الله وتوفيقه 🧿

بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل_لوليك_الفرج_

#الشاعرة_ام_ذو_الفقار_إسراء_اللامي_

#حصريا ✅🔥🧿


#هوسات مهاويل🔥🔥🔥


مولاتنا زينب ع
وهي على ظهر النوگ. تذكرت العباس ع من برز للحومه

صاحت …..

برز عباس لحظه مانزل سيفه
الريشه رفرفت ظل يذبح بكيفه
صاح حسين اجه الصعب تخويفه

بارز يحزام حسينه
صگار الطف بعينه
ماشايف خوفه سنينه
((الخوفة///ماسامع بيها))




ماسامع ترا العباس بالخوفه
مايقبل العطوه انرفعت سيوفه
واوجوه العده صبحت مخطوفه

ناشف كل دم البيها
قائدة كوم امبجيها
ترعش حيل امخليها
((القادة// اكبالك نسوان))




حيرها وخبطها ازلام وي الخيل
صبح من طب المعتبر گلبها ليل
الحومه اتريد عطوه من الكحيل
يذبح خيل وخياله
وماظل واحد يدناله
نار ويحرگ الگباله
((حروره. //گبت بالطف))



تمت بعون الله وتوفيقه 🧿

بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#اللهم_عجل_لوليك_الفرج_

#حصريا

#الشاعرة_ام_ذو_الفقار_إسراء_اللامي_

#هوسات مهاويل🔥🧿



بس رؤس وثكيله وترهب الصدها
مثل هاي الزلم هالدنيه ماعدها
ذول أولاد حيدر والنبي جدها

ذول اربات الحربيه
واحدهم الف وميه
وداعت خدر العلويه
((الحومه// خلوها. تون))




قالع خيبره رباهم بعلمه
عالحگ والشهاده يموت الزلمه
شهيد يروح لله يعزب بدمه

صار امسابگ بالحومه
شاري الموت من ارسومه
كاتب تاريخ اعلومه

((غيره //التاريخ يسولف))



تمت بعون الله وتوفيقه 🧿

بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))

https://t.center/kjhgkkb

#حصريا ✅

#ملاكاة🔥🔥🔥

#الشاعرة_ام_ذو_الفقار_إسراء_اللامي_


كاني بمولاتنا زينب ع وعي على ظهر الناقة تتكلم مع نفسها. ودموعها جاريه…….



#النعي……
حنينه اسوالف اهلي ومااملنها
وفركتهم ثكيله وما اشيلنها
ترا الضعيت اخو ينسمع كل ونها



#النزلة…..

ونج ينسمع. //يالفاگدة النيبه
جوه الگاع اخيج بعد شيجيبه
((غمض عينه//ياخال ابنج))



ونج ينسمع يالفاگده الوالي
كثري من الدمع وامعاتب الغالي
چبيرة مصيبتج والونه للتالي
((هاي چبيرة//يمصيبتكم))


مصيبتكم چبيره وصوبت گلبي
من وني ودمعتي ماشفت دربي
احاجي العين عالاخوه ولج صبي
((شيشيله//يايوم. الاخوه ))


ترا يوم الولي جتال شيشيله
من افراكم ماغمضت ليله
يخوان الگلب ون وركد حيله
((اعله النيبه//يامحله الون))


يحلالي الدمع ومسابگ الونه
اخواني احنان بيهم كل المحنه
لو مات الاخو ماينشره منه
((تشرينه//شلون ابن امج))


ابن امج حنين وغمضت عينه
مثل خال الولد چاوين تلكينه
بهمومج يروحي شكد تكلفينه
((ياروحي ازماطج// بالهيمه ))



تمت بعون الله وتوفيقه 🧿


ام ذو الفقار اسراء اللامي ✍️



غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع 🚩



https://t.center/kjhgkkb

#طلب من مولاتنا الزهراء ع عليها السلام هذه القصيدة 😭💔

#حصريا 🧿🔥💔



عندما حل دفن الاجساد الطاهرة




كاني بمولاتنا الزهراءع تخاطب الاجساد واحد تلو الاخر إلى ان وصلت إلى جاسم العريس. نظرت اليه مقطع اربا ً اربا
.
💔💔💔😭💔💔💔


ليش نايم عالترب تاليها
وامك بلا وعي مخليها

كوم هالصار العصر
كتلتك شمس الظهر

ليش نايم عالترب تاليها





💔💔💔😭💔💔💔

نايم بذيج المعاره وگلبي نار
عالترب دمك ييمه وباقي حار
منو مثلك هيج عرسه بله صار
ياحنون بامك انته شكثر. بار

كوم لامك يانفل
مايل اليوم الحمل

ليش نايم عالترب تاليها

💔💔💔😭💔💔💔

ليش ايدك بس ترب وبس دموم
لازم امحنايه ايدك يبني گوم
مو حلو نوم الشباب بهل السموم
عصر والشبان طلعو ماكو نوم

گوم يازين الشباب
صاير افراشك تراب

ليش نايم عالترب تاليها


💔💔💔😭💔💔💔


تنزف ودمك خذاك وماكو روح
جدتك هاليوم يمك بس جروح
نايم العريس وادمومه تفوح
كوم يمدلل اگليبي وخل نروح

بعدك بريع العمر
وينك ووين الگبر

ليش نايم عالترب تاليها


💔💔💔😭💔💔💔


يمه يالحلوين يمه من التراب
عيونه تربى لدربكم يالشباب
عاتبت والروح زادت بالعتاب
كافي كعدو من المكابر كلبي شاب

شاب گلبي وحسرته
على القاسم . ونته

ليش نايم عالترب تاليها

💔💔💔😭💔💔💔

على القاسم من اجيت امكدره
زغير بعده عالجفن والمگبره
جيت افيله واعدل منحره
وامسح ادمومه واشيله من الثره

اسم الله ذبلان الورد
نام بحضيني الولد

ليش نايم عالترب تاليها

💔💔💔😭💔💔💔


تمت بعون الله وتوفيقه 🧿




✍️ام ذو الفقار اسراء اللامي

غير مبري الذمة من يجرد اسمي من القصيدة او ينسب الكلام له.


اهدي عملي هذا صدقة جارية لسلامة الإمام المهدي المنتظر ((عج))

https://t.center/UMdufekar