Самарқандда бухгалтер тадбиркорнинг 6,4 млрд сўм маблағини ўз банк картасига ўтказиб, қиморга ютқазиб қўйган. Маълум бўлишича, МЧЖ ҳисобчиси банк электрон калитларидан фойдаланиб, корхонанинг 6,4 млрд сўм маблағини сохта маълумотларни расмийлаштириш орқали ўзининг номига очилган пластик карталарга ўтказиб олган. Пулларни эса интернетда қимор ўйинларида ютқазиб қўйган. Мазкур ҳолат юзасидан жиноят иши қўзғатилиб, тергов ҳаракатлари ўтказилмоқда.