الشاعر سيد محمد السعبري

#_استشهاد_الزهراء ع
#__لسان حال امير المؤمنين ع
ــــــــــــــــــــــــــــ


هذا اصعب خبر ضهري منه انكسر
خـبـر مــــــوتچ يالحـبيبه
اعليه صار اصعب مصيبه
ضهري منه انكسر

ــــــــــ ..... ـــــــــ ...... ــــــــ

آنا بالمسجـد چنت بس بالي عندچ
فجأة لن ليه اجــــــو يبچون ولدچ
بويه صاحـو ماتت أُمنه وركضـتلچ
كون طيـر اني ابــوكتها چـا طرتلج

گلبي احسه انشلع گمت اگومن واگع
حـالـــتي صــارت عجيبه
اعليه صار اصعب مصيبه
ضهري منه انكسر

ـــــــــــــــــــــــــــــــــــــــــــــــــــــــــــــــ

يا حـبيـبة عمــــــري يا زهــرة زماني
خبر مـــــوتچ يالـــــــــــزچيه كبراني
اني حيدر بس صــــرت مو حيدر اني
ما خذاچ الموت ياريته خــــــــــذاني

ابموتج امن سمعت يالـحـبـيـبـه طحـت
وروحــي مهمـومه وكإيبه
اعليه صار اصعب مصيبه
ضهري منه انكسر

ـــــــــــــــــــــــــــــــــــــــــــــــــــــــــــــــ

من وصــــل ليه الخبر واني اعتنيتچ
من وصلــت البيت مضلم شفته بيتچ
ومن دخلت الحجـــــرتچ ميته لگيتچ
صحــــت يَمُ حـسين اگعديلي اجيتچ

بحالتي المؤلمه صحت يا فاطمه
انتِ لجــروحـــي الطبيبه
اعليه صار اصعب مصيبه
ضهري منه انكسر

ـــــــــــــــــــــــــــــــــــــــــــــــــــــــــــــــ

يا عزيـــــــزة گلبي يالمــــاكو ابغلاتچ
مات كلشي ابداخــــلي ابساعة مماتچ
ازغيرة بعدچ ليش چـا خلصت حياتچ
وضلـت ابـــــــدارچ يزهــــره ذكرياتچ

يا هضيمة الـــورد يندفــن باللحد
يمن چـــــــنـتـيـلي قريبه
اعليه صار اصعب مصيبه
ضهري منه انكسر

ـــــــــــــــــــــــــــــــــــــــــــــــــــــــــــــــ

اشلون اخلّص عمري من دونچ يزهره
اليفگد اعــــزاره بواچـي يگضي عمره
كسرة افـراگـــچ ابــــــد ما منها كسره
هاي اول مره حيـــــــدر محني ضهره

ابلايه حيلي صرت وبمصابي حرت
والمشـى عـنـي اشيجيبه
اعليه صار اصعب مصيبه
ضهري منه انكسر

ـــــــــــــــــــــــــــــــــــــــــــــــــــــــــــــــ

زينب ابنـيتچ تـــــــون ها يالزچــــيه
واني يمها والحــــسن وحسـين اخيه
اشلـــون بيها من تضــــــل بالغاضريه
ابغربه وحـــــــــدها ويطلعـوها سبيه

حرمه بين الغرب والمدامع تصب
والاخـــــو جـثـتـه سليبه
اعليه صار اصعب مصيبه
منه ضهري انكسر

ــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

#_استشهاد_الزهراء


ليش ماتت امـي من وكت
ليش واني مـــنـها اتيتمت
ليش وبجـفاها اتعــــذبـت

••••••••• •••• ••••••••••

ابدمعـتي ارده اســأل وياهو اليجاوبني
ليش صــــــرت اني يتيمه وابزغـر سني
اربع اسنين اني عمـــري وعاشرت حزني
واگضي ليلي وي نهاري ابحسرتي ووني

صار ونّـه ونـــــيـاح الـعـمـر
صار وكلشي مات امن الزغر
صار وريـتـني او يمـي متت

ـــــــــــــــــــــــــــــــــــــــــــــــــــــــــــــــ

اني زينب بت علي وبت فاطمه الزهره
اني بت الماتت وچـــــان السبب عصره
أُمي راحـــــت للـــگبر بضلوع متكـسره
وفـوگ عين الزهره باقي اثـــر للصطـره

ذاك صاحب احچـاية وإِن
ذاك أُمـــــي خــلاهـا تون
ذاك ابتم خلاني عشت

ـــــــــــــــــــــــــــــــــــــــــــــــــــــــــــــــ

ابيا ذنب أُمـــــي الزچيه فــرهدو حگها
واعـتــدى اعليها اللعين وعالوجه طگها
وبابــنـه ابنار المصيبة الـضالم احــرگها
ويلي وچفوف الحبيبه ابسوطه زورگها

سوط بي يطگ أم الحسن
سوط منه اديـــــــها ورمن
سوط اذه والــــدتي شفت

ـــــــــــــــــــــــــــــــــــــــــــــــــــــــــــــــ

اثمنطعش عـمــر الحبيبه ليش چا ماتت
ازغيره امي ومن عمرها كلشي ما شافت
راحت وراحــــة الـبـال اوياها هم راحت
عافت الــدار ومصيبة ابـــكل گلب عافت

چان بـيـتـنـه بيـــها يـشع
چان وانطفه ابكسر الضلع
چان ومثله اني اتغيرت

ـــــــــــــــــــــــــــــــــــــــــــــــــــــــــــــــ

چـنـت متعوده ابحـضنها اغفى يــوميه
اتصــير من أمــــها قــــريبه طبع الابنيه
چـــــــنـت لو امــرض انام وتسهر اعليه
هسا افـــــز بالليل وانضـــــر لنها ما هيه

نوَح اگضي ليلي وانلچـم
نوَح وابـعــبايــتــها اشـم
نوَح ابگد معزتها نحت

ـــــــــــــــــــــــــــــــــــــــــــــــــــــــــــــــ

أُوصـيه وصّتني وبعـــدها ماتت الزهره
ابيوم تنغـــــدرون گـــالت يمه يالحــره
من يضل حـسين وحـده ومحد ابضهره
شمي اليه نـــــحـر اخـوچ وقبّلي صدره

آه وبعد وصتني بألم
آه دير بالچ عالحـــرم
آه واني واويلا صحت

ــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

#_استشهاد_الامام_الحسن ع
لسان حال الحسن ع لاخيه الحسين ع
ـــــــــــــــــــــــ

لا تبچـي لمـصابي وعضمته
اصعب مصاب امصابك انتَ
يحـسين كل هـذا يهون
بس انتَ بالطف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

يحسين كافي إمن البچي لا تبچي خويه إعليه
لا لا تـجــرحـك حـالـتـي والـصــــار والـمــر بيه
يـومـي سـهـل يابــو عـلـي وبس موتتي ابتاليه
لا عــاري اضلن عالـرمــــل لا جــثـتـي مــرمــيه

يبن امي كل هذا الجره اوياي
اسهل تـره مـن يـومـك الجاي
شيكون حالي خي يكون
بس انـتَ بالطـف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

ابساعة مماتي انت تضل حاضر وعيني اتنضرك
بس انت باچـــر لو متت محـد يخويه ايحضرك
وحــــــدك تضل ابــــكـربله والشمر يگطع نحرك
وخـيـل الاعادي من تهد برض الطفوف اتطشرك

اليوم اني سالم راح اغمض
وباچر عليك الخيل تـركض
ولا الك ناصــر لا عـون
بس انتَ بالطـف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

السم سبـب موتـــي صبح واسباب موتك كثره
سيف ورمح سهم وحجر وخيل اعوجيه عشره
كلهن تـــره يتشاركن بچــتـلك يـروح الــــزهره
لحــــد ما يخلن جـثتـك فـوگ الرمـــل متوذره

ويـلـي عـلـيـك ابـگـاع الطـفـوف
اتگطعك وصل يبن أُمي السيوف
واعـــداك بيـك ايمثلون
يس انتَ بالطف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

عـن حالـي حـالك يختلف يالماكـو مثله حالك
اعيالي تضـل يمـك انه وتتسلـب انتَ اعــيالك
يالماكـو مـن امصيبتك يا مـكـلــف اليـجــرالك
من توگـــع ابطــف كربله تنطگ رقــــيه اگبالك

وخـيامـــــك امـن يفرهدوها
للـيـســر زيـنــب ياخــــذوها
عالهزّل اتـروح أُم عون
بس انتَ بالطف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

يسهل چـــتـلنه والصعب يطلعن بنات الساده
عــاده الچـتل إلنه صدگ بس السبي مو عاده
ويـلـي اعله ربّـات الخـدر اعليهن شمر يتماده
وينطگهن ابسوطه النذل ويسب علي واولاده

الما صار باچر بالطــف ايصير
خـدر الله يصـبـح مـاله تقدير
وغربه بحرمنه يحدون
بس انتَ بالطف اشلون
يا خويه يا خويه

ـــــــــــــــــــــــــــــــــــــــــــــــــــــــــــــــ

مـــا قـدّر الـبـــاري إلي ابضعـنـك اروح وسالم
بـس ابمـچــاني لـكـربله ويّـاك يمـشي الــقاسم
يحــــسين فدوه يـروح إلك ابني يوردة فاطم
وماريـــــدك اتضل ابألم لـمّـن يذبـــحـه الضالم

صـــح ينـذبـح وبـعــز شـبابه
بـس فـدوه لـمـصـابك مصابه
يالكل حـــياتك محزون
بس انتَ بالطـف اشلون
يا خويه يا خويه

ـــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

#_استشهاد الامام السجاد ع
ــــــــــــــــــــــــــ

مات الچـان عايش بس بالالم
مات الراح مسبي لديرة الشام
عگب كل ذيچ الهموم
غـمـض عينه مسموم

•••••••••••••••••••••••••••••••

زين العابـــــــدين اليـوم بالدمعات والحـسره
من بعد الالم والضـــــــيم بالسم انختم عمره
وهو لسه بعده ينــــوح من طف كربله ويسره
راح وصدره ضـل مخنوك لجل حسين بالعبره

راح ابحـسـرته وادموعه بالعين
ابن حسين يبچي لجل الحسين
المضلوم ابن مضلوم
غمـض عينه مسموم


ـــــــــــــــــــــــــــــــــــــــــــــــــــــــــــــــ

مر امصـــــاب بي يا ناس ما مـــر ابّشر مثله
هم معلول هم اوحـــــــــيد هم اتذبحو اهله
عله ايشـــوف عله ايعــــش تربه بالگلب عله
سهله العيشه بس اعليه صارت ابـد مو سهله

كل لحضه الـتـمـره تصعب اهواي
ضل يخـنتگ حـتـى ابشربة الماي
لجــــل المنه محروم
غمـض عينه مسموم

ـــــــــــــــــــــــــــــــــــــــــــــــــــــــــــــــ

بجروحه التشــيب الـراس كلها خلصت اسنينه
امطشر جسم ابوه حسين بالطف شاهده ابعينه
ولما بالحــــــــصيره النوب ويلي وشيع احسينه
وعاشر من هــــــذاك اليوم دمعه وحزنه وونينه

چـا هــو بعـــــد بي يبقـى يا حيل
الينضر جسم ابيه امطشرته الخيل
يضل كل عمره مالوم
غمض عيـنه مسـموم

ـــــــــــــــــــــــــــــــــــــــــــــــــــــــــــــــ

مرتــــين ابحــــــــياته مــات لا ما مات بس مره
مـات ابيــــــوم طــــب السوگ هو والحرم اسره
والوادم تشيل احـجــــــــار تضرب زينــب الحره
وهوَّ ايشوف هذا الحـــــال بس متمسك ابصبره

مره ابســـوگهم مات ابمعانات
وبآخـر محـــرم هم رجع مات
الموته الثانيه اليوم
غمض عينه مسموم

ـــــــــــــــــــــــــــــــــــــــــــــــــــــــــــــــ

بي جـــرح السبي ما طـــــاب لا خلصت معاناته
ويتذكر اســــياط اعــــــــداه كل ما شاف عماته
ويتحــسّر وتلجــــــم بيه من كل صوب حسراته
وادموعه اعله خـده اتسيل يگضي الليل الليباته



وما ينســــــى ابد يا ناس هيهات
على باب القصر من وگف ساعات
ابغربه وحيله مهدوم
غـمـض عينه مسموم

ـــــــــــــــــــــــــــــــــــــــــــــــــــــــــــــــ

ابو الباقـــــــر ابو الرحـمه والـــــوادم يعـــرفونه
يا ذنـب الـــــذي ســـــــواه وبـسـمـهم يجــازونه
رغـم كل الاذيه ذيـــــــــــچ هــــــم رجعو يأذونه
بـس هالـــــمـــــــــره مخــتلفــين نيّتهم يقتلونه

يا وسفه وحصل كل اليريدوه
تالي بسـمهم الــســجـاد قتلوه
بس ذكره يضل دوم
غمـض عينه مسموم

ــــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد الامام الكاظم عليه السلام
ـــــــــــ


وين اليحبـونه بألم خل يبچون
مات الامام الكاظم ابسم هارون

••••••••••••••••••••••••••••••

وين اليحــــبون الامــام المضــلـوم
خلهم ينوحـون ويجــــزعـون اليوم
استشهـد امام الرافضه وكله اهموم
مسموم مات ابنص سجنهم مسموم

سمو چبدته وهو عدهم مسجون
مات الامام الكاظـم ابـسم هارون

ـــــــــــــــــــــــــــــــــــــــــــــــــــــــــــــــ

امگيدين اديه والگـيد واصل عضمه
ومن السـلاســـل گام ينـــــــزف دمه
ابطاموره مسجــــــــون الامام ابهمه
لـيـل وصــبح ما بيها غـــــير الضلمه

المحروم حتى امن الضوه اشلون يكون
مــــــات الامام الكاظم ابســــم هارون

ـــــــــــــــــــــــــــــــــــــــــــــــــــــــــــــــ

اتـــــگول الـــــروايات العــلـيه تتـكلم
مـوسى ابنَ جـعـفـر كل وكـــت يـتألم
كل مــــــا تحـــــــرك باللـچـم ما يسلم
من گد جــــــروح الجامعه التنزف دم

وتصوروها انتم بعد حاله اشلون
مـات الامام الكاظم ابسـم هارون

ـــــــــــــــــــــــــــــــــــــــــــــــــــــــــــــــ

اباب السجــــــن موجود عنده سجان
كلما يجـــي ايشم الهوه يسطـره چان
والكاظم ايــــون وتـذكره الاحـــــزان
ابسطرة الزهـــره من ولـوها العـدوان

يتذكر أُمه من سطــرها الملعون
مات الامام الكاظم ابسم هارون

ـــــــــــــــــــــــــــــــــــــــــــــــــــــــــــــــ

ابــسم اللعين الـوالي خلـص مـــغـدور
بس گـلـبـه مو لمصيبته ضـل مـجمـور
مات ويــــون عالـمات گـبـلـه ابـعاشور
حسين الغـريب الـگضه بالطف منحـور

لمصاب جده المنذبح ضل محزون
مــات الامام الـكاظم ابـسم هارون

ـــــــــــــــــــــــــــــــــــــــــــــــــــــــــــــــ

عگب الشهاده بالسـجـن والـجــــروح
جابو ابنعشه وعالجـسر ضل مطـروح
ناده الـمـنادي وعـالـنـعـش گـام اينوح
ويـن المخـبّـر بالـــــعـجـل لهله ايروح

وخل يخبر اهله خاف بي ما يدرون
مات الامــــام الـكاظم ابـسم هارون

ــــــــــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد السيده زينب عليها السلام
ــــــــــــــــــــــــــــــ


هذا آخر صوت بيـه ايعلعل
يا ملك الـمـوت عجّل عجّل
كــونـك تسـمعني
وي اهلي اجمعني
يا ملك الـمـوت عجّل عجّل


••••••••••••••••••••••••••

انا زينــــب جبت عمـــري بألم وبدمــعه مـن زغــري
فگدت امي ابصغر سني وعلى الزهره انسكر ضهري
وعگبها راح ابـو الحـمـله وانا عـگــبـه حـرت بأمـري
واجتني كربله واخذتهم اخواني وعليه حل ألم يسري

وبـونـه ونـوح رتك تحضر
تاخذها الروح ولا اتــيـسـر
يـسـري ايلـوعـني
وي اهلي اجمعني
يا ملك المـوت عجل عجل

ـــــــــــــــــــــــــــــــــــــــــــــــــــــــــــــــ

انا الـــحــــره انا الــــكــــبره انا الحـشـــمه وانا العفه
صعب حالي صفه امن الطف ومشيت اميسره وسفه
ردت لـمن طـلـع طـولي انا ابــــــســـاعـــــتـها اتـوفه
لچن ما صح بدي مـــوتي وبقــيت ابمحـنتي الكلفه

بت سيد الناس وانطگ تالي
وانـضـر عـباس راسه اگبالي
ذبـحـه الفاجـعـني
وي اهلي اجمعني
يا ملـك الـمـوت عجّـل عجّـل

ـــــــــــــــــــــــــــــــــــــــــــــــــــــــــــــــ

يملـك الموت الك تـدري اشكـثـر محـتاجه تحضرلي
تمنيتك تجيني بيوم مـــــا ماتــــــو تـــــوالي اهـلي
لچــــن ما اجـــيت بس اليـــوم لازم انـــتَ توصلـي
تـعـال اقبضها روحي وشوف بـيـها الضيم شمخـلي

يا عــــزرائــــيـل عجّـل امـــرك
ضل دمعي اسيل واني انتضرك
عـجّـل وارحـمـني
وي اهلي اجمعـني
يا مـلـك الـمــوت عجّل عجّل

ـــــــــــــــــــــــــــــــــــــــــــــــــــــــــــــــ

ابگلب محروگ ذبحني الشوگ واريد او يهلي اتلاگه
اريــد انـضر لـخوي احـسـين لان لحـسـين مـشـتاگه
واريد انضــــر لبـــــو فاضـل واگـلـه اشسوه افـراگه
واگلله اشعــمـــل بـــيه الـسـبـي وصـعـداتي عالناگه

الضحالي اچفوف ينضـر لـوني
وبعـينه ايـشـوف زرگه امتوني
يـشـوف الالـمـنـي
وي اهلي اجمعني
يا مـلـك الــمــوت عجل عجل

ـــــــــــــــــــــــــــــــــــــــــــــــــــــــــــــــ

گـضـه عمـري وكـبـر حـــزني وبــــدت تتهيچ آلامـي
صفه مــوتي ابغــــرب تالي غـــريبه اتـألم اسـهامـي
واخــــوتي ما بقــــو عنـدي شفـتـهم مـوته جدامـي
ابو فاضـــــل بلا چـــــفين والحـسين انذبح ضامـي

هيهات الچان هاليـوم ايرد
وبـلا خـــوان راح استشهد
ياهــو ايـشـيـعني
وي اهلي اجمعني
يا ملك الموت عجل عجل

ـــــــــــــــــــــــــــــــــــــــــــــــــــــــــــــــ

بلايه اهــــــلي يضـل نعشي غريــب وتحمله الغـربه
يشيعوني اهالي الشام وانا امـــــن الـــشام متعـذبه
لچـن يمي علي السجاد عـلــــــيه مــــدمـعه ايصبه
ويخلي ابگبري من حـــسين تـحـــت خدي إلي تربه

حتى اشتم دوم عطر الغالي
ويبقى المضلـوم ساكـن بالي
البالـطـف ودعـني
وي اهلي اجمعني
يا ملـك الـمــوت عجل عجل

ـــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد السيده زينـب عليها السلام
لحن يا محلى الوداع ابهالمسيه
ــــــــــ


زينب بنت علي ابديره اجنبيه
وافتها المنيه
عـگب ذيـچ المصايـب والاذيه

••••••••••••••••••••••••••••••••

زينب بنت علي وبت فاطمه الزهره
الشافت چم مصيبه
گلبها امن الزغـر بـي تستـعــر جـمره
ومـــتـوارد نحــــيـبه
واليـــوم ابحــــزنها ماتـــــت الحـره
مهضومه وغــــــريبه

ماتت وبألمها مثل الزهره أُمها
عليها لسه اثر سوط ال أُميه

ـــــــــــــــــــــــــــــــــــــــــــــــــــــــــــــــ

على مر الزمــــان وجـوره وهمومه
عاشت بالمصايب
گضت سيرة عمرها الحره مضلومه
وشافتها العجايب
مـشـت مسـبيه والخـوّان بالحـومه
ضلت عالترايب

وجثثهم سليبه مطروحه وتريبه
ضلو عالترب بالغاضريه

ـــــــــــــــــــــــــــــــــــــــــــــــــــــــــــــــ

غـريبه ابلا اهـــل بالشام وحـدها
بت حامي دخيله
ضل برض النجف مدفـون والدها
مو يم العقيله
بـس زيــن العـباد ابحـيرته عـدها
والمدمع يسيله

يتـعـاله ونينه على عمته الحزينه
على عمته بقى ادموعه جريه

ـــــــــــــــــــــــــــــــــــــــــــــــــــــــــــــــ

طبع باليحـتـضـر ويـنازع ابروحه
يريد احبابه تحضر
تنوح وهم تتخفف لجمة اجروحه
وهم يطمّـن اكثر
وزينب بالطفوف اخوتها مذبوحه
من يحضرها يگدر

ياهو اللي يجيها ويسـبّـل اديها
ويغمضها عيون الهاشميه

ـــــــــــــــــــــــــــــــــــــــــــــــــــــــــــــــ

اكيد أُم الخدر ضلت تصـد للباب
وتناطر يجوها
ابو اليمه وابو فاضـل اعز احباب
البالطف فارگوها
اتريد اتمون كون ابين هالاطياب
وهمه ايشيّعوها

ويتولون امرها وينزلوها ابگبرها
ويوارنها چفوف اهل الحميه

ـــــــــــــــــــــــــــــــــــــــــــــــــــــــــــــــ

صدگ عازه اشـكبرها عـازة الخــوان
ابد ما منها عازه
ماكـــــو حـسين يمـها ولا گـمر عدنان
منو ايشيل الجنازه
اوولا جاها الحضر ساعة دفن سلمان
وهي اول اعزازه

گضت ويلي وحيده مالومه وشهيده
وبيها عظم الله اجر الزچيه

ــــــــــــــــــــــــــــــ

لخادم الحسين ع الشاعر /
سيد محمد السعبري.

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد السيده زينب عليها السلام
ــــــــــــــــــــ


مـاتـت غـريـبه والدمعه بالعين
ورادت يجوها عباس وحسين
ايغسلوها ايشيعوها وبگبرها اينزلوها

•••••••••••••••••••••••••••••••••

هـاي ام الـمـصــايـب هــــاي والـلــوعه
يا حــــرمه مثلها وهيچــــــي مفجوعه
مني اخوتها جثث والروس مگــــطوعه
ومني الشافت اخوها امطشره اضلوعه

وينـب يـوادم مـاكـو مثلها
سم وچتل آه خلصو اهلها
فارگوها ما اجوها وبگبرها ينزلوها

ـــــــــــــــــــــــــــــــــــــــــــــــــــــــــــــــ

مــن گـد مـا اذيه ام الــحــزن عـاشت
ما اگول ابرجـــب ساعـتها من حـانت
منيـتـها ابشهـر عــــاشــور اي چــانت
من يــــوم اهدعـش زينــب تره ماتت

من ضلت ابگاع غربه وبراري
وحسين اخوها عالغبره عاري
وسلبوها وعذبوها وابگبرها ينزلوها

ـــــــــــــــــــــــــــــــــــــــــــــــــــــــــــــــ

الزمـــــــن اده عــليها بالالم فـــــــرضه
وخلص كلشي وگلب زينب وگف نبضه
وعليها ناح عـــــرش الله وسما وارضه
الچـانــــت بالمصـاب اتعيش كل لحضه

بالغربة ماتت ويلي عليها
لا مــا تعــنـو اخوتها ليها
يودعوها يحملوها وبگبرها ينزلوها

ـــــــــــــــــــــــــــــــــــــــــــــــــــــــــــــــ

وحـيده غمضت ما حـضــــــرت اخوتها
اليوم اخــــــوان زينـــب عــــازه عازتها
منو اليحـــضـر منـــو اليحـمـل جـنازتها
غـريبه وتـكـسر الخاطــــــــــر مصيبتها

كون الجــــنازه يحملوها الخوان
وكافل خدرها يصـير الها دفان
والجفوها ما لفوها وبگبرها ايشيعوها

ـــــــــــــــــــــــــــــــــــــــــــــــــــــــــــــــ

راحـت للـگـــبر بس بالـگـلـــب حـــرگه
لان لـــسه علـــيها اشـچــــم اثــر طگه
ولــسه امتـونـــها مــن الـــضــرب زرگه
حـــگه ايـمــوت گـلب ام الخـــدر حگه

باقي عليها من السبي آثار
ومعـذبيـها بالسوط الاشرار
لوّعــــوها يســروها وبگبرها ينزلوها

ـــــــــــــــــــــــــــــــــــــــــــــــــــــــــــــــ

تـمـوت ابــــــــدار غـربه الـدنـيا خلتها
بعـــيده اعلل وطـــــــن وتأذي غربتها
نــــســــأل الله يـــرزقــــــــنه زيـارتها
اونـگـر اعـيــونه ابــشـوفت مــــنارتها

بجاه الزچيه وضلع اللي مكسور
كـونه إلــهـي الما زايــــر ايــزور
ابجاه اخوها ابجاه ابوها وابگبرها ينزلوها

ـــــــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد الزهراء عليها السلام
لسان حال السيده زينـب عليها السلام


يالخذتها وبالحـزن خليتنه
ليش ما تدفنها بويه ابّيتنه
حـتى مـا تبـعـد علينه
ونبقى يم گبر الحنينه

،،،،،،،،، ،،،،،،،،،،،،،، ،،،،،،،،،،،، ،،،،،،،،،،،

يالشلت نعـش الـزچـيه الـكلها طيبه
ابداعـتي تـدفـــنـها بالبيـت الحـبيبه
حــتى مـن عـــدنه تضـل امنه قريبه
وهم تهـون اعـلينه يا بـويه المصيبه

خلها بــــويه ويـمـنه لو خليتها
دوم نبقــى نحــس بيها ابيتها
نحس بيها وتحس بينه
ونبقـى يم گـبر الحنينه

ـــــــــــــــــــــــــــــــــــــــــــــــــــــــــــــــ

أُمـــي ورده يا علي ازغــــــير عمرها
ليش چـــــا بالمـگبره تحـفـر گـــبرها
خلها بين اعــــــيالـها لا تخـفي اثرها
خل گـــبرها ابيتنه ابـــــداعة كسرها

انحـسها عـــدنه حـتلو مدفونه
وهـم گــــبـرها العده ما يلگونه
اعليها ونتنه وبچينه
ونبقى يم گبر الحنينه

ـــــــــــــــــــــــــــــــــــــــــــــــــــــــــــــــ

ماتت أُمنه وصـــرنه مكسورين خاطر
ونضل نبچي اعـليها لو تعمى النواضر
بيـها لا تبـعـــد يبــــويه وانتَ ســــاير
ازغار تعرف بينه وچـــــــبيره المـگابر

عــــوف بـويه المــگـبره وترابها
ورجّع امنه ادفـــنها بين احبابها
بروحت الزهره انتهينه
ونبقى يم گـبر الحنينه

ـــــــــــــــــــــــــــــــــــــــــــــــــــــــــــــــ

حـگنه لو نبچــــي دمــــه ويكبر ألمنه
لان بـسـنيـن الــطـفـوله ومـــاتت أُمنه
راح حـضـن الــــوالـــــــده ذاك اليلمنه
وفـارگـتـنه الـنـفــتـهـمها وتـــفـتـهـمنه

راح نذبل بويه حـــــيل اخلافها
هاي أُمــــنه وعاش كلمن شافها
راحت اليوم امن ادينه
ونبقى يم گـبر الحنينه

ـــــــــــــــــــــــــــــــــــــــــــــــــــــــــــــــ

انا زينـــــب واليتم جاني اعله زغـري
راحت أُمي وضاگ يابو حسين صدري
راح بالهم والمصايــــب يگـضي عمري
وراح اضـــل مشتاگه لمي وانتَ تدري

ابكل وكت لو گتلي بويه اشرايده
راح اگلك ارده اشـــــوف الــوالده
وادري بيــها ما تجينه
ونبقى يم گبر الحنينه

ـــــــــــــــــــــــــــــــــــــــــــــــــــــــــــــــ

اشلون احــــنه انعيش وبلا أُم يحيدر
اني وحــــــسين وحـسن ماضنه نگدر
واني دوم احــتاجها تحـــــضرلي اكثر
حتى يوم الطف انادي الزهـــره تحضر

لـيه تحـضـــر مـــن اضلن بالـبـراري
وهم تغطي جسم ابنها اليبقى عاري
وتلگه اخــيي ذابحينه
ونبقى يم گبر الحنينه

ــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد الزهراء ع
ـــــــــــــــــــــــــ


ابو اتــراب بالتـــراب دفـن عافيته
مشى ابليل بلا حيل يودع أُم بيته
خـلاها بيـن اگـــبور
من عدها رد مكسور ابو اتراب

••••••••••••••••••••••••••••••

حيدر علي الما مـنكسر ولا مرة اعليه كسره
لمن دفــــــنها فاطـــــمه رد منها لازم ضهره
ما چنه ذاك البالحـــرب عدوانه حارت بمره
مكسور اجه من الدفن چن بيده دافن عمره

اجه اينوح بالـجــروح وانه امتانيته
شفت لاح علي وطاح وانه اتـلـگيته
عاف أُمي بس مجبور
مـن عـدها رد مـكسور ابو اتراب

ـــــــــــــــــــــــــــــــــــــــــــــــــــــــــــــــ

دافـــــنها بتـــراب الـگبر ومتغـيّـــر الــدافنها
هوه المشى للمگبره ومـــــو هوه من رد منها
كبران ابوي امن الهظم ومـذهول بمي وونها
بيده دفنها أُم الحسـن وبالـــــدار يسأل عنها

اويلاه انه اوياه گـعــــدنه ابّابنه
نضرناه لـگـيـناه ابحزن لمصابنه
خلفه الضلع معصور
من عدها رد مكسور ابو اتراب

ـــــــــــــــــــــــــــــــــــــــــــــــــــــــــــــــ

ايصبرنه ابوي اعله اليتم وبالصبر حيدر يحچي
وبالليل من وحـــــــده يضـل نلگاه گـاعد يبچي
وصارت صعوبه گومته امـــن يگوم صار ايتچّي
ويگول لا يا زهـــــــرتي هـو البُعد مـــــــو هچي

وبالمصاب على الباب تـصـد نـضـراته
الدنع سال علي گـــال حچي ابدمعاته
گال الـگـلـب مجمور
من عدها رد مكسور ابو اتراب

ـــــــــــــــــــــــــــــــــــــــــــــــــــــــــــــــ

حسين وحسن واني نجي وننشد ابونه اعليها
ولو چــــان واگـف ينتچـــــي لمن يمر طـاريها
ونگله بـويه اتأخـــــــــرت أُمـنه علـينه اشبيها
ودينه يمـها يا عـلـي وخـــل نبچي ونحـاچيها

بوضعنه ودمعنه والمنه البينه
نـصـلـها ونـگـلها الـــچ حنّينه
بلكت تـــــرد للــدُور
من عدها رد مكسور ابو اتراب

ـــــــــــــــــــــــــــــــــــــــــــــــــــــــــــــــ

ضلينه بهمـوم والم من يـــــــوم ماتت أُمنه
ومن بعد حضن الوالده بشيلتها نشتم گمنه
اني واخــوتي ابيا ذنب ازغار احنه وتيتمنه
وبغير شوفـتها بعد مــــــــا نـــــگدر اتعلمنه

ابجفاها ووراها الحزن عالينه
ابفگدها وبعدها نـــون ضلينه
والـمــاله أُم مـعـذور
من عدها رد مكسور ابو اتراب

ـــــــــــــــــــــــــــــــــــــــــــــــــــــــــــــــ

من عدنه شتريد البشر وحرمتنه ما راعـوها
عمر أُمي بعده اثمنطعش ليش العده قتلوها
وباچر يجونه ابكربله وخيامنه ايحــــرگوها
وذرية آل المصطفى برض الطـف ايذبحوها

والـــــعــيال بالحـــــــبال تـره ايچـتفوها
وعلى النوگ تطب سوگ وغرب يحدوها
آيا جــرح عـــــاشور
من عدها رد مكسور ابو اتراب

ـــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد الزهراء ع
ـــــــــــــــــــــــــــــــ


يا بابـي اشـهـد عـالـصـار
واشـهــد بـعـد يالـبـسـمار
باچـر وراكـــم محكمه
وحچوها قصة فاطمه
مـن شـبـو اعـلـــيها الـنار

••••••••••••••••••••••••••••••

انا علي الـكسروله خلـف الــباب ضلعه
انا علي الطفـوله خـلـف الــــباب شمعه
انا علي الـبــعــد الـــزچـــــيه گـام ينعه
وجاب الحياة اخلافها دمعه اعله دمعه

ضلــيت اون مـا مــــرتاح
او يم الحــسن كلشي راح
مكسور ضل حامي الحمه
واحـچـوهـا قـصـة فاطمه
مـن شــــبـو اعــلـيها الـنار

ـــــــــــــــــــــــــــــــــــــــــــــــــــــــــــــــ

يا بابـي اريـدك تشـهد وبـســـمـاري يشهد
عـالـصـار من هـجـمـو عـلى بضعة محـمد
ياهو الضـــرب فاطـــم ابسوطه وما تردد
وياهو الصفعها ابيـــده فوگ العين والخد

وخلوها مكسـروه الگوم
وما تـگدر الزهـره اتگوم
مـن الـجـروح امـــألمه
وحچوها قصة فاطمه
من شبــــو اعــليها النار

ـــــــــــــــــــــــــــــــــــــــــــــــــــــــــــــــ

ابيوم الحـساب احچــــوها قصة أُم ابوها
يم ربنه باچـــر احچـــــــو همها من ولوها
فـــــــلان وفـلان الاجـــــــــوها وعـذبوها
اضلوعـها من گـــــــد رفـسـهم كـــــسروها

يا بابي لـمـن رفــــسـوك
تكسر ضلعها يـــــــدروك
ذوله العصابه المجرمه
واحچوها قصة فاطمه
مـــــن شـبـو اعليها النار

ـــــــــــــــــــــــــــــــــــــــــــــــــــــــــــــــ

الـشـيـخ الفـلانـــي اللي قـتــــــل أُم وابن
بالــــــــــــــدار گالـــــو فاطـمه گلهم وإن
هــــــذا القـتلها وابــــــــــــد ما رفله جفن
وخــــــلانـي اون بـفـــراگـها وكلي حـــزن

وراحــــــت بعد عافيتي
بفـــــــــراگ شمعة بيتي
وصارت حياتي مضلمه
واحچوها قصة فاطمه
مــن شــــبـو اعليها النار

ـــــــــــــــــــــــــــــــــــــــــــــــــــــــــــــــ

أُم بيتي راحــــت وااركتني بس للدمـوع
مكسور ضليت ابـجــــفاها وگلبي مشلوع
راحت الزهره ابعـين زرگه وكسرة اضلوع
وعافت ولدها اعليها تبچي وزينب اتلوع

چــــن كلنه عافتنه أُمـنه
وبـــوداعـــــها اتيــــتمنه
عـيلتها كـلــــها امـيتمه
واحچوها قصة فاطمه
مـــــــن شبو اعليها النار

ـــــــــــــــــــــــــــــــــــــــــــــــــــــــــــــــ

هــــــــاي اول فاجـــــعـــــه والضلـع الاول
وباچــــــــــر علينه الدنيا كلها اتصير مقتل
اني انطبر والحـــــسن ينسم لچــــن يسهل
بـس الصـعـب يـوم الحــــسين الما اله حل

باچـــر يضـل ابـلا راس
وجسمه بحوافر ينداس
ويتغسل ابفيض الدمه
واحچوها قصة فاطمه
مــن شـبـــو اعليها النار

ـــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد الحسين ع
ــــــــــــــــــــــــــــ


يـعـباس إبعجل لحـسينك إگـعـد
عـدل والخـيل فوگه اتروح وترد
ولا فــزّاع اجـاله // يبچّي الصخر حاله
عدل والخيل فوگه اتروح وترد

•••••••••••••••••••••••••••••••

بالشـده الاخـو ينـراد وحـسـينك تـره ابشده
يا عباس تحـت الخـيل اخيك عالرمل وحده
لا ناصـر بقاله ولا واخـو ولا حـيل ضل عنده
تجـيبه الخـيل گامـت بالحــوافـر لينه وترده

ثجـيله اخــيـولــهم وحـسـين تعبان
وعليه تسحگ يخويه امنين ما چان
وحـيد ودمعه ساله // يبچي الصخر حاله
عدل والخيل فوگه اتروح واترد

ــــــــــــــــــــــــــــــــــــــــــــــــــــــــــــــــــ

حــرت وين الوجه انطيه ماكو غير احشمنك
اعـرفـــك منچـتل عـباس بس ما ايّست منك
گلت تفزع يبو النوماس غيور اهواي اعرفنك
انتَ الاخــــو ابهـذا الحــــال لازم ينسأل منك

وينك يابو فاضل الحگ ابساع
عزيز الزهره صار اموسد الگاع
امخضّب دم جماله يبچّي الصخر حاله
عدل والخيل فوگه اتروح واترد

ـــــــــــــــــــــــــــــــــــــــــــــــــــــــــــــــ

فوگ الگاع ضـل يلوج ذاك حــسين ابو اليمه
شما ينهض يريد ايگوم تسحگ خيلهم جسمه
صفه احسينك على التربان لحمه امرضرض وعضمه
وينك يابـو فاضل گــوم واحضــر بالعجل يمه

ابهاي الساعه رتّك تحضر حسين
من ضـل وحّـــده ويديـــر بالعين
محد اجه وشاله // يبچي الصخر حاله
عدل والخيل فوگه اتروح واترد

ـــــــــــــــــــــــــــــــــــــــــــــــــــــــــــــــ

حسين اللي تحبه اهواي ضل مطروح بالحومه
من گد السحـــــگ فوگاه ما يــگدر على الگومه
ومن هدت علينه الخيل ضاعت يالاخو اعلومه
ومن هـــوّد غــــبار الگاع شفتهم جابو اهدومه

آخ اشگد بچيت وصحت عباس
أخيك بالصحاري وسلبته الناس
صحت راعي الكفاله // يبچّي الصخر حاله
عـدل والخيل فوگه تروح وترد

ـــــــــــــــــــــــــــــــــــــــــــــــــــــــــــــــــــــــــ

الـكـــسرت گلبي يا عـباس والاكـثر علي صعبه
چــبير حـسين مو مالت حوافـر تسـحگ بـگلبه
وتعـبان بغـيابك حـيـــل وصارت لحيته مشيبه
وهوَّ المـــثـل ابو الســجــــاد ليش الوادم اتّعبه

چبيره السادة هذا وباقي اهلنه
حـتى اعـمـامـــته سلـبـوها منه
بحـزن گلبي نعاله // يبچّي الصخر حاله
عدل والخيل فوگه تروح وترد

ـــــــــــــــــــــــــــــــــــــــــــــــــــــــــــــــــــــــــــــــ

كلشي راح كلشي مـات كلشي اخـتنگت انفاسه
لان شفت آني ابو السجاد رفعوا عالرمــح راسه
من هاي وگلت باچــــر خــــدرنه الغـربه حرّاسه
وخدر الحـــره تنضر ليه باچـــــر ناس مو ناسه

عگب هـذا الالم يسبوني اشلون
واني أُم عون اضلن ما إلي عون
وخدري اخوان ماله // يبچّي الصخر حاله
عدل والخيل فوگه اتروح واترد

ــــــــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد الرضيع ع
ــــــــــــــــــــــــــــ


سـكتت بالسهم حــتى بواچيك
وانا ابكل وكت متعوده اناغيك
موتك عـذّب الروح // عـبـدالله يمذبـوح

••••••••••••••••••••••••••••••

عـطـشـان ادريك يا يـمـه ورحــت تتروه بالماي
واتموت لوعــات من كثر العطش لو ضال ويّاي
بس حيف رديت ما مـتـروي ابـد يا نـور عيناي
جـابـوك مـذبـوح يبني والسهم ويّـاك هـم جاي

يعبدالله الدمـع حـفـرها الخدود
من شفت السهم بالرگبه موجود
سهمك زيد النوح // عـبـدالله يمـذبـوح

ـــــــــــــــــــــــــــــــــــــــــــــــــــــــــــــــ

يزغير عالمـوت يالبعـدك غـصـن ناعـم يمدلول
چا ليش ذبحوك وبـعـدك يـمـه مـا شابــع دللول
ويلاه مــن هاي انتَ اويالـسـهم متـشابه الطول
منـــحـــور بالآه وعينك غمّضت يوليدي معقول

مـا صـدگ متـت وامغمّض العين
ودمك يمه صار ابحضن الحسين
وگلبه اعليك مجروح // عـبـدالله يمـذبـوح

ـــــــــــــــــــــــــــــــــــــــــــــــــــــــــــــــ

انعـاك بدمـوع واعــرف ما تـرجـعك ليه الدمـوع
والمات ميعود ادري بـس ييـمـه گلـبي مـفـجـوع
بجفاك ضلّيت روحـي امـألّـمـه يالــغـالي وتلـوع
وعالبال اتدور صورة منحـرك مـن شفته مگطوع

يمگطوع النحـر يالنـحــرك ازغير
عگب عينك ييمه ما شـفـت خير
شفت الهم والجروح // عبـدالله يـمـذبـوح

ـــــــــــــــــــــــــــــــــــــــــــــــــــــــــــــــ

من نار فـرگاك يـعـبـدالله اجــتـنـه نار الـــخـيام
والـصـار بالـنار مهدك مـحـتــرگ چـا بيـمن اتنام
والگوم بالخيل داسو هـدمك وداسـوها الاحـلام
ضــلّام اشــرار لا رحــمـو مـره ولا رحـمـو ايـتام

كـلـشـي البالخــيـم يولـــيدي اذوه
وحتى اگماطك امن الخيمه سلبوه
وحيل أُمك بده ايروح // عـبـدالله يمـذبـــوح

ـــــــــــــــــــــــــــــــــــــــــــــــــــــــــــــــ

اشتاگيت حنيت اريــد اگــعـد انه واتـناغه ويّاك
والشوگ تــــدريه ما يرحـم يـمـن عـذّبني فـرگاك
تمنيت موجــــود حنيت وعلي حتى اعله مبچاك
اترد كون والعين تشوفك سالم وما فاضت ادماك

الصار اوياك ابـد بالدنيا ما صار
اشمال الناس گامت تذبح ازغار
خلو دمعي مسفوح // عـبـدالله يـمـذبـوح

ـــــــــــــــــــــــــــــــــــــــــــــــــــــــــــــــ

بالـروح للـدوم ما يشـفـى بعــد ويهيـد جـرحك
وكلساع شيّال راسـك يالعـزيز اگـــبالي يضحك
وانضر راسك ازغـــر يالــولـد مـن راس رمـحك
يالـمـات ويّـاك بعيوني الضوه ومنتضره صبحك

يا لـب الـگـلـب عـبـدالله يـبـني
حتى النوگ مهضومه اعله وني
وكلشي لحالتي اينوح // عـبــدالله يـمـذبــوح

ـــــــــــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد علي الاكبر ع
ــــــــــــــــــــــــ


ضل بيه جرحك يكبر = فـگـدك صعب يالاكبر

••••••••••••••••••••••••••••••••

يامن ابخَلقَك والخُلُق جدنه الرسول انشوفه
ادركني بويه من صحت دربي بعـد ما شوفه
واشلون يمشي يالــــولد هـــو اليفارگ شوفه
واليفگد ابنه ينذهـــــل عـنـــد البشر معروفه

تنضر الي اتـمنّـيـتـك أُوگع واگومن جيتك
ومن همي گُمت اتعثّر فگدك صعب يالاكبر

ـــــــــــــــــــــــــــــــــــــــــــــــــــــــــــــــ

اتعنيت إلك كلّـي وجع بويه وتـعذّب حالي
غـالي الابن ها يالابن ويأذي فـــــگد الغالي
اتخليني حاير وحّـدي يوليـــــدي اول تالي
من طحت عالغبره بدت تختلف كل احوالي

بـويه تغـيّـر لـــوني وشيّبت حتى اعيوني
وامشي بعد ما اگدر فگدك صعـب يالاكبر

ـــــــــــــــــــــــــــــــــــــــــــــــــــــــــــــــ

يالمنطرح فوگ الرمل حار الرمل يا روحي
اگعد يبويه يا علي وخلها تطيب اجروحي
يالطيحتك تركت اثر بيه وتــــعالى نوحي
لا طال بعدك هالعمر اتمنيته يا مــــذبوحي

ماريده بعدك عـمــري يالبيك كسرو ضهري
وگلبي بمصابك يسعر فگدك صعب يالاكبر

ـــــــــــــــــــــــــــــــــــــــــــــــــــــــــــــــ

يالطولك امَّــدَد غده وي كـــولك ارده أتمدد
وبحزني هذا ودمعتي فـــوگ التـراب أتوسّد
جرح البُعد ما ينحمل واجروحي ابد ما تنعد
ماي وتـبــــدّه بالرمـل عمـــرك بعـــد ما ينرد

أيّست ما ترجعلي والالم عــاش ابكلي
وشكلي بده يتغيّر فگدك صعب يالاكبر

ـــــــــــــــــــــــــــــــــــــــــــــــــــــــــــــــ

يا هضمة اليفـگد ولـــد كسره بعد شيجبره
فگد الضنه يكسر ضهر والفگد حدّب ضهره
واني ابرحيلك راح اضل كسري بعد ما يبره
راح ابقى حد ما انذبح يبن الدمع والحسره

يامن امغسلك دمّك بيـــمــن اردن لأُمك
واشلون اگلها اتوذّر فگدك صعب يالاكبر

ـــــــــــــــــــــــــــــــــــــــــــــــــــــــــــــــ

انتَ صحـــــيح اتعذّبت وانــي بـعــــد اتعذّب
چم ساعه بعدك وانذبح وبالحومه راح اتسلّب
والگوم تحرگها الخيم ونيرانـــــها اتضل تلهب
والصعب يالاكــــبر بعد يسبـون عمتك زينـب

لو طحت بالطف اني يسبون كل نسواني
وصعبه الحرم تتيسر فگدك صعب يالاكبر

ـــــــــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد القاسم ع
ــــــــــــــــــــــــــــــــ.


يا يـمـه يالـبـعــدك شـاب يجسّام يجسّام
مالت عرس موش إتراب يجسّام يجسّام
يالـفـارگتني بالهم عـفـتني يجسّام

« ••••••••••••••••••••••••••• »

يالبعدك ابعمر الــورد كل عمرك اسنين اهدعش
مالــت يزفـــونك هلك يوليــدي مو مالت نعش
ذبحــــوك يمه بيا ذنـب وامفطر اشفاك العطش
جسمك صريع ابكربله ودمك على الگاع انفرش

يبني امغمض اعيونك وادمومك على اجفونك
يالعايـفـنـي من دونك غـــــــريـبـه

فـگـــدك عَلَي يجسّام مصيبه مصيبه
وجرحك ابد ما يلتام مصيبه مصيبه
ريتك شفتني بالهم عفتني يجسّام

ـــــــــــــــــــــــــــــــــــــــــــــــــــــــــــــــ

يا يمـه چـنـت احلم حلـم بيديك اخلي حـنّتك
يوليـدي وابدال الحـسن تحـضـر عمامك زفتك
وانضـر عـروستنه تجـي وتـزفها زيـنــب عمتك
تاليها انه حلـمي انذبـح وانفگد حـيلي ابموتتك

مـيّـت وانه متعذبه صعبه فرگتك صعبه
الدنيا اغيبتك غربه عــلــيـه

عفت أُمك اتنـــوح اعليك بلمها بلمها
وضـلــت تـون ابطـــاريك بلمها بلمها
يالضيعتني بالهم عفتني يجـسّام

ـــــــــــــــــــــــــــــــــــــــــــــــــــــــــــــــ

محـتاره يبني ابفرگـتك وامنين اجيبنه الصبر
ياريــت ويّـاك انـدفــن ياريـته لا طـــال العـمر
چـنت اني احـسبلك تره تخــدمني بـيام الـكُبُر
ما حـسبت عــــدله اضل وانتَ التـهاجـر للـگبر

صــار الآني مـــا رته انه عدله ومتت انتَ
يريت آنه الذي ميته يـيـــمـه

عايفني يا جاسم ليش يمدلول يمدلول
ردنه سـوه يمه انعيش يمدلول يمدلول
من ودعتني بالهم عفتني يجسّام

ـــــــــــــــــــــــــــــــــــــــــــــــــــــــــــــــ

كلشي تغـيّـــر يالولـــد اليـوم وين ووين امس
عريس چنت انتَ امس واليوم مذبوح العرس
يا ييمه اعرفنك تــرف چـا ليش نايم بالشمس
وذبـلان من الضهـر وترفـسـك اخـيول الرجس

واويلا يبـعــــد أُمك الخيل اتگلّب ابجسمك
وانتَ امغسّل ابدمك يـــروحــي

يالطايـــــح اعله التـربان بالطفوف بالطفوف
ابچي امن اشوف الشبان بالطفوف بالطفوف
اشگد لوّعتني بالهم عفتني يجسّام

ـــــــــــــــــــــــــــــــــــــــــــــــــــــــــــــــ

افراگك صدگ ياذي الگلب يالعايف أُمك بالمحن
وكبّرني يا يمه اشـكـثـر واعيــوني راحـن ينعمن
بس هذا واجب جاهـدت واستشهدت وبهالوطن
ما قـصــرت يبـن الحـسـن والنعم تربات الحـسن

صح اعليك اضل انحب لكن فــدوه للمذهب
وفــدوه للبقـى امسـلّـب عـالـتـراب

من شفت ابو اليمه اوحيد يـيــمـه يـيــمـه
عـمـــرك رخـــص يالـولـيـد يـيــمـه يـيـمـه
نارك چوتني بالهم عفتني يجسّام

ـــــــــــــــــــــــــــــــــــــــــــــــــــــــــــــــ

راح امشي عنك وابتعد راح امشي بدروب اليسر
وراح ابقى افـكر بيك انه واشـتاگلك يـمـه اشكثر
باچـــــر اروح اعله الهــزل محـــتاره يبني بهالامر
مـــدري اشيـصـير ابـحـالتي واعليك حـادينه يمر

ابـگـد ما آني مشتاگه خاف اوگع من الناگه
يـلـي يـوجــع افـراگه يـغــالـــي

وباچــر ييـمـه الـعــدوان اويــلاه اويــلاه
يضربونه واحـنـه نسوان اويــلاه اويــلاه
يجرحونه متني بالهم عفتني يجسّام

ـــــــــــــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد الامام علي ع .
ـــــــــــــــــــــ

مـغـدور يا ابا الـحـسـن
مطـبـور يا ابا الـحـسـن

••••••••••••••••••••••••••

يا عـلـي الــكـرار يالـمــالك مـثـيل
انـتَ قـتّـال الــعـرب وابـــلا بـديل
اشلون تاليها صبحــت انتَ القتيل
الله لا ينطي المرادي الصابك

ـــــــــــــــــــــــــــــــــــــــــــــــــــــــــــــــ

يالجـبت عـمـرك عـطـوف ومنضلم
وما تـهـم بالحـال وبـغـــيــــرك تهم
ابمقتلك بيّــن عــلـــى الامّــه اليتم
وحيل جارحها يويلي امصابك

ـــــــــــــــــــــــــــــــــــــــــــــــــــــــــــــــ

قــــصـة امــصـابك تضـل قصة ألم
سيـــدي وركـن الهُــــدى بيها إنهدم
ريـت فـگــــدك يا عـلـي يطلع وهم
وما تنوح اعليك تبقى احبابك

ـــــــــــــــــــــــــــــــــــــــــــــــــــــــــــــــ

الحـاولو يمـحــون ذكــرك من زمان
مـا درو مـــن دونك إيـمــوت الاذان
يا أمــــان إبـكـل زمـن مـا بـي أمان
يالبقى ابنص الحزن محرابك

ـــــــــــــــــــــــــــــــــــــــــــــــــــــــــــــــ

رادو الـــتــاريـخ كـلـه إلـهُـم يصـيـر
لــكن انــتَ يا عـلـي تبـقـى الأمـــير
انتَ الاول والــوســـط وانتَ الاخير
وكلها ما تواصل علي لترابك

ـــــــــــــــــــــــــــــــــــــــــــــــــــــــــــــــ

سيدي إمـن استشـهــدت كلشي نعاك
الموت اخـذ كل الـــفـرح لـمـن خـذاك
وعـهـد ننيـطـيـلك يضـــل دايم عزاك
وبينه ما تشفى جروح إغيابك

ـــــــــــــــــــــــــــــــــــــــــــــــــــــــــــــــ

شما جره امصاب وحصل ون ونحيب
يبـقـى لا يـومـاً كـيـوم الـضـل غــريب
احسينك المذبــوح عالـغــبــره وسليب
سلّبوه ولـــد اللي حـــرگو بابــك

ــــــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد الامام علي ع .
ـــــــــــــــــــــــــــــــــــــــــــ


راح ابونه وراح كـلـشـي وانـدفن
راح ابونه وصرنه غربه ابهالوطن
وبعد ابونه الغالي // بيتنه ضل خالي
راح ابونه راح ابونه

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

راح ابـونه وامـسـت الدنيا حـزينه
اليوم حيدر يخوتي راح إمـن دينه
راح خـيمــته وابو الـروح الحـنينه
غمّض إعـيـونه علي وسـكّن ونينه

يا هضيمه عافـنه اليوم ورحـل
يا هضيمه وصرنه ما عدنه اهل
رحل عنه الوالي // وبيتنه ضل خالي
راح ابونه راح ابونه

ـــــــــــــــــــــــــــــــــــــــــــــــــــــــــــــــ

يوم چـنـه ازغــار وأُمــنه فــارگتنه
ومـــن حضـنها ومـن حنانه يتمتنه
آخ والـيـــوم المـصــيـبـه الالـمـتـنه
راح ابونه الشالنه إهواي إعله متنه

فارگونه فاطمه وحامي الحمه
فارگونه وناحـت امـلاك السمه
ويـتـمـونه تـالـي // وبيتنه ضل خالي
راح ابونه راح ابونه

ـــــــــــــــــــــــــــــــــــــــــــــــــــــــــــــــ

الفاگد اهله يـحـس حـياته كلها غربه
واحنه وي هـاي البشر مـا عـدنه گربه
عگب اهلنه انعيش ألم وبحاله صعبه
والـحـــــزن بـيـــنـاته يخـــواني يربه

صعبه صعبه اليحس روحه بالغرب
صعبه صعبه واهـلـه غـطـاهم ترب
يعني يشبه حالي // وبيتنه ضل خالي
راح ابونه راح ابونه

ـــــــــــــــــــــــــــــــــــــــــــــــــــــــــــــــ

يخوتي كلشي انتهى وسافر ولينه
او بعد مـا عـــدنه ابــو عينه علينه
حـگنه من نتـباچه ويطوّل بچـينه
لان اغـلـى انـسـان عــدنه فاگدينه

وبمصابه كــلـشـي مـتـغــيــر صـفى
وبمصابه انجـرح جــدنه المصطـفى
چن اشوفه اگبالي // وبيتنه ضل خالي
راح ابونه راح ابونه

ـــــــــــــــــــــــــــــــــــــــــــــــــــــــــــــــ

بعد ابــــونه يـخـــوتي اتلـــگو الاذيه
واني اولـكـم تـــــــوافـيــني الـمـنـيه
وانتَ يحــــسـين استعـد للـــغاضريه
بيها تسحگ جسمك اخـيـول آل أُميه

والمصيبه الصعبه بيد الناصبي
والمصيبه اتـروح زينبنه ابسبي
هيچـي يتـراوالي // وبيتنه ضل خالي
راح ابونه راح ابونه

ـــــــــــــــــــــــــــــــــــــــــــــــــــــــــــــــ

الـيــوم خـلـونه نـون ونه إعله ونه
اليوم خل ننصب عـزيه إبدار اهلنه
وخل نعـيد إبذكـريات أهـل المحنه
وخــل نطـلـع إثـيابهم ونشمها كلنه

وبالنهايه وبالحزن والنايحه
وبالنهايه كلنه نقـره الفاتحه
للي سكـنـو بالي// وبيتنه ضل خالي
راح ابونه راح ابونه

ـــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد الامام علي ع
لسان حال الامام الحسن ع
ـــــــــــــــــــــــ

سـولـف يا طبيب شنو وضع الحبيب
شخّص وشرح الحاله
هـاي الـطـبـره چـتّـاله
لـو يـرجـع يـطـيـب

>>>>>>>>>>>> •°• <<<<<<<<<<<<

إفحص وسولفلي علـته بهالمصيبه
بيه طلعـن مـن ونـينه شـيبه شيبه
ومــا اريــدنّك تـگـلـي مـالـه طـيبه
سوي كلشي اليصح بيدك يا طبيبه

ويهون المصاب من يفشى الصواب
ومتضل دمعه هماله
هــاي الطـبـره چتّاله
لو يرجــــع يطيب

ـــــــــــــــــــــــــــــــــــــــــــــــــــــــــــــــ

مـــن اشـوفه سـالـم آنا يزيل هـمـي
هـــذا ابـوي البي اشمّـن ريحـة أُمـي
انـي احــسّـن بالامــان وهــوه يـمـي
وشوفته كلها ضـــوه وفراگه يعـمـي

بفـراگـه الـحـياة تـشـبـه بالمـمـات
يامن تعرف احواله
هـاي الطبره چـتّاله
لو يرجع يطيب

ـــــــــــــــــــــــــــــــــــــــــــــــــــــــــــــــ

بعده جـرح أُمي الزچـيه بيه ما طاب
ولسه دمـها اتخيّله ابحايطـنه والباب
يا طبيبه اشلـون لو ما طاب الصواب
وراح ابو اتراب ودفنته ابنص التراب

شيحمله العذاب لـو والدنه غاب
شيصـبرهم اعياله
هاي الطبره چتّاله
لو يرجع يطيب

ـــــــــــــــــــــــــــــــــــــــــــــــــــــــــــــــ

الـعـنـده أب ابدنيـتـه للـــــدنـيا يهــوه
واللي مـــاله بيها أب كلـــشي متـسـوه
الابـو خـيـمـه عــــلـى اعـــيـاله ابعـلوّه
هـــوه كـلشي وما يعوضـه غـــير هـوه

وانا العنـده ابـو مـا مـثـلـه اكـو
تعرف زوده وافعاله
هـاي الطـبـره چتّاله
لو يرجع يطيب

ـــــــــــــــــــــــــــــــــــــــــــــــــــــــــــــــ

آنا وخــوانـــي ابـطــــــبـــرته ألـمــــونه
العـذبــــــونه ابـفاطـمـه بــي عــــذبـونه
يا صـــبـر ينـفـعـنه لو ســـــدهن اعيونه
هـذا خــــيمتنه الـچـبـيـره هـــذا ابـــونه

ابو گلب الحنون افراگه ما يهون
اشلون الفاتحه اقراله
هـــاي الـطـبـره چتّاله
لو يرجـع يطيب

ـــــــــــــــــــــــــــــــــــــــــــــــــــــــــــــــ

يا طبيب اعليه بقت تبــچــــي اليـــتامه
ربنه يـكــون ايرجـعـــه ليهم بالـســـلامه
چــــان ينطـيهم عـلي شـــــربه وطـعامه
اعليـهم ابجـــــرحه الزمـــن سدد سهامه

بيتامـه اشيصـير لو راح الامـيـر
چانت تفرح ابجـاله
هـاي الطبـره چـتّاله
لو يرجع يطيب

ـــــــــــــــــــــــــــــــــــــــــــــــــــــــــــــــ

احنه اهـل البيت هـمـنـه يـصـعـب اهـواي
اليوم ابــــوي وباچــر السم يگطع احشاي
والمصـيـــبـه الينــذبـح ضـامــــي بلا ماي
وجـثّته اتـضــــل بالشمـس وبـعازة افـياي

حسين يضل غريب عالغبره وسليب
الخيل اطّشر اوصاله
هــاي الـطـبـره چتّاله
لو يرجـع يطيب

ــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

مـيـمـر . استشهاد الإمام الكاظم ع
ـــــــــــــــــــــــــــــــ

عـالـكاظم ابدمع الـعـين
ننـصـب عـزانه الليله

×××××××××××××××××××××

ننـصـب عـزانه ويـعـتـلي مـبـچـانه
والزهـــره عالـــكاظـم تنــوح اويانه
والمهدي حاضرنه بدمـــــوع احزانه

نقره لمصاب المضلوم
البالسم تهدّم حيله

ـــــــــــــــــــــــــــــــــــــــــــــــــــــــــــــــ

بالسم گضه الكاظم يويلي ومسجون
وبي چابو احفاد السقيـفـه ايـعـذبون
إدعـــو يـشـيـعه الله يـلـعـن هـــارون

باللّعن كل إحنه اليوم
يا شيعه خل ندعيله

ـــــــــــــــــــــــــــــــــــــــــــــــــــــــــــــــ

قصة حياته الطفل من عدها ايشيب
ابنص السجن عمره خلص والتعذيب
وضل جـرحه بينه وللابـد لا ميطيب

شيطيبه جرح المسموم
بينه وبعد شيشله

ـــــــــــــــــــــــــــــــــــــــــــــــــــــــــــــــ

مــــات ابغـرب وبســـم تگطع چـبده
لا اهـــل عـنــده ولا گـــــرابه عـنـده
إستشهد الــكاظم غـــريـب الـوحـده

فوگ الجسر ضل مطروح
نعشه منوه ايشيله

ـــــــــــــــــــــــــــــــــــــــــــــــــــــــــــــــ

چـــانــت دمـعـتـه بالـسـجـن هـمـاله
يبـچـي اعله جـــده المنـذبـح وعياله
الضل جسمه فوگ الغبره محـد شاله

حسين الذبيح العطشان
القصة مصابه اطويله

ـــــــــــــــــــــــــــــــــــــــــــــــــــــــــــــــ

اشما مر مصاب اشما جره اعله العتره
يبقـى اشـد واصـعـب مصاب الزهـــره
وامصيبة الــراحــــن سـبايه واســــره

المد ايده وآذه النسوان
،،،،، يوم الحشر يا ويله

ـــــــــــــــــــــــــــــــــــ

لخادم الحسين ع الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ

استشهاد الامام الكاظم ع .
ـــــــــــــــــــــــــــــ

لسان حال الامام ع
ــــــــــــ

من سجن السجن عمري گضيته
وبآخــر ســجـن مـوتـي لــگــيته
ومن كثر العذاب الصـار بيه
حيطان السجن ناحت عليه
وبآخــر سـجــن مـوتـي لـگــيته

===================

آنا الـكاظـم المضلـوم
آنا الـكـثرة اهـمـومي
گضّيت العمر مسجون
واتنطّر يصـل يـومي
دومي ما عشت مرتاح
عشت ابـونتي دومي
صار الحزن والتعذيـب
والحـسـرات مفهومي

آنا الـدوم انـــــوح ودمـعـي بالـعـين
العمتي زينب ابچي وجدي الحسين
واعـلـيـهـم اون ونه خـفـيه
حيطان السجن ناحت عليه
وبآخــــر سـجـــــن مــــوتي لـگيته

ـــــــــــــــــــــــــــــــــــــــــــــــــــــــــــــــ

تعـبني الـزمـــان اهـواي
بيـد اعـداي خلاني
سجنوني بسجن هارون
صار السندي سجاني
ما عنـده رحـــم يا ناس
حـيل ابسـجـنه اذاني
يعـذبنـي صفه كل يـوم
لحـد مـا غـيّـر الواني

سـجـــــاني ابـــد مـا عـنده رحمه
اگـباله اعـلـيه يغـمـى ومــــا يهمه
ابگلبه اشگد حقد ما حن إليه
حـيطان السجـن ناحـت عليه
وبآخـــر سجـــن مــــوتي لـــگيته

ـــــــــــــــــــــــــــــــــــــــــــــــــــــــــــــــ

اوياي السنـدي ابـد مـالان
ابسـجـنه هــوايه لوعني
اصـيح ارحمني يالسـجان
وابـد ما چـنه يسـمـعـني
ويـضـيـگ الـهـوى مــرات
وخـنـگة صدري تـفـجعني
واجي اشتم الهوى بالباب
ويجيني السندي يدفعني

ويسـطــرني ويـــــرد يــــزداد هـمـي
اذكــر يـوم سـطـرو فـــاطـــمـه أُمـي
واگعد وانحب اعله امي الزچيه
حـيـطان السـجـن ناحــت عليه
وبآخــــر سجـــــن مـــــــوتي لگيته

ـــــــــــــــــــــــــــــــــــــــــــــــــــــــــــــــ

اني اول سجـين ايعيش
لـــكـن هــو مـسـتـشـهـد
چن گـبري سجـنهم صار
وچـنـي ابـلحـدي متوسد
يومـيه يـجـيـني الـموت
وبـروحـــي غــده يـگـعـد
غريب وبالسجـن ضليت
ومــا واحـد عَـلَـي ينـشـد

الغـربه والالـم والـهـم والاحـــزان
سـوّنــي اشـكـثـر يا نـاس كـبـران
ضلـت عايـشه اويـاي الاذيه
حيطان السجن ناحت عليه
وبآخــــر سجـن مــــــوتي لـگيته

ـــــــــــــــــــــــــــــــــــــــــــــــــــــــــــــــ

مچتوف بحـديــد اهواي
وتجري بلوعه دمعاتي
ومن هـالـمـوقـف تأذيـت
وزادت بــيـه ونّـــــاتي
اذكــر مـن مـشـن للـشـام
مـــچــتـوفات عـمـاتي
وينـهـد حـيلي بالتـفـكـير
بالطـف تبدي حسباتي

افـكـر بالحـــرم لـمـن سبــوهن
وبديــــوانهم مـــــن دخـلـوهن
سبيه گامـت اتـلـوذ ابسبيه
حيطان السجن ناحت عليه
وبآخـــر سجــن مــــوتي لگيته

ـــــــــــــــــــــــــــــــــــــــــــــــــــــــــــــــ

ما ابـچـي اعله حـالـي لا
ودوم اعيوني سچابه
ابچي اعلل گضه عطشان
ومـنـه سـلـبـو اثـيـابه
مسجـون ولساني ايصيح
آيـــحـسـيـن ومـصـابه
والچـتله وسبي النسوان
نـار ابــــگـلـبـي لــهّـابه

اشما اعطش تهيچ ابگلبي الجروح
وسلام الله اگـولـن على الـمـذبـوح
جدي السحگته خيل اعوجيه
حـيطان السجـن ناحـت عليه
وبآخــــــر سجـــن مـــــوتي لگيته

ـــــــــــــــــــــــــــــــــــــــــــــــــــــــــــــــ

موتي بالسجن من حان
محـد ربـعـي خـبّـرهُم
الشيعه عالامـــل باقين
سـالـم رادو اوصـلـهُم
يوم الجُـمعه ما يـدرون
اجـنازه ايطلعوني إلهُم
ونتـلاگه بجـسـر بـغـداد
ونشعي اهوايه يهظمهُم

لـــكـن شـيـعـتي اتشيّعني باچر
وجسمي ما يضل تحت الحوافر
آه اعلل بـقـى بالــغـاضــريه
حيطان السجن ناحت عليه
وبآخـــر سجـن مــــــوتي لگيته

ــــــــــــــــــــــــ

لخادم الحسين الشاعر /
سيد محمد السعبري .

https://t.center/ashggjd
ـــــــــــــــــــــــــــــــــــــــــــــــــــــــــــــــ