الشاعر سيد محمد السعبري

#_استشهاد_الامام_الحسن ع
لسان حال الحسن ع لاخيه الحسين ع
ـــــــــــــــــــــــ

لا تبچـي لمـصابي وعضمته
اصعب مصاب امصابك انتَ
يحـسين كل هـذا يهون
بس انتَ بالطف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

يحسين كافي إمن البچي لا تبچي خويه إعليه
لا لا تـجــرحـك حـالـتـي والـصــــار والـمــر بيه
يـومـي سـهـل يابــو عـلـي وبس موتتي ابتاليه
لا عــاري اضلن عالـرمــــل لا جــثـتـي مــرمــيه

يبن امي كل هذا الجره اوياي
اسهل تـره مـن يـومـك الجاي
شيكون حالي خي يكون
بس انـتَ بالطـف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

ابساعة مماتي انت تضل حاضر وعيني اتنضرك
بس انت باچـــر لو متت محـد يخويه ايحضرك
وحــــــدك تضل ابــــكـربله والشمر يگطع نحرك
وخـيـل الاعادي من تهد برض الطفوف اتطشرك

اليوم اني سالم راح اغمض
وباچر عليك الخيل تـركض
ولا الك ناصــر لا عـون
بس انتَ بالطـف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

السم سبـب موتـــي صبح واسباب موتك كثره
سيف ورمح سهم وحجر وخيل اعوجيه عشره
كلهن تـــره يتشاركن بچــتـلك يـروح الــــزهره
لحــــد ما يخلن جـثتـك فـوگ الرمـــل متوذره

ويـلـي عـلـيـك ابـگـاع الطـفـوف
اتگطعك وصل يبن أُمي السيوف
واعـــداك بيـك ايمثلون
يس انتَ بالطف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

عـن حالـي حـالك يختلف يالماكـو مثله حالك
اعيالي تضـل يمـك انه وتتسلـب انتَ اعــيالك
يالماكـو مـن امصيبتك يا مـكـلــف اليـجــرالك
من توگـــع ابطــف كربله تنطگ رقــــيه اگبالك

وخـيامـــــك امـن يفرهدوها
للـيـســر زيـنــب ياخــــذوها
عالهزّل اتـروح أُم عون
بس انتَ بالطف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

يسهل چـــتـلنه والصعب يطلعن بنات الساده
عــاده الچـتل إلنه صدگ بس السبي مو عاده
ويـلـي اعله ربّـات الخـدر اعليهن شمر يتماده
وينطگهن ابسوطه النذل ويسب علي واولاده

الما صار باچر بالطــف ايصير
خـدر الله يصـبـح مـاله تقدير
وغربه بحرمنه يحدون
بس انتَ بالطف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

مـــا قـدّر الـبـــاري إلي ابضعـنـك اروح وسالم
بـس ابمـچــاني لـكـربله ويّـاك يمـشي الــقاسم
يحــــسين فدوه يـروح إلك ابني يوردة فاطم
وماريـــــدك اتضل ابألم لـمّـن يذبـــحـه الضالم

صـــح ينـذبـح وبـعــز شـبابه
بـس فـدوه لـمـصـابك مصابه
يالكل حـــياتك محزون
بس انتَ بالطـف اشلون
يا خويه يا خويه

ـــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد الامام الحسن "ع"
ـــــــ

كـل اخـو للـضـهــر احـزام يـوم المـحـن
وآنا ضهـري انكسر من رحـت يالحـسن

••••••••••••••••••••••••••••••••

آنا الحـسـين وصـفـت دمـعاتي تجري
اعليك احسّن يالحسن مكسور ضهري
وعمري احـسّـنه گـضه يا بــعـد عمري
كـون ويّاك انـحــفـر يالـــغـالي گــبري

ريته گبري انحـفـر وموتي كون انعلن
وانه ضهري انكسر من رحت يالحسن

ـــــــــــــــــــــــــــــــــــــــــــــــــــــــــــــــ

لـكـلشي بالـدنيا عـوض بـس الاخــو لا
لــو رحــل راحـتـنه كـلـها تــرحــل اويا
الـغـالي لــو ضمّه الـتـرب چـا وين نلگا
الينـجـرح بــفـراگ اخـيه يصـعـب ادوا

الفاگـد اخ بي اثــر يبقـى طـول الــزمن
وانه ضهري انكسر مـن رحـت يالحـسن

ـــــــــــــــــــــــــــــــــــــــــــــــــــــــــــــــ

آه يـفــــراگ الاخـــو الـضــايـع طـبيـبه
جــرح فـگـده ايـعـذّب ولا مـــاله طيبه
الراد يحـسـب چـم جـرح بيّـه ومصيبه
خل يجيني وخـله يحـسب شيبه شيبه

بيه كـل هـم حضـر هـا يـخـــويه واون
وانه ضهري انـكسر مـن رحـت يالحـسن

ـــــــــــــــــــــــــــــــــــــــــــــــــــــــــــــــ

يـمـن عــايـفـنـي وعلى بـالـي صـــورّك
مــا امـصـدّگ مـــيّـت وباقـيـلي ذكــرك
لــيـش عـايــــف دارنه ورايـــح لـگـبرك
يا چـبـيـر الــعـايـلـه حـــــيّــرنه امـــرك

مـنّـك اشـتـم عـطـر گـلـبـي لـمّـن يـحـن
وانه ضهـري انـكسر مـن رحـت يالحسن

ـــــــــــــــــــــــــــــــــــــــــــــــــــــــــــــــ

عـالـنـعـش لـمّـن رمـو عـدوانك اسـهـام
يـبــــو مـحــمــد زادت ابــــدلالـي الالام
اتخيلت دهري بعد چـم لـوعه الي ضام
چـن شفت مطفـيه عـيـن ابـسـم ضـلّام

وچــفـوف يـم النـهـر انـضـر اتـــگـطّـعـن
وانه ضهـري انـكـسـر من رحـت يالحسن

ـــــــــــــــــــــــــــــــــــــــــــــــــــــــــــــــ

اگـعـد وحـاچـيني خويه عندي انه راي
اعـــدل وحــتى تـروح لـــكـربـلـه وياي
ولـو تنـضـــرني امــــوت ابــعـازة الـماي
وعالجـمر تنـضـر يتـامـه تـمـشـي حفّاي

وينگـطـعـلي الـنـحـــر والحــــرم ينـسبـن
وانه ضـهـري انـكـســر من رحت يالحسن

ــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ــــــــــــــــــــــــــــــــــــــــــــــــــــــــــــــــــــ