Oʻzbekiston Yozuvchilar uyushmasi Surxondaryo viloyat boʻlimi

#Фикримни_уйғотган_китоб

   Ўзбекистон халқ ёзувчиси Шукур Холмирзаев ижодининг илк давридан то умрининг сўнгги дамларига қадар ҳикоя, роман, қисса, эссе, драматик асарлар ёзиш билан бир қаторда адабиёт, санъат, адабий жараён, миллий қадриятлар, маънавият ва маърифат бобида мақолалар ёзиб, жамиятнинг бир зиёлиси сифатида ўз қарашларини билдириб келди. Китобхонларга илк бор жамланган ҳолда тақдим этилаётган мақолалар, суҳбатлар, адабий ўйлар,  қайдлар турли йилларда ёзилган бўлишига қарамай, улар айтилган фикр ва қарашларнинг давр синовларига бардошлилиги, замонавийлиги, ҳаққонийлиги, тўғрилиги ва умрбоқийлиги билан ажралиб туради.
   Ушбу мақолаю суҳбатлар, адабий ўйлару қарашлар ҳам адибнинг бадиий асарлари каби ўз китобхонларига маънавий баркамоллик сари интилишларида кўмак бўлишига ишонамиз. 

https://t.center/Surxonadabiyoti

Ўзбекистон Ёзувчилар уюшмаси аъзоси, таниқли шоир Йўлдош Мирзаев ижоди

👇👇👇👇
https://telegra.ph/Uyushma-azolari-izhodidan-01-03


Каналимизга аъзо бўлинг
https://t.center/Surxonadabiyoti

#Сурхон_ёшлари_публицистикаси

Шукур Холмирзаев нега катта ижодкор, катта шахс бўлганлар? Ҳатто бир романни ёзиб тугатиб оловга ташлаганлар. Қониқмаслик ҳисси, адабиёт олдида масъулият ҳисси шу қадар. Бугун биз битта ёзилган ишни эълон қилмасдан неча кун таҳрирлашга қўйиб қўя оламиз? Жавоб беришимиз қийин...

Кейинги масала: Биз нималарнинг ортидан югуряпмиз? Ахир энг кўп ўйлаётган, энг кўп вақтимиз ва эътиборимизни сарфлаётган нарсаларимизга айланиб борамиз... Устоз айтганларидек: "Ким умр бўйи пулнинг изидан қувса, умр бўйи пул етишмовчилигининг ичида ўтади"...

Бугунги адабиётнинг фожеаси нимада? Нега устоз шогирдлик анъанаси анча оқсаяпти? Ахир ижодкор ўзи билган нарсани фақат ўзиники деб билиши керакми? Бу саволларни сиз ҳам ўйлаб кўринг...

"Илҳом" клубининг бу галги машғулотида катта шахсларнинг адабий эътиқоди қандай бўлганлиги, устоз шогирдлик анъанаси, ҳар бир киши масъулият юкини ҳис қилиши кераклиги, инсоннинг ботиний сири ва тасаввуф, жамиятимизнинг бугунги фожеалари ва ечимлар ҳақида суҳбатлашилди.

Устоз: "Биз илмли деганда жуда тор маънода тушуниб қолганмиз. Аслида илмли сўзига муносиб бўлишимиз учун камида ҳаётнинг 50 қиррасидан чуқур бохабар бўлишимиз керак"лигини айтдилар. Уларни изоҳладилар. Шундай англаш йўлида ҳаммамизни собит қилсин. Охирида олган дуойим эса қалбга яна бир улкан файз бўлди. Раҳмат :)

Лобар Бердиева
https://t.center/Ilhomadabiyoti

#Сурхон_ёшлари_публицистикаси

Ҳатто илм сўзини тор тушуняпмиз ёхуд "Илҳом"даги ўйлар

"Румийга ким ёрдам беради? Румий"... Бу галги клуб машғулотида шу ҳикмат 2-3 маротаба такрорланди. Нега? Чунки, айтилаётган ҳар бир гап тингловчиларнинг насибаси бўлади. Ҳазрати Румийнинг бу фикрлари излаётганларимизга калит бўлди.

Негаки ҳамма ниманидир илинжида, нимадир топиш ёки эришиш кайфиятида. Бу йўлда қандай ҳаракатланиш ёки ким ёрдам берар экан, дея ўйлаш ҳам ичимизда йўқ эмас. Шу учун ҳам бу ҳикмат бежиз айтилмади. Ахир ўзимизга ёрдам бермасак, бошқа нарсаларга даъво қилишимиз бекор...

"Доимий бировнинг етовида юрган одам катта одамга айланолмайди". Устоз айтган бу гап тепадаги мавзуга мухтасар жавоб бўлса керак. Ана энди сўз бошлай...

Ичимизда шундай саволлар борки, унга ким жавоб бера олишини, ўзгалардан сўраш бекорлигини билиб турамиз. Ич-ичимдан йиғилиб юрган саволларим, ўйларим (муболаға қилсам) "Илҳом" машғулотини ўзимдан-да кўп соғиниб юрганди. Шу учунми устозни кўришим билан бир оҳанг, бир бошқача руҳият тўлқинланганини ҳис қилдим. Ахир ҳақиқатлар, чин кўнгил ҳикматлари ҳамма жойда ҳам айтилавермайди...

Ултонтозларни тўрга чиқариб, "Алпомиш зиндондами йўқми, ким билсин, боримиз шу экан", дея ёқамизни ғажиётган бир палламизда сирга етиш учун уринишнинг ўзи жасорат...
https://t.center/Ilhomadabiyoti

Fikr va muhokamaga boy mashgʻulot

Oʻlkamizda ziynatlangan qish fasli. Hademay 2025-yil ham eshik qoqib kirib keladi. Nazarimda qish faslini, oppoq qorlarni yoqtirmaydigan odam kamdan-kam uchrasa kerak.

2024-yil 24-dekabr kuni Qumqoʻrgʻon tumani Nuroniylar maskanida "Ilhom" adabiy klubining navbatdagi tadbiri boʻlib oʻtdi. Ijodiy kechani Oʻzbekiston Yozuvchilar uyushmasi aʼzosi, Surxondaryo viloyati boʻlimi rahbari Mengnor Ollomurodov olib bordi.

"Ilhom" adabiy klubida yosh ijodkorlar qatori "Jahon jurnalistlar uyushmasi" aʼzosi shoir Jumanazar Anorov ishtirok etdi. Ustoz oʻzining qor parchasi haqidagi yangi sheʼrini oʻqib berdi. Shu bilan bir qatorda "Ilhom" adabiy klubining tashkil etilganligi tarixi haqida faktlar keltirib oʻtdilar.

Suhbatga Toshkentdan kelgan talaba qizlarimiz oʻz fikr va mulohazalari bilan oʻzgacha fayz kiritdi.

Qumqoʻrgʻon tumani "Maʼnaviyat va maʼrifat markazi boʻlimi" mutaxassisi Aziz Karimov tashrif buyurgan barcha mehmonlarni kirib kelayotgan yangi yil bayrami bilan tabrikladi. Tadbir yakunida Surxondaryo viloyati boʻlimi rahbari ustoz Mengnor Ollomurodov mashgʻulotda qatnashgan barchani kirib kelayotgan yangi 2025-yil bilan tabriklab, kitoblar sovgʻa qildilar. Ijodiy suhbatlar, mushohadalar va koʻngil kechinmalari jam boʻlgan bu kabi daqiqalar davomli boʻlsin.

✍ Zumrad Abrayeva
"Ilhom" adabiy klubi aʼzosi

https://t.center/Ilhomadabiyoti

Ijodda erkinlik, did, jur’at uyg‘unlashsa natija qanday bo‘lishini ko‘rsatdi – Murod Muhammad Do‘st kinodramaturgiyasi haqida

“Katta odamlar uch xil bo‘ladi, – deydi film qahramonlaridan biri Murodxon aka (Bahodir Yo‘ldoshev) – amali bilan katta odamlar, mol-davlati bilan katta odamlar va o‘zi katta odamlar”.

Batafsil: https://oyina.uz/uz/article/3312

Rasmiy sahifalarimiz👇

Telegram | Instagram | X | YouTube

Ўзбекистон Республикаси Президенти Шавкат Мирзиёевнинг Ўзбекистон халқига Янги йил табриги
—
Новогоднее поздравление Президента Республики Узбекистан Шавката Мирзиёева народу Узбекистана

Prezident.uz|Facebook|Instagram|YouTube|X

O‘zbekiston Respublikasi Prezidenti Shavkat Mirziyoyevning O‘zbekiston xalqiga Yangi yil tabrigi
 01.01.2025
Muhtaram vatandoshlar!
Siz, azizlarni, ko‘pmillatli O‘zbekiston xalqini yangi – 2025-yil bilan chin qalbimdan muborakbod etaman.
Jahondagi murakkab vaziyatga qaramasdan, o‘tayotgan yil mamlakatimiz uchun qutli va barakali bo‘ldi. Buning uchun har qancha shukrona aytsak, arziydi.
Mehnatkash xalqimizning fidokorona mehnati, siyosiy-ijtimoiy faolligi bilan Yangi O‘zbekiston g‘oyasi real voqelikka aylanmoqda.
Oliy Majlis va mahalliy kengashlarga bo‘lib o‘tgan saylovlar demokratik islohotlarning yangi davriga qadam qo‘yganimizni yana bir marta tasdiqladi.
Yurtimizda yuqori texnologiyali yangi sanoat majmualari, infratuzilma va logistika tarmoqlari, avtomobil va temir yo‘llar barpo etildi. Biznes, IT va turizm sohalari izchil rivojlanmoqda. Aholi daromadlari va turmush sifati oshmoqda.
Mirishkor dehqon va fermerlarimiz, klasterlarimiz ishchi-xizmatchilari mardona mehnat qilib, mo‘l hosil yetishtirdilar.
Yangi uy-joylar, bog‘cha va maktablar, oliygohlar, madaniyat va sport maskanlari qad ko‘tarmoqda. Yurtimiz tobora obod qiyofa kasb etmoqda. Minglab yurtdoshlarimiz Yangi yilni yangi uylarda kutib olmoqda.
Bilimli va shijoatli, navqiron yoshlarimiz ulkan yutuqlarni qo‘lga kiritmoqda. Ayniqsa, Olimpiya va Paralimpiya o‘yinlarida erishilgan rekord natijalar milliy sportimiz tarixida yangi sahifa ochdi.
Fuqarolik jamiyati institutlari, xususan, mahallaning roli va ta’siri kuchaymoqda. Ma’naviy yuksalish jarayonlari hayotimizda yangi kuch, yangi harakatga aylanmoqda.
Global ahamiyatga ega tashabbuslarimiz jahon hamjamiyati tomonidan qo‘llab-quvvatlanmoqda. Xalqaro maydonda O‘zbekistonning raqobatbardosh mamlakat, ishonchli hamkor sifatidagi obro‘-e’tibori yuksalib bormoqda.
Hech shubhasiz, bularning barchasi diyorimizdagi barqarorlik, do‘stlik va hamjihatlik natijasidir.
Bugungi shukuhli oqshomda siz, azizlarga, olijanob va bunyodkor xalqimizga halol mehnatingiz, ona yurtga sadoqatingiz uchun samimiy minnatdorchilik izhor etaman.
Qadrli do‘stlar!
Biz 2025-yilga mamlakatimizda Atrof-muhitni asrash va “yashil iqtisodiyot” yili deb nom berdik. Asosiy maqsadimiz – inson va tabiat muvozanatiga asoslangan tizim yaratishdir.
Yangi yilda biznes uchun yanada keng imkoniyatlar yaratiladi. Xususiy mulk daxlsizligini ta’minlash, xorijiy investitsiyalarni faol jalb etish ishlarini qat’iy davom ettiramiz.
Ijtimoiy sohalar, ish haqi, pensiya va stipendiyalar, nafaqalar miqdorini oshirish e’tiborimiz markazida bo‘ladi.
Farzandlarimizning zamonaviy bilim va kasb-hunar egalari, barkamol bo‘lib tarbiya topishlari uchun bor kuch va imkoniyatlarimizni safarbar etamiz.
Ilm-fan, ta’lim, sog‘liqni saqlash, madaniyat va san’at, sport sohalariga e’tibor yanada kuchaytiriladi.
Muhtaram faxriylarimiz, xotin-qizlar va yoshlarga g‘amxo‘rlik qilish, ijtimoiy himoya samarasini oshirish ustuvor vazifamiz bo‘lib qoladi.
Qurolli Kuchlarimiz salohiyatini mustahkamlash, harbiy xizmatchilar va ularning oila a’zolarini qo‘llab-quvvatlash ishlarini yangi bosqichga ko‘taramiz.
Muxtasar aytganda, “Inson qadri uchun, inson baxti uchun!” degan olijanob maqsadni barchamiz birgalikda amalga oshiramiz.
Aziz va muhtaram yurtdoshlar!
Barchangizni, chet ellardagi vatandoshlarimiz, xorijiy hamkor va do‘stlarimizni bugungi qutlug‘ bayram bilan yana bir bor chin dildan tabriklayman.
Yangi yil har bir inson, har bir oilaga, jonajon yurtimizga katta-katta yutuq va omadlar olib kelsin!
Hamma ezgu niyatlarimiz ro‘yobga chiqsin!
Yangi yil barchamizga muborak bo‘lsin!

Shavkat Mirziyoyev,
O‘zbekiston Respublikasi Prezidenti

Bayramingiz muborak bo‘lsin!

ЯНГИ ЙИЛ ТАБРИГИ
Қадрли юртдошлар, оловқалб ижодкорлар, адабиёт ихлосмандлари, китобга ошно кўнгиллар, барчангизни юракларимизга пок орзулар, нафис туйғулар ва улкан мақсадлар рўёбини жамлаган янги йил билан табриклаймиз!
Мана 2024-йил ҳам ортда қолди. Ўтган йили эришолмаган ютуқларга, энг эзгу орзу-ниятларга 2025-йилда эришингиз!
Доимо иззатда, ҳурматда, обрўли бўлиб юринг. Ҳамиша оилангизда меҳр-оқибат, севги-муҳаббат, бахт-саодат гулласин! Фарзандларингиз сизга фақат раҳмат, ҳурмат, олқиш олиб келадиган етук инсонлар бўлиб етишсин!!! Оллоҳим ота-онангизнинг умрларига умр, соғликларига соғлик қўшсин. Юзларида қуёш чарақласин!!!
2025-йил адабиёт учун кўнгилли келсин. Навоийона асарлар яратингиз. Бугунги давр Алпомишлари, Отабек ва Кумушбибилари ҳақида абадий яшайдиган шеърлар, достонлар, қисса-ю романлар ижод қилингизлар.
Келаётган янги йил оилаларимизга бахт, омад, тинчлик, хотиржамлик олиб келсин!!!
Янги йилингиз муборак бўлсин.

Ўзбекистон Ёзувчилар уюшмаси
Сурхондарё вилоят бўлими
https://t.center/Surxonadabiyoti

Ассалому алайкум! Азиз ижодкорлар! Адабиётга ошно кўнгиллар, эшитмадим деманглар!

   26 декабрь куни, яъни эртага соат 11:00да Қумқўрғон туманидаги “Наврўз” боғидаги “Маънавият маскани”да Ўзбекистон Ёзувчилар уюшмаси Сурхондарё вилоят бўлими қошида ташкил этилган "Илҳом" адабий клубининг навбатдаги машғулоти бўлиб ўтади.

Бунда:
— Илҳом адабий клуби янги йил сони.
— Бу йил Илҳом ижодкорлари учун қандай ўтди.
–  Мушоира.
— Ғолибларга мукофатлар.


Ким учун: Барча учун
Қатнашиш: Бепул
Анжуманни шоир: Менгнор Олломурод олиб боради.
Саҳифа учун масъул: Зумрат Абраева, Донохол Жумаева.

Телефон: +998951732684 Севинч Ашурова

Ажойиб мушоира кечаси бўлиб ўтади.  Ижодий оқшомга барча адабиёт шайдоларини чорлаб қоламиз!

https://t.center/Ilhomadabiyoti

“Surxon oqshomlari”da yangi yil

         Qishning ayozli kunlari. Yangi yil shukuhi kirib kelayotgan vaqt. Bizning ko’nglimiz olovqalb ijodkorlarning she’rlarini eshitgisi keladi. Chechaklar ochilgan gulg’unchadek har tarafga kulib boqadigan chehralar kishini zavqlantiradi, ular aytgan she’rlar gavhar donalaridek quyoshning nuri tushgan zahoti olam nurlariga rang kirgandek bo’ladi.

         Termiz shahridagi Matbuot uyida O’zbekiston Yozuvchilar uyushmasi Surxondaryo viloyat bo’limi tomonidan “Surxon oqshomlari” mushoira anjumani yangi yil tadbiri bo’lib o’tdi. Yakunlangan yil davomida O’zbekiston Yozuvchilar uyushmasi a’zolari faoliyati, ularning yil davomidagi uchrashuvlari, davra suhbatlari, ijodkorlarga berilayotgan imkoniyatlar, ularning samarasi esa yoshlarning chiqarilayotgan birinchi kitob loyihalari haqida fikrlar bo’lib o’tdi. Anjumanda O’zbekiston Yozuvchilar uyushmasi a’zolari: Yo’ldosh Mirzayev, Haydar To’rayev; “Jayxun” klubi a’zolari: Norto’ra Ergashev, Otabek Berdiqulov, Sarvinoz Amirxonova, Azizbek Eshdavlatov, Jasurbek, Dilnavoz Shafoatova, Farangiz Qodirova, Jasmina Saidahmatova, Abduxoliq aka Quvvataliyev va boshqalar ishirok etishdi. She’rlar o’qildi, tabriklar aytildi. Shundan so’ng yil davomida ijodda faol bo’lganlarga O’zbekiston Yozuvchilar uyushmasi Surxondaryo viloyat bo’limi tomonidan diplomlar va durdona kitoblar sovg’a qilindi. Tadbir ko’tarinki ruhda va yuksak saviyada o’tkazildi.

Muzaffar Qurbonov,
O’zbekiston Yozuvchilar uyushmasi
Surxondaryo viloyat bo’limi adabiy xodimi
https://t.center/Surxonadabiyoti