الشاعر سيد محمد السعبري

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://t.center/ahmed_alziwar1

#_استشهاد_الزهراء ع
#__لسان حال امير المؤمنين ع
ــــــــــــــــــــــــــــ


هذا اصعب خبر ضهري منه انكسر
خـبـر مــــــوتچ يالحـبيبه
اعليه صار اصعب مصيبه
ضهري منه انكسر

ــــــــــ ..... ـــــــــ ...... ــــــــ

آنا بالمسجـد چنت بس بالي عندچ
فجأة لن ليه اجــــــو يبچون ولدچ
بويه صاحـو ماتت أُمنه وركضـتلچ
كون طيـر اني ابــوكتها چـا طرتلج

گلبي احسه انشلع گمت اگومن واگع
حـالـــتي صــارت عجيبه
اعليه صار اصعب مصيبه
ضهري منه انكسر

ـــــــــــــــــــــــــــــــــــــــــــــــــــــــــــــــ

يا حـبيـبة عمــــــري يا زهــرة زماني
خبر مـــــوتچ يالـــــــــــزچيه كبراني
اني حيدر بس صــــرت مو حيدر اني
ما خذاچ الموت ياريته خــــــــــذاني

ابموتج امن سمعت يالـحـبـيـبـه طحـت
وروحــي مهمـومه وكإيبه
اعليه صار اصعب مصيبه
ضهري منه انكسر

ـــــــــــــــــــــــــــــــــــــــــــــــــــــــــــــــ

من وصــــل ليه الخبر واني اعتنيتچ
من وصلــت البيت مضلم شفته بيتچ
ومن دخلت الحجـــــرتچ ميته لگيتچ
صحــــت يَمُ حـسين اگعديلي اجيتچ

بحالتي المؤلمه صحت يا فاطمه
انتِ لجــروحـــي الطبيبه
اعليه صار اصعب مصيبه
ضهري منه انكسر

ـــــــــــــــــــــــــــــــــــــــــــــــــــــــــــــــ

يا عزيـــــــزة گلبي يالمــــاكو ابغلاتچ
مات كلشي ابداخــــلي ابساعة مماتچ
ازغيرة بعدچ ليش چـا خلصت حياتچ
وضلـت ابـــــــدارچ يزهــــره ذكرياتچ

يا هضيمة الـــورد يندفــن باللحد
يمن چـــــــنـتـيـلي قريبه
اعليه صار اصعب مصيبه
ضهري منه انكسر

ـــــــــــــــــــــــــــــــــــــــــــــــــــــــــــــــ

اشلون اخلّص عمري من دونچ يزهره
اليفگد اعــــزاره بواچـي يگضي عمره
كسرة افـراگـــچ ابــــــد ما منها كسره
هاي اول مره حيـــــــدر محني ضهره

ابلايه حيلي صرت وبمصابي حرت
والمشـى عـنـي اشيجيبه
اعليه صار اصعب مصيبه
ضهري منه انكسر

ـــــــــــــــــــــــــــــــــــــــــــــــــــــــــــــــ

زينب ابنـيتچ تـــــــون ها يالزچــــيه
واني يمها والحــــسن وحسـين اخيه
اشلـــون بيها من تضــــــل بالغاضريه
ابغربه وحـــــــــدها ويطلعـوها سبيه

حرمه بين الغرب والمدامع تصب
والاخـــــو جـثـتـه سليبه
اعليه صار اصعب مصيبه
منه ضهري انكسر

ــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

#_استشهاد_الزهراء


ليش ماتت امـي من وكت
ليش واني مـــنـها اتيتمت
ليش وبجـفاها اتعــــذبـت

••••••••• •••• ••••••••••

ابدمعـتي ارده اســأل وياهو اليجاوبني
ليش صــــــرت اني يتيمه وابزغـر سني
اربع اسنين اني عمـــري وعاشرت حزني
واگضي ليلي وي نهاري ابحسرتي ووني

صار ونّـه ونـــــيـاح الـعـمـر
صار وكلشي مات امن الزغر
صار وريـتـني او يمـي متت

ـــــــــــــــــــــــــــــــــــــــــــــــــــــــــــــــ

اني زينب بت علي وبت فاطمه الزهره
اني بت الماتت وچـــــان السبب عصره
أُمي راحـــــت للـــگبر بضلوع متكـسره
وفـوگ عين الزهره باقي اثـــر للصطـره

ذاك صاحب احچـاية وإِن
ذاك أُمـــــي خــلاهـا تون
ذاك ابتم خلاني عشت

ـــــــــــــــــــــــــــــــــــــــــــــــــــــــــــــــ

ابيا ذنب أُمـــــي الزچيه فــرهدو حگها
واعـتــدى اعليها اللعين وعالوجه طگها
وبابــنـه ابنار المصيبة الـضالم احــرگها
ويلي وچفوف الحبيبه ابسوطه زورگها

سوط بي يطگ أم الحسن
سوط منه اديـــــــها ورمن
سوط اذه والــــدتي شفت

ـــــــــــــــــــــــــــــــــــــــــــــــــــــــــــــــ

اثمنطعش عـمــر الحبيبه ليش چا ماتت
ازغيره امي ومن عمرها كلشي ما شافت
راحت وراحــــة الـبـال اوياها هم راحت
عافت الــدار ومصيبة ابـــكل گلب عافت

چان بـيـتـنـه بيـــها يـشع
چان وانطفه ابكسر الضلع
چان ومثله اني اتغيرت

ـــــــــــــــــــــــــــــــــــــــــــــــــــــــــــــــ

چـنـت متعوده ابحـضنها اغفى يــوميه
اتصــير من أمــــها قــــريبه طبع الابنيه
چـــــــنـت لو امــرض انام وتسهر اعليه
هسا افـــــز بالليل وانضـــــر لنها ما هيه

نوَح اگضي ليلي وانلچـم
نوَح وابـعــبايــتــها اشـم
نوَح ابگد معزتها نحت

ـــــــــــــــــــــــــــــــــــــــــــــــــــــــــــــــ

أُوصـيه وصّتني وبعـــدها ماتت الزهره
ابيوم تنغـــــدرون گـــالت يمه يالحــره
من يضل حـسين وحـده ومحد ابضهره
شمي اليه نـــــحـر اخـوچ وقبّلي صدره

آه وبعد وصتني بألم
آه دير بالچ عالحـــرم
آه واني واويلا صحت

ــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

#_لسان_حال_محمد_ابن_الحنفية
#_للامام_السجاد____عليه_السلام
ــــــــــــــــــــــــــــــ


هـذا الضعـن شو بي نقص
مفقود منه اشچـم شخص
ويـن البـقـيه الما اجـــو وين
وين اخـوتي عباس وحسين
هذا الضعـن شـو بي نقص

•••••••• •••••• ••••••••

يبـن اخـوي اشـــصـار گـلي وي اهلكم
رحـتـو كـلــــكم ما رجـعـتو لينه كلكم
يا علي السـجـــاد شــو ناقص ضعنكم
چـــم عـزيـــز الما رجـع يا عمي مـنكم

ابــــگد ما ضعنكم مختلف
يا عـمـي بـي ضاع الـعِـرف
من شافـته شو دمعت العين
وين اخـوتي عباس وحسين
هذا الضعـن شو بي نقص

ـــــــــــــــــــــــــــــــــــــــــــــــــــــــــــــــ

اچـبيرنه مــــا شفته ليش ابهالضعينه
يا عـــلـي گـلي ابــــــوك حـسـين وينه
لـيـش اخـــوي اويــاك مـا رد للـمـدينه
وليـش وحــدك جـاي واعيالك حـزينه

يا زيــن الـعـبـاد اشـجـره
وحـســين شـنهـو الاخّـره
گلي اشعـمـل بچبيرنه البين
وين اخوتي عباس وحسين
هذا الضعن شو بي نقص

ـــــــــــــــــــــــــــــــــــــــــــــــــــــــــــــــ

ابلايه اخوتي اصبر اني يا علي اشلون
لا رجـــع عــبـدالله لا جـعـفـر ولا عـون
ولا رجـع عباس اخويه حـامي الضعون
لا تـــــگـلي بـعــــــد ليه مـــا يرجعـون

كلـشي خـذو لـمـن مشوا
او يا كـسرتي لو ما اجوا
واللي مثلهم يحـصل امنين
وين اخوتي عباس وحسين
هذا الضعن شو بي نقص

ـــــــــــــــــــــــــــــــــــــــــــــــــــــــــــــــ

حـــــالــــكم يبن الاخـــو يصـعـب عليه
اهـواي عــــــدكم نقص بعــــيال الزچيه
ونقــــــص حــتى بالاطـفال اهـــنا ابنيه
بالضــــعـن شو مــــا شفت اخـتـك رقيه

اخـــتـك رقــيه ما اجـت
هــم وي ابــوها اتأخـرت؟
گلبي ايــگلي صـفــو ميتين
وين اخوتي عباس وحسين
هذا الضعن شو بي نقص

ـــــــــــــــــــــــــــــــــــــــــــــــــــــــــــــــ

اشمـــــر عليكم يبو الـباقـر من مشيتوا
اهـــواي متـغــيـرين اشـــو لمن اجيتوا
ابـــــهالسـفـر گـلي يعـمي اشضـيعـيتوا
واضـح اعــــــليكم تره اهـوايه بچـيتوا

وانتَ اشـعـشـت يا مَضلَمه
وچـا ليـش اديــك امـورمه
حـالك يهـيّـج بـيـه الــونين
وين اخوتي عباس وحسين
هذا الـضعـن شو بي نقص

ـــــــــــــــــــــــــــــــــــــــــــــــــــــــــــــــ

يا مصيبة الهجي سوت زينـــب اختي
من شـفـتـها يا عـلــــي سـالت دمعتي
انـتِ زينـــب گلت لو مـو زينـــب انتِ
وناحـــــــت وناديـتها چـا ليش نحتي

گـالـتـلـي يــمـحـمـد تـره
ابضـيـمـي صـرت متغـيره
كبرني فـگد اخواني الاثنين
وين اخوتي عباس وحسين
هذا الضعن شو بي نقص

ــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

#_للاربعينيه
ـــــــــــــــ


دار الحــوار ابــــكربله مــا بين الاثنين
بين الصحابي جابر وبين ابن الحسين
السجاد يروي المر عليهم
وجابر يون عالصار بيـهم

•••••••••••••••••••••••••••••••

زين العــــباد امن اليسـر للطـف اجه بعياله
وي جابــــر اتلاگه وبقــوا دمـعاتـــهم هماله
جابر يسأله اعله الجره ومتعذب اشگد حاله
وابن الحسين ابدمعته يروي الجره وحواله


جابر يعمي اتعــــذبينه ابكربله اهواي
عطشان ذبحـو والدي ما ضايگ الماي
وهنا بده يـــــكثر بچيهم
وجابر يون عالصار بيـهم

ـــــــــــــــــــــــــــــــــــــــــــــــــــــــــــــــ

گله يعـمي ابــكـربله صار الابــــــد ما صاير
موت وضرب نار وسلب كلهن ابيوم العاشر
وحسين ما خله عظم سالم ابجسمه الحافر
جسمه ترضرض والدي بالطف يعم يا جابر

امن الخيم ولصوبه اصد واتهدم الحيل
بحسين ابويه بالسـحگ ما خلت الخيل
خلصو اهلنه امعــــذبيهم
وجابر يون عالصار بيـهم

ـــــــــــــــــــــــــــــــــــــــــــــــــــــــــــــــ

من بعد مقتل والـــــدي هدت الگوم اعلينه
هذا السلب هذا الحِــــرگ ذاك التشمت بينه
حــــرگو خيمنه والجـمـر يا جابـر اتچـوينه
وبالصحـره وابذاك الضهر من الحرگ فرينه

ابگلبي بقت متوجره وما تطفي ناري
لمن شفت عـــماتي فـــرن بالصحاري
واعدوانه اسياط اباديهم
وجابر يون عالصار بيـهم

ـــــــــــــــــــــــــــــــــــــــــــــــــــــــــــــــ

وليه ولـونه وبالحـــبل گـوم العده چتفونه
وامچتفين احنه وعلى اضهور الهزل خلونه
للــكوفه من طـف كربله ابلايه رحم خذونه
وللـشام راحـــــــو بالضـعـن البيها عــذبونه

ابلايه هـوادج والحــــرم كلها على النوگ
وحادي الضعينه راح بينه ودخل بالسوگ
واهل الشام طب الفرح ليهم
وجابــر يــون عالصـار بيـهم

ـــــــــــــــــــــــــــــــــــــــــــــــــــــــــــــــ

السجاد يحچي وعالحچي جابر عله انتحابه
يا عــمي بالشام الالــم ما ينحـــــمل عذابه
اعله افراگ ابوي ومحنته وذاك الجره ومصابه
ماتـت رقـــيه امن القهر يا عـمي بالخــرابه

ما حملت افراگ الابو وكل ذيچ الالام
ماتت يعـمــــي وادفنتها ابديرة الشام
راحت وره اللي فاگديهم
وجابر يون عالصار بيـهم

ـــــــــــــــــــــــــــــــــــــــــــــــــــــــــــــــ

يم گبره الحسين ابألم گعدو سوه وبحسره
وجابر يون وابحــسرته يبچي ويشم ابگبره
وضل العليل ابهالوضـع مهضوم لبن الزهره
ومخنوگ ضل صدره على الداست الخيل ابصدره

وصارت مناحه وكُبر جرحه علي السجاد
ابيـوم اربعـين حـسين يـوم العاشر انعاد
وبعياله رد عــــوّد سبيهم
وجابر يون عالصار بيـهم

ــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

#_استشهاد_الامام_الحسن ع
لسان حال الحسن ع لاخيه الحسين ع
ـــــــــــــــــــــــ

لا تبچـي لمـصابي وعضمته
اصعب مصاب امصابك انتَ
يحـسين كل هـذا يهون
بس انتَ بالطف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

يحسين كافي إمن البچي لا تبچي خويه إعليه
لا لا تـجــرحـك حـالـتـي والـصــــار والـمــر بيه
يـومـي سـهـل يابــو عـلـي وبس موتتي ابتاليه
لا عــاري اضلن عالـرمــــل لا جــثـتـي مــرمــيه

يبن امي كل هذا الجره اوياي
اسهل تـره مـن يـومـك الجاي
شيكون حالي خي يكون
بس انـتَ بالطـف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

ابساعة مماتي انت تضل حاضر وعيني اتنضرك
بس انت باچـــر لو متت محـد يخويه ايحضرك
وحــــــدك تضل ابــــكـربله والشمر يگطع نحرك
وخـيـل الاعادي من تهد برض الطفوف اتطشرك

اليوم اني سالم راح اغمض
وباچر عليك الخيل تـركض
ولا الك ناصــر لا عـون
بس انتَ بالطـف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

السم سبـب موتـــي صبح واسباب موتك كثره
سيف ورمح سهم وحجر وخيل اعوجيه عشره
كلهن تـــره يتشاركن بچــتـلك يـروح الــــزهره
لحــــد ما يخلن جـثتـك فـوگ الرمـــل متوذره

ويـلـي عـلـيـك ابـگـاع الطـفـوف
اتگطعك وصل يبن أُمي السيوف
واعـــداك بيـك ايمثلون
يس انتَ بالطف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

عـن حالـي حـالك يختلف يالماكـو مثله حالك
اعيالي تضـل يمـك انه وتتسلـب انتَ اعــيالك
يالماكـو مـن امصيبتك يا مـكـلــف اليـجــرالك
من توگـــع ابطــف كربله تنطگ رقــــيه اگبالك

وخـيامـــــك امـن يفرهدوها
للـيـســر زيـنــب ياخــــذوها
عالهزّل اتـروح أُم عون
بس انتَ بالطف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

يسهل چـــتـلنه والصعب يطلعن بنات الساده
عــاده الچـتل إلنه صدگ بس السبي مو عاده
ويـلـي اعله ربّـات الخـدر اعليهن شمر يتماده
وينطگهن ابسوطه النذل ويسب علي واولاده

الما صار باچر بالطــف ايصير
خـدر الله يصـبـح مـاله تقدير
وغربه بحرمنه يحدون
بس انتَ بالطف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

مـــا قـدّر الـبـــاري إلي ابضعـنـك اروح وسالم
بـس ابمـچــاني لـكـربله ويّـاك يمـشي الــقاسم
يحــــسين فدوه يـروح إلك ابني يوردة فاطم
وماريـــــدك اتضل ابألم لـمّـن يذبـــحـه الضالم

صـــح ينـذبـح وبـعــز شـبابه
بـس فـدوه لـمـصـابك مصابه
يالكل حـــياتك محزون
بس انتَ بالطـف اشلون
يا خويه يا خويه

ـــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

#شهادة السيدة رقية ع
ـــــــــــــــــــــ


من كثر ما مر ضـيم بيها واذيه
تاليها فـوگ الـراس ماتت رقيه
ابنص الخرابه
وذيچ التـرابه
تاليها فوگ الراس ماتت رقيه

،،،،،،،، ،،،،،،، ،،،،،،،،،،، ،،،،،،،،،،، ،،،،،،،،،

هاي العزيــــزه الچـانت امدللها ابوها
من عنـده بالـطـف الاعــــادي يتموها
ذبــــحـو ابــوها وبـذبحــــته عذبوها
وليها اجــو حتى التــــراچـي سلبوها

هذي مصيبتها وعلي كلش أليمه
جرو تراچيها ابحقد هاي اليتيمه
ابحقد العصابه
وذيـچ الـتـرابه
تاليها فــــوگ الراس ماتت رقيه

ـــــــــــــــــــــــــــــــــــــــــــــــــــــــــــــــ

من عگب ابوها ابكــربله عاشت ضُلامه
انضلمت رقيه مـــو مثل باقــــي اليتامه
ابسلب الــتراچــــي بالاذن ضـلت علامه
او مــن وجـعـها الليل گــــامـت ما تنامه

مجروحه ضلت حيل توجعها اذنها
والـــدم بقى يا ناس يتجــاره منها
ابهمها وعذابه
وذيچ الترابه
تاليها فوگ الراس ماتت رقيه

ـــــــــــــــــــــــــــــــــــــــــــــــــــــــــــــــ

چانت رقيه امخــليه عصابه على العين
وشـــالتها لن اگــبالها بـس راس الحسين
علـــتها زادت وابگــــــلبها زاد الونــــــين
وصاحت يبويه هذا راسك والجسم وين

طفله وتشاهد راس ابوها فوگ الرماح
چا بعــد هاي اشـلــــــون بالدنيا ترتاح
اتنوح لمصابه
وذيچ الـترابه
تاليها فــــوگ الراس مـــــــاتت رقيه

ـــــــــــــــــــــــــــــــــــــــــــــــــــــــــــــــ

للــــــشام وي ذاك الضعـن راحت سبيه
ومن كـثر ما بيــــــها گصت هاي الرزيه
بالخـــــــــرابه تالـــــــي وابديره اجنبيه
فــوگ راس حــــــــــسين وافتها المنيه

بس الالم والنـوح بالـــدنيا شافت
وبالتالي هم ابنـوح وابغربه ماتت
ابضيم وكآبه
وذيچ الترابه
تاليها فــــــوگ الراس ماتت رقيه

ـــــــــــــــــــــــــــــــــــــــــــــــــــــــــــــــ

بالغربة ماتــــت بنت الحــــسين بحزنها
ماتت وســــــوط الشمر جـــــارح متنها
هـــوّد ابذبيـــــــچ الخــرابه وسكن ونها
وابو الــــــباقر بالغــــــرب بيـــده دفنها

اعليها علي السجاد سالت دمعته
ابگاع الغـــرب ويلاه دافنها اخته
زاد انتــحابه
وذيچ الترابه
تاليها فــــــوگ الراس ماتت رقيه

ـــــــــــــــــــــــــــــــــــــــــــــــــــــــــــــــ

هالطفله خلصت مــن مـصايبـها واذاها
امن الخـــــرابه الـمــــوت للجنه خذاها
لچـــــــن زينـــــــب ضلت ابهمها وراها
والمـــــــــدامــــع ضلت اتسيل ابجفاها

الله يعين ام المـصـايـب عالمصايب
يوميه عدها فاجعه ابذيچ الخرايب
عگب المهابه
وذيچ الترابه
تاليها فوگ الراس مـــــــاتت رقيه

ــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

لسان حال السجاد ع
ــــــــــــــــ


طـبيـنه الشام واحنه ابلوعتنه
وبحجار ونـار كـلـها اتـلـــگـتنه
وكلها اتصد لينه
لـمــــــن طــبينه

•••••••••••••••••••••••••••••

آنا الـسـجّـــاد بيّه الهم زاد
كبرت حسرتي وبمحنتني ضليت اعاني
من طبت الشام مـرتـــنـي آلام
مـا مـــــرت عـلـيه مـثـلـها ابـــزمــــاني

چـان الـــشام ضــدنه كلـه متحضر
وناسه امجمعه لجيت الضعن تنطر
تريـد اتأذي بـي واعليه تضـل تنضر
ناس ابـلا رحــــــــم ما بيـهم الخيّر

وادم ضــــــلام ما عدهم رحمه
حسين المذبوح اسمعها اتشتمه
وتـسـمّـع بـيـنه
لــــــمــن طبينه

ـــــــــــــــــــــــــــــــــــــــــــــــــــــــــــــــ

طـبـينـه الـسـوگ واحنه اعله النوگ
واعيون الخلگ كلها تصد اعله الفواطم
ما عدها احساس كل ذيچ الناس
وما غضــت بصـــرها وتــولتنه شتايم

ولا ذرة خـجـل عـنــــد التلگونه
كل واحـــــد علينه تنضر اعيونه
بشر حتى ابنضرهم ما يرحمونه
ابنضرات الشماته الكل ينضرونه


وانا ابهالحال متعذب حالي
نضرات الناس تجرح دلالي
امن اتصد اعلينه
لـــــمــن طـبـيـنه

ـــــــــــــــــــــــــــــــــــــــــــــــــــــــــــــــ

ابموقف ضليت واشگد ونيت
وگلبي ابلوعته ضل وبقت مستعره ناره
شفت اشگد ناس تگرب للراس
راس حـســــين ابويه وتضربه ابحجاره

حيرة شرده اسولف يا حچي عنهم
حـتى المنـذبح هم مـا خلص منهم
جـــرحـو راس ابـــويه الله يلعـنهم
الحـقـد عاميهم او لا مو بشر چنهم

احنه اهل البيت ايطــلبونه بيمن
وراس المضلوم يضربونه اعليمن
احنه اشسوينه
لـــــمـن طبينه

ـــــــــــــــــــــــــــــــــــــــــــــــــــــــــــــــ

اهواي الشمات والـعـلـويات
فوگ الهزّل امخليهن ابلايه هوداج
احنه اهل البيت صرنه ابلا بيت
وبالغربه صبحنه ويسمونه خوارج

تـحـيــــرنه ومـنـو النه بعد يفـزع
واهـلـنه ابكربله كل واحـد امگطع
مواقف صرنه بيها ويهمل المـدمع
وعـمــاتي شـفــتها اگـبالي تتلـوع

موقف بالشام زوّد ونـــــاتي
حتى الاطفال ضربت عماتي
وكلنه اتأذينه
لـمـــن طـبينه

ـــــــــــــــــــــــــــــــــــــــــــــــــــــــــــــــ

الحادي ابلا دين بعيال حسين
يمشي ابكل درب بيه الاذيه وناسه كثره
ابكل ديره ايجول وللناس ايگول
ذوله اعيال ابو اليمه تره جبناهم اسره


يگول الحادي واني اسمع امن يگول
هذوله ضـل ابوهم عالتـرب مچتول
وبقى بس واحـد وياهم لچن معلول
ومن الضيم عـمـره ما اضـنه ايطـول

چان الحــــداي قصده يسمعني
وبحچيه اهواي صـــار ايلوعني
الما يعرف دينه
لـــمـن طـبـيـنه

ـــــــــــــــــــــــــــــــــــــــــــــــــــــــــــــــ

ابهمنه وبجروح للطاغي انروح
هـاي الـما حــســـبناها ولا مـــــرت علينه
اباب الساعات نوگف ساعات
وكل احنه ابحبل گوم العده مچتوفه ادينه

وطبينه القـصر كل احـنه مچتوفين
الضالم مبتسم چي صدنه متيسرين
تمنيت اني امـوت ولا تشـوف العين
يزيد ابخيزرانه ايطگ ثنايه احسين

وآنا الـضـليـت متـلـــوع گلبي
دمعاتي اتسيل وشكيت الربي
اشكيت البارينه
لــــمــن طــبينه

ـــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

#_استشهاد الامام السجاد ع
ــــــــــــــــــــــــــ

مات الچـان عايش بس بالالم
مات الراح مسبي لديرة الشام
عگب كل ذيچ الهموم
غـمـض عينه مسموم

•••••••••••••••••••••••••••••••

زين العابـــــــدين اليـوم بالدمعات والحـسره
من بعد الالم والضـــــــيم بالسم انختم عمره
وهو لسه بعده ينــــوح من طف كربله ويسره
راح وصدره ضـل مخنوك لجل حسين بالعبره

راح ابحـسـرته وادموعه بالعين
ابن حسين يبچي لجل الحسين
المضلوم ابن مضلوم
غمـض عينه مسموم


ـــــــــــــــــــــــــــــــــــــــــــــــــــــــــــــــ

مر امصـــــاب بي يا ناس ما مـــر ابّشر مثله
هم معلول هم اوحـــــــــيد هم اتذبحو اهله
عله ايشـــوف عله ايعــــش تربه بالگلب عله
سهله العيشه بس اعليه صارت ابـد مو سهله

كل لحضه الـتـمـره تصعب اهواي
ضل يخـنتگ حـتـى ابشربة الماي
لجــــل المنه محروم
غمـض عينه مسموم

ـــــــــــــــــــــــــــــــــــــــــــــــــــــــــــــــ

بجروحه التشــيب الـراس كلها خلصت اسنينه
امطشر جسم ابوه حسين بالطف شاهده ابعينه
ولما بالحــــــــصيره النوب ويلي وشيع احسينه
وعاشر من هــــــذاك اليوم دمعه وحزنه وونينه

چـا هــو بعـــــد بي يبقـى يا حيل
الينضر جسم ابيه امطشرته الخيل
يضل كل عمره مالوم
غمض عيـنه مسـموم

ـــــــــــــــــــــــــــــــــــــــــــــــــــــــــــــــ

مرتــــين ابحــــــــياته مــات لا ما مات بس مره
مـات ابيــــــوم طــــب السوگ هو والحرم اسره
والوادم تشيل احـجــــــــار تضرب زينــب الحره
وهوَّ ايشوف هذا الحـــــال بس متمسك ابصبره

مره ابســـوگهم مات ابمعانات
وبآخـر محـــرم هم رجع مات
الموته الثانيه اليوم
غمض عينه مسموم

ـــــــــــــــــــــــــــــــــــــــــــــــــــــــــــــــ

بي جـــرح السبي ما طـــــاب لا خلصت معاناته
ويتذكر اســــياط اعــــــــداه كل ما شاف عماته
ويتحــسّر وتلجــــــم بيه من كل صوب حسراته
وادموعه اعله خـده اتسيل يگضي الليل الليباته



وما ينســــــى ابد يا ناس هيهات
على باب القصر من وگف ساعات
ابغربه وحيله مهدوم
غـمـض عينه مسموم

ـــــــــــــــــــــــــــــــــــــــــــــــــــــــــــــــ

ابو الباقـــــــر ابو الرحـمه والـــــوادم يعـــرفونه
يا ذنـب الـــــذي ســـــــواه وبـسـمـهم يجــازونه
رغـم كل الاذيه ذيـــــــــــچ هــــــم رجعو يأذونه
بـس هالـــــمـــــــــره مخــتلفــين نيّتهم يقتلونه

يا وسفه وحصل كل اليريدوه
تالي بسـمهم الــســجـاد قتلوه
بس ذكره يضل دوم
غمـض عينه مسموم

ــــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

لسان حال زينب ع
ـــــــــــــــــ


بويه وينك احنه بالكوفه يحيدر وبجوارك
بويه وينك احـضـر وتـلگه بناتك بنتضارك

••••••••••••• ••••••• ••••••••••••

اليوم للــــــكـوفه اجينه ابهالضعينه
ومو مثل ما چـــــنه بويه من اجينه
حسين ذبحو يا علي واحنه انسبينه
الــــكـــــوفه طبيناها بس امچتفينه

بويه وينك ابديرتك طبينه ودينه اعله دارك
بويه وينك احـضـر وتـلـگه بنـاتك بنتـضارك

ـــــــــــــــــــــــــــــــــــــــــــــــــــــــــــــــ

يا علي جابـــــــــــونه من الغاضريه
وبالشتم والطـگ يبـــــــويه والاذيه
آنا أُم الخـــــــــدر آنا الــــــــهاشـميه
عالهزل للـكوفه جابـــــــــوني سبـيه

بويه وينك احميني بجوارك انه يالحامي جارك
بويه وينك احـــضــــر وتلــــگه بناتك بنتضارك

ـــــــــــــــــــــــــــــــــــــــــــــــــــــــــــــــ

گـــــــوم لينه يا علي وانضر وضعنه
صرنه غـــربه وبالغرب يا بويه ضعنه
اميســـــرات امچــتفـات ايهل دمعنه
وبالحچي الما ينحچـي اشگد سمعنه

بويه وينك افزعنه بالعجـل واشـهر فقارك
بويه وينك احـضـر وتلگه بناتـك بنتضارك

ـــــــــــــــــــــــــــــــــــــــــــــــــــــــــــــــ

روس اخوتي عــلگوها فوگ الرماح
وويـن ما التـــفت الـگه اگـبالي ذبّاح
المثلي ما راح ابعـمـرها لحضه ترتاح
راح الحــسـين امـن اديه والعمر راح

بويه وينك امن الذبح خوّاني گوم واخذ ثارك
بويه وينك احـضــــر وتلـگه بــنـاتك بنتضارك

ـــــــــــــــــــــــــــــــــــــــــــــــــــــــــــــــ

ابگاع اهلنه غـربه صرنه يا هضيمه
وللطغاة اقصور واحنه ابلايه خيمه
كل يتيـمـه گامـــــــت اتلوذ ابيتيمه
اهواي حـالتنه صفــت صعبه وأليمه

بويه وينك احضـر النه وبالام خل انتشارك
بويه وينك احضــر وتلـگه بـناتك بنتضارك

ـــــــــــــــــــــــــــــــــــــــــــــــــــــــــــــــ

بويه برض الكوفه تدري اشصار بينه
الناس گامـــت تالي تتصــــدق علينه
ما درو شبعت الدنيا اچـفـــوف ادينه
واحنه رحـمه واحنه لليـغــرگ سفينه

بويه وينك گوم مدها يمنتك لينه ويسارك
بويه وينك احـضـر وتـلـگه بناتـك بنتضارك

ـــــــــــــــــــــــــــــــــــــــــــــــــــــــــــــــ

يامن ابكل شده تحضر احـضرنه
ومو بعيد انت يبو الحـسنين عنه
احضر ومن الـسبي يابويه اخذنه
يا علي ورجـع الضعن لديار اهلنه

بويه وينك ليلنه خـل ينجلي ويطلع نهارك
بويه وينك احـضـر وتـلگه بـنـاتك بنتضارك

ــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

رش گبر الحـســـين بالماي يدفان
مو تدري بي مات مذبوح عطشان

،، ،،،،، ،،،، ،،،،، ،،،،، ،،،،،

يامن صـــرت دفـان لـبـن أُمـي الزچيه
هاي اني زينب وارده اوصيك ابوصيه
لمــــن تـدفـــنه عالـــــگـبر رشلك أُمّيّه
عطشان مات حـسين بـرض الغاضريه

وامن العطش چان متعوب ذبلان
مو تدري بي مات مذبوح عطشان

ـــــــــــــــــــــــــــــــــــــــــــــــــــــــــــــــ

حسين ابوك الينـگط امـــــروه وترافه
امن العطش متفطـــره صارت اشفافه
مــات عطـشان ابــــو اليمه يا حسافه
وچــانت اگصيره عـــن الماي المسافه

ضامي الاخو اهواي واهوي تعبان
مو تدري بي مات مذبوح عطشان

ـــــــــــــــــــــــــــــــــــــــــــــــــــــــــــــــ

ابيوم طاح امـــن المهره سيد الساده
وحگ جــــــدي يا بشـر عطشان ناده
النوب ســـوه امن الرمل بيده وساده
هيچ مــــات الچـــان كل عمره عباده

وجـرحه بقى بيه موجـــــود تربان
مو تدري بي مات مذبوح عطشان

ـــــــــــــــــــــــــــــــــــــــــــــــــــــــــــــــ

ابعازة الماي الاخـــــو اشگد چان هوه
انـذبـح ضامــــــي بالطفوف وما تروه
ابسيف اعـمــى امن الگفه ذبحوه گوه
وهذي بلوه الما جـــرت من عدها بلوه

ابذبحه الـعدو صـار مرتاح فرحان
مو تدري بي مـات مذبوح عطشان

ـــــــــــــــــــــــــــــــــــــــــــــــــــــــــــــــ

يا عـلــي عمه اعله هــــونك من تدفنه
لان ســـــــالم ما بقــــى كل كــــتر منه
وتدري حـــــوافر خيل أُميه رضرضرنه
وفوگ الرمــــــل بالطف تراهن طشرنه

وناصر اله اهـــناك ياحيف ما چان
مو تدري بي مات مذبوح عطشان

ـــــــــــــــــــــــــــــــــــــــــــــــــــــــــــــــ

اني ادري باللحـــــد لــمــــن توســـده
ما راح تـــــــگدر عالتراب اتخلي خده
چي اخـــــوي حسين ماكو راس عنده
الله يعينك يالتــــــدفنه ابهــــيچ شده

بي تبقى ادريك مذهـــــول حيران
مو تدري بي مات مذبوح عطشان

ـــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

#_مـيـمـر


الله يعين السجاد
من يلم جسم احسينه

"" "" "" "" "" "" "" "" "" "" "" ""

ابيا حاله من يحضرله يوم الدفنه
يتعنه لحسينه بألـــــــــــــم وبونه
وما يلگه اي شي ضـال سالم منه

لمن يشوفه ابهالحال
الله المُعين ايعينه

ـــــــــــــــــــــــــــــــــــــــــــــــــــــــــــــــ

للطف اجه ابلوعاته وبحـــــــــسراته
وخلاهن ابديرة غـــــرب عـــــــــماته
بين الدفـن وبين الـــســـــــبي آهاته

ما بين ذني الاثنين
ضلن ابلوعه اسنينه

ـــــــــــــــــــــــــــــــــــــــــــــــــــــــــــــــ

حسين اعله كبر الطف تطـــشر جسمه
واشلون ابو الباقــــــــــر يويلي ايلمه
يبقى يــــــــــنادي ابدمعه يا بو اليمه

شمسويه يا بويه الخيل
ابجسمك وتهمل عينه

ـــــــــــــــــــــــــــــــــــــــــــــــــــــــــــــــ

زين العـــــــــــباد الوحـــــــده وبآلامه
ينضر لبـــــو صايــــــــر وصـــل گدامه
ومطحونه من سحگ الخيول اعضامه

بالاعوجيه العدوان
مترضرض امخلينه

ـــــــــــــــــــــــــــــــــــــــــــــــــــــــــــــــ

صاير وصل جسم الحسين ايشاهد
ايجيب الحـصـير وبي يلم الــــوالد
امصابه ابد لا ما جــــــره وي واحد

ياهو اليلم جسم الاب
وهو العده امگطعينه

ـــــــــــــــــــــــــــــــــــــــــــــــــــــــــــــــ

السجـــاد اذا نــــــــزل ابــــوه ابلحده
محتار يبقى اشلون راح ايـــــــوسده
وهو ذبيـــــــح وراس مـــــــاكو عنده

ويگله راح ابحسرات
راسك يبويه وينه

ـــــــــــــــــــــــــــــــــــــــــــــــــــــــــــــــ

الله يـعـــينه اللي يـشــــيـع اعـــــزازه
وبيهم يــــــروح ويالــــمـشـــــو جنّازه
واقــــــرب بــــشـر عنده يصير اجنازه

هيچ العليل ابهالحال
واعزازه المعذبينه

ـــــــــــــــــــــــــــــــــــــــــــــــــــــــــــــــ

فـــــــوگ الـمــــرض والعله زادت عله
لمن ابـــو الـــــباقــــر دفــــن كل اهله
واليدفــــــــن اهــــلـه ابدنيته چا شله

ابفراگهم اهله المضلوم
يا شيعته امأذينه

ـــــــــــــــــــــــــــــــــــــــــــــــــــــــــــــــ

اهـــوايه صعب وضـع العليل وحــاله
ابـــدرب السبي ينضــــر يـناس اگباله
ابعماته تضـــــرب صـــــــارت الجماله

يحميهن الوالي اشلون
وهو العده امچتفينه

ـــــــــــــــــــــــــــــــــــــــــــــــــــــــــــــــ

شينشف ادمــــــوعه ويهـود اجـروحه
وكلسا ورادت مــــنه تـــــطــلـع روحه
لجـــل السبي ولجــــل الغدت مذبوحه

شي بالسبي وشي مذبوح
امضيع اهله وامضيعينه

ــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ