davletovuz

Президент ёрдамчиси Саида Мирзиёева давлат раҳбари томонидан маъқулланган аёллар орасида онкологик касалликларни назорат қилишга доир давлат дастури ҳақида маълумот берди. Унинг ёзишича, дастур миллий ва халқаро экспертлар жамоаси томонидан бир йилга яқин вақт давомидаги муҳокамалардан сўнг қабул қилинган, ҳужжатга халқаро клиник амалиётлар асос қилиб олинган.

Президент ёрдамчисининг айтишича, эндиликда 30 ёшдан бошлаб аёллар ҳар 10 йилда инсон папилломаси вирусига тест топшириши, 45 ёшдан 65 ёшгача эса ҳар 2 йилда маммографиядан ўтиши керак бўлади.

“Бунда ҳар бир аёл электрон рўйхатга киритилади ва ҳар қандай хавфли ўзгаришлар аниқланганда тизимда “йўқолиб қолмайди”.

– “Дастур аниқ ҳаракатлар ва даволаш протоколларини ўз ичига олган. Албатта, бу жуда катта қадам ва ушбу ўзгаришлар жараёни шахсан ўз назоратим остида бўлади”, дейди С. Мирзиёева.

Манба

Самарқандда бухгалтер тадбиркорнинг 6,4 млрд сўм маблағини ўз банк картасига ўтказиб, қиморга ютқазиб қўйган.

Маълум бўлишича, МЧЖ ҳисобчиси банк электрон калитларидан фойдаланиб, корхонанинг 6,4 млрд сўм маблағини сохта маълумотларни расмийлаштириш орқали ўзининг номига очилган пластик карталарга ўтказиб олган.

Пулларни эса интернетда қимор ўйинларида ютқазиб қўйган.

Мазкур ҳолат юзасидан жиноят иши қўзғатилиб, тергов ҳаракатлари ўтказилмоқда.

UZTELECOM телекоммуникациялар инфратузилмасини ривожлантириш борасида яна бир муҳим қадам ташлади.

Энди уйдан чиқмасдан туриб, операторнинг барча хизматларига онлайн уланиш мумкин. Уларга SIM-картани алмаштириш ёки e-SIMни рўйхатдан ўтказишдан тортиб, то уйдаги интернетга уланиш ёки бўш SIM-карталарни илова орқали мустақил тарзда рўйхатдан ўтказиш кабилар киради.

Хизматлардан фойдаланиш, аризаларни юбориш, уларнинг ҳолатини кузатиш ва мурожаат ижроси сифатини баҳолаш учун абонент қуйидаги платформадан фойдаланиши мумкин:

• UZTELECOMнинг расмий веб-сайти;
• MyUZTELECOM мобил иловаси;
• Telegram’даги @utc_uzbot боти;
• My.gov.uz давлат хизматлари портали.

Айтганча, энди йирик чакана савдо тармоқлари филиалларидан бўш SIM-карта сотиб олиб, бир неча клик билан UZTELECOMга уланиш ва активация қилганда 100 ГБ трафик бонус олиш имконияти ҳам мавжуд.

Тошкент шаҳрида паркинг ҳудудларида бир соат тўхтаб туриш нархлари:

1-тариф зонаси - 12 минг сўм;
2-тариф зонаси - 10 минг сўм;
3-тариф зонаси - 8 минг сўм;
4-тариф зонаси - 6 минг сўм;
5-тариф зонаси - 5 минг сўм.

Манба

Самарқанд бўйлаб "Халқ ижодиёти карвони" лойиҳаси доирасида маданий тадбирлар ўтказилмоқда

Жорий йилнинг ноябрь ва декабрь ойларида Самарқанд вилоятида "Маданият карвони" ижодий лойиҳаси доирасида Маданият вазирлиги тизимидаги ҳаваскорлик жамоалари томонидан вилоятнинг барча туман ва шаҳарларида ўзбек халқининг миллий қадрият ва урф-одатларини тарғиб этишга қаратилган маданий тадбирлар ташкил этилмоқда.

Ушбу концерт-томоша дастурларида қатнашиш бепул ва қайси туман ёки шаҳарда тадбирлар ўтказилиши маҳалла фуқаролар йиғини, ҳоким ёрдамчилари ва маданият бўлимлари томонидан олдиндан эълон қилиб борилади.

Шунингдек, маданий тадбирлар якунланганидан сўнг, 15 декабрь куни Самарқанд шаҳрида барча жамоалар, ижодкорлар ва таниқли санъаткорлар иштирокида "Folk Party" шоу гала концерти бўлиб ўтади.

Ушбу маданий тадбирлар борасида Маданият вазири Озодбек Назарбеков қўйидагиларни таъкидлаб ўтди: "ўзбек халқининг ўзига хослиги, маданияти, анъана ҳамда урф-одатларини сақлаб қолиш ва тарғиб қилишда бу каби тадбирларнинг ўрни жуда катта".

Манба

Ўзгидромет прогнозларига кўра, ҳафта охирида мамлакатнинг водийдан ташқари барча ҳудудларида ёмғир қорга айланиши мумкин.

1 декабрдан 2 декабрга ўтар кечаси тунда ҳудудларда ҳаво ҳарорати ноль даража ва ундан пасайиши мумкин.

Тошкентда Савдо-саноат палатаси ташаббуси билан “Тадбиркор аёл-қаҳрамон аёл” хотин-қизлар форуми бўлиб ўтмоқда.

Мазкур тадбир ижтимоий ҳимояга муҳтож аҳолини касбга ҳамда тадбиркорликка жалб қилишда Ҳукумат билан ҳамкорликда муайян ишлар олиб бораётган тадбиркор аёлларни қўллаб-қувватлаш мақсадида ташкил этилган.

Форумни жонли эфирда кузатиб боринг

Уйдан чиқмасдан eSIM улатиш мумкинми? Ўта осон

Сиз замонавий хизмат кўрсатишдан фойдаланишингиз ва яқин орадаги Ucell савдо нуқтасигача йўлга вақт сарфламаслигингиз учун қайғурдик.

Уйда ёки ишхонада ўтириб eSIM улатиш энди мобил иловамизда йўлга қўйилди.

Реклама

Президент Шавкат Мирзиёев Ўзбекистон Миллий Олимпия қўмитасининг раиси этиб сайланди.

Отабек Умаров МОҚ раисининг биринчи ўринбосари, Ойбек Касимов Бош котиб ва Шерзод Ташматов раис ўринбосари лавозимига сайланди.

Манба

Тошкентда келгуси йилдан йўл кира нархи нақд пулда ошади, автобусларда нақд пулдан воз кечилади

Тошкент шаҳар ҳокими қарори лойиҳасига кўра, 2025 йил 1 январдан Тошкент шаҳрининг жамоат транспорти йўналишларида (автобус ва метрополитен) бир йўловчи қатнови учун чекланган тариф 3 000 (уч минг) сўм этиб белгиланади.

Бунда бир йўловчи қатнови учун 1 (бир) марталик тўловни электрон тўлов тизими орқали амалга оширилганда рағбатлантирувчи чегирма қўлланилган ҳолда – 1 700 (бир минг етти юз) сўм ундирилади.

Қатновлар сонига боғлиқ ҳолда белгиланган транспорт карталарининг ва транспорт карталаридан фойдаланилган ҳолда бир соат ичида бир йўналишли йўловчи транспортидан бошқасига ўтиш сонидан келиб чиққан ҳолда имтиёзли ва бепул тариф режаларининг нархлари ўзгаришсиз қолдирилади.

Тошкент шаҳри йўналишларидаги барча автобуслар салонида йўлкира ҳақини нақд пулда олиш амалиётидан воз кечилади ва йўлкира ҳақини фақат электрон тарзда қабул қилиш амалиёти жорий этилади.

Бош прокуратура расмий баёноти

Бош прокуратура томонидан Қибрай туманида Ўзбекистон Республикаси Президенти Администрацияси Ахборот сиёсати департаментининг собиқ раҳбари Комил Алламжоновга содир этилган қотилликка суиқасд қилиш билан боғлиқ жиноят иши юзасидан тергов ҳаракатлари олиб борилмоқда.

Тергов ҳаракатлари давомида ҳодиса содир бўлган жойни ва айбланувчилар бошқарувида бўлган автомашиналарни кўздан кечириш ҳамда улар истиқомат қилган хонадонларда ўтказилган тинтувларда ишга алоқадор бўлган ашёвий далиллар аниқланиб олинди.

Ўтказилган тергов ва тезкор–қидирув тадбирлари давомида ушбу жиноятни содир этишга алоқадор бўлган жами 7 нафар шахс аниқланиб, 5 нафарига нисбатан қамоққа олиш эҳтиёт чораси қўлланилди, шунингдек 2 нафарига нисбатан қидирув эълон қилинган эди.

Қидирувда бўлган айбланувчи К.С.нинг Қозоғистон Республикасида яширинган манзили аниқланиб, унинг иштирокида тергов ҳаракатлари олиб борилди.

Шунингдек, қидирувда бўлган айбланувчи Жавлон Юнусов Корея Республикасида қўлга олиниб, Ўзбекистонга экстрадиция қилинди.

Тергов ҳаракатлари давом этмоқда.

Бош прокуратура

Тошкентда пулли парковка участкалари 120 млрд сўмга сотилди

Тошкент шаҳрида 86 та пулли парковка участкасини ижарага бериш бўйича аукцион бўлиб ўтди. Аукционда 120 млрд сўм таклиф билан Balcomuz МЧЖ қўшма корхонаси ғолиб бўлган. Бошланғич нархи 57 млрд сўм эди.

МЧЖнинг 60% улуши Balcom Co.Ltd (Япония) компаниясига, 20%и Нуриддинов Авазбек Шокиржон ўғлига, 10%и Акрамов Бобур Ахатовичга ҳамда қолгани (10%) Ҳошимов Анвар Олим ўғлига тегишли.

Компания сайтида айтилишича, улар ресторан (Flamingo), IT, қурилиш, консалтинг ва кўнгилочар хизматлар (Central Park) бозорида фаолият юритади.

Паркларни хусусийлаштириш қонун билан тақиқланади

Маданий ҳордиқ масканларини, уларнинг ерларини ҳамда ушбу ерлардаги бино-иншоотни бегоналаштиришни, маданий ҳордиқ масканлари ҳудудини қисқартириш, уларда бино-иншоот қуриш (енгил турдаги объектлар бундан мустасно) ёки мавжуд бино-иншоотни қурилиш ости майдонини кенгайтиришн тақиқланади.

Тегишли қонун лойиҳаси парламентга киритилди.

Бу турдаги ҳуқуқбузарликларни содир этганлик  учун жиноий жавобгарлик кучайтирилмоқда.

Бундан ташқари, қонун лойиҳаси билан “ботаника боғлари” муҳофаза этиладиган табиий ҳудудлар рўйхатига киритиляпти.

“Ботаника боғлари” ва уларнинг ерларини ҳам бегоналаштириш, уларнинг ҳудудида бино-иншоотлар қуриш ёки қурилиш ости майдонларини кенгайтириш тақиқланмоқда.

Ибрагимов Шухрат Мусожонович Бош вазирнинг ёрдамчиси – Бош вазир қабулхонасининг мудири лавозимига тайинланди.

Шу муносабат билан, Ашуров Сарвар Ғаниевич Бош вазирнинг ёрдамчиси – Бош вазир қабулхонасининг мудири лавозимидан озод қилинди.

Ш.Ибрагимов бунга қадар Вазирлар Маҳкамаси котибияти мудирининг ўринбосари — бўлим бошлиғи лавозимида ишлаб келган.

Манба

Шавкат Мирзиёев барча давлат ижро ҳокимияти органларини (вазирлик ва идоралар) Янги Тошкентга кўчириш режаларини маълум қилди. «Тасаввур қилинг, катта машиналар келмайди, тирбандлик бўлмайди, одамлар эса бундан фақат манфаат қозонади», — деди у.

Ички ишлар органлари тизимида:

➖ИИВ Тезкор қидирув департаменти Жиноят қидирув хизмати бошлиғи полковник Атхамов Ахроржон;

➖Тошкент шаҳар ИИББ бошлиғининг биринчи ўринбосари полковник Ташходжаев Дониёр лавозимидан озод этилди.

➖ИИББ Тезкор қидирув хизмати Жиноят қидирув бошқармаси Уюшган жиноятчиликка қарши курашиш бўлими бошлиғи подполковник Собиров Тимур лавозимидан озод этилди.